太多post我追唔切，講下我自己既情況同少少分享先，希望幫到大家。
我係有抑鬱+焦慮的真絲，係新界某政府公立醫院睇緊精神科同臨床心理學家，呢間醫院我睇過幾個醫生都比較hea，淨係開藥，加藥，野1都唔多會同你傾多句，但個心理學家就幾有用，傾完真係覺得有幫助，舒服好多，不過人夾人啦，我早兩年果個幾好，幫左我走出黑暗，我真心感激佢，不過而家換左人未知夾唔夾我，12月先再見。
另外我亦都有腸易激IBS，嚴重到試過好幾次胃抽筋痛到要入院，照過胃鏡check過晒無事，下個月尾照埋腸鏡，我估最差都係有息肉姐，聽講好似好平常咁，當然touch wood希望我乜事都無啦。
睇過大家咁多post我諗我唔算嚴重，不過都有keep住食血清同胃藥，雖然成日唔記得食，不過影響應該唔大卦
其實我覺得應付我地呢種情緒病，同人傾訴真係最有效，我最大問題係好易亂諗野，小小事都諗到好遠，，諗到勁灰，個心會那住那住，好失落，想喊，無胃口，但其實呢d時候更加應該俾自己喊下，發洩加釋放下負面情緒，推介大家睇下一套迪士尼卡通片，玩轉腦朋友，套戲勁好睇，好有意思，教人唔好過份壓抑負面情緒，有時容許自己唔開心一下，反而紓發左出黎仲好d，當年我睇完呢套動畫之後釋懷左好多，希望都幫到大家，記得睇廣東話粵語版呀，好好睇！
cheer up呀咁多位巴絲！
絲打 講得好啱 我之前又係睇醫生 醫生一味就係識開藥 食藥 開藥食藥 最後我同個醫生要求 叫佢轉介去睇臨床心理學家 見左兩次 唔知係唔係因為身邊冇人可以傾訴 每次同心理學家傾完都好似好好多咁 即刻咩事都冇曬（我有恐嚇同焦慮症）依個係我既經驗 醫生從生理上去解決問題 而心理學家係從心理上嘗試去幫你解決心結 而往往情緒病治療既人都會係生理上居多 從而忽略左心理 所以先一直好唔到
係每次傾完都會即刻覺得好好多? 我同輔導傾會有呢個感覺 但CP就無 永遠都落唔到去最底嘅情緒 反而係傾完覺得唔舒服嘅多 係咪因為唔夾
所以可以試下
