<我嘅職業係專溝人地個女朋友>

係咪應該再幫佢寫多d..

要有

84喇快啲加更啦

等唔切喇 好緊火 谷爆喇 加更啦好睇

下個位90
不過明天應該中午都會出，唔駛等太耐

加更！！
加更！！
加更！！
加十更！！

日本時間中午啦

淨返嘅故事可能都無十更了

日文嘅朋友你好，應該三個字內會出

我去左日本旅行渣，聽日就返香港(地獄)做奴隸

8.24

視察完畢我又直接約左佢地出黎飲野再將我嘅觀察話比佢地聽。

「Nicole覺得男朋友唔了解佢? 咁我可以點幫佢呀?」聽完我講後軒爺好緊張咁問。

「你做個了解佢嘅男朋友咪得囉。」我飲左啖酒然後好淡然咁答。

「下? 都話我唔係想搶走佢咯…」軒爺聽到後就面有難色。

「軒爺，其實只要你對佢係認真唔係玩玩下，確信自己比佢男朋友更比到幸福佢，男未婚女未嫁又無小朋友，咁其實有咩問題? 你只係比多一個選擇佢，但唔代表你一定成功。如果佢地係無問題，你唔會介入到，如果佢地係有問題，咁就算你唔介入問題遲早都係會發生。一陣比個PK乘虛而入咁咪仲衰?

如果你係夠愛佢，就唔好比世俗嘅眼光影響左你，應該好man咁講，為左令佢可以幸福，我就算做衰人受千夫所指又有咩所謂? 一切都係為左佢好! 你係咁鍾意佢就應該要有衣個覺悟~」我努力鼓勵佢道。

事實上一直做開溝人地個女朋友衣個職業嘅我，又點會覺得衣件事喺道德上會有問題呢。

「估唔到阿仁你講得出衣番咁有見地嘅說話，講得太好喇~ 就憑你衣段發人深省嘅說話就值得我地乾左衣杯佢!」而郭非凡就喺側邊食住花生咁講。

本身軒爺都有d比我說動左，但聽到郭非凡咁講完又有返d猶豫。

「你唔好講咁多野啦，你次次撓完人長腳最後都唔係比到更好嘅人生對方而只係惡夢囉…」我見咁就叫郭非凡唔好再講多餘嘅野。

「我每次一開始果陣都真係咁諗架，每次我都好希望佢就係可以令我修心養性果個人，可惜佢地唔係啫~」佢聽到我咁講仲想狡辯。

「廢事睬你…不過軒爺，我信你係得架，比d信心自己，下定決心去馬啦!」而我都費事再理佢繼續鼓勵軒爺。

「之但係佢男朋友如果都唔理解佢唔知佢需要d咩，咁我咪更加難?」軒爺仍然猶豫。

「所以我先要搵埋衣條友出黎... 要講了解女人心，又有邊個比佢更有心得? 雖然你可能好不齒佢嘅行為同方式，但無可否認佢對女人確實係有一手先可以攻無不克，呀唔係，係”接近” 攻無不克先岩~ 所以黎緊你可能真係要請教下佢嘅心得喇…」我手指住郭非凡講。

