JPEX 騙局 - 騙徒不停哄你入金及質押JPC

MPF掃盲清潔工 · 2023-05-12T12:06:46+08:00

本身我只係專注強積金，同大家推廣需要揀低成本，被動式及合理份佈市場既重要性。不過由於身邊極度多人掂JPEX呢間極度危險既騙徒平台，仲要勸都勸唔停衝去質押，覺得都係要花少少時間去寫篇長文去分析呢個騙局本文重點 1. JPEX 聲稱會積極申請香港虛擬資產牌照? 有機會嗎? 2. 若JPEX真的入紙申請牌照，現有服務有咩係仲可以玩到? 3. 為何JPEX要JPC升，比大家賺到錢你仲要話佢係雞棚騙局? 1. JPEX 聲稱會積極申請香港虛擬資產牌照? 有機會嗎? 首先第1點，背景係香港將於2023年6月1日會正式施行「打擊洗錢條例」下的虛擬資產服務提供者制度，現有服務提供者可以獲得12個月空窗期去準備申請不過何謂「服務提供者」係有定義的，可以見到你要係香港設立公司，有實體OFFICE，關鍵人員要駐係香港，同埋平台是投入運作兼有一定數目的用戶，呢個就係點解BITGET, BYBIT 趕住係6月1日前要推出香港版，相信就係要搶住符合以上資格。我地睇下JPEX目前呢一刻符唔符合呢個條件 1. JPEX聲稱係杜拜，澳洲營運，從未講過係香港有OFFICE 2. 從未公開過平台老細係邊個，幣安有趙長鵬，BYBIT有賓周，火必有孫宇晨，你JPEX唯有出現既就係係澳洲果件澳洲「演員」高層 3. JPEX在香港活動佢地聲稱係透過慈善基金會進行，係佢最近個捐錢活動，主辦方香港盲人體育總會官網提及有家叫做JPEX Technical Support. Co 捐錢贊助佢地，但係呢間私人公司我係搵唔到資料，而同名公司JPEX Technical Support. Co Ltd已在上年改名做Web 3.0 xxxxx Ltd，究竟佢係用咩身份存在? 受助機構收間不明來歷公司錢是否有做到KYC防洗黑錢呢? 結論: 佢仲有19日時間學BYBIT, BITGET將JPEX分析做JPEX HK，但分析後....我為大家買緊既空氣幣JPC及質押而擔心，咁就引伸到第2點度 2. 若JPEX真的入紙申請牌照，現有服務有咩係仲可以玩到? 我地首先睇下幾張圖，我會再逐點睇下JPEX 而家提供既服務 1. 所謂日本伊藤博士的套利收息活動，目前JPEX提供高達18%呢個高得完全不合理的回報，係發牌空窗期係要BAM，因為根本發牌條件，平台必於將98%的客戶資產線下存放並要做好安全及審計 2. 若申請發牌，JPC幣就100%必須下架，因為在納入代幣準則，必需要考慮資產市值，流通性及交易量。及虛擬資產持倉是否高度集中或由少數個人或實體所控制。按JPC目前幣種排名在#9200位，只有一家所謂「自家平台交易所」有得TRADE，最重要係散客流通量不足5%，單單就咁睇，呢隻垃圾空氣幣就係一種騙局，係絕對沒有可能係發牌後空窗期完結前仲可以生存，佢繼續做海外非法平台仲有生存空間，拎牌同申請我準備收割係一D分別都冇。 3. 目前法例都係話交易平台只可以提供比專業投資者，即800萬以上港元資產人仕，只係話相信1年內會諮詢，有機會改到受散戶玩，但散戶只可以買到「合資格大型虛擬資產」，目前為止即係BTC, ETH, LTC，連USDT, USDC都未必可以過到呢個嚴格標準。 3. 為何JPEX要JPC升，比大家賺到錢你仲要話佢係雞棚騙局? 呢期JPEX 有2個CAP 水活動首先係旗下班垃圾，包括止損東東館，加密豹，肥婆藍屍陳怡，中五學歷都冇既COINER 太太，UNICOIN，袋鼠，都推出所謂用7.69或7.70去引你地用港幣兌換USDT，但必須有2個條件 1. 係用雞棚平台JPEX 2. 係用即場由USDT轉JPC再質押落JPC質押池鎖倉一年第2個CAP水活動就係個質押池2個月就改遊戲規則，用打機貨金開箱既銷售推廣引你班傻鳩再放錢落去，目的就係盡可能有咁長得咁長鎖住你D幣等你提唔到出黎點解佢地要咁急，無非係因為係發牌後，佢地以上操作，以經超過一般場外OTC不需領牌的界線，優惠同JPEX平台綁埋一齊，同你係香港吹雞叫人用etoro炒股一樣，證監冇可能係發牌後坐視呢類行為，將來佢地要做，就只可以好似賣私煙咁偷偷摸摸。所以襯6月1日前，盡可能CAP多最後一水我地最後黎一個好簡單既數學題去解釋JPEX呢個馬多夫式騙場假設有1個傻仔，拎左HK$10000蚊去入金落JPEX，一半錢放係活期USDT收息一半轉左去JPC，我地簡單D唔講鎖倉唔講質押咁一年後，你活期收息收到等值HK$900的USDT，我當JPC空氣幣價格莊家控盤升左1 倍，即係你「賬面」總資產而家有15,900 點解係「賬面」，因為你要提曬出黎先係呢個數，究竟平台有沒有足夠資產BACKUP 呢個數呢? 係JPEC上年拖拖拉拉話提供資產證明，去到今日都仲係提供唔到，而鏈上地址JPEX根本得好少資產係手，即係你「賬面呢個數」係一張音樂椅黎，有人走到有人走唔到。我地返番去上面個例子，一般人心理，你賺到15,900-1000 = 5,900，都好多喎，你都會想走，但係JPEX呢個平台，由第1日開始，就用各種「質押」鎖倉手段去引你鎖倉等你提唔到幣出黎，假設你做左白痴仔將JPC部份全鎖曬，你實際提到部份拎到出黎既有幾多，我希望你地自己計下數，只要雞棚JPEX用JPC價格引到更多人鎖倉，亦引到更多人入金 (因為係呢個階段真係有人走到賺到錢，呢班人就會變左免費宣傳打手) 呢個雞棚係好成功咁將閣下辛辛苦苦既法定貨幣，貪少少息就同你換曬空氣幣，佢只不過係係後台系統改幾個零比你，你就覺得賺左好多錢，而家唔信既唔緊要，你地有種5月14日會去東館聽止損東個九展個「講座」既，即場質疑一下發牌呢個「願景」佢地係會點做，唔好忘記呢件友升左級做左JPEX合伙人黎

