半笑伴唱
2023-07-20 17:05:20
:咁多人都你唔啱...?
:點解你鐘意我, 鐘意我d乜呀?
M小姐聽完我講交友app故事
就問我呢條每個男人都會面對到嘅問題
我係有諗過呢個畫面, 亦認真諗過呢個問題
M小姐對於我係咩?
我承認一開始係比佢嘅外貌身材吸引
但之後吸引我嘅, 好快已經係性格行為
識耐咗發覺佢係一個好單純好直接嘅女仔, 此其二
第三, 對其他狗公類嘅異性好明顯保持一定距離
呢一點, M小姐開過ig 比我睇, M小姐ig dm好多, 但佢最後覆一句, 兩句, 然後就沒有然後
wtsapp亦然
最後, 我覺得M小姐算係幾鐘意我, 愛係雙向
只有我單戀嘅話, 我應該走唔到咁長遠, 呢個都係事實
:我鍾意...同你一齊有舒服自在嘅感覺, 可以做自己
:我鍾意你係你
:我鍾意你鍾意我
我思考一陣之後, 講出簡單三條總結
M小姐聽到之後, 莞爾一笑, 好似有嘢講但又無講
:咁你呢, 你都講過鐘意我, 咁鍾意我d咩?
我趁機提問, 我都好想親口聽一聽
: oh sorry, 我無諗住同你講啵
M小姐調皮咁講, 依然帶住甜甜笑容
:咪唔好講, 反正我知
輸人唔輸陣, 我學佢扮調皮tone
M:你唔會知囉
:我知
M:你點知?
:32歲嘅直覺
: 吓?
M小姐目定口呆, 又瞪一瞪我
:咁你講嚟聽下? 講中咗你今日做乜都得
M小姐個樣充滿自信
:我勸你收番呢句, 如果唔係會後悔
我好認真擰一擰頭望住M小姐講
:你...咪講囉...
M小姐俾我認真嘅眼神嚇一嚇, 好似有啲遲疑
:依家縮仲得喎, 做乜都得?
我一路揸車,一路笑
實際我係用激將法
:唔~縮 ~呀! 我唔會比你呢個古惑仔呃到
M小姐又微微嘟起個咀, 甚是可愛
:咁我講, 你聽住啦喎
:提多你一次, 做咩都得
我已經笑到見牙唔見眼
半笑伴唱
2023-07-20 19:58:29
M小姐由一開始好有自信
變到有d動搖, 然後自己都忍唔住笑
:真係喎, 做咩都得?
我再問
:係呀, 你講啦, 好煩呀
M小姐個樣由笑變為平靜, 似係已經有心理準備
:你..一開始會搵我傾計, 又或者話, 你唔抗拒同我接觸, 係因為我生得似你中學暗戀嘅師兄, 個feel? 連髮型都似呀嘛
M小姐嘟起個嘴, 又嬲又想笑, 仲有d無奈
:哦, 原來係有人賣咗我比人
:你比咗咩著數Hera?
:無呀, 介紹咗兩個fd比佢, 好似有個依家真係傾緊計喎
:所以呢, 我係咪可以諗定做咩?
M小姐側過頭望窗, 似係扮
係係扮嬲同唔比我睇佢個樣
:小姐 你依家笑緊, 你知到我睇到倒後鏡㗎可?
我盡量忍笑
M小姐傲嬌擰番過嚟傲嬌咁望住我
: 叻啦, 陸卓謙, 你依家淨係識蝦我
:我係鍾意你先會問你朋友, 你記唔記得我第一次見佢地, 佢地話明白點解你會揀我
:當晚我就已經忍唔住問Hera點解
我解釋
:變態佬...第一日識人就dm人地ig...
M小姐反我白眼
:淨係問你嘅野喳...唔係咁都呷醋仔掛?
我無奈
:唔理你, 恰我
M小姐一直嘟起個嘴未平過
好快, 已經到咗M小姐樓下
一停車, 我已經攬住M小姐錫咗淡
:恰完會錫番, 呢d好男人邊到搵
我打趣道
我發現M小姐塊面紅哂
:唔係...唔關個師兄事...單純你係我會鐘意嘅類型...
:佢地未見你之前, 我純粹用一個大家都識嘅人嚟影容你喳, 我一早唔鐘意果個人
M小姐好急咁解釋
M小姐係驚我呷醋..?
原來係我爆佢秘密令到佢有呢方面嘅不堪
忽然覺得自己好衰
我內心忽然一股甜意湧上心頭
:我都無嬲...我唔介意你以前鐘意邊個...honestly
:每個人都有歷史㗎啦, 你太睇少哥哥嘅成熟程度
講完我摸一摸M小姐個頭
:傻妹
:等你落嚟呀
:慢慢等啦, 衰人
M小姐一秒變番傲嬌, 順手落車
:哦, 咁我諗吓今日有咩想做啦
我見到M小姐聽到後有少少忍笑
然後望住佢身影進入大廈