<我嘅職業係專溝人地個女朋友>

4.2

「壞人你好，我叫Louis。我想同女朋友分手，可唔可以幫我?」

「原因?」

「可唔可以唔講?」

「得，不過咁你要搵其他人幫你。」

「… 咁我講啦… 」

「請講，洗耳恭聽。」

「因為…佢唔比我掂。」

「可唔可以講多少少?」



---Louis視覺---

我叫呂梓燊，英文名Louis。

由於我小學中學都一直喺男校返學，所以接觸女仔嘅機會唔多，都算係一個少少嘅毒男。

不過好彩，香港無一間大學係只收男生，所以當我入到大學，亦終於可以揮別過去唔駛再靠動作片去認識女性而係多左好多機會咁去真真正正接觸唔同真實嘅女性。

果陣，我對將來充滿住憧憬，滿懷期待自己應該好快就可以脫離A0，青頭仔同毒撚衣d讓人悲痛嘅身份。

因為選擇左住hall，仲係一間男女hall，果然我好快就遇到一個有感覺嘅女仔Maggie。

我地真正相識係因為我地喺hall嘅o-camp係同組組員。而佢第一次見我就主動撩我傾偈，又成日對住我笑，好快我就比佢所吸引有d迷上左佢。

然後我發現相對於內向怕醜唔太敢同女仔傾偈嘅我，Maggie嘅感覺就outgoing好多。佢好似好擅長同其他人溝通，同個個都可以好岩傾咁。

望住佢嬌少但迷人嘅外表，加上同其他所有人都可以好自然遊刃有餘咁傾偈，我估就係我同佢衣種咁大嘅反差令我好快就由留意佢變成左鍾意佢。

我決定我要努力令Maggie成為我第一個嘅女朋友!

不過零經驗又怕醜嘅我要追Maggie衣d咁受歡迎嘅女仔又談何容易?

所以我都只可以努力請教朋友同上網學下應該點樣去溝女。

但除左自身問題外，其實同時間我亦留意到除左我之外，至少有另外三個男仔對Maggie都有興趣，特別係果個狗公組爸，成日乘機對Maggie獻殷勤又扮晒唔覺意咁博佢慒…

望住佢地個個有外型又咁識同女仔傾偈氹佢歡心，成日都可以令Maggie開懷大笑，而我對住Maggie就成日講野都口窒窒好似野都唔識講咁，自卑嘅我覺得自己成功機率真係好低，好快都為自己打定輸數。

不過或者真係上天眷顧，皇天不負有心人，雖然我成日都會出現蝦碌情況，又好唔擅長同女仔溝通，但Maggie似乎都無嫌棄我，仲好願意比機會我，並無因為我嘅笨拙而睇我唔起落我閘。慢慢地我都開始進步可以同佢好自然傾偈之餘亦無再做咩柒事。

最後無諗過憑我嘅誠意竟然真係感動到佢肯答應做我女朋友。果刻我真係好開心完全無諗過自己竟然可以擊敗其他強敵成功追到Maggie返黎。

4.3

因為咁，我好珍惜Maggie，對佢百般寵愛同遷就。而佢對我亦一d都唔差，幫我執返好個外表之餘又教左我好多溝通技巧，好快我已經唔再係一個內向嘅男仔，完完全全脫毒成功。

我地一直都相處融洽，一切都向住美好嘅方向行駛。

不過雖然我已經擺脫左A0同毒撚衣兩個身份，但仲有一個身份我係未擺脫到。所以同Maggie一齊左大概半年後，我覺得時機差唔多成熟，就開始計劃籌謀自己嘅第一次應該點發生。

其實因為大家住同一間hall，要制造機會非常容易，只要洗走自己個roommate就得。而所謂阻人仆野猶如殺人父母燒人春袋，所以一般黎講只要安排得宜大家都會願意配合。始終今日你搵我幫手，隨時聽日就調返轉我要搵返你幫自己手。

果晚我用一餐飯收賣左roomate返娘家訓，同Maggie食完晚飯後就一齊訓左係床上面睇netflix。然後睇睇下我就開始錫佢塊面再慢慢移到個嘴。Maggie無拒絕亦都好熱情咁回應我嘅熱吻。

雖然好緊張又好驚，但我見佢咁熱情個人又好似開始有d放軟，於是我就膽粗粗咁襯機伸左隻手入Maggie件衫入面開始撫摸佢嫩滑嘅胴體。

首次觸摸到佢衣服下嘅肌膚，仲感覺真係非筆墨所能形容咁正。

見到Maggie個樣好似好陶醉咁，我嘅膽子亦越黎越大打算再進一步開始想除左佢件面衫，以便我可以好好咁用埋眼睛去欣賞我女朋友嬌嫩嘅胴體。點知衣個時候，佢好似突然清醒左咁睜大左雙眼再捉住左我隻手。

「Sorry呀， 我唔可以…」

「唔緊要，我對唔住先真…」見佢阻止我雖然好失望，但零經驗嘅我亦好驚自己冒犯左Maggie令佢唔開心所以立即道歉。

「我其實唔係唔想呀… 不過我同自己講過我嘅第一次只可以比我將來嘅老公…」佢略帶害羞咁講。

「下?」

聽到Maggie衣句說話我忍唔住下左出黎。

因為咁代表我一直期待自己終於可以告別處男行列，可以好好享受性衣樣野嘅憧憬恐怕要到我同Maggie結婚後先有機會實現，而衣個同我一直期待嘅有好大落差。始終我地當時都仲只係大學生，要去到結婚果步好似真係仲有一段唔短嘅距離同日子。

「你…好介意? 係咪會因為咁會同我分手?」Maggie見到我嘅反應好失落好緊張，同時亦好唔開心好似想喊想喊咁。

「傻啦，點會呢… 不過無諗過你會同自己有個咁嘅約定啫…」見佢咁我當然唔忍心傷害佢而只會好好安撫佢。

「因為我想將自己最好最重要嘅野留比我未來嘅老公…」Maggie繼續怕醜咁講。

「我明白喇…」我錫左佢額頭一下以示安慰同明白。

「咁…你接唔接受到?」但似乎並唔足夠。

「咁如果衣個係你嘅諗法，我都會尊重嘅~」我再講。

「唔會同我分手?」佢仍然好擔心咁問。

「傻架咩，你咁好，我點會因為咁唔要你呀~」感受到佢嘅擔憂知佢好著緊自己，我受感動下亦無再咁難受笑住咁同佢講。

「多謝你呀~」Maggie亦終於安下心重現笑容。

「傻妹~」我講完再蜻蜓點水咁錫左佢個嘴一下。

然後我地就攬住繼續一齊睇埋套netflix。

不過隔左陣或者Maggie感受到我嘅失望，所以就講

「其實如果你忍得好辛苦… 或者我可以試下用手幫你?」

「真嘅? 你唔介意?」對佢嘅提議我有d喜出望外。

「咁你為我忍得咁辛苦，我無理由咁自私嘅~ 不過我都未試過唔太識，你唔好嫌我手勢差就得...」Maggie繼續略帶怕醜咁講。

「點會呢~」而我估我當時就已經露出左自己個狗公樣。

跟住Maggie就伸左隻手入被下面幫我解左我褲頭再伸左入我條底褲入面，然後再細細力咁捉住左我嘅小Louis。

細佬第一次比女性捉住，種感覺真係好舒服…

而當佢略帶羞澀同笨掘開始好溫柔好小心咁上下移動佢隻手果陣，我更加舒服到差d忍唔住叫左出黎…

然後小Louis好快就第一次被我以外嘅人刺激到要噴射。

自此，我有需要果陣Maggie間中都會幫我用手解決。

4.4

起初其實種感覺都好舒服好滿足，不過當時間耐左習慣左人又好自然會想要更多。

所以雖然我口無講d咩，亦無因為咁而冷落或者對Maggie差左，但心入面就始終有d唔舒服同失落。

雖然我好鍾意Maggie，亦會想將來可以同佢有美好嘅將來，但結婚對衣個年紀嘅我始終都係遙不可及嘅一件事。

至少喺香港你要有穩定嘅經濟基礎，夠比首期買個細單位先叫勉強符合作為負責任咁去結婚嘅門檻。所以我距離可以破處擺脫青頭仔衣個身份，可能都仲有漫漫長路，要有唔知幾多年嘅等待。

