半笑伴唱
2023-07-22 22:20:03
:先生, 攬還攬, 你果到想點
M小姐挪動一下坐喺我大髀上嘅pat pat
示意有股下有異物蠢動
:小姐,你知唔知你條裙好薄?又坐到咁應...
我無辜樣
:又唔關你事? 咁幾時先關你事?
M小姐順口噏
我擘大隻眼呆一呆
好快, M小姐就意識到佢講錯嘢
:喂! 唔係, 唔係果個意思..!
:有人一做咗女朋友就直線暗示...學到嘢了
我淫淫笑道
擺明笑佢講錯嘢
「啪」
俾人一手啪落我心口
:都話唔係果個意思!
:咁我哋番屋企啦, 趁天未黑哂
我提議
:咪住, 等我一陣
M小姐係袋拎出手機, 攬住我自拍咗一張相
:係我哋第一次影相...亦都係喺埋一齊第一張相
M小姐滿意咁笑一笑
:搞掂, 我哋走啦
由於我哋一直冇影過相, I mean係同一個畫面一齊出現
我一直無提議一齊影相留念, 記低今日個moment
估唔到係M小姐主動提出
都有少少感謝
我哋趕係未完全天黑上咗船
出到中環已經7點幾
由於M小姐應承咗媽咪要番去陪佢食飯
我就車咗M小姐番屋企
我應承M小姐,搵日會再上去拜訪Auntie
:聽日一再嚟搵你, 女朋友
我對臨落車嘅M小姐講
聽日先再同佢去買日用品
:聽日見啦, 男朋友
M小姐臨走錫左我面一啖
我帶住甜蜜到漏嘅心番到屋企
全程都係到諗沙灘上嘅畫面
好靚, 所有嘢都好靚
果一刻我覺得自己係最幸福嘅男人
番到去,涼都未沖
就見到wtsapp
M :「有人仲未like我IG 」
我即刻打開IG睇
一入到去就見到我同M小姐張相
講開M小姐IG
佢自從分咗手就無update過, 之前睇嘅時候佢ex嘅相仲一直保留, 不過唔多
M小姐多數係放自己同同性朋友嘅相多啲
我好奇click入M小姐profile睇
佢同ex嘅相唔見哂
最新就係update咗我哋合照
caption係 「當日日期 🧡」
個post頭兩個留言就係Hera同Lix
H: 係今日咩😏?
L: 恭喜~~~幾時生呀陸太?😛
我睇到M小姐主動網上認愛
梗係覺得好sweet
我知道咁做代表嘅就係認愛嘅最高級別
昭告天下
至於我...小弟IG一直都係嘢食相...風景相...運動相
ex嘅相當然一早唔存在
我本身都係到諗緊幾時post M小姐上ig
因為一公開等於所有同事都會知
我暫時仲未有心理準備, 主要係班友太煩...
反而M小姐一嘢就公開咗
忽然覺得真係自愧不如