CMA
2023-03-18 16:05:51
認同, 係會有啲羨慕
老母性格多疑, 神經質, 情緒化
老豆自以為是, 個人好倔強, 講多兩句唔岩聽又發老脾
仲要加埋阿嫲成日亂鳩up, 一知半解既野就加鹽加醋
然後老母因為舊時既事唔多鍾意阿嫲同老豆
有個阿哥, 性格反而好好, 純品和善,
可惜我好細個佢就已經出國讀書定居埋
由阿哥時期嘈到我大, 小小事都可以化大, 間唔中合奏death metal
每次都嘈嘈下都講返舊時點點點, 有時仲郁手郁腳
唔知邊一刻邊一秒就突然爆, 成日要做和事佬, 精神折磨
去左返學返工, 又唔放心佢地同時係屋企, 心很累
我亦都好少同朋友講屋企野
連同阿哥傾計都係報喜不報憂, 廢事佢擔心同做唔到啲乜
其實雙方各自都有資產, 多次勸老母不如離婚, 點晒頭認同, 次次都係齋講唔做
好彩既係, 老左反而好返少少, 後期阿嫲長期返左陸住, 就冇乜點嘈
係個咁既家庭成長, 令我明白到,
有啲人憎一個人係可以記一世, 佢做咩都係錯
相處唔黎真係無謂勉強, 自己唔開心同時影響到旁邊既人
諒解同遷就唔係話咁易, 要嗰啲人開曉係難過登天
表面睇落好好, 局外人根本好難理解
豬女包
2023-03-18 16:08:04
好多時性格同價值觀都取決於原生家庭
有個朋友單親家庭長大變成左不婚主義者
有個朋友老豆對家庭勁不負責任,佢變左仇男撚
我就自細只有批評沒有讚美,變左自卑撚
好多人自細對父母的不滿都只係敢怒不敢言
有咩衝突只可以啞忍
駁一句咀都俾人打到仆街
大家以為大個左脫離屋企就一天光晒
其實唔係咁
個性格已經深深被影響左
你內向,自卑,怕醜,怕事,唔識發脾氣,唔識拒絕人
其實都係原來家庭影響到
成日提醒大家要愛自己
講就易,做真係好難
當人地要求你做一d你唔願意做的事
幾多人可以勇敢說不,幾多人可以勇敢講出內心想法
當自細一直屈服係父母的權威下無得反抗
大個左一樣會不知不覺咁屈服
縱使內心不滿都唔識反抗
愛自己係一個漫長的過程
希望大家早日脫離到原生家庭的影響
早日長大成為自己