每次諗起衣樣野，我都有d意氣欄柵…

「咩年代呀! 仲話要留返第一次比老公? 佢又唔係信教，好似有d伏喎…」

「你肯定佢唔係呃你? 網上聽好多衣d對住男朋友就扮處扮清純，實質上就晚晚出去蒲同幾他男人攪架喎…」

「佢唔比你不如你自己出去搵啦! 痴線咩， 咁多年點捱呀? 不過咪話我唔提定你先，你一出去攪過試過，我幾肯定你唔會一次就收手，一定會繼續攪返唔到轉頭，直至你攪到你未來老婆為止。」

「一係為左仆野，一畢業即刻結婚囉，反正你咁霖佢~」

身邊最friend 幾個朋友知我情況都取笑我傻，有d甚至慫恿我不如自己偷偷去破處解開心結。

雖然我唔否認我確實有心動諗過，但一諗起咁會對唔住Maggie我就卻步。始終佢都講明如果我地最後可以去到結婚佢會為我留左第一次比我，咁我都好希望自己嘅第一次都係屬於返佢，唔係自己就太過份對佢太唔公平…

不過或者有d野要黎始終都係要黎，忍得太耐都真係好易被反噬。

到到同Maggie一齊左接近三年嘅一晚，有次我同d friend去飲酒慶祝其中一個老死升職，佢地又各自帶左d friend或者同事黎，有男有女好不熱鬧。

坦白講同Maggie一齊左咁耐後，雖然我仲係青頭仔，但喺佢調教下我已經完全脫毒，不論外型同埋同女仔溝通談吐都絕對唔失禮。所以唔係自誇，衣家嘅我間中都會有女仔撩下或者表示對我有好感，只係我不為所動咁解。所以果晚我都有同其他女仔溝通交流，一齊飲酒玩下骰盅。

因為太開心，果晚我都飲左好多，到到中後期其實我都開始唔太記得發生左咩事。總知飲飲下突然有一刻個人就好似熄左制咁無晒d記憶，淨係依稀記得好似發夢自己有同個女仔激吻嘅畫面…

然後到到第二朝訓醒，個頭就好重好痛，但好快我就比其他野distract左自己嘅
attention，因為我發現自己身處喺一間酒店房入面而隔黎仲訓左個女仔係度...

雖然已經感受到自己身上好似亳無束縛，但下意識我仲係輕輕咁揭開左張被望一望入面，一望我就知今次仆街了，因為我同佢都係一絲不掛，喺一個完全赤裸嘅狀態下。

果刻我好驚唔知點算好，但因為對方未醒又令我有時間可以稍為冷靜一下，然後我就好唔開心，無諗過自己第一次咁無左之餘最重要係連點發生自己都唔知完全無晒記憶。咁我衣個出軌喺對唔住Maggie之餘仲要錯得好唔值得，雖然岩岩好似唔小心都望到下隔黎個女仔嘅裸體…

我記得個女仔係一個朋友嘅同事叫Cindy，最後印象好似係成班玩緊大話骰而佢都有份仲坐我隔黎。

眼大大，細細粒，唔肥但有d身材… 一諗起頭先睇到嘅畫面我下面又不自覺咁脹大左…

(唉…一定係平時壓抑得太耐所以一飲醉就失晒控爆發晒出黎…) 我心入面諗。

4.5

而隨住我醒左無耐後佢都開始醒。本身我諗住大家見到咁嘅情況會好尷尬，點知佢好似完全無事咁仲即刻攬住左我。

「訓醒嗱? 」一把好嗲嘅聲好貼近我耳邊出現。

「呀… 你記唔記得琴晚發生咩事? 」我本能將佢稍稍推開左然後問。

「你真係咩都唔記得晒? 」Cindy饒有趣味咁打量著我然後問。

「係呀… 」我唔好意思咁答道。

「你地d男人個個都係咁， 食完就話咩都唔記得… 咁你記唔記得琴日攬得我幾實插得我幾深?」Cindy露出一副傷心失望嘅樣子。

「對唔住… 但我真無晒印象，我連自己點解會喺衣度都完全唔記得…」見到佢咁我更加唔好意思。

「咁… 你咪完全唔記得左自己嘅第一次係點發生囉?」Cindy突然變左臉略帶笑意咁問。

「係呀… 咦，咪住…你… 你點知架?」隨口答完我突然醒起有d唔對路。

「你琴晚自己講嘅~ 仲係咁話好想仆野，女朋友唔比你扑好慘… 我見你咁慘咁飢渴咁，同你又幾有feel咪幫下你囉~ 點知你衣家就咩都唔記得…浪費晒!」Cindy有d惋惜咁講。

「…咁咪全部人都聽到我講乜?」聽完Cindy咁講我大吃一驚然後覺得自己好羞家…如果衣家地下有窿我應該真係會即刻” 捐”落去…

「放心啦，果陣大部份人都走晒喇，得少數人聽到啫~」好彩Cindy之後補充返句。

「咁都好d…」我鬆左少少氣，雖然唔知少數即係有幾多個。

「喂，咁你會唔會覺得琴晚無晒記憶好可惜呀?」見我安返少少心後Cindy又問。

「呀… 少少啦…」而我都食左誠實豆沙包咁老實作答。

「咁… 不如襯你衣家清醒我地再黎一次?咁你咪可以真真正正咁試下造愛係咩滋味?」Cindy完全無面紅大膽咁講。

「下? 咁好似唔係幾好… 我有女朋友架喇…」無醉下理性當然幫我拒絕。

「我知，但佢唔比你扑嘛~ 你諗下，一次又係出軌，兩次又係出軌，反正都出左咯，你唔覺得咁好唔抵?」Cindy開始越移越近我，到到最後佢雙唇已經差唔多掂到我隻耳仔。我隻右耳可以好清楚感受到佢講野呼出黎嘅熱風。

「但係…」我不得不承認我比佢動搖到。

而我都未講完佢已經用佢嘅嘴唇封住左我果個，然後再成個身壓左落我身上...

本身我想推開佢，但因為大家都未著返衫，我可以好清晰咁感受到佢身上嘅肌膚同自己緊緊相貼，果種嫩滑嘅感覺好快就令我完全失去自制能力唔想再推開對方，相反我仲開始跟隨自己嘅本能回吻佢，再反身將佢壓返係床上面。

我感受到我下面已經硬到無得再硬，然後喺佢協助下我再一次進入左佢嘅身體。

「啊…好舒服呀…」

Cindy嘅呻吟聲進一步刺激著我，然後喺床板不斷發出eg eg聲前後搖晃嘅情況下我第一次真真正正咁享受到性帶比我嘅樂趣…
衣一刻咩Maggie，咩道道倫理觀全部從我腦海中消失，剩低嘅就只有我如野獸般嘅本能同埋想要好好享受衣個難忘嘅moment...

4.6

回家嘅路上，我開始由極度亢奮嘅狀態變成極度內疚。我知我除左出軌，我仲永追都再無可能可以好似Maggie咁將自己珍貴嘅第一次留比對方。我覺得衣樣可能仲過份過一次嘅出軌。

自責，後悔，內疚，全部突然間又佔據左我整個腦海。

Maggie對我咁好，但頭先突然間我就咩都唔想理，完完全全咁將佢拋諸左腦後…

係我唔夠愛Maggie? 定係我嘅抗誘能力真係太差?

衣刻，或者其實係自射完精果刻起，我完全無終於可以破處擺脫青頭仔衣個身份嘅喜悅，相反仲好嬲好唔開心自己唔可以繼續為Maggie保持住衣個身份直至我地結婚果晚…

我以後應該點面對Maggie?

