（心郁郁又想浸）日本各地溫泉旅館 (7)

想問一下各位，你地入住溫泉旅館會安排起 trip 既頭定尾呢？

我比較會將溫泉旅館安排起頭幾日，去完先返市區，但每次好舒服咁嘆完後返市區 stay 嗰幾日其實仲辛苦過返工，我有時會諗，係咪應該掉返轉頭幾日先 stay 市區，行到謝皮後先去溫泉旅館抖下。

我擺係旅程中間 頭幾日去好遠睇景之後就浸溫泉recharge

你地通訊方式會點留 留email俾佢？

未有日本電話號碼

2月16日去左龜岡 翠泉

16:30 去到龜岡站
一落去就見到接駁小巴 (要預約）
司機自動拎行李上車， 大約二十分鐘就入到去

去到之後係大堂等人帶上房，
接待員會過黎cfm 早晚餐同貸切風呂時間
等待期間會有濃抺茶同開心果大福

大堂仲會有くす玉糖，雪糕同膠囊咖啡機 (免費）

(開心果大福超好食, 手信鋪1000yen 5粒 但淨係可以放兩日)


帶房入lift 上樓個陣 女接待員跑上三樓門口接我地 超勁


上到去間房好大好乾淨， 今次預約既係91平方既和西式房

(唔記得影間房既相， 偷網上既頂注先）
床邊仲有放濕機， 日本冬天乾到嘔既時候用真心一流

房入面既私人溫泉好大，浸兩個人都仲有空位


公共浴池去個陣一個人都無 好似包場咁
經過室內池就可以出露天池， 不過景就無乜
浸房個個好好多， 因為3樓可以望到哂出面靚景


浸完溫泉飲冰牛奶真心爽，但好甜


最推薦一定係貸切溫泉， 又大又靚景
日頭去非常好feel 3500 yen一粒鐘一定要試下


貸切溫泉要行一條小山路上去， 風景係咁



全館既服務員都非常好笑容同有禮貌 ,
美中不足既地方係比較偏僻 , 做定心理準備係入去放鬆就ok
非常推薦

當日懷石料理 , 感覺比較正宗懷石料理
(調味較複雜 唔難食但又唔算太好食？）

追加左每人1500yen 既牛扒就好出色
超嫩， 配芥辣+鹽同汁係絕配
同埋碗豆飯同行既朋友都接受唔太到 (佢地唔鐘意食青豆）
我就覺得唔錯

早餐，份量對女仔黎講超多 栗米汁沙律好好食


今次咁大個女係第一次體驗溫泉旅館，
點知第二日去花筏比較下即刻高下立見
翠泉真心係超推薦 (以近京都黎講）
服務態度超好，環境清靜
但建議訂一定要訂有私人風呂既房

16日去完翠泉，

2月17日轉左場去嵐山 彩四季 花筏


地點係無得輸， 一過渡月橋就到

但成個館既服務員都非常無禮貌，大多數時間都黑口黑面， 見到你都唔會有任何反應（真心招呼都唔打）
唔知係唔係因為我非本地人？

我地訂左山懷庵 露天風呂房
要行一條路上去，
著注佢地d 木屐行勁難行，好似好易就仆親咁
公共風呂係條路既中間

去到個陣個服務員問左我幾句野就叫我等
等左勁耐先番黎， 順便上埋濃抺茶+蕨餅 (唔太好食)


間房勁多塵
私人露天風呂係幾大既， 但夜晚得一盞好細嘅燈
勁陰深，就算日頭完全無景可言


最重要既係我同男朋友浸完都即刻生哂疹！！！！

第二日朝早9點想試下個公共浴場， 點知同我講洗緊唔比去！！ 個段時間應

總結：
服務態度勁差，
溫泉好污槽！！ 我早一日係翠泉浸完係乜事都無
一係到就浸即刻出疹！！！

人均38500yen 左右, 同我去翠泉差唔多價
除左地點係嵐山， 強烈唔建議大家去

懷石料理晚餐



口味方面較適合後生仔， 但服務員係唔會理食成點
一有就會即刻上餐 如果你食唔切就會放到成檯都係

早餐


而早餐方面就係嵐山名物湯豆腐，
佢會準備好先叫你過去食， 所以d 野都凍凍地



除左服務員都係比較後生既妹妹 (全程黑面）同埋料理口味較適合後生仔
暫時諗唔到有咩優點


番香港睇醫生都用左我成千， 唉

我諗下次再 plan 要試下先去左市區行下 shopping 完先再去溫泉旅館 hea，hea 完再出返市區 stay 一晚先返香港，我諗咁樣會冇咁辛苦。

得 email 就緊係留 email 啦，如果你再怕既咪留埋你電話，之前我都試過留電話係得一次去黑川溫泉旅館嗰邊真係會向 check in 前打黎 comfirm 迎送車位置。

相對比起嵐山一帶既溫泉旅館黎講翠泉既性價比真係冇得輸，佢個溫泉浸完皮膚係顯著地滑，上次去有點後悔冇浸浴場，剩係浸房同貸切，兩餐既質素亦好唔錯，check out 走後返出大阪女友先發覺條 scarf 漏左向房，打返去問佢地己經幫生地 keep 好左，叫我地留低酒店地址後第二日就收到。

我覺得貸切 > 房 > 浴場
不過我浸個陣一個人都無， 所以無左個種同陌生人浸既氣氛


我朋友漏左件衫係房都即刻衝出黎比番佢，
試完佢再去嵐山 花筏即刻高下立見。
沒有比較沒有傷害

鐘意擺中間
俾對腳抖下

Push
順便想問下有冇巴打住過温泉山荘 だいこんの花

Out哂budget但真係好撚靚
1516緊好唔好破費一次

幾大都去，餓左三年啦

幾錢晚？

完全體要13萬3
雖然呢個post啲巴打郁啲就fufu 強羅花壇 park Hyatt 但對小弟嚟講都一筆好大嘅數
我揀佢係因為個溫泉個feel真係好正
有諗過另一個現實啲方案就換另一個房型同冇晚餐

咁就around 6萬
因為佢貸切露天風呂都多嘅有4個比18間房分

佢個貸切我都收哂貨
定係個budget放係其他有意義啲嘅地方好

有冇人去過嬉野溫泉 武熊溫泉
諗住去和樂園 有冇推薦

Plan 左去睇河津櫻，咁search 河津附近溫泉旅館就彈左出黎，
見佢括住高級宿又海景又伊勢海老又鮑魚，22000yen 一個人所以都試下喇。

稻取
海一望絶景の宿　いなとり荘



佢有個露天海景展望大浴場，所以就一定要日頭去浸先有意思，朝早浸要仲有鯛魚湯飲。




晚餐就不過不失喇，如果伊勢海老一人一隻就仲好，一人食兩三舊唔夠喉。
係d 服務就差d ，搵個東南亞人（貌似）英文又唔係好叻既serve 我地。
冇介紹清楚d溫泉，我自己睇menu 先清楚
食晚餐又冇講d刺身點咩醬油/醬汁。
Btw 汁煮金目鯛真係好好食

普通房同我依間低層特別房先有得現地決済
其他和洋特別室都要比左錢先

如果係冬天去，基本上冲完身落水前都凍到仆街
同埋有啲地方會有兩個池，一個暖一個熱

森林浴都算景咩