[鐵膠獨遊][多圖多字]2022聖誕開關重新出發9日GREEN CAR遊

唔知點解咁鍾意加

又放工一小更
cont.
繼續ASO BOY!之行

1號車有個free space，畀人坐下睇下風景，但畀人拎嚟放行李


成架車都有唔同KURO嘅裝飾，幾得意


2號車，有D唔同，同埋有Box seats


2號車都有個free space， 有對中年夫妻瘋狂影相打卡


3號車有小賣部，隔離有得拎記念乘車證

cont.

3號車重有親子座位，又係要額外加210yen+無得上網訂


重有波波池、和室同圖書角，但全部唔畀入


好好天，但曬到入車廂都幾焗其實




到咗立野駅，呢度同南阿蘇鐵道交匯，前身係國鐵高森線，但喺1986年就轉咗做第三sector接手，就係南阿蘇鐵道，而因為16年熊本地震關係，由立野~南阿蘇水之誕生里白水高原站一段停駛，所以都無緣見到佢地嘅車
預計會喺2023年夏天重新通車，更加會投入新車型直通豐肥本線，期待下喇


班車會喺度停4分鐘，因為要喺度做switchback，所以行車方向會有一段倒轉，然後又正常返，「之」字型咁樣，係典型登山鐵道處理斜度高嘅路段嘅方法之一


因為係無人駅，所以月台有售票機，重有特急券賣


繼續出發，會見到2021年先通車嘅新阿蘇大橋，取代因為熊本地震破壞咗嘅阿蘇大橋


去到赤水駅，呢度會交會去熊本嘅九州橫斷特急，用嘅係KIHA185系


月台重有間狗屋(!?)


去到宮地駅，大部份豐肥本線列車會喺呢度做始發/終點，都係停比較長時間


KIHA125形，同JR東海堆KIHA11形係兄弟車





3個鐘多d就到咗大分駅，唔搭去終點別府

隻高達會去到幾號先完
3月中先過去 驚趕唔切

好懷念呢個行程

31/3

係幾正嘅，當然如果劃到展望席會更好

我換Pass去到窗口問過，得返1個倒頭位

我都無去到問，反正預咗劃唔到

大阪梅田仲有一個

梅田HEP FIVE
15年第一次去日本坐過

名古屋同松山都有

好撚得意

坐得哂九州所有觀光車?

放假又可以更新下
cont.

落車去個廁所都見到佢，有趣


喺大分駅大堂有架迷你小火車ぶんぶん號，吸引小朋友玩，喺大堂兜個圈都幾有趣


大分駅作為大分縣嘅代表車站，係日豐本線、久大本線同豐肥本線三線交匯處，使用人數係全九州排第4，亦係非新幹線共用站入面第1，重要係頭十名入面唯一唔屬於鹿兒島本線嘅車站
而頭3位係博多、小倉同鹿兒島中央，但其實博多同小倉人數已經差3.5倍(9.3萬vs2.7萬)、同大分比差接近7倍(9.3萬vs1.3萬)，都幾極端


車站出面有大友宗麟像，大友宗麟作為日本戰國時代最早同西方世界(主要係葡萄牙)接觸嘅一批人，亦係最早歡迎天主教嘅一批大名，連自己都由禪宗改信天主教，重改埋個教名，重想建立一個天主教國度，當然最後失敗咗，一陣再詳細講


站出面重有共享電動助力單車，見到呢兩隻臭閪.....


大分銀行紅磚館，大正時代風格嘅銀行，1913年落成，戰後經過修復返當年嘅樣



行多陣就到大分城址公園，最早係由石田三成嘅妹夫福原直高建成，已經係大友氏統治之後嘅事，關原之戰後就改由竹中重利(名軍師竹中半兵衛重治嘅親戚)入主，再大規模改建，成為而家大分市發展嘅基礎



天守台遺跡，喺1743年一場大火燒哂之後就無再起返，近代曾經將大分縣廳放喺度，但都係二戰盟軍空襲入面燒哂，得返個基座


松榮神社，可以講係由上州(而家嘅群馬縣)嘅神搬過喺祭祀

唔得喇

古代日本人係咪唔識避雷同防火
好多個天守俾雷劈爛同失火

cont.

行完大分城之後繼續隨便行，偶遇一架Dodge Challenger，第一次見呢款美國車，幾有霸氣


國道10號經過之處，大部份路段同JR日豐本線並行的


利用日豐本線高架化後廢棄嘅路軌改建嘅步道



行到南蠻BVNGO交流館，點知年末年始唔開
btw BVNGO係歐洲第一份日本地圖入面標示全個九州嘅名


大友氏館跡，大友家嘅統治中心，亦係當時嘅都市中心地帶，亦係頭先提及嘅大友宗麟嘅居所

講多少少有關大友宗麟，佢係最早一批歡迎天主教傳教士嘅大名，當然歡迎傳教就有條件嘅，不外乎畀錢、槍枝大砲，重有最重要嘅硝石等等
(製造火藥嘅原材料，日本本土無生產，所以只能靠向外輸入，而當時火繩槍(鐵砲)、火砲(大筒)已經傳入咗日本)

而大友家喺宗麟領導下亦積極發展海外貿易，除咗同朝鮮、明朝同葡萄牙之外，都同柬埔寨有過貿易往來

同時大友家有兩個著名武將：立花道雪同高橋紹運(名將立花宗茂嘅生父同養父)協助，所以大友家亦到達到最強盛時期，統治北九州六國(肥前、肥後、豐前、豐後、築前、築後，相當於而家嘅福岡縣、大分縣、熊本縣、佐賀縣同長崎縣)，係當時九州最強勢力

但自從同九州南部另一個崛起勢力島津家喺耳川之戰(而家宮崎縣木城町)輸咗之後，就畀島津家佔領咗大部份領地，包括燒埋大友氏館，而宗麟靠先進嘅大砲「國崩」死守剩餘嘅據點，同各地忠於大友家嘅城主死守，終於捱到豐臣秀吉嘅大軍到來，擊退咗島津家軍隊，而成為咗豐臣家屬下，之後島津家向豐臣秀吉投降，統一咗九州，但宗麟未見到呢一刻就行先一步，終年58歲

可以咁講，一來日本好多木建築，二來日本古代無完善嘅防火同消防系統，所以通常一燒就燒到渣都無
同埋日本又多地震，係多災多難㗎喇

都係last day睇埋呢部高達先去坐uo623走

我最多試過10日搭10架，差九州橫斷特急同由布院之森1世坐唔到

（唔計Premium嗰幾架）

同埋天守閣多數都係最高點

晨早流流
cont.
行完大友氏館就沿住舊線路行返去大分駅

行下Taito Station，見到老鼠竇，重有幾隻無眼睇嘅蛋


算係簡易版嘅電車GO街機？


鬆弛熊好似已經無咁hit？


重有間ポポンデッタ，如入寶山空手回


聽日開始年末年始，會用假日時間表


三線交匯嘅大分駅


久大本線嘅普通列車，KIHA200系



上車，特急由布院之森，用嘅係第一代車，KIHA71系，由KIHA58+KIHA56改造，但其實都無哂舊車嘅嘢咁濟

由布院之森咁出名，就無需多講，不過都係第一次坐第一代呢款


車廂入面係升起咗的，所以好似唔多畀輪椅上到


劃到車頭展望位，隔離有個日本鐵道迷，行嚟行去影車窓，其實有少少騷擾