或者暫時忘記佢當無事發生過吧…


可惜我心入面雖然充斥住內疚，但唔代表衣件事真係就咁完結，因為過左兩日，我就收到Cindy嘅message撩我傾偈。

始終同人發生左關係拎左著數唔想做到好似𡁻完鬆咁賤格，而且對方仲係自己嘅第一個感覺始終有d唔同，所以我都唔好意思完全唔覆，會有一句無一句咁覆下佢message。

傾傾下我感受到佢好似對我有d意思幾鍾意我，然後開始不時會撩下我flirt下我講d越界嘅說話。

「有無掛住我呀? 我有d掛住你呀…」
「你會唔會轉過頭就忘記左果晚? 我發覺我不時都會諗返起…」
「不如我地再出黎見下面食下飯?」

初初我都仲有d自制能力無點理佢，但正如之前朋友所講，有d野原來試過後就真係好難返到轉頭。

唔知係咪真係有賢者時間衣樣野，其實過左兩日後，我就開始不時會諗返起當日嘅畫面，然後懷念同對方扑野水乳交融嘅果種快感，越諗就越不能自拔…

我有嘗試搵Maggie幫我，又再忍唔住問佢可唔可以比我，不過佢都嚴正拒絕左之後仲嬲左果晚連用手幫我都唔肯。

而我發覺單靠自己嘅左手已經唔會滿足到自己衣種慾望…

於是我終於忍唔住覆左Cindy嘅message，出左去見佢。

初初都只係食飯，食完飯佢又提議去飲杯野，然後… 我地唔知點解又去左酒店…

自此，我徹底沉淪喺慾海，同佢一次又一次咁發生左關係…

賢者時間，內疚，下面開始痕，越黎越痕，約，攪野，賢者時間，內疚，下面開始痕，越黎越痕，約，攪野….

衣個循環只係不停咁loop，然後週期越縮越短…

最後我沉左。

4.7

有人明明講過話男人可以將性同愛分得好開，但我發覺事實並唔係咁…

當我一次又一次咁同Cindy結合，靈慾合一，我發覺自己對佢竟然都開始產生左另一種感情。我會開始掛住佢，會擔心佢，而最重要係當佢同我講有其他男仔追佢撩佢果陣，我會介意同呷醋。

「唔得! 我唔想你同佢出街呀…」有次事後我地仍然互相攬住大家傾下偈，然後佢就同我講有個新同事想約佢出街。

「做咩咁嬲呀? 你又唔係我邊個… 有資格管我咩?」佢有d 不屑又似有d耍脾氣咁講。

「我… 我知我無… 不過我都係想話比你聽我唔想你去啫，我想比你知我感受…」我知我確實係無資格。

「所以你同你女朋友平時馨馨我我就得，我同第二個就出下街都唔得?」Cindy又半嗲半怨咁講。

「幾時有馨馨我我呀… 衣家佢連用手幫我都廢事…」我忍唔住呻左兩句對Maggie嘅不滿。

「佢唔比你你先搵我，所以我就只係你嘅泄慾工具…」Cindy一副想喊嘅樣令我個心痛左一痛。

「係嘅我就唔會因為你同第二個出街而咁嬲啦…」我將佢攬到實一實然後講。

「咁係咪即係你沉左我呀?」Cindy開心返d帶住微微笑意咁講。

「我其實都唔知… 我無諗過自己會咁大反應。衣家我覺得同你一齊仲開心，好似想見你仲多過想見佢咁…」我照實講道。事實上我掛住Maggie嘅次數好似真係慢慢減少緊。

「車，你唔係想見我，你係想扑我啫…」Cindy又發晦氣。

「初初可能係，但衣家我知唔係…」我望住佢認真咁講。

「咁你証明比我睇?」Cindy雙眼轉左一圈然後講。

「點証明呀?」我問。

「我地試下幾次淨係出街拍拖唔扑野?」

「好呀。」諗左陣後我答道。

我知咁其實好危險，因為比人撞到我同Maggie就會正式玩完。不過果刻嘅我覺得証明比Cindy睇我真係鍾意佢比一切都重要，我唔想佢比其他男人染指，所以我應承左佢。

之後我地試過三次完全無性而只係普通拍拖嘅約會，然後佢信我真係鍾意左佢，而我亦知道我確實係沉左佢。

終於，我開始生出同Maggie分手然後同Cindy一齊嘅念頭，仲越黎越強烈。

4.8

回到現實

「同Cindy出軌後，我覺得有性嘅愛先係最圓滿… 其實我之前有嘗試努力遊說Maggie，不過佢始終都係唔肯…

我等唔到咁耐喇，始終要結婚真係唔係兩三年內可以發生嘅事。而且我對Cindy亦真係有左感情，咁不如直接分手啦，無謂勉強…」Louis講完佢嘅故事後同我講。

「但你又唔想用衣個做原因去同Maggie講分手，所以搵我?」我問。

「係呀，咁好似好衰好尷尬架嘛… 而且Maggie對我都好好，可以嘅我都真係唔想佢傷心…」Louis有d唔好意思咁講。

「咁你有無諗過一方面繼續同Maggie一齊，一方面繼續同Cindy維持肉體關係直至你地結婚? 咁咪完全解決左個問題?」我又問。

「當然有諗過，衣家其實都係咁… 但我唔想成日偷偷摸摸喇，亦唔想繼續呃Maggie。果種心理壓力真係好大亦好唔舒服…

而且我既然已經破壞左大家嘅約定返唔到轉頭，留唔到第一次比佢， 咁對佢都唔公平。佢值得一個更好更值得嘅男人…」Louis帶著點傷痛咁講。

「好奇一問，你覺得你算唔算係扑野扑到鍾意左Cindy?」

「咁…親密接觸過咁多次，有感情都好正常啫…」Louis諗左陣後又有d靦腆咁答。

「咁都算係由性入愛喎… 不過聽你個故仔，你唔驚佢係好隨便果d女仔? 真係值得為左佢放棄Maggie?」

「驚架，但唔鍾意都鍾意左咯，咪試下兩個唔同方向嘅極緻囉… 而且我知自己破左處後，我真係唔會再忍到結婚後先可以再扑野… 就算最後真係唔work，都叫有過衣段關係呀… 」Louis繼續尷尷尬尬咁講。

「Ok，咁我嘗試下啦，不過我要觀察下你地拍拖係點。」既然Louis已經諗清楚，我都唔再同佢婆媽。


而喺滿有尼古丁嘅煙圈下，我見到我有機會成功嘅切入點。

(咦? 點解會咁? 唔通...)我皺了一皺眉頭心諗。

4.9

中六果年，我地級都曾經發生過一件幾轟動嘅事，就係我地一個女同學未婚懷孕，然後就突然再爆出衣個女同學原來一直同好多學校嘅男仔都有發生過關係，甚至有d遮左樣嘅影片開始相繼流出。

衣件事傳出黎果陣，衣位女同學其實已經返大陸落左個bb，但消息就唔知係邊度傳出黎，而個女同學亦無點否認，淨係選擇冷處理。

本身初初淨係傳佢有左bb果陣個問題都唔係咁大，因為佢已經落左所以無証據，學校可以做嘅野除左搵家長傾偈其他都唔多，而同學除左私下談論對佢亦無咩話特別唔同。

不過之後當再傳出佢同好多男仔都發生過關係再加埋一d打格遮左樣嘅影片出現後，衣位女同學剎那間就慘變成過街老鼠咁不斷比其他女同學排斥話佢淫亂不知廉恥，而男嘅亦唔敢接近佢驚比其他人誤會自己對佢有興趣甚至同佢有染係片中嘅男主角。

自此衣位女同學方圓一米內都再唔會有其他人，除左佢嘅一位女同學，亦係我嘅青梅竹馬-鄺善柔。

喺衣段時間，佢一直都陪住衣位女同學，甚至因為咁，佢都曾經受過其他人唔少嘅攻擊同批評，仲會話佢都實係同一類人。好彩佢本身人緣唔差，所以亦有部份同學幫佢講說話情況先未至於太差。

