［冇圖］睇左好多年聖經 你問我答（5）

用記者黎做例子真係完美
咁即係你承認聖經講ge野係片面之詞啦?
咁點解我要信咁多福音入面ge片面之詞

睇故唔好駁故

係片面之詞架，就係神想啟示我地果面囉。
約翰福音都講到明係揀來寫架。
「耶穌所行的事還有許多，若是一一都寫出來，我想，就是全世界也容不下所要寫的書。」
‭‭約翰福音‬ ‭21‬:‭25‬ ‭RCUV‬‬
咁呢個都係講個「信」
都冇乜野好拗

神想啟示?
咁作者可唔可以叫做神ge代言人?
咁如果神ge代言人個個自相矛盾? 咁我要信邊個, 得到邊個啟示?
你得到啟示可以開始殺人啦wo
歷代志下15:13
凡不尋求耶和華─以色列神的，無論大小、男女，必被治死 。
出埃及記31:15
六日要做工，但第七日是安息聖日，是向耶和華守為聖的。凡在安息日做工的，必要把他治死。

下下都要治死, 咪同伊蘭教差唔多

問多樣，有咩敘事文體唔係片面，唔係作者想讀者知道果一面？聖經有神既感動，也是人既文字，有咁既限制好正常。

片面之詞連耶穌講咩都唔聽
咁我是但信一邊我咪又要比人治死?

馬太福音
10:10 行路不要帶口袋、不要帶兩件褂子、也不要帶鞋和柺杖．因為工人得飲食、是應當的。
馬可福音
6:8 並且囑咐他們、行路的時候、不要帶食物和口袋、腰袋裡也不要帶錢、除了柺杖以外、甚麼都不要帶．

咁我帶唔帶柺杖

咁我地除左左腦外，都要用右腦感受下個message。
野野用左腦既批判思考去睇，其實扼殺左好多可能性。

睇埋上文下理好唔好？
文中耶穌係同緊你講野？

其實信科學既人同班信宗教既人討論咁多聖經既內容/矛盾位係無意思 兩者既本質差異係思想上既問題

科學凡事係講證據/邏輯推論 一個科學家由提出一個理論開始就預左不停會受到各方挑戰 你唔信既 你可以用翻相同既環境去做實驗 做唔到同樣既結果出黎就可以基於事實做辯論
科學從來都唔會話自己就係真理 佢只係當前人類擁有既最佳解釋 隨時遇左會比將來既人會被推翻

宗教唔同 佢一切既解釋都係源於經書 佢地追求既係「信左先」「信住先」，你首先要信左佢地個神存在，聖經係真係神既話語，係絕對既存在，然後再將本書上面寫既野當係終極答案咁睇
見到書上面同現實情況不符 佢地唔會選擇去修改本書，而係諗辦法解到係人地理解本書既方法唔岩
再唔得既就係當今社會既錯 唔信既人禮崩樂壞 等落地獄


情況就好似你考試做一題MC咁 科學撚同耶撚都唔係太識計個答案
科學撚選擇逐個答案驗證一下，睇下邊個答案唔合理剔除左先，最後揀佢自己覺得最似樣既答案

耶撚會同你講 佢師兄比左本解題大全比佢，呢題就係應該答A 雖然佢從來未見過個考官 亦都無證據證明本書係邊個比料既，但反正耶撚就堅信本書係考官比料既，所以答案就係A

利申：本人考試唔到最後兩分鐘都唔會揀撞答案

扼殺可能性呢樣野教會會唔會先係做最多嗰個
記唔記得伽理略

咁我作為讀者見到同一件事情耶穌有2個唔同ge講法又唔可以質疑
你地咁鐘意傳福音, 到有讀書真係肯願意花時間睇, 見到有個矛盾想了解一下, 又話唔係同你講緊野

咁你話呢D書係神想啟示世人
咪問下你帶枴杖啟示D咩囉

教會過去的確有做錯過，冇咩好否認
教會都係一班罪人啫
其實張信仰硬化成宗教制度，本身就係耶穌想我地唔好咁做，否則佢唔駛同法利賽人為敵啦。

科學歸科學，宗教歸宗教，如果要將主觀嘅宗教觀變客觀嘅科學而又唔肯接受科學驗證標準咁就出問題，依家情況就係咁，信則有，不信則無好平常亦唔會得罪人，係要當成真理，不信就落地獄先得罪人多稱呼人少

點會唔可以質疑，鼓勵質疑tim ，不過唔好咁快jump into conclusion 話聖經唔可信。
暫且，疑點利益歸被告（即係你質疑緊既聖經）
所以咪用問問題，俾多d位你思考下。
你果段：
耶穌係同佢門徒講緊野，right?
咁果個旅途係傳福音, right? 咁佢講緊門徒傳旅音既旅途，是否相等於你平時出街行山？
咁係咪可以直接apply落你平時出街行山既處境?
咁唔係咁apply，應該點apply?
其實好多冇model answer 架，但重點係要思考

咁你依家定義下聖經到底係宗教工具定係 所謂神的啟示

神的啟示點解經唔起邏輯推敲?
無邏輯世界又點樣進步?
唔通你以為人類文化ge進步全部都係聖經或者所謂神的啟示ge功勞?

雖然好多野唔同意你，但話人「不信者落地獄」既信徒真係冇眼睇

apply咩je
又無啦啦行山咩事?
依家馬太福音同馬可福音都是講行路wo
我剩係問你耶穌同人講行路要唔要帶枴杖ja wo

有成千年嘅黑暗時代做示範，你懂的人類近幾百年急速發展就係脫離左宗狂熱，回歸希臘式理性哲學文化所造成

我信聖經係神既啟示。

聖經經唔起邏輯推敲？邊度？所謂矛盾都係表面上的。經文有處境性，忽略處境唔理，梗係解唔通。

只有邏輯世界就能進步？情感、想像力、同理心都唔需要？

咁唔行山改翻做行路囉，佢經文有處境性同對象性架播。係咪可以直接apply?

邊有信則有不信則無咁 chill 宗教時時刻刻都諗緊點樣擴張地盤

當然啦，係佢地眼中呢d叫傳福音，救人

情況就好似d保險佬咁 成日話自己幫左幾多人

除此之外 佢地仲要用盡自己謹餘既影響力去傳揚佢地根據聖經睇翻黎既價值觀

例如同性戀結婚 夠係人地自己既事 宗教團體永遠第一個跳出黎反對人

真係要引用連登仔名句：關你撚事

同埋出生係宗教家庭 基本上直到有能力養自己之前，都會比人強制值入宗教思維 每個星期捉去教會

神的啟示你依家可以開波殺人ga啦
神話要治死咁多人

情感想像力同理心當然都係世界進步ge原因啦, 單唯獨聖經唔係
情感同理心想像力到最後都係要算邏輯做最後解釋
想像力天馬行空到最後都要邏輯推演先知成唔成立

人需要既唔係宗教制度，係信仰。
強國呢幾十年道德急速敗壞就係信仰崩壞，唯物主義既後果。
（不過再研討道德又係另一重課題）

如果你覺得聖經唔係宗教制度ge一部分, 即係你會希望教會不准再用聖經傳教傳福音係唔係