如果你有一個美滿嘅屋企,兄弟姊妹、老竇老母都相處融洽當然恭喜你,你已經刷到個幾唔錯嘅首抽
但假如你咁唔好彩生喺個有缺陷嘅家庭、老竇老母是但一邊性格多疑、神經質、情緒化,其實都足以令到人生難行咗。三日一小吵五日一大吵已經係平常事,嚴重起上嚟又打交,又或者日日精神虐待、情緒勒索搞到自己性格都有啲扭曲,好難同人建立到長久關係。
當然,咁樣輕描淡寫好似無乜事,但當你每日都困住喺呢啲屋企,同呢啲人相處,年覆年都搞到個人癲癲地。香港地其點解咁多人有情緒問題,好大機會都嚟自原生家庭,影響埋感情婚姻,再次走入個循環度,連累下一代。
有好多人成日教人離家出走/斷絕關係,不過係咪真係可以絕情到咁嘅地步?有時處於呢啲困境係最痛苦,你以為大個咗有經濟能力、夠成熟可以改變到現況,但原來過去一直纏繞住自己。
好羨慕啲同父母玩得埋嘅朋友,唔駛多,溝通到已經好好,至少大家無隔閡,可以傾心事,唔係一味講錢,講啲無溫度嘅事。
講咁多其實都只係頹咗,想圍爐下