而亦幸好因為衣件事喺中六中後期發生，捱過左衣段時間後個女同學就去左外國讀大學，應該可以忘記衣度嘅一切重新過新生活。而亦係佢走左後，善柔先肯開始同我講返佢同衣位同學嘅事，亦知道左原來當日係善柔陪佢返大陸落BB。

「你贊成佢咁做? 」我不解咁問。

「我個人係唔贊成架，始終都係一個生命… 但當時佢好堅定，而理性上我亦明白格硬生出黎佢同個BB將要面對d咩。當時佢已經無咩朋友，所以我唯一可以做嘅就係陪住佢，等佢唔駛獨自面對衣件事…

始終我相信衣件事最難受嘅點都係佢，其他人邊有資格去批判佢? 其實佢都算係一個受害者，個人男知佢有左bb後就消失左…」講到後面善柔略帶憤怒。

「咁到底BB爸爸係邊個?」我八掛一問。

「唔知，佢唔肯講…」

「咁點解你肯幫佢隌佢嘅? 其他女同學好多都好不屑佢咁…」我又問。

「咁我問返你轉頭，其實佢做左d咩壞事其他人要咁對佢?」善柔反問。

「…亂搞男女關係?」衣個問題真係考起左我，諗左一陣後我先答。

「點為之亂搞? 你情我願，又唔係呃又唔係搶又無傷害到人，其實關其他人包括你同我咩事? 講到佢好似唔知做左d咩傷天害理嘅事變左個十惡不赦嘅壞人咁…

係咪有左婚前性行為就要好似古代咁浸豬籠大家先安落?」善柔略帶激動咁講。

4.10

「咁你都岩… 或者大家都受左傳統教育影響覺得衣d野不道德掛…」我嘗試幫大家解釋。

「我唔係想評論衣d野岩定錯，道唔道德，因為每個人價值觀都唔同，每個人需要或者自己渴望嘅野都唔同。我淨係知道佢係我朋友，係一個心地唔錯好肯幫助其他人嘅朋友，而佢無做錯事。

你可以話佢傻，話佢唔識諗，話佢唔成熟，但唔應該因為咁就要排斥佢批評佢囉…」善柔繼續為女同學辯解。

果刻嘅我覺得善柔好型，身上都好似散發出一種光茫咁。

不過其實善柔一向都係咁，佢對自己雖然好多時都追求完美，但唔代表佢對其他人都有衣種要求，唔會將自己果套隔硬要塞落其他人度。相反佢對其他人總係充滿住諒解同包容，可以企喺人地嘅立場思考，所以人緣咁好。

或者衣個其實先係佢最完美嘅地方啦。


「咁你自己點睇性衣樣野?」我又好奇咁問。

「無啦啦做咩咁問…」無諗過我突然有此一問，善柔紅晒面咁問。

「好奇睇下我地個聖女點諗咋嘛?」我裝作淡然咁講。

「咸濕仔! 唔好以為我唔知你電腦同床下底收埋左幾多珍藏喎~」善柔好快收拾左情緒，笑住咁想反擊返我。

「… 你點知架?」我驚訝又覺得有少少羞家咁問。

「咩我同你仲有秘密架咩?」佢突然走近我搭住我膊頭咁講。

「車… 咁都好正常啫… 人係有需要架嘛…」我好似比人捉到做錯事嘅小朋友咁略帶口吃為自己辯護。

「咁咪係囉，你自己都識講啦~上帝創造人果陣比左性慾衣樣野人，所以想要衣樣野其實係好正常好自然，係睇你控唔控制到自己架啫~而我同你都未試過當中嘅感覺，又有咩資格企係道德高地批評人?」善柔拎返走我膊頭隻手然後望住前面變返認真mode咁講。

「你講到你好似好想試咁喎?」我反擊咁問。

「實會好奇，但我唔會亂咁黎囉… 衣d野一定要同自己好鍾意嘅人先得嘅~」但善柔竟然直認不諱。

「咁你有無試過自己偷偷…」我繼續乘勝追擊。

「關你咩事呀變態佬!」知我想問咩今次善柔塊面又紅返然後就stop左我。

「又係你話我地之間無秘密嘅… 而且點解你知得我d野我唔可以知返你d野呀?」我梗係把握機會報返頭先比佢攪到咁尷尬嘅仇啦。

「費事睬你!」佢之後無理我就即刻急急腳自己跑走左。

「唔好走啦，話我聽啦~」而我當然無就咁放過佢邊喺後面追住佢邊繼續追問啦~

加速

好好睇 加油

雖然再加速我應該要不眠不休先掂
但我鍾意讀者chur我

多謝支持！

4.12

「啊..啊..啊..啊..啊.. 好正..啊..好舒服..啊…好勁呀你！」

喺Maggie身上瘋狂抽插完又唔知換左幾多個姿勢，我終於張濃濃嘅精液射左入保護緊我地彼此性器官嘅安全套入面，而Maggie則成身軟晒癱屍咁癱左係我身上，房入面就只係得返我地兩個沉重嘅喘氣聲。

既然一開始大家都知大家係想搵咩，閒聊都只係培養下氣氛感覺同做下樣等自己感覺好過d，所以我同Maggie無厘頭咁東講一句西講一句後無耐就直接去左酒店。

果然Maggie係一個極度敏感又超有衣方面需要嘅一個女仔。基本上前戲都未做足你已經可以感受到佢成個人軟晒同濕晒，佢個樣同表情本身就好似不斷咁向你作出左一個無聲嘅邀請，話比你聽佢有幾需要同幾想要你嘅撫摸同進入。唔係之前都叫相處過一陣你甚至會懷疑佢地到底係咪同一個人。

一個咁敏感又咁有需要嘅人，我真係唔太明點解佢會咁堅持唔同Louis攪野。

至於我，我並唔係一個道德撚。正如之前所講，我都曾經有過荒唐嘅一段日子。

我嘅目的只係希望Louis嘅離開唔會令Maggie悲痛欲絕，所以如果真係有工作需要，加上客人都已經主意已決要分手，我其實並唔介意同對方上床發生關係。

學善柔話齋，只要唔係呃唔係強逼對方大家都係心甘情願，其實又邊有對錯之分?而我之所以講我唔係呃，係因為根本對方都只係想搵一晚開心而唔係一段長久關係，所以我並無呃佢嘅感情亦唔係果d扮認真呃人上床嘅賤男。

衣度講少少題外話，因為工作需要，所以我嘅技術其實必需要係頂尖先會有實際作用，而衣d都係得益於自己過去嘅經驗同埋我都真係為此下個唔少苦功操好副偈同技術。如果你見過羅志祥段片覺得佢好快，咁我可以同你講我比佢再快多一個double。

不過為左唔想將自己描繪成淫棍咁又或者將個故事變成左大甜故，所以我都只係會輕輕帶過衣d情節。讀者們只需要知道我好勁，勁到足以讓對方十分滿足難以忘懷就足夠。


回左氣後，Maggie好快就好似做錯事嘅人開始著返衫想急急離開。

「咁快就走？」我仍然訓左係床上面扮到懶洋洋咁問。

「happy完仲唔走留係度做咩？」而Maggie嘅語氣就突然變得好冷淡。

「可以再傾下偈話唔定之後可以再黎多次？」我帶點挑逗性講。

「唔駛喇今日夠了，再見。」佢差唔多整理好自己儀容就打算離開。

「咁我地可唔可以再約？」我再問。

「Sorry..我唔會同男朋友以外嘅人訓兩次」佢答。

「所以你有男朋友？」我即刻追問。

「係」佢亳無猶豫咁答。

「所以你驚多過一次會同對方慢慢產生左感情？」

「...」衣次佢保持左沈默無答。

「咁我更加唔想就咁放你走喎~」於是我邊講邊落床然後從後用力抱住左佢。

「放手呀，你想點呀？」佢即刻掙扎。

「我想睇下你可以抵抗到我幾耐囉～」我無放手仲越抱越用力笑淫淫咁講，然後就直接錫落Maggie個嘴度。

佢擰則塊面掙扎想避開但又唔夠我大力，同時間我一隻手已經好快開始伸入佢件衫入面不斷撫摸佢唔同嘅敏感部位。

因為佢獨特嘅體質，果然佢嘅掙扎無耐就變得越黎越少，個身又開始越黎越軟，然後不知不覺佢已經主動攬返住我...

