半笑伴唱
2023-07-23 12:26:28
我Like 完張相再留CM
:「love u my babe🥰」
好快就收到M小姐wtsapp
:「肉麻」
:「對住你我嘅肉麻無盡頭😬」
我覆
M:「咁對住我好啦🙂」
:「要不然? 我家寶豬成日亂諗嘢」
M:「聽日幾點嚟」
:「掛住我? 咁我早d過嚟😚」
M:「講到得我掛住...」
「😢」
:「我見唔到你果刻已經好掛住啦, 幾唔想比你番屋企」
「😩」
M:「聽日陪你啦 bae🐻」
:「我女朋友仔今日勁靚女, 搞到我依家仲心如鹿撞😵💫」
M:「🥰」
「你鐘意就好, 琴日諗咗好耐著咩衫」
「你今晚臨瞓可摸耳唱歌比我聽呀 👉🏻👈🏻」
:「sure☺️」
好似返番去大學果時嘅拍拖咁
臨瞓要傾下電話, M小姐瞓前打比我
問下對方邊做緊乜
有無掛住 有幾掛住
呢d無乜內容嘅開場白, 但對我嚟講已經好甜
其實就咁聽到把聲都已經好sweet
: bae, 你電話把聲好好聽...好耐之前已經想講
M小姐無啦啦咁讚一讚, 我都唔太識反應
:咁...我係咪應該轉行去做電台DJ?
我亂噏
:唔制, 咁咪好多人聽到...淨係我聽就夠
M小姐電話果頭傳嚟嬌嗲嘅聲線
其實我係有聽講呢個講法
我有客係讚過我電話聲好聽
之後就係事無大小都打比我...好彩已經轉咗比第個跟
:咁我淨係直播比你聽 我嘅電台節目
:係, 時間嚟12點正, 歡迎嚟到陸仔嘅特別音樂節目 『耳朵不設防』~
:我地電話裡頭已經有一位女聽眾, 指名要我唱歌氹佢瞓
我chok起電台DJ 聲, 向M小姐1on1直播
:好似呀...真係, 咩料呀
電話傳嚟M小姐歡愉嘅笑聲
聽到M小姐咁開心
就算行為係癡線, 都值得
:今晚為你帶嚟嘅係 《簡口愛》
「....
牽著妳的手 一陣莫名感動
我想帶妳 回我的外婆家
一起看著日落 一直到我們都睡著
我想就這樣牽著妳的手不放開
愛能不能夠永遠單純沒有悲哀
我 想帶妳騎單車
我 想和妳看棒球
想這樣沒擔憂 唱著歌 一直走
....」
周杰倫, 由細聽到大, 係最愛
:好聽喎...
:你有諗過去造星?
M小姐又無啦啦問一條我諗過嘅問題
:你知我唔鐘意咁高調, 完全無興趣...
我答
:好彩你無呢個諗法,如果唔係就...
:無一個入行仲會要原本嘅女朋友...渣男...
M小姐認真mode咁點評, 聽得出有d嬲
:我就算去到火星, 我都唔會掉低你
:陸卓謙講嘅
我認真咁諗一諗, 唔覺得自己係咩環境之下會咁做
:um...我唔想去火星喎...
M小姐笑住覆
:歌都聽咗啦, 早d訓啦, 小姐
:聽日9點嚟接你食早餐
我話
我哋拍拖後第一個睡前電話就咁結束
明顯同之前好唔同...我哋從來無試過係電話sweet
大家都放開哂嚟講
臨瞓, 我仲係覺得好唔真實
今日係好夢幻嘅一日3字頭仲好似中學生初戀
第一晚我竟然興奮到失眠...