原生家庭真係影響一世

呢個post睇到好感觸，諗返好多細個嘅傷害。

以下會比較長，好想發洩呢種磨滅唔到嘅傷害

我老母係一個好神經質嘅人，無乜點讀過書，朋友唔多。我由細比佢打到大，細細個比佢打根本唔明點解亦唔知自己做錯咩，好多時我老豆都唔會出聲都制止我老母，除非我喊到嘔同全身抽搐老豆先會叫老母停手

大咗少少開始會駁咀，會問我老母我做錯咩點解要比佢打，呢個問題只會帶嚟毒打，話我駁咗即係唔知錯，打到可以見血

試過老師見到我小腿位好多被打痕跡而要見我老母，嗰日開始佢只會打有衫遮住嘅地方

中六嗰年，我終於反抗，佢發晒癲咁打我，我終於還手，然後，咁多年一直都無任何反應嘅老豆見到我打我老母衝埋嚟瘋狂用拳頭打我，嗰一刻，我終於對呢個屋企死心，我每日都當自己係隱形人，開始搵part time，除咗學費我唔要使佢哋錢

出嚟做嘢之後就自己搬咗出嚟住，開頭成個人都好抑鬱，唔明點解自己屋企健全唔係應該好幸福咩？點解唔會好似其他人咁同細妹好好感情，父母又錫自己？

喺呢個家庭長大我嘅性格只有孤僻同自我懷疑，我唯一慶幸我本身讀到書，我不停去吸收知識，不停睇唔同嘅書去了解人性，宗教，睇心靈雞湯書去安撫自己

今時今日同同屋企人嘅關係，過時過節佢哋叫我返去食飯想返就返唔想就唔返，呢個傷口從來未好過，如果心理質素唔ok見佢哋只會將自己困返喺嗰個情緒。有時會諗，到有一日我老母過身我到底會唔會傷心呢？

想分享比有差唔多經歷嘅人，只有自己先可以救到自己離開呢個困境，我無接受任何社工或專業人士嘅幫助，亦無宗教信仰，我係一心想脫離過去，不停睇心理哲學類嘅書，我明白到我老母係有病但佢唔知無去睇醫生，我明白我老豆長期受到我老母精神折磨，我明白我妹喺一個日日家嘈屋閉嘅環境成長，就係因為咁，從來無人企喺我嗰邊。

你：

I know this feeling bro
有個伴侶支持會冇咁辛苦
去搵自己既幸福

見到咁多悲劇cases真係覺得生仔一定要考牌
咁多不合規格既人都可以無牌生仔其實攪出好多社會問題

其實做父母就好似公司既leadership role /manager
係湊大下一代既任務
能力愈大責任愈大
邊可能個個都有資格做？
根本現時大部分人連自己人生都處理唔好
連自己點解存在 點解要生育都一頭霧水

如果生育 同 養育 係分開一批人既
就可以解決好多問題
養育者要有咁上下社經條件 起碼心智成熟
負責孕育下一代可以收返一定社會補貼

瀨屎仔

例子去到咁撚極端

係會有好大嘅影響
將啲缺點認得清清楚楚
誠實面對自己
錯唔緊要，但唔好忘記過錯

講野好廢老feel

係 成段野直頭有聲
啲西語氣

書都有分好壞，記得自己揀黎睇

最好睇十年百年經典個種

因為只要你有錢，
就算的同你寫垃圾都可以出書

只要有權有勢一方通行

加油

齋睇字都feel到好慘
你好叻 獨立咗出嚟
雖然過去嘅傷害唔會磨滅
但係至少而家唔會繼續
努力掌控自己嘅人生

辛苦了 我宜家學識唔好將呢啲嘢咁上心
Don’t give a shit
開心好多

咁嘅環境讀到書已經好叻

你願意跳出嚟，同跳咗出嚟，已經好叻
我都係好似你咁諗
做父母唔使考牌，父母都只係普通人一個
冇一個保證做到完美嘅父母
當然唔係咁就可以合理化佢哋過往做過嘅事
但用更高嘅位置去睇成件事，理解多咗會更易走到出嚟。
希望時間同人生智慧可以幫助到你療癒傷痛
祝福你

你冇搞到自己人格出事已經好好


我俾原生家庭搞到係邊緣型人格


即係香港出名殺人犯都中嘅人格

幣就幣在上一代好多家長都係咁諗

搭單我都想知

改善呢樣嘢要雙方都有心先得
如果你屋企人本身都無將你當人咁睇
唔洗諗改善
直接當大家只係一齊住過一排嘅室友咁看待就ok

假如屋企人有心改 只係慣咗態度唔好
你可以先了解點解佢哋會咁樣處事同應對
再當返佢哋小朋友咁教 (實際上有好多父母幾廿歲都未識做人)
當你自己幫緊有行為問題嘅小朋友做行為矯正咁
佢哋點對你你點對返佢哋
當然唔好太過火 只係比佢哋明白己所不欲勿施於人
佢哋有改善你都要主動讚下
慢慢佢哋就會明白點樣為之互相尊重

明明前排連登大部分人屌到佢仆街
而家將佢老豆老母唔識教 送去佢鬼外國受歧視 呢啲嘢投射落自己到 又會撐返佢

艾思 原來有個咁既term