唔夠半個鐘，我就已經令佢break左佢岩岩講嘅rule，除晒佢岩岩先著返嘅衫，然後再次同我結合為一攀上靈欲嘅高峰。

4.13

「點解要咁做？」

第二次大戰後約略回氣，佢無再急住要走，只係略帶冷漠咁望住個天花板問。

「因為我想你記得我。」我笑住咁答。

「咁對你有咩好處？」Maggie唔明白。

「如果我同你講因為我鍾意你呢？」

「你覺得我會信？」Maggie不屑地冷笑著講。

「點解唔可以信？」我反問。

「我同你好似都只係識左幾個鐘咋喎…」Maggie沒好氣咁答。

「你無聽過一見鍾情咩？而且我地岩岩仲發生左最親密嘅關係添~」我繼續笑淫淫講。

「so? 你地d男人，唔係得到左先唔會珍惜咩？」Maggie就不為所意咁反問。

「所以你覺得你男朋友唔珍惜你？」

「...我無同佢攪過」猶豫左陣Maggie細細聲咁講。

「點解？以你嘅體質...」我裝作驚訝即刻起身問。

「關你咩事？」Maggie冷冷咁答好似想同我保持返距離。

「唔通…佢唔得？」我故作懷疑。

「唔係呀，你唔好亂咁估!」果然佢即刻好心急咁幫男朋友辯護。

「咁我真係唔明...」我裝作不解。

「你無需要明。」

「咁佢知唔知你...咁大需要？」我又問。
「梗係唔知啦，係佢心目中我仲係處...」Maggie有d唔好意思咁答。

「咁遲早有穿崩嘅一日架喎...」我帶有疑慮咁講。

「我都知...」而講到衣度Maggie終於首次露出軟弱嘅一面。

「講我聽係咩事？」見此我伸出左我隻手攬住佢再好溫柔咁講。

「有咩好講？反正你地食完都係拍拍pat pat就走架啦？」或者因為已經發生左兩次最親密嘅關係，又或者因為衣刻確實需要人安慰，佢並無抗拒我嘅擁抱，但就好似有d發晦氣咁講。

「我唔會...以後只要你講我都願意聽，唔係我一早走左唔駛留你係度傾偈啦？」我靜靜說道。

「咁可能只係因為你想食多我幾次啫… 而且唔好以為我唔知，你地d男人有時唔只想呃人個身仲要呃埋人地個心…」Maggie仍盡力咁拒絕相信我。

「我唔係…信我，我只係想做你嘅聆聽者，而且我知你內心都好需要一個人去聽你講。」我繼續攬實佢然後好誠懇咁同佢講。

Maggie聽完後望住我望左好耐，跟住無出聲再次拎轉返面由我從後攬住佢。

「因為我想好好珍惜佢...」良久，佢嘅聲音再次響起。

然後我終於可以知道答案。

4.14

--- Maggie視角---

我叫林美琪，英文名Maggie。

雖然細個讀女校嘅我要接觸男仔嘅機會並唔多，但咁唔代表我對男仔就唔會好奇，特別係見住身邊越黎越多同學都開始拍拖，不斷放閃曬幸福，我對男仔就更加多左一份憧憬同神秘感。

於是無耐我就聽同學講開始左玩唔同嘅交友app，玩左陣亦開始有唔同嘅男仔約我出去。

不過我發現雖然話app有相睇，但原來睇相同真人都真係可以幾大分別...

只係無論外表如何，只要唔係真係差得太誇張，咁對當時嘅我黎講可以同唔同嘅男仔傾下偈接觸下都係開心嘅，所以我都有一直繼續玩，不時同唔同新識嘅男仔出下去。

而喺同過幾個男仔出過街後，我終於遇到一個令我有心動感覺嘅男仔。

只係第一眼見，我個心就突然跳得好快。

佢好靚仔，感覺亦好斯文同溫柔。

好感度好似瞬間就刷滿左，然後心入面就不自覺咁想同佢接觸更多了解佢更多。

所以果次出街後我地都有繼續傾偈同出街，而喺我地第三次出街，佢就主動拖住左我隻手。

果刻我覺得好sweet，個心好溫暖，然後我就有左人生第一個男朋友。

初初一齊我地都係拖住手咁行下街食下野，而無耐後佢開始不時都會問我有無興趣上佢屋企，但因為我心入面有d驚所以就多次都話唔太好拒絕左佢。

不過佢完全無嬲，仲係對我好好，繼續好溫柔咁對我，於是慢慢我就放低左戒心越黎越信佢無再好似開頭咁驚，然後有次終於答應左上佢屋企。

當去到佢間房坐低無耐，佢就突然攬住我，然後再拎走埋我嘅初吻。

果刻雖然我有d驚，但更多其實係唔識反應。

由佢攬住我果陣感受到佢身體嘅熱力，果種男人嘅氣息，我發覺我成身好似突然無晒力咁，身體亦開始傳黎一d好怪異嘅感覺。

我感受到自己心跳好快，身體亦都越黎越熱。而當佢錫落黎果一刻，所有感覺就更加強烈。

然後當我可以稍為開始有返少少思考同意識，係因為我發覺原來佢隻手已經伸左入我件衫入面撫摸緊我。


「唔...唔好呀...」我好唔容意用力擺脫左佢嘅吻帶住少少氣喘有d艱難咁講出口。

「你唔鍾意我?」佢帶住失落嘅語氣問我。

「唔係呀… 但我驚… 咁好似太快…」見佢好似好失落咁，我好驚佢唔開心然後唔再鍾意我所以即刻解釋。

「咁你話我聽你到底鍾唔鍾意我?」佢望住我問。

「鍾意…」我帶有少少怕醜咁講。

「鍾意咪得囉~ Maggie唔駛驚架，我以後對你都會好好，因為我真係好鍾意你...親密行為可以令我地嘅感情同關係更進一步架~」佢笑左一笑然後將頭放係我耳邊咬住我耳仔咁講。

感受著佢口中呼出嘅熱氣，我更加敏感，稍為回復左少少嘅氣力宊然又全部都跑走左… 之後佢見我推佢推得越黎越細力，就索性一下子抱起左我再將我放左喺佢床上面，然後我就糊裡糊塗咁比佢邊錫邊除晒自己d衫，再就咁比埋自己嘅第一次佢…

雖然岩岩佢插入黎果下真係好痛，但慢慢我就覺得種感覺好正好舒服好溫暖，雙手不自覺咁緊緊抱實左身上賜與我衣種溫暖同感覺嘅男人，再忍唔住開始跟住佢前後律動嘅節奏而擺動自己嘅身體…

4.15

完事後回家途中，一方面我雖然好驚好內疚好似做左d曳野對唔住屋企人咁，但另一方面我又覺得好warm好sweet，對將來突然充滿更多期待同憧憬。

原來佢無呃我，親密行為真係令我覺得自己同佢嘅感覺親近左好多，我相信我地之後嘅關係一定會更好更穩固。

果刻，我好想全心全意盡自己最大努力咁去愛佢，好想將自己嘅滔滔愛意全部都包圍住佢等佢可以感受到自己有幾愛佢。

之後我地次次見面佢都會叫我上佢屋企。初初其實我都唔太介意因為自己都有少少沉迷左係衣種床弟之歡嘅親密接觸，但慢慢我就意識到除左攪野衣段時間外佢對我嘅態度好似越黎越差，床以外嘅時間對我甚至係完全愛理不理咁，然後再過多幾次佢就話要同我分手。

當時嘅我好傷心，亦不惜不斷咁主動送上門希望可以挽救衣段感情。可惜佢玩多我幾次之後就連玩我嘅興趣都無埋完全唔再理我，然後好快我就見到佢已經拖住左另一個…

果陣嘅我仲好天真咁諗係咪自己有咩做得唔好令對方變心，不過對方已經有另一個又完全唔再理自己，我可以做嘅似乎就只有被逼接受佢已經唔再鍾意我衣個殘酷嘅現實…

而喺傷心嘅同時，我發覺衣次之後我嘅體質好似有d唔同左改變左... 有時我會極度懷念攪野果種被填滿嘅感覺，每次諗起當時嘅片段都久久不能忘懷。

於是我忍唔住開始會上網睇唔同相關嘅文章同動作片，然後好似上左癮咁每日都至少要自慰一次先舒服...

