[鐵膠獨遊][多圖多字]2022聖誕開關重新出發9日GREEN CAR遊

都唔一定閣規劃事，好可能係地理本身限制
大埔中心直頭無火車站啦

你咁問完即刻搵下資料，原來當年戰後國鐵係將鹿兒島駅同西鹿兒島駅分工，鹿兒島駅負責貨運、西鹿兒島駅負責客運，所以先會西鹿兒島駅旺咁多

cont.
收工後小更新

落咗車就行去呢三晚酒店，Hotel Route Inn，喺博多駅行五分鐘就到，幾方便，千二蚊港紙，算係咁


呢兩隻嘢想點


重見到未日落嘅博多駅


單跳軌重未處理完，成個北九州在來線都難搞



去咗在來線月台，先有行福北豐線嘅817系，福北豐線係指將一部份鹿兒島本線+築豐本線同篠栗線組成嘅運行系統，姐係同湘南新宿線、仙石東北線一樣
btw福北豐線運行緊全國唯一用緊以仍然在世人物命名嘅特急KAIO(魁皇)


然後就到我上車，去鳥栖嘅普通列車，用嘅係813系



其實都係搭咗一個站去竹下


隔離係竹下車輛派出所，有暫時無家可歸嘅883系泊住先


開始日落


行咗十分鐘左右就去到lala port福岡，其實可以喺博多駅或者竹下駅搭巴士去，但都係行下開心d

同埋博多同福岡係因為合拼問題，以前兩個地區係平起平坐，合拼後揀左用福岡做市名但車站唔改

去到日本好鍾意行路，有時10分鐘路程係香港一定搭車但去到日本會行

cont.
返工前又小更新一下

LALAPORT福岡係三井不動產旗下一個大型商場，之前喺東京都行過一次，就係LALAPORT TOKYO BAY，喺南船橋駅附近，
而福岡呢個係第一間喺九州嘅據點，22年4月底先開幕，重遲過支那同馬拉


嚟到呢度當然唔係特登行街喇，都係為咗呢隻福岡1:1Nu Gundam
不過夜晚d燈搞到隻嘢奇奇怪怪咁

呢隻Nu Gundam係以Nu Gundam為藍本設計，除咗顏色唔同之外，最大分別就係將Nu Gundam本身背部6支Fin Funnel改做一支巨型Fin Funnel，同機體一樣咁高，亦可以當做大型鐳射炮同大型光束軍刀，一雞三味(有另一說指如果跟原本設計係撐唔起嗰6支Fin Funnel，所以就重新設計整支同機體一樣咁高，座地就最穩陣)

https://www.youtube.com/watch?v=Lg7bYlLjwEo&ab_channel=GundamBoy
搵到段宣傳動畫，我對入面隻沙薩比嘅新Funnel有興趣多d


KidZania福岡，可以畀小朋友做工作體驗嘅主題樂園，有趣
重有個波音737嘅機頭，喺美國買返嚟再上ANA logo，唔係ANA嘅退役機
香港好似會喺機場嘅新商場「11 SKIES」開，期待一下

之後都係喺LALAPORT入面行下街，又大又舒服，好好行


反而喺度先買到少少嘢，喺橫濱GUNDAM BASE乜都買唔到


有各套高達嘅介紹，最緊要係有模型成品睇


用「高達合金」整嘅模型，而家香港好似返咗貨？萬三蚊隻


重有兩款解體匠機展示，睇咗當買咗，超級空間殺手


隔離間機鋪有歷代高達街機玩，原來戰場之絆出咗2


太鼓之高達

cont.

重有好大嘅室內遊樂場，主要玩體感遊戲，以前香港機場T2都有，幾好玩，可惜.......而家德福間NAMCO有個小型嘅



重有得玩電動平衡車





成堆小火龍無人理


ERRRRRRR.............................


終於有時間坐低食個飯


食完臨走見到扭蛋鋪，燒下錢，一套以鐵道做主題扭蛋，最後扭到乘務員個公事包同兩支旗


伏味濃


之後又行返去竹下駅，隔離就係鹿兒島本線，當然有唔少車經過，拍下片感受下幾正


稀客KIHA200系回送


今次坐811系返博多，都唔少人上車


成十個鐘都未搞掂，之後再喺鳥栖一段鹿兒島本線都運轉見合，
成個北九州在來線收哂皮
最後嗰段要到第二朝先通返車


最後買個宵夜返酒店，牛奶加炸雞無得輸，又完一日

估唔到日本都有紙杯凍飲

可能因為武漢肺炎？

Lm

推推

又放工後小更新
DAY7

又上車，今次去返博多駅新幹線月台


11番線，只做博多始發嘅九州新幹線/博多南線列車




上車，去熊本嘅九州新幹線嘅TSUBAME，博多熊本之間各站停車
用嘅係800系新幹線，九州新幹線鹿兒島段主力用車，亦係JR九州唯一自己設計嘅新幹線列車(JR東海同西日本有提供技術協助
佢係基於700系去開發，為咗應付九州新幹線嘅坡度，所以全部6卡都係動力車(6M0T)



個位同西九州新幹線N700S差唔多，都係薄櫈，無張見得人嘅枱


有張車內案內


皮已收嘅公眾電話

九州啲櫈硬係要奇奇怪怪

水戶d設計

明明架車好靚，但坐落真係唔舒服

成個九州都係水戸

近年已經有擴散跡象 其他地方都有

都唔係跡象，直頭係擴散晒

同埋就算其他地方唔係水戶岡銳治設計都好，都硬係覺得差唔多風格咁

唔係話唔靚，但睇得多都審美疲勞

水戶都有唔少弟子喇，鹿兒島市電已經有個

繼續返工前小更新
cont.

50分鐘就到咗終點熊本


新幹線大堂有呢隻嘢，不過今日主角唔係佢


都係碌返去在來線月台，又嚟喇




今日其中一個主角，去別府嘅豐肥本線特急ASO BOY!，用嘅係KIHA183系，引擎、變速器同北海道嗰堆KIHA183系(N183系)一樣，當然外觀差好遠喇

抽車一開始係行特急「オランダ村特急」(姐係而家特急「Huis Ten Bosch」前身)，之後就被改造成為特急「由布院之森」II世，再之後又被改造成為特急「シーボルト」、「由布DX」，到2011年改造成為而家見到嘅ASO BOY!

都係由水戶岡銳治設計，以吉祥物「KURO」做主題(雖然我唔清楚隻嘢嘅由來)，同埋以小朋友都可以享受嘅特急為目標，所以車內有唔少為小朋友設計嘅嘢，同時架車真係好多小朋友坐，真係幾嘈


1號車，張櫈嘅recline有問題，lock唔實，一挨落去就跌去後面，好彩後面位叔叔無行李，真心唔好意思


車頭有前望席，但要額外加210yen+要喺綠色窗口先劃到，網上book唔到

btw 其實人地叫水戶岡 銳治，就算簡稱都應該係水戶岡

成日覺得呢啲logo睇落有刪除線好奇怪

成日以為佢姓水戶