至於點解後尾加返”接近”兩個字係因為醒起佢近排都遇到個攻唔入嘅女仔，然後引來左佢一下嘅敵視。

「下?」軒爺一臉懷疑同不滿咁望向郭非凡。

「叫聲我師傅我就教你~」而啤左我一下後郭非凡好快就一臉得戚同笑得好賤咁同軒爺講。

「你唔好咁得戚住… 你個case分分鐘仲難攪過佢，我勸你對軒爺好d，話唔定將來有日你要搵返佢幫手…」但我好快制止左郭非凡。

「點解咁講?」郭非凡一臉不解同擔心咁望住我問。

「直覺。」而我當時心入面單純諗嘅係Eva同軒爺都係一個好人，價值觀可能比較相近。

「唉… 其他人講我會講得佢9up，但由你把口講出黎，我就唔可以唔信…」雖然好想打我，但郭非凡又唔敢唔信我。

「同埋你個case可能真係要等運到，未必急得黎…所以你都係認真咁教下軒爺先啦。」我再補充一句。

「咁好囉....但我人都未見過，好難知佢係邊類型喎，最好都係比我接觸下佢先，唔係估估下我驚最後害左軒爺咋…」一牽涉到自己福祉郭非凡就即刻屈服。

「咁軒爺你諗下辦法比非凡接觸下Nicole啦。不過郭非凡你接觸還接觸，唔好接接下食埋呀下，唔係你衣世都會受到我地嘅報復…」驚郭非凡亂黎我再比左個警示佢。

「放心啦，我一向盜亦有道，唔會攪自己兄弟target嘅~」佢笑得好燦爛搭住軒爺膊頭講。


於是日文堂裏第二個星期就多左個插班生上堂，而係軒爺介紹下非凡亦都認識左Nicole。

8.25

之後我無再干涉佢地，而不出兩星期非凡就有左結果，其實都係最老土嘅問題-男女之別。

「有無聽過有個理論，話男人係天生解決問題，女人係天生制造問題?」郭非凡一開始就講。

「無…」軒爺直接答。

「簡單講，當你遇到一個問題，你會點?」郭非凡問。

「解決囉...」軒爺覺得非凡問左個好白痴嘅問題。

「你自己解決唔到呢?」郭非凡再問。

「搵人幫手一齊解決?」軒爺試探性答。

「無錯，我地男人好多時聚焦嘅都係想盡快將個問題解決。我地唔開心係因為有難題未解決，我地開心係因為個問題已經解決左。」郭非凡滿意咁點左下頭講。

「係呀，咁跟住呢?」軒爺唔明白郭非凡想講咩。

「但女人好多時其實都唔係咁諗。」郭非凡略帶神秘咁答。

「咁佢地係點諗?」

「無架，佢地可能純粹想同你呻下架咋，同你講九成時間其實都唔係想你比解決方法佢而只係單純想搵人傾下或者等你care下佢。」

「咁幫佢地解決問題其實都係care佢地等佢地唔駛再煩呀?」軒爺仍然不明白。

「所以你真係唔了解女人… 佢講你聽，係想話比你聽佢好辛苦好唔開心，而唔係想解決個問題，甚至其實佢自己本身個心入面已經有解決嘅方法添。衰d講，你唔理佢佢最後都會解決到個問題，但同樣地就算你即刻幫佢解決左個問題佢地都未必會即刻開心返。

所以如果你只係不斷諗方法比solution佢，佢其實並唔會開心，相反仲會覺得你根本唔關心佢唔體諒佢嘅辛苦。衣個時候你同佢講句知道佢好辛苦好煩心好為佢心痛，有用過你比十個解決方法佢。」郭非凡一副專家口吻分析。

「係真唔係呀…」軒爺就充滿懷疑。

「你當我地男人世界入面難題同開唔開心係一種因果關係，而對女人黎講難題同開唔開心係一個週期關係，咁你可能會易明d。

我舉多個例子你聽，假如有日你做野比上司鬧唔開心，你會點?」

「多數自己收埋係心，冷靜諗下上司講嘅野岩唔岩，匿埋唔開心一陣掛…」軒爺諗左諗後答。

「衣段時間你係咪想自己一個多d唔想人煩你?」郭非凡再問。

「正常係，不過有時可能都會想搵班friend出黎呻下。」

「咁如果你女朋友搵你呻話佢今日比上司鬧完咁你會點?」郭非凡又問。

「我會同佢冷靜分析下佢上司講嘅野岩唔岩，岩嘅就聽唔岩嘅就唔駛理佢，希望佢會進步。」軒爺一臉認真咁答。

「咁你就死得喇，就算比你同到Nicole一齊佢都唔會開心…」郭非凡一副”萬事皆休”嘅樣子。

8.26

「點解?」軒爺即刻好擔心又好迷惘咁問。

「正如頭先所講，女仔搵你呻唔係要搵解決方法，唔係要你評論岩定錯，佢只係想話你聽佢唔開心。所以你衣個時候仲同佢冷靜分析只會令佢更加不滿同唔開心，衣d唔係佢要嘅野…」