喺情傷嘅狀態下，或者我都需要其他人去分散注意力同埋投放感情，所以唔駛太耐我就識到第二個男朋友。

初初相識果陣佢好好，好耐心咁聽我講我同ex嘅事，願意花好多時間陪我傾偈同安慰我，有時又會好嬲咁鬧我個ex去支持我，而且不時仲會對我噓寒問暖關心我嘅日常瑣事，所以唔駛太耐我就變得越黎越依賴佢然後同左佢一齊。

喺極度需要慰藉同溫暖下，一齊左未夠十日我地就喺佢屋企一次獨處下發生左關係，然後唔知點解同樣地，之後每一次佢約親我我地都係會攪野。

雖然我都鍾意種感覺唔抗拒同佢攪，但無耐我又開始發現大家好似淨係得返衣樣野段關係好唔實在覺得好失落。我有時甚至會覺得自己其實只係一隻免費雞送去比佢泄慾，泄完佢就會叫我走...

不過我都未到忍唔住要出聲，我就發現佢對我已經越黎越冷淡，然後興趣亦越黎越少，結果一個月後佢又向我提出左分手。

之後，我開始明白，原來攪野係將一段關係推向死亡嘅開始。


「d男人係咁架喇，未得到就當你係寶，得到左就當你係草，所以唔可以比佢地咁易得手架！」

我同身邊好友分享自己嘅情況後佢地都係咁講。

於是當有左第三個男朋友，我嘗試好努力咁控制住自己唔可以咁快比佢得到自己。結果果幾個月我享受左公主式嘅寵愛，佢對我千依百順，又超關心我疼惜我。所以三個月後我都係忍唔住比左佢，然後過多左三個月後我又再次被分手回復單身。

自此，我對男人真正咁死左心。


不過雖然我明朋友講嘅衣個道理，但生理上嘅渴求又偏偏令我唔爭氣，所以之後雖然我再無交第四個嘅男朋友，但就開始有左四五六七八，然後多到數都數唔晒嘅男人。

衣段時間，貪玩嘅我由十幾歲到四十幾歳嘅男人基本上我全部都試過晒。

當然，為左唔想比身邊嘅人知我係一個咁嘅人，我只會搵唔識嘅陌生人而從來唔會搵身邊認識嘅人，所以無人知活潑健談嘅我背後原來係一個不折不扣嘅蕩女….

4.16

不過過住淫亂隨便生活嘅我，有時其實都好討厭自己亦覺得好厭倦，但偏偏我又控制唔到自己唔繼續咁落去，唔係咁我只會覺得自己更加空虛。

糜爛嘅生活就係咁一直持續，直到上左大學，有日我遇到Louis。

初初識Louis果陣，佢既怕醜又笨拙，因為我之前識嘅男人大多都係玩app識嘅人，所以完全無遇過佢衣type，我估佢應該好少同女仔溝通所以唔太識同女仔相處。但因為咁，反而令我覺得佢嘅傻氣幾特別，特別係同幾個都想追我嘅男仔同埋個咸濕組爸產生左強烈比較。至少咁純嘅佢我諗應該唔會係一個淨係想同人上床嘅男人掛?

所以感受到佢似乎對我d有意思，我都難得地唔介意試下比機會佢同佢相處，希望再從中觀察下佢到底係點嘅一個人，我好希望佢真係可以成為與眾不同嘅果一個。

相處觀察左一段時間後，佢無令我失望。雖然笨拙又唔太識表達自己，但我都可以感受到佢對我有幾著緊，似乎係真心鍾意我衣個人而唔係只係我個外表同身體。

經過再三掙扎同考慮下，我決定比多次機會愛情，比多次機會自己，我選擇左相信佢同佢一齊。始終衣幾年咁玩法，我心底入面都真係有種疲累同寂寞嘅感覺，我想有個真係愛我嘅人可以將我拯救出黎。

一齊後佢對我更加好，亦並無急住話想同我上床，而佢嘅單純同笨拙亦令我越黎越鍾意佢，我想好好珍惜衣段關係。

所以當一齊左一段時間後，我知仍然係處男嘅佢想試下，而我雖然都心動但最後仍然好狠心咁拒絕左佢。因為我好驚一旦我地發生左關係，佢又會好似之前d男人咁對我嘅態度產生180度嘅驟變。

如其為一時之快而導致悲劇重演，咁倒不如乘機測試下佢對我個心有幾真。如果佢真係可以為我忍到結婚，咁我相信佢對我真係珍珠都無咁真，之後我亦可以好放心咁滿足佢，唔會因為咁影響到我地嘅關係。

拒絕左佢後雖然感受到佢嘅失望，但佢都無勉強我，亦無因為咁對我冷淡左，咁令我對佢更加珍而重之，更加唔敢行去果一步。不過為左幫佢降火，間中我都會用手幫佢解決佢嘅需要。當然初初我都會扮到自己好生疏唔太識點做以免佢對自己起疑心。

不過雖然幫佢解決左佢嘅需要，但我自己嘅需要就無人幫我解決。我係衣方面其實真係好有需要亦好敏感，要拒絕佢唔同佢攪野其實我自己都要有好大嘅意志力同忍耐力。

好彩每次當我一諗起如果衣個時候比左佢佢好快就會同我分手，我就會即刻清醒冷靜返晒然後先勉強把持得住。

不過咁只係令我忍到唔同Louis攪野，但唔係忍到唔去攪野。就算對佢把持得住當我自己一個人果陣我都係忍受唔住衣種煎熬，所以衣段時間我間中都仲會繼續好似以前咁搵ONS，但就堅持唔會同同一個人做多過一次，唔會比自己有任何機會對其他人產生感情，只係純粹為左解決自己生理上嘅需要。

我接受到自己為需要而有ONS，但我接受唔到有SP。雖然我知衣d都係自我安慰希望可以減少自己罪惡感嘅廢話。

本身一直都相安無事，直至今晚遇到一個人，一個比左前所未有快感我嘅怪人...

我本身好想拒絕，但我個身體抗拒唔到...

4.17

---現實---

聽完Maggie嘅自白，謎底終於被解開，但同時間亦令我有d唔知點算好。

Maggie唔係唔鍾意Louis，相反佢就係因為太鍾意Louis，好驚同對方真係攪完後會步之前幾段關係嘅後塵，所以佢定左衣條戒律比自己。

但可惜佢衣刻仍然未知道嘅，就係正正因為衣條線，結果反而推開左Louis令佢投入左另一個肯比衣樣野佢嘅女人懷抱。

佢可以怪Louis嗎? 似乎唔可以。因為佢自己都受唔住生理上嘅需要而成日去同人一夜情，咁又點可以怪對方同樣因為生理需要而搵第二個? 雖然第一次都算係一個意外...

