半笑伴唱
2023-07-20 09:40:15
第二日喺假期
我一早起身就攬住M小姐
發覺佢幾鐘意捐落我手臂同身體中間嘅空間到瞓
呢個角度, 啱啱好可以錫落佢額頭
點解個頭可以咁香 我知道女人有體香
但M小姐係好香, 唔識形容
佢由心口到頸鎖骨, 再到頭頂, 呢幾個區域都有唔同嘅香味
當中我最鐘意聞心口, 有一陣令我好安心嘅女人獨有體味...
我見M小姐瞓到好冧
就唔打擾佢, 我輕輕鬆開隻手, 再輕輕落床
準備出去準備定早餐
:去邊..?
係我準備靜靜雞行出房門嘅時候, M小姐輕聲叫停我
有無可能..我已經好輕手輕腳, 咁都整醒到? 我心諗
事後先知, M小姐係對安全感超級sensitive
瞓係我身體同手之間就係因為覺得有安全感
:我去整早餐呀, 你瞓啦, 煮好叫你
我溫柔講道
係煮早餐期間, M小姐已經起咗身
梳洗好就企係我身邊睇我整早餐
:有人好似雞仔, 雞媽媽係邊就跟去邊
我笑M小姐道
期間我留意到 M小姐無帶bra同褲
淨係著我一件白tee加under
件tee size夠大, 足以比M小姐當連身裙著
當然, 件tee僅僅可以遮到佢臀部
一起身就咁誘人...咩事
當然我知道起自己做咗d咩, 個bra同d衫仲浪咗係到
:你理我呀, 我就係鐘意望你做緊咩
M小姐不忿俾我話似雞仔
嘟起個嘴
我摸一摸M小姐個頭
:讚緊你得意
片刻 我準備好今日大家嘅早餐
係自家制all day, 雪櫃有哂我要嘅野
有茄汁豆、太陽蛋、香華腸、椰菜仔、煙肉
同埋M小姐最愛嘅奶醬多
對於鐘意煮嘢食嘅人嚟講, 以上都係濕濕碎
M小姐望住我煮嘢成個過程都係笑笑口咁望住
:有咩可以幫手
佢問
:幫手食
我答
:有人咁熟手...一定有煮過比其他人食啦...
聽得出M小姐有d呷醋嘅意思
:um...以前無依家煮得咁好食喎...
:同埋從此以後都係得一個對象
我唔否認, 講事實
M小姐滿意咁笑住試食咗一啖
成個早餐都睇到M小姐臉上充滿幸福感
佢笑起上嚟, 隻眼好靚...
我諗, 呢個畫面就係屬於我個人嘅小確幸