「咁我應該要點做?」軒爺終於虛心求教。

「聆聽、表示理解、企係佢果邊，總知不論對錯，就係話比佢聽你知佢受左委屈support佢體諒佢，最好鬧埋佢上司一份，咁佢就會覺得你明白佢，心情都會好返好多。

記住佢唔係要judgement，而只係情緒上嘅渲泄。」

「縱使明知佢自己真係有問題?」軒爺問。

「無錯! ”女朋友永遠無錯”係同女人相處好重要嘅規條，特別係佢發緊脾氣果陣! 其實要教佢唔係唔得，但唔係喺果個moment，因為咁只會更令佢覺得你唔明白佢體諒佢，條氣更加唔順聽唔入耳。

如果你真係想佢明白一d道理嘅可以等件事過左佢心情靚果日先同佢慢慢解釋返，或者用其忚例子去教佢。

不過有時其實佢地都唔係唔知自己有問題，只係想搵人呻下啦。但衣d就真係一個個人嘅…」

「真係咁麻煩架?」軒爺聽完好似有d驚。

「女人係一樣好感性好sensitive嘅動物… 佢地需要嘅野同男人真係好唔同。就好似我地幾條麻甩佬去食飯，直接問佢食咩有idea咪講然後無反對就去。

但如果你同女朋友去街就咁問佢地想食咩佢地有時都會唔開心。」

「點解會唔開心?」軒爺不明所意。

「”我鍾意食咩你唔知架咩? 有無用心比d誠意諗過下?”佢地有時真係會咁諗。」

「原來真係咁大學問…」軒爺一副如夢初醒咁嘅樣。

「如果佢叫你話事你就更加要小心添…」見軒爺咁嘅樣郭非凡並無停止佢嘅”教授”。

「點解?」

「因為只要你講唔中佢心入面真正想食嘅野，咁你就gg了…」郭非凡邊遙頭邊咁講。

「即係佢地嘅”你話事”，”無所謂” 唔係真係無所謂?」軒爺終於有d開竅。

「無錯，睇黎你開始get到重點了。記住另一個規條，女朋友嬲係唔需要理由同道理，錯嘅永遠係你…

教多你一招， 只要你一開始換個方式講”你估下我今日book左同你食咩?”，佢地就會好開心笑住咁同你講佢想食咩架喇，之後你再暗地裏即刻去book~」郭非凡又換左一副”塞錢入你袋”咁嘅樣。

8.27

「但我又唔覺Nicole會係咁嘅人…」今次到軒爺搖頭。

「咁每個人其實都唔同，亦唔會個個女人都真係一式一樣。頭先我都只係講一d例子等你易明d啫~事實上都有d女仔唔係咁，反而會比inspire到自己嘅男仔吸引，咁你個approach就要完全唔同，所以我先話要認識下Nicole先比到advice你。

就我觀察，Nicole係比較吻感偏向第一類，雖然佢未必會因為頭先講嘅果堆野而嬲，但就絕對會因為咁而唔開心。」

「受教了…」軒爺開始被說服。

「當然，我地男人都有我地嘅唔同。例如有d時候我地會想自己一個匿係樹洞解決問題或者等自己情緒過左就會出返黎。但如果女仔唔明，可能就會困惑點解你好似突然唔想理佢，對佢冷淡左咁。跟住開始無安全感亂諗野，所以有時我地都要好好理解佢地嘅思維先管理到佢地嘅情緒，唔係最後都係自己受罪…

你得閒可以買本舊書睇下，叫Men Are from Mars, Women Are from Venus。雖然好多佢講嘅野我覺得都唔係話好岩，但睇完至少你會明白男同女係思想上係可以好唔同完全係兩個思維黎。