咁調返轉講Maggie又係咪好錯呢?某程度上佢背叛左Louis比帽對方戴仲呃對方自己係處話想留返第一次比老公，坦白講都真係好難話佢無問題。

不過聽完佢背後嘅故事同原因似乎又都唔係完全唔情有可願。始終佢都曾經係受害者受過傷，因為痛苦嘅過去而令佢有左今日咁嘅諗法。

至於生理上嘅需要，始終衣d野好因人而異，而我唔係佢亦唔會知佢身體上到底有幾難受，所以我都唔想去評論。

其實Maggie需要好大而佢地性生活唔協調，喺果日睇佢同Louis拍拖我就已經知道，因為衣個就係我見到嘅切入點，所以我先好驚訝Louis話Maggie講過第一次要留比老公因此要結婚後先可以同佢發生關係。我相信Maggie對Louis係有所隱瞞。

而我衣家要決定嘅係，到底我應該點做好?

首先我需唔需要比Louis知Maggie嘅苦衷?

如果佢知道左會唔會改變主意? 但同時間佢又接唔接受到Maggie過去嘅往蹟同呃佢又比帽自己戴?

其次我又應唔應該繼續令Maggie變心?

但如果我令佢鍾意左自己後又再好似平時咁無情消失，咁咪即係又會令佢再受一次之前受傷嘅經歷，更加確信男人同自己上完床就會拍拍”囉柚”走?咁對佢傷害好大之餘可能仲會害左佢整個人嘅下半生。

霎時間我都真係有d兩難。

4.18

「傻妹…」我攬實佢講。

「我知我講嘅野好bullshit，明明自己淫賤出軌比帽佢戴但就講到自己好愛佢… 講到尾根本就只係自己定力唔夠..」或者壓抑得太耐，Maggie開始痛哭起來。

「我明你想保護衣段關係所以咁做，但你有無諗過咁可能反而係弄巧反拙將佢推開?」我如實咁問。

「如果佢因為咁而唔要我，咁佢鍾意我極都有個限度啦…」Maggie稍為收起自己嘅眼淚答。

「咁如果佢係被動受到誘惑呢? 又或者佢好似你咁，都好鍾意你，但佢有其他SP或者ONS，咁你又接唔接受到?」我問。

「如果只係SP或者ONS無牽涉感情，我會接受到，因為我無資格怪佢…」Maggie諗左陣後答。

「咁如果佢跟住因性而生愛呢?」

「邊有可能? 你地d男人因性生厭就會…」Maggie覺得我問左個好可笑好白痴嘅問題。

「真係唔會咁點解你又驚自己會因性生愛所以唔會同同一個人多過一次?」我反問。

「男人同女人點同! 我初初同果幾個ex明明每次有完親密接觸我都會更鍾意佢地更依戀佢地，但佢地就只會越屌我越厭!」諗返起以往不快嘅回憶Maggie情緒有d激動咁講。

「有咩唔同? 就算真係有分別，都唔會純粹因為男同女而sharp cut，最多只係比率多與少嘅分別… 好似好多人都覺得女人唔可以有性無愛但男人可以，但你睇下你自己唔係都可以咩?」我提出我嘅見解。

聽我講完Maggie發覺自己好似反駁唔到就無再出聲。

「所以其實男人都唔一定係咁，只係咁岩你唔好彩之前遇到嘅係咁啫… 唔信嘅我可以証明比你睇。」我平靜咁講道。

「點証明?」Maggie好奇。

「我就算同你上完床都可以一直對你好好。」

「我講左我唔會再同你… 就算比你今日得逞，之後我都唔會再見你…」Maggie臉有難色，我知佢自己都知自己自信心唔係太足夠。

「咁証明你驚囉~ 而且如果果個係我，我相信一晚都已經夠你有排忘記唔到我~」

講完我就又即刻翻身壓左上佢身上，然後瘋狂咁錫佢身上唔同嘅部位，而佢知道自己根本反抗唔到，係沉默無聲抗議完一輪後亦好快放開心情再一次咁盡情咁享受同我嘅魚水之歡。


睇到衣度如果你心入面鬧緊我好色嘅話，咁請容我解釋一下我逼Maggie同我三連發並唔係真係因為我咸濕想同佢瘋狂扑野，而只係希望盡量利用自己嘅天賦可以喺佢身上刻上更深嘅烙印令佢更加唔捨得就咁以後唔再見我。

始終如果衣次後佢真係可以狠心唔再理我同我斷絕來往，咁之後就算我有幾多後手都無用繼續唔到落去。所以我必需要把握衣次機會盡量增加自己往後可以做主動嘅本錢，而我憑嘅就係自己嘅實力同佢獨特嘅體質需要。

4.19

對我黎講，最完美嘅結局就係勸到Maggie改變主意肯比Louis得償所願然後Louis又唔捨得Maggie回心轉意肯同返佢一齊再黎個BBQ式嘅大團圓結局。

不過Louis上次都講左就算Maggie肯，佢都係會選擇Cindy而唔會返轉頭。如果最後結果喺兩個人發生左關係後Louis再按原定計劃飛左Maggie，咁Maggie一定又會覺得係因為性衣樣野而破壞左二人關係攪到Louis要分手。

如果再有多一次咁嘅經歷，我相信之後要再改變到Maggie諗法嘅機會應該真係微乎其微…

咁如果喺佢地發生關係後，我再令Maggie變心呢? 咁佢唔知Louis變心就唔會覺得係性破壞左段關係，可以改變佢固有諗法之餘又唔會太傷心，貌似都係一個幾好嘅解決方法。

問題係我雖然有信心可以令Maggie對自己有感覺，但要靠咁令佢肯同Louis分手就好困難… 始終Louis一直對佢都係好好，只係sex衣樣野成為左佢地障礙。如果佢地最後順利結合，衣個切入點可能都會隨之而會消失，所以要單靠sex去將Louis從Maggie心入面趕走似乎並唔現實，除非Louis都要有d配合…

如果Maggie發現同Louis係性上面並唔夾，唔知佢會唔會有唔同嘅諗法?


雖然我應該可以解開到Maggie心結令佢願意同Louis更進一步，不過當我都未諗好再下一步應該點做果陣，變化卻已經出現。所以話其實任你計劃得幾周詳都好，好多時計劃都未必會趕得上變化。


喺同Maggie纏綿完後三星期嘅一晚

「壞人，你唔駛再幫我喇!」無諗過我未打比Louis，Louis卻先打比我。

「係咪發生左咩事?」我不明所意咁問。

「本身我係因為唔想傷佢心又覺得自己對唔住佢先搵你幫手，但岩岩我知道左原來我一直都只係個傻佬! 一個不折不扣嘅傻!

佢口口聲講唔肯比我掂話要留返比佢嘅未來老公，但點知原來所有野都係假架，佢可以比其他所有男人掂，就淨係唔可以比我掂! 我個friend之前真係無講錯，我就係果個傻佬!」Louis好嬲好燥咁對住我咆哮。

「你… 係聽人講定係親眼見?」原來已經東窗事發左。

「我有個死黨睇住佢同另一個男人上時鐘酒店，佢唔會呃我!」Louis解釋。

「咁你諗住同佢攤牌?」

「係! 我要當面奚落佢，鬨爆佢! 所以先打比你同你講唔駛再幫我溝佢，佢唔值得我care佢嘅感受!」Louis仍然好憤怒。

「Louis，我唔係想阻止你，亦明白你點解好嬲。不過有兩個問題我想你先諗一諗…」而我可以做嘅就只係盡力令佢先冷靜。

「你講…」

「首先，你可以諗下衣幾年Maggie對你係點。如果佢真係為左玩你唔鍾意你但同你一齊，咁唯一解得通都係想利用你搵你著數啫。但我上次問過你你話唔係。咁如果佢真係鍾意你但咁做，佢會唔會有佢背後嘅原因?

