［冇圖］睇左好多年聖經 你問我答（5）

悶，冇新意
只係識一句話人拋書包就當講左野，其實乜野建設性既point都冇

所以咪話你悶囉

真係好多語意邏輯糾纏不清
猶太教同基督教既恩怨情仇真係有排講。

耶穌基督作為人時，根本就係猶太拉比，嚴格上黎講，基督教係猶太教既支派（難聽d叫異端），耶穌的教導同猶太教既希伯來聖經一脈相承。反而當時猶太教雖然傳講希伯來聖經，但過多既宗教傳統令佢地變得律法主義同迷信，失卻左律法背後神的美意（就係使人與他親近，愛憐如己）。

例如守安息日既本意係「要知道上帝是神」，紀念佢，係律法主義既教導下變成乜都唔準做，連醫病行善都唔準做，明明原意係紀念同親近上帝變左綁手綁腳遠離上帝，耶穌只係宣講唔好合埋眼跟左條律法，要理解律法背後既精神。

所以猶太教信既聖經係冇錯既，我地基督徒都信。黎巴講既就係，猶太教既聖經，果d先知預言都係指向耶穌基督，而初代跟隨耶穌果班人，無可否認絕大多數都係猶太人。

後來呢班人，在神的啟示下，放開福音不向外傳的枷鎖，向外邦人傳福音，咁外邦人既blue sea咁大，咪漸漸外邦人變左多數。

至於點解猶太人咁仇視基督教，

第一係耶穌講既以色列復興係天上既，唔係地上既政權復興，同當時猶太人既預期，特別係猶太民族主義/復國主義唔同，咁基督徒唔參與偏激既復國運動，咪俾班猶太民族主義者孤立（多口講句，同今日有班深黃話人地中立既都係幫緊敵人一樣）

第二係基督教中都有錯誤既取代神學出現，棄宗忘本，話猶太人棄絕左耶穌，殺死左耶穌，又以為基督徒已經取代左猶太人做新以色列人，就對冇左自己國家既猶太人多加歧視，呢個仲間接地引致二戰時對猶太人的種族滅絕，而呢個取代神學都係近幾十年，二戰後先開始減退。

由於以上，係一般猶太人家庭話自己信基督，呢千幾年好多都係會被趕出門口。亦因此，從此基督信徒漸漸係猶太人中絕跡。

咁演化左成千幾年，就變到猶太同基督係兩個互相敵視既宗教咁。

不過都改變唔到既事實係耶穌的教導其實都係base on 希伯來聖經，就係猶太教信果本，個人認為，新約希臘文聖經就係舊約希伯來聖經既續集同釋經書。

其實基督教同猶太教有同一根源，信同一本希伯來聖經，只係理解同詮釋唔同，本希伯來聖經本身冇話救世主黎左未，只係話佢黎既時候有咩跡象，而耶穌一一應驗左。基督徒見到耶穌應驗左預言，就信佢係救主；猶太人覺得只係穿鑿附會，唔信。

其實去到呢個層面，都係已經係信既層次，prove唔到邊個係正確。

今日既猶太人，大部分都仲未接受耶穌，唔係本舊約聖經問題，而係人既宗教傳統走左另一個方向。

反思既係，今日既基督教都被一d堂會傳統唔同程度的扭曲左，我地要學既就係邊d係聖經真理，要死死地抓住；邊d係宗教傳統，只作參考。

我又好難話聖經唔重要
起碼對今日既基督徒黎講係重要既
聖經係神的啟示，但基督認識上帝的最直接的途徑，因為一般情況下，神都唔會直接對人顯現，呢個認識途徑就好重要。
然而，其實聖經既最終相的是建立人與神的關係，懂敬畏神，遵行上帝的吩咐。
當然如果呢種目的已經達到，咁聖經咪唔重要囉。

正如有本武功秘笈，神功大成之後本秘笈咪可有可無；或者你有一個好師父教你，你咪唔駛自己讀本秘笈。不過都要小心，剩係靠師父口傳，唔自己讀，隨時都會走火入魔。

係，基督信仰好簡單，講白左就係敬畏上帝愛鄰人，其他都係學點做到呢兩樣野，同埋做呢兩樣野既正確動機。

揸住新約以為係證據又唔肯面對現實

福音書是可靠的歷史嗎？
https://youtu.be/qnxDRehRHWI

不如你睇下聖經睇下人點樣嘲諷
同埋佢地既結果

我舉幾個例子，你自己搵埋佢啦
傳送門 https://bible.fhl.net/new/read.php?chineses=%E5%87%BA&nodic=0&chap=14

（1）「上山啦光頭佬！」（留意返D細路係望到先知以利沙個頭）
列王紀下2:23
//以利沙從那裡上伯特利去，正上去的時候，有些童子從城裡出來，戲笑他說：「禿頭的上去吧！禿頭的上去吧！」//

（2）「救人咁叻，救自己丫笨！」（留意返佢地的確親眼見到耶穌救人）
路加福音23:35
//百姓站在那裡觀看。官府也嗤笑他，說：「他救了別人；他若是基督，神所揀選的，可以救自己吧！」//

（3）「你個神係咪訓着左呀？去叫醒佢喇！」（留意返先知以利亞講既巴力假神真係會訓教）
列王紀上18:27
//到了正午，以利亞嬉笑他們，說：「大聲求告吧！因為他是神，他或默想，或走到一邊，或行路，或睡覺，你們當叫醒他。」//

（4）「係都要帶我地出黎死，而家埃及冇墳地咩？」（留意返埃及真係有墳地）
出埃及記14:11
//他們對摩西說：「難道在埃及沒有墳地，你把我們帶來死在曠野嗎？你為甚麼這樣待我們，將我們從埃及領出來呢？//

其實你係咪自己唔識講野

濛巴又講解，正

耶穌都冇你咁靚仔，得未？

以賽亞書53:2
//他無佳形美容使我們注視他，
也無美貌使我們仰慕他。//

咁dialectic ，驚唔驚嚇親自己人

利申：係佢粉絲，不過覺得natural theology 比較易入口

我冇判斷，捉到老鼠就得

講氣勢同型佢老人家真係人型

佩服牛巴咁好心機

真係笑死

當然唔緊要啦
佢地真心以為夠力果下先係引人笑

你有時間不如諗下點樣護教好過
不過估計你都係唔去睇然後以為自己得到正信

呢度你問我答，你有野咪問囉

你對你弟兄侮辱人做「撚樣鐘」有咩睇法？

除咗用呢招逃避問題
仲有冇第二招？

佢講既每一句野，由你黎解釋，我駁5刀，比個good 你，呢度最大係你，滿意未

要我答唔存在既問題，你都幾高要求