半笑伴唱
2023-07-22 09:47:14
我見落船已經點幾鐘
就直接帶M 小姐去一早揀嘅餐廳
講真自己都好耐無嚟
M小姐更加係相當雀躍, 未去到餐廳前已經拉住我周圍睇周圍望
睇嚟帶佢嚟係正確嘅決定, 始終都係一個小妹妹
係島上,基本所有嘢都係由M小姐話事
去邊, 食咩, 睇咩, 買咩
過程入邊, 我哋長時間都係拖住手一齊行
去到接近傍晚, 無咁曬嘅時候
我帶M小姐去到洪聖爺泳灘
果然已經有唔少人係到準備睇日落同玩水
我哋行出石灘位置, 搵咗個位坐底
夕陽嘅金黄餘暉映照係遠處海平面上
橙紅天空之下, M小姐顯得更加迷人
今日全下都幾乎見到M小姐笑容滿臉
面若桃花, 白裡透紅
:你今日好靚...
我忍唔住伸手去摸摸M姐臉頰
:淨係得今日喳?
M小睡妖豔咁對我笑咗一笑
:係我心目中你永遠最靚
我情深望住M小姐
:「吻下去 便確定我共你
能同生 能同死
趁渡假 覓勝地我共你
能從此 一起」
:做咩...今日咁sweet...
M小姐細細聲怕醜咁講, 塊臉比之前更紅
:因為...我愛你囉
我堅定咁講
「......」
M小姐眼神轉望其他地方, 但仍然睇到佢嘴角微笑
:係呢, 我係唔係今日做乜都得, 你會應承?
我認真咁問
:你...你講啦
M小姐無奈咁笑咗
:坐上嚟我大髀
我講到
:吓..?
M小姐明顯黑人問號
我拍一拍大髀, 示意佢坐上嚟
M小姐一臉無奈, 但仍然笑笑口
好似覺得我有咩不軌意圖
佢緩緩起身, 再係我攙扶下側身坐落嚟我到
M小姐柔軟嘅屁股觸感隨即隨嚟我到
由於我著棉褲, 呢種觸感相當明顯
:唔...唔重咩..?
M小姐擔心咁問
:你坐係我度就得...我有嘢要比你
講完, 我拎黎背囊搵到一早準備好嘅禮物
半笑伴唱
2023-07-22 10:28:35
M小姐好奇望住我
:送俾你
我遞過禮物
M小姐接過包裝袋, 小心打開禮盒
入邊係一條手鏈, 係classic 珠珠款
:做咩送我Tiffany..? 咁貴重...
M小姐表情係又驚又喜
:我覺得好襯你, 所以送俾你
:之前你都送咗我咁貴生日禮物, 唔通我唔可以送番比你咩
我解釋
:點同...因為係你生日
M小姐望住我
:我女送俾你係唔駛原因, ok?
我霸道mode, 拎起條鏈, 強行為M小姐戴上
:真係好襯你...
我認真覺得係好襯, 特別係M小姐皮膚白,我覺得條鏈放係佢手上有upgrade到
:多謝...
M小姐低頭怕醜咁望住我
我攬全M小姐條腰, 一手摟過佢頸, 將M小姐頭部引過嚟
我哋好自然咁嘴對嘴接吻
係夕陽下, 眼前瞇埋雙眼比我錫緊嘅M小姐
係我覺得人生見過最靚嘅畫面
我哋越吻越忘我, 好似完全唔記得附近有其他人, 有其他嘅情侶
是旦, 理得佢哋
良久, 我放開M小姐
M小姐面紅耳赤, 塊面係燙手
:小姐, 借問聲...你準備好做我女朋友未?
我見氣氛已到達一個位, 鼓起勇氣問
M小姐身到後異常平靜
:其實...我都諗咗好耐..
:你...都知其實我哋相處已經同一齊無分別
:我覺得自己依家唔可以無咗你...呢個就係我最大感受
:你...都準備好?
:準備好d 咩? 你指你嘅重量定食量? 準備好啦
我幽佢一默, 暗嘲M小姐最近食多咗嘢, 重咗d
事實上啱啱識佢果時係有d瘦, 佢有講過係分手搞到自己無食野
依家剛剛好, 生番d肉
「啪」
:唔係呀! 我係話接受到依家嘅我...你知我...未係100%嘅自己
:咁你鐘意我嗎?
我認真想知
:..愈黎愈鐘意...愈嚟愈離唔開你...
:所以好驚...你會抌低我
M小姐講完又眼濕濕
我攬住M小姐, 一隻手捉住佢隻手
:我講過永遠係你身邊
M小姐靠落嚟我膊頭, 依偎係我懷抱之中
我攬住佢, 攬得實一實
:男朋友你好, 我叫陳寶媛, 多多指教
:女朋友你好, 我叫陸卓謙
:我會錫住你, 唔比你傷心
:係你先好講
:咁小女子就交比你啦
M小姐嬌柔係懷中講到
我攬得更實
好好感受身上M小姐嘅重量
我知道我承載嘅係責任
我暗咐自己要對M小姐更好