原生家庭真係影響一世

社工係用黎幫你拿盡社會資源

見字都覺得辛苦巴打有冇諗過搵間老人院比你老豆入算？同時可以幫佢申請埋綜援

老套，但真實，高質comment

所以唔好生仔。


免得遺害人間。

老母極度情緒化 成日淨係鬧鬧鬧
又有控制慾 咩都要跟曬佢嗰套
做得唔好就掃曬你啲嘢 自己做過
佢永遠係無錯 因為佢係啊媽
但你一有少少嘢錯就屌到你痴線
永遠淨係識話最後悔生咗我
由細到大都好無自信唔識社交啲人以為我啞嘅
有次大學實習 嗰細路好曳 我差啲兜巴車落佢到
我意識到原來我模仿緊我父母點對我
原生家庭會影響埋下一代
於是我開始去睇心理學書同反抗吓去設立自己嘅boundary
去到碩士嗰時因為情緒病想自殺而退學
返到屋企我老母淨係識啤住我同埋鬧我
我嗰刻覺得唔應該再對佢有咩希望
真係想跳樓 但我唔想咁樣便宜佢地
我死咗就睇唔到佢地傷心同埋後悔個樣
於是我再反抗大啲
試過有次我老母一巴車落嚟 跟住我再一巴車返落佢到
我唔再係小朋友 我而家係同佢對等嘅大人
之後係好啲
但最近搞緊結婚啲嘢 又嘈過跟住一哭二鬧三上吊
我真係死曬心
見到有人成30歲都仲係擺脫唔到個老母
畀個老母情緒勒索甚至打
最近仲準備結婚 個老母又干涉埋佢嘅另一半
奉勸大家真係整理好自己嘅人生先好結婚
就算你嘅另一半有幾好 佢都係無義務食埋你老母
仲有你係會模仿返啊媽點對自己去教你嘅下一代
原生家庭無得選擇 但係你可以選擇過點樣嘅人生

屌 紅字以為你識我 最近嘅事
以前真係以為上一輩成日講「嗰個都由細比人打到大㗎啦」
以為我呢一代同屋企就係咁相處，直到識咗未婚妻，發現家庭係可以好有愛，同親戚耐冇見會攬一攬，88又會。 啲老人家更加會攬吓踢一啖先走，所以根本唔關邊代人事
佢公公婆婆一個91，一個82

吊你仲返去係咪on9
呢d廢佬唔死都冇用

鬥辛苦廢佬精神cls

我直接就走撚左
自給自足

點解唔走
狼心d就win

你屈我啦你屈我啦

走，第二人生

建議樓主Pin this

我依家就係同巴打一樣眼界
覺得原生家庭成個10幾歲人咁
同埋要認清自己性格有冇潛意識下學咗佢地
每個人多少都有
要完全改咗自己原生家庭帶來既垃圾性格
中止個loop

我都係
佢D垃圾性格真係盡量抵制都仲有
仲要自己把聲有少少似佢
唔想一講嘢好似佢係隔離咁
盡量都少講嘢

見到呢個po忍唔住留言。

有好多野想講但又唔知點樣講起，

老豆後生爛賭，又包二奶，搞到啊媽有精神分裂，衣加佢就中風係老人院訓左四年，洗曬屋企幾十萬積蓄，每月都用曬9000蚊概租金係老人院度，每個月亦都有幾千蚊概雜費。

啊媽亦都已經退休幾年，身體都因為捱左咁多年而差曬，成日都要食藥睇醫生。

我二老係呢個咁高壓ge 環境下，十幾歲就有思覺失調同bipolar, 中間做過幾年嘢，之後到衣加我應該有接近十年無做嘢。

最大個啊個十幾歲已經係大陸自己黎香港穩食，亦都唔會再理呢個”屋企”。

基本上得我有能力同時有意願去理佢地，但我真係好攰，唔知頂到幾時。

好有道理
謝謝已買ebook

情緒勒索搞到自己性格都有啲扭曲，好難同人建立到長久關係。

原生家庭係一個魔咒 不過有時間 有一定既感情既話 不仿暸解埋父母既成長同埋佢地原生家庭既問題

認識一啲朋友即使畀原生家庭糟質
但反應模式已經固定成為原生家庭個規律

佢係受完氣批評完原生家庭
轉個頭沉迷去泥漿摔角又互罵又剩

有足夠嘅自我個體的話
本應要企得更高去睇件事
當然要做得到個高度係好需要足夠嘅自覺
但當達到個高度，就係脫離原生家庭影響嘅一刻

奉勸各位巴打識到人講「所有男人/女人都係咁架啦」要警醒自己

唔係個個家庭環境都咁扭曲造就到扭曲性格

拆解父母表現係對自己都有幫助
好似一個偵探查案，有少少距離感去檢視
再令自己由呢個偵探身份明白到犯人會有乜嘢習慣、痕跡、表現，再警醒自己唔好犯

正解