MPF掃盲清潔工

552 回覆

340 Like 7 Dislike

一肛入洞 2023-05-18 14:09:54

好明顯係個雞棚課金嚟測數據

MPF掃盲清潔工 2023-05-18 15:16:54

有冇打手提下佢地買流量可唔可以買埋google play store果邊先叫春

碎料黎姐 2023-05-18 16:37:33

樓主隨時一邊做打手一邊自己all in jpc

MPF掃盲清潔工 2023-05-18 18:01:15

係咪各位打手已經唔打算回應JPEX 賬戶資金嚴重短缺唔夠出金呢個問題

一味係咪抹黑就當冇事？

荃蒼tqqq 2023-05-18 18:25:32

兩點回應唔到：

1. JPEX鏈上數據證明資金不足

2. JPEX如獲香港發牌必須清退JPC及停止非spot trading

抹黑嚟講，都係幫手推po一部分

推推下，唔知幾多人見到呢兩點啦，我就無心機去擴大宣傳嘅規模同JPEX衛星打

但我會繼續間唔中推吓呢個po，等佢keep住畀人見到#1同置頂

btw，可能樓主啲關鍵字管理做得唔差，google search 「JPEX騙局」，第一頁就見到呢個po

完場未 2023-05-18 20:06:58

Jpex幾時勁到可以同Bitget 做對手

完場未 2023-05-18 20:11:01

剩係trade spot 咁佢哋點賺錢？得香港人trade 個流動性仲低過dex

完場未 2023-05-18 20:13:04

如果限制埋OTC要發牌同埋只可以經持牌交易所出入金已經好煩

科技人員 2023-05-18 21:37:17

諗都知邊有可能多過銀行同埋SVF
刷得太明顯啦

慷慨歌燕市 2023-05-19 01:17:51

但佢可以點check到同禁香港登記用戶買賣呢個野？佢係外國成立空殼公司係咪吹佢唔漲

隨遇而安 2023-05-19 05:57:46

理論上係
但係佢吹到自己實係香港拎到牌

荃蒼tqqq 2023-05-19 08:16:46

可見樓主今次真係講中咗jpex痛處

打手驚撚到

荃蒼tqqq 2023-05-19 08:18:12

真

bitget喺coinmarketcap排頭20左右
jpex喺邊

MPF掃盲清潔工 2023-05-19 12:24:03

幣少語錄：
屌 coinmarketcap幣安買左嫁
信幣安你傻嫁

JPC唔上鏈留係JPEX係中央化交易所嘅好處
你地一早知嫁啦，咪弱智

政府到6月1日先講條件，你而家講話呢樣唔得，果樣唔得有閪用咩

JPEX 梗係會拎你d錢去其他交易所套利調黎調去啦，點會有足額嘅錢back up
舉例係用ZA 虛銀年年蝕錢，點解仲會有市值

再舉例又黎JPEX 未能舉證嘅2個所謂不動戶btc地址當做自己，知唔知其他交易所係點舉證個地址係屬於佢地，做下功課啦

最後最好快係幣少話有人勒索佢2千5百萬