JPEX 騙局 - 騙徒不停哄你入金及質押JPC

MPF掃盲清潔工 · 2023-05-12T12:06:46+08:00

本身我只係專注強積金，同大家推廣需要揀低成本，被動式及合理份佈市場既重要性。不過由於身邊極度多人掂JPEX呢間極度危險既騙徒平台，仲要勸都勸唔停衝去質押，覺得都係要花少少時間去寫篇長文去分析呢個騙局本文重點 1. JPEX 聲稱會積極申請香港虛擬資產牌照? 有機會嗎? 2. 若JPEX真的入紙申請牌照，現有服務有咩係仲可以玩到? 3. 為何JPEX要JPC升，比大家賺到錢你仲要話佢係雞棚騙局? 1. JPEX 聲稱會積極申請香港虛擬資產牌照? 有機會嗎? 首先第1點，背景係香港將於2023年6月1日會正式施行「打擊洗錢條例」下的虛擬資產服務提供者制度，現有服務提供者可以獲得12個月空窗期去準備申請不過何謂「服務提供者」係有定義的，可以見到你要係香港設立公司，有實體OFFICE，關鍵人員要駐係香港，同埋平台是投入運作兼有一定數目的用戶，呢個就係點解BITGET, BYBIT 趕住係6月1日前要推出香港版，相信就係要搶住符合以上資格。我地睇下JPEX目前呢一刻符唔符合呢個條件 1. JPEX聲稱係杜拜，澳洲營運，從未講過係香港有OFFICE 2. 從未公開過平台老細係邊個，幣安有趙長鵬，BYBIT有賓周，火必有孫宇晨，你JPEX唯有出現既就係係澳洲果件澳洲「演員」高層 3. JPEX在香港活動佢地聲稱係透過慈善基金會進行，係佢最近個捐錢活動，主辦方香港盲人體育總會官網提及有家叫做JPEX Technical Support. Co 捐錢贊助佢地，但係呢間私人公司我係搵唔到資料，而同名公司JPEX Technical Support. Co Ltd已在上年改名做Web 3.0 xxxxx Ltd，究竟佢係用咩身份存在? 受助機構收間不明來歷公司錢是否有做到KYC防洗黑錢呢? 結論: 佢仲有19日時間學BYBIT, BITGET將JPEX分析做JPEX HK，但分析後....我為大家買緊既空氣幣JPC及質押而擔心，咁就引伸到第2點度 2. 若JPEX真的入紙申請牌照，現有服務有咩係仲可以玩到? 我地首先睇下幾張圖，我會再逐點睇下JPEX 而家提供既服務 1. 所謂日本伊藤博士的套利收息活動，目前JPEX提供高達18%呢個高得完全不合理的回報，係發牌空窗期係要BAM，因為根本發牌條件，平台必於將98%的客戶資產線下存放並要做好安全及審計 2. 若申請發牌，JPC幣就100%必須下架，因為在納入代幣準則，必需要考慮資產市值，流通性及交易量。及虛擬資產持倉是否高度集中或由少數個人或實體所控制。按JPC目前幣種排名在#9200位，只有一家所謂「自家平台交易所」有得TRADE，最重要係散客流通量不足5%，單單就咁睇，呢隻垃圾空氣幣就係一種騙局，係絕對沒有可能係發牌後空窗期完結前仲可以生存，佢繼續做海外非法平台仲有生存空間，拎牌同申請我準備收割係一D分別都冇。 3. 目前法例都係話交易平台只可以提供比專業投資者，即800萬以上港元資產人仕，只係話相信1年內會諮詢，有機會改到受散戶玩，但散戶只可以買到「合資格大型虛擬資產」，目前為止即係BTC, ETH, LTC，連USDT, USDC都未必可以過到呢個嚴格標準。 3. 為何JPEX要JPC升，比大家賺到錢你仲要話佢係雞棚騙局? 呢期JPEX 有2個CAP 水活動首先係旗下班垃圾，包括止損東東館，加密豹，肥婆藍屍陳怡，中五學歷都冇既COINER 太太，UNICOIN，袋鼠，都推出所謂用7.69或7.70去引你地用港幣兌換USDT，但必須有2個條件 1. 係用雞棚平台JPEX 2. 係用即場由USDT轉JPC再質押落JPC質押池鎖倉一年第2個CAP水活動就係個質押池2個月就改遊戲規則，用打機貨金開箱既銷售推廣引你班傻鳩再放錢落去，目的就係盡可能有咁長得咁長鎖住你D幣等你提唔到出黎點解佢地要咁急，無非係因為係發牌後，佢地以上操作，以經超過一般場外OTC不需領牌的界線，優惠同JPEX平台綁埋一齊，同你係香港吹雞叫人用etoro炒股一樣，證監冇可能係發牌後坐視呢類行為，將來佢地要做，就只可以好似賣私煙咁偷偷摸摸。所以襯6月1日前，盡可能CAP多最後一水我地最後黎一個好簡單既數學題去解釋JPEX呢個馬多夫式騙場假設有1個傻仔，拎左HK$10000蚊去入金落JPEX，一半錢放係活期USDT收息一半轉左去JPC，我地簡單D唔講鎖倉唔講質押咁一年後，你活期收息收到等值HK$900的USDT，我當JPC空氣幣價格莊家控盤升左1 倍，即係你「賬面」總資產而家有15,900 點解係「賬面」，因為你要提曬出黎先係呢個數，究竟平台有沒有足夠資產BACKUP 呢個數呢? 係JPEC上年拖拖拉拉話提供資產證明，去到今日都仲係提供唔到，而鏈上地址JPEX根本得好少資產係手，即係你「賬面呢個數」係一張音樂椅黎，有人走到有人走唔到。我地返番去上面個例子，一般人心理，你賺到15,900-1000 = 5,900，都好多喎，你都會想走，但係JPEX呢個平台，由第1日開始，就用各種「質押」鎖倉手段去引你鎖倉等你提唔到幣出黎，假設你做左白痴仔將JPC部份全鎖曬，你實際提到部份拎到出黎既有幾多，我希望你地自己計下數，只要雞棚JPEX用JPC價格引到更多人鎖倉，亦引到更多人入金 (因為係呢個階段真係有人走到賺到錢，呢班人就會變左免費宣傳打手) 呢個雞棚係好成功咁將閣下辛辛苦苦既法定貨幣，貪少少息就同你換曬空氣幣，佢只不過係係後台系統改幾個零比你，你就覺得賺左好多錢，而家唔信既唔緊要，你地有種5月14日會去東館聽止損東個九展個「講座」既，即場質疑一下發牌呢個「願景」佢地係會點做，唔好忘記呢件友升左級做左JPEX合伙人黎

