巴打絲打你地有冇睇開精神科醫生？我睇左好多年公立，但實在太廢，所以轉左睇私家，貴到仆街
睇得好唔好？
其實我睇公立有d醫生都好有心，為個病人好，佢地會同我講想幫我轉隻新藥；有次轉醫生時，佢唔想tca 同ssri呢d其他antidepressants 互相影響而幫我轉藥；又同我傾平時做咩練習可改變病情；心態上要點樣諗令自己唔好放大件芝麻綠豆事；會聽我講日常遇到既困難，一齊睇下有咩解決到，因為解決/折衷就等於減到壓力。
公立同私家既分別：公立醫生唔會為利益開藥，即係譬如你講左一d adhd symptoms，私家會諗你都講中左symptom，可能就開埋adhd藥畀你；公立醫生就會試真d，確定係嗰種病先會開藥，當然未必個個私家都係咁。公立又可能會因為無藥錢可圖，都係嗰份人工，流水作業。無論公立定私家都會有d得過且過，無存心為病人著想既醫生，當病人廢up，開完藥就踢佢走。
另外講開就講多d，身為病人都要對自己食咩藥有責任，病人就係藥既用家，個醫生只係建議你食咩藥。所以最好就要知道大概隻藥既資料：醫咩病、有咩效果、半衰期、最大劑量，常見副作用...... 我就會search隻藥成份名，或者維基都會有中文條目。全部副作用就係將所有用家/測試所出現既所有副作用列出，通常起碼幾百個，唔使擔心。
轉藥/停食部份藥：你覺得食a藥效果好過b藥；又或者隻藥副作用高/無乜藥效想轉第二隻藥/停藥，要同醫生傾，大家搵出一個共識
停藥：有d病人會想停藥唔食，可以同醫生傾，佢係唔會阻止你佢會同你講停藥好壞處，例如你而家個情況適唔適宜停藥？好多時病人病情未穩定，但就會因為暫時性副作用就停藥，病情會返返去以前食藥之前咁。另外，醫生教你點續步停藥，每隻藥都唔同，有部分藥上癮，而ssri唔會上癮但唔食都有一兩個禮拜戒斷症狀，等等。
呢個都係我point of view，歡迎巴絲補充改正
長知識了, 我而家都期待3月睇公立, 睇下有咩感覺
勸你唔好咁大期望，上面位人兄係公立醫院遇到好醫生係佢好彩，我遇到個肥佬醫生，我每次開口同佢講我嘅情況嘅時候，佢同我講輔導部份留返同社工傾，佢淨係負責開藥，仲同我講到明佢淨係為打份工 。