第二係如果你已經決定左同佢分手，自己亦已經有左第二個，理論上你應該唔會咁嬲。咁會唔會代表緊，除左因為佢呃你外，你其實心入面都仲好鍾意佢? 佢係你心目中仲係有好重要嘅位置?」我幫佢冷靜咁分析。

4.20

「…. 你其實係咪一早知所以上次先問我果堆問題?」Louis冷靜左陣後問。

「當時我仲係懷疑，不過衣家已經証實左係真，只係佢咁做都真係有佢嘅原因。」我無隱暪。

「我真係諗唔到除左佢淫同賤外仲可以有咩原因?」Louis冷笑問道。

「其實你有幾了解佢嘅過去? 知唔知佢以前經歷過d咩? 」我反問。

「佢無點講過，淨係話拍過兩次拖但好快就散左… 」Louis答。

「咁你知知點解咁快散? 不過你唔知其實都唔可以怪你，因為佢係專登唔想同你講…」

於是我就將Maggie嘅故事同苦衷講左比Louis聽。

「所以… 你覺得佢值得被原諒?」聽完後Louis沉默左段時間，然後稍為冷靜咁問。

「原唔原諒決定權係你度，我只係想比你知佢曾經受過嘅傷害同背後嘅諗法。至少唔係你一開始所諗咁專登玩你…」我解釋。

「我明白，不過我都係接受唔到… 我接受到佢點解唔肯同我上床，但接受唔到佢一方面呃我要留返第一次比未來老公，但原來同時間自己為左解決需要就不斷咁搵第二個…」隔左陣Louis講道。

「咁我明好多人都唔會接受到，不過你都可以諗下你同Cindy第一次後其實你自己都忍唔住同佢有第二三四次，到衣家你仲直頭沉左鍾意左佢要為佢放棄Maggie添。

有d野如果淨係從道德上講係點講都一定唔岩，只係衣個世界上其實可以完全抵抗到誘惑唔做錯事嘅聖人又有幾多個?」我盡最後努力勸解Louis。

「如果佢一開始可以坦白，咁可能一切都唔同呢…」Louis有點無奈咁講。

「或者就係因為佢太重視你驚失去你，所以佢驚唔敢同你坦白，結果反而造成左今日嘅局面。世界本身就係充滿住矛盾同諷刺…」面對衣個世界古怪嘅運行法則，我都只可以表示無奈。

「我… 會嘗試心平氣和咁同佢講分手…」似乎Louis已經完全冷靜左落黎。

「咁你會唔會同佢坦白你做過嘅野?」我問。

「會，我要佢後悔…」Louis堅定有力咁講。

「你果然都只係口硬心軟…」但我就稍為釋懷咁講。

「雖然你最後未完成到工作，不過我會照比一半酬勞你。」知被我睇穿，Louis 無再講d咩轉開左話題，不過我幻想到電話另一邊嘅佢應該正係度苦笑緊。

「咁好?」

「始終唔係因為你，我未必會知埋故事嘅另一半然後好似衣家咁冷靜。」Louis解釋。

「咁我就卻之不恭喇…」我無謝絕佢嘅好意。

之所以話Louis口硬心軟，係因為如果Louis淨係同Maggie講知道左佢一直都呃自己仲成日去ONS所以要分手，咁Maggie一定會陷入極度內疚同後悔之中。

但如果Louis講埋自己都出左軌，係因為係有左第二個所以要同Maggie分手，咁Maggie雖然都一樣會自責同後悔，但同時間佢心理上會相對上易平衡一d。

一來因為原來Louis自己都受唔住誘惑出軌唔係得自己一個做錯左，咁Maggie相對上會無咁內疚同懊悔。

二來就係知對方出軌或多少自己都會嬲或者生Louis氣，從而分薄左自己嘅內疚值同傷心值。

三來係佢希望可以透過咁話去比Maggie知佢衣個做法並唔正確，如果佢繼續咁諗咁做，好可能之後遇上第二個都會繼續重蹈今次嘅覆轍。

因為已經鐵定自己唔會繼續同Maggie一齊，所以Louis寧願Maggie嬲佢憎佢但可以放低佢，都好過成世活係懊悔同內疚之中。佢亦希望可以透過咁去改變令佢唔會再因為以前嘅經歷而諗得太過偏激。

事情發展到衣步已經唔係我可以控制同改變到d咩。不過如果我無估錯，Maggie應該好快就會主動搵我。

果然，第二晚佢send左個message比我，只係得個酒店地址同房號。

4.21

喺Maggie最脆弱嘅時間，我當然唔可以選擇消失走左去。而當酒店房度門一打開我都未望到入面，就已經有個疑似人嘅物體撲向我攬實我再用佢個嘴封住我個嘴。

我知今晚佢好需要我，或者應該講係佢好需要一個去陪佢，所以唔需要任何言語，我直接用我嘅身體比左熱烈嘅回應同安慰佢。


「我男朋友同左我講分手...」事後當我地回左陣氣仲休息緊嘅時候佢突然講。

「咁突然?」我裝作驚訝。

「佢知道左我同過好多人ONS…」Maggie黯然地講。

「oh… 咁你有無同佢解釋原因?」

「無... 講左真係會有用咩? 而且佢仲有同我講佢其實都有左第二個...」Maggie繼續講。

「咁... 你ok嘛?」我關心問道。

「我其實係咪真係一個好淫蕩好cheap好賤嘅女人?」Maggie問嘅時候我感受到佢內心果種悲傷同對自己嘅怨恨。

「唔係。」我攬實佢有力咁答。

「去到衣步你都唔駛再氹我啦，我唔信你個心真係咁諗...」Maggie唔信。

「如果我真係咁諗，我就應該次次搵你都係直接扑野扑完就走左去啦，點解我之前要咁辛苦証明你睇就算我地有無上床我都會對你好?」我繼續講。

其實自第一次後我不時都會message Maggie關心佢嘗試同佢傾下閒偈，而且亦再無主動要求過同佢上床，倒反而係佢有兩次忍唔住主動搵我解決需要…

「... 咁其實係點解?」諗返之前幾星期嘅相處Maggie開始有少少被說服。

「每個人需要同價值觀都唔同，只要唔係傷害人，衣d就只係你自己嘅事，我唔會因為咁而去judge你個人係點點點。

而我做咁多野係因為我好想話你聽如果因為咁而令你唔敢同男朋友有親密關係，我覺得係好傻嘅一件事....」我解釋。

「但你地男人就係咁衰，得到左就唔會再要我…」Maggie痛苦地埋怨。

「你其實係進入左思想嘅謬誤區域... 你之前果幾次拍拖最後會變成咁，係因為佢地根本由day 1接近你開始就已經只係想同你上床而唔係真係鍾意你，所以先會一得到你後就變臉，而唔係你一直所諗因為攪完野男對女嘅感情就會變差。佢地初初對你好只係一種氹你上床嘅手段，心入面根本從來都無真心鍾意過你…

如果你好似衣家對你男朋友咁幾年都唔比佢地掂，我好肯定佢地幾個月後都一樣會直接變臉同你分手，因為佢地唔會咁好耐性去偽裝等咁耐…

所以之前幾次失敗，歸根究底係因為你揀錯左人鍾意而唔係上唔上床嘅問題，你攪錯左個因果關係。」我解釋道。

「… 你地d男人講大話咁叻，咁我點先知個男仔係真係鍾意我定係只係想同我上床?」Maggie諗左陣後問。

「無架，只可以聰明d，唔好一開始就信晒人，用心去感受，用時間去証明。

其實你一開始唔咁快同男朋友上床衣個做法係完全無問題。但當你地一齊左一年兩年甚至三年，如果你唔係自己抗拒衣樣野就無需要再死守衣個原則啦。

正如頭先所講，唔會有人咁好耐性為左同你上床而咁錫你對你咁好一段咁長時間都唔變，如果佢地做到，就代表佢地對你係真心...而性衣樣野同你諗嘅亦相反，其實好多時係可以令大家嘅關係更進一步，前提係如果大家都真係鍾意大家而唔係單純為左性慾。

如果我無估錯，你男朋友應該都係因為衣樣野受唔住誘惑先會同左第二個一齊… 始終你地年紀咁細要等結婚都仲有好多年，仲要你係佢第一個女朋友佢根本無體驗過衣樣野，要忍都真係唔容易架…」我再講。

「如果我早d醒悟咁就好喇...」沉默左陣後Maggie終於被我說服。