MPF掃盲清潔工

552 回覆

340 Like 7 Dislike

細雨黃昏 2023-05-12 16:36:32

推

黃金勝鬥士升始 2023-05-12 16:38:03

coinmarketcap.com都無嘅交易所都幾肯定係 scam

Yametekudastop 2023-05-12 16:44:18

呢個又係白事當紅事辦既好例子
當日FTX爆炸，
正常人邏輯「連合符曬CMC規定，可以上架到，兼且第二大既交易所，都可以咁樣收皮，啲唔合符規定、上唔到架既交易所更加唔好掂」
JPEX打手邏輯「連上到CMC既第二大交易所FTX都收皮，即係CMC冇撚用，JPEX唔需要上」

不如打和啦super 2023-05-12 16:44:41

班信徒/打手仲好有信仰，講到你唔買就你走寶咁。有個fd舊年年尾買左好似10萬，而家帳面60定70萬，話終於有第一桶金，希望佢冇質晒落去冇再加碼同埋出晒金

不如打和啦super 2023-05-12 16:45:33

冇讀書果班咪bye呢個說法，擺明邏輯謬誤

傷心1999 2023-05-12 16:56:31

阿叔出黎護主未

荃蒼tqqq 2023-05-12 16:57:13

搭雞棚梗係有人攞到甜頭
希望佢攞呢筆錢做啲正常投資

不如打和啦super 2023-05-12 17:00:11

問題係佢真係信，唔覺係scam，仲想擺贏緊舊錢收息，咁希望佢識TP走人

MPF掃盲清潔工 2023-05-12 17:06:36

所以咪解釋到騙徒點解要jpc不停升，製造希望比人繼續唔好抽錢走
比你感覺抽左錢就係虧底左
心理質素差都會中伏

我好期待睇下5月14日去九展聽止蝕東果班人究竟係咩樣

通常柒頭同蠢人面相係睇到出黎的

唔知我咁講會唔會搞到後日變蒙面大會

不如打和啦super 2023-05-12 17:12:51

係爆就快，拖愈耐愈多人中招

唔借錢玩最多都係輸身家，借錢按樓果班就真係

_窮到得翻錢_ 2023-05-12 17:19:58

其實真係分析得好好唔明點解明知係騙局好多人都控制唔到自己。身邊好多18.19歲同埋00後話想靠JPC退休，聽到真係得啖笑。

荃蒼tqqq 2023-05-12 17:22:38

睇返JPC啲外國youtuber嘅推介片，全部口徑一致話目標價$1，連tagline都同香港廣告一模一樣，呢班收錢扮分析呃人嘅契弟幾時死

不如打和啦super 2023-05-12 17:25:09

真係「明知」係騙局咩

眼見好多人真心信同多謝jpex

MPF掃盲清潔工 2023-05-12 17:32:58

我識有人放幾十去到幾百萬落去質...

_窮到得翻錢_ 2023-05-12 17:33:57

其實依家市面嘅OTC根本就出緊金，我查過袋
鼠,粉紅豹,JPEX嘅鏈上錢包佢地根本係互相轉帳。
成個循環就係你比錢OTC買幣，OTC轉幣比你，你入幣落JPEX錢包，JPEX錢包轉幣落OTC。
你地所有嘅法幣就去曬佢地手上，你地就拎住所謂嘅JPC 空氣幣。唔信我嘅自己去睇佢地鏈上數據，我都係曾經JPEX用家，如今已經全身而退。希望可以救到大家，回頭是岸。

不如打和啦super 2023-05-12 17:41:30

幾百萬都放落去…… 希望對佢黎講係閒錢

幾百萬都已經等於一般人十年人工

張圖 2023-05-12 17:46:36

想自己賺曬係度叫人唔好買

中野五月 2023-05-12 17:48:40

執咗幾十萬 cashout咗