如果我無估錯，佢男朋友應該就係犯上你頭先所犯嘅所有錯誤。例如可能Nicole係學校比家長投訴，或者d學生好唔聽話激親佢，但佢男朋友可能慣左工作上係要拆彈所以聽完佢講次次都只係同佢冷靜分析件事而唔係關心個人，甚至最後就係叫佢辭職唔做，但就忽略左或者根本唔知Nicole好鍾意教書，咁咪令Nicole覺得對方唔了解佢唔知佢嘅需要囉…

佢衣d工程師，好多想諗野個mindset都係problem solving，但就理解錯左個問題其實並唔係真係個問題本身。」郭非凡一口氣講。

「明白… 咁我應該點做?」

「同佢保持傾偈，只要佢肯同你講佢嘅心事，你就有機會。記住，唔好批判對錯，唔係要解決方法，比佢知你用心聆聽，理解佢感受同情佢支持佢，著重個人多過件事，慢慢佢就會同你越講越多，然後你就可以一步一步咁入侵佢個心靈架喇…」郭非凡認真咁將似乎自己已經一早諗好嘅劇本講出黎。

「咁我即管試下啦…」軒爺似懂非懂咁。

「李立仁，我幫左軒爺咁多，咁你幾時幫返我呀?」見軒爺深思緊自己岩岩教佢嘅野，郭非凡即刻擰個頭黎問我。

「我都唔敢講呀，價值觀衣d野，有時都要d外在因素激發先會出現，急唔黎架…」而我都比唔到答案佢。

「咁會唔會永遠唔出現架?」郭非凡焦急咁問。

「可能架，真係無人會知…」我比定個心理準備佢。

不過或者真係天意，無耐後一件事嘅發生果然將衣個潛在炸彈引爆。2019年，反修例事件引發多宗遊行同大型示威衝突發生。

幾時完啊樓主

不過或者真係天意，無耐後一件事嘅發生果然將衣個潛在炸彈引爆。2019年，反修例事件引發多宗遊行同大型示威衝突發生。

醫生 vs 玄牛

我估仲有大概一星期就完
雖然突然多左3個負評
不過都努力為定最後一次加更作準備
希望有機會用

唔錯，你由十幾正評提升到今時今日。
只要你枕住連載，唔似心血來潮玩玩吓，幾日貨仔就收皮。
人係會開始追，會慢慢累積落去。
正負評唔表示你差，咩原因都有，㩒錯制都有。
除非太過份，太離譜，我係從來未負評過正常作者。

多謝你

其實衣個都已經係我第五個故
如果有由第一個跟開嘅讀者（唔知有無呢）
應該都會知我基本上唔會拖故，真係差唔多日日都會出
因為我都好明白睇故一氣呵成效果會更佳
所以都盡力每日出
衣個故更加係破紀錄全力output每日至少三千字

當然咁都唔代表d咩
只係希望大家都會睇得開心
可以有少少觸動到大家
咁對我就已經好足夠

好睇支持下

老老豆豆爭一個又就嚟完故不如回饋下啲忠實讀者啦

8.28

義務救護員被射爆眼、救護員因被禁止入地鐵站內為傷者進行急救而跪地哭得聲嘶力竭、印尼女記者中槍失明、示烕者近距離被實槍射擊、721，831等突然被列為禁語日子發生嘅事，一幕一幕全都衝擊住香港人嘅心靈同三觀。

作為曾經嘅亞洲第一，警察因為種種嘅行為，民望不斷屢創新低。

而Eva作為天職負責救人嘅醫生，眼見一幕又一幕嘅畫面，對此亦覺得難以接受，然後二人價值觀上嘅分歧終於全面爆發，繼而發生一次又一次嘅口角。

黃藍政見，講嘅其實已經唔係道理而係價值觀嘅問題，所以爭拗者永遠唔會說服到另一方，相反每次爭執大家都一定會拗到面紅耳赤，最後不歡而散，因為價值觀對每個人黎講都係好重要又不易被改變嘅一種核心價值。

就好似有d人覺得你條命係國家，唔聽話國家就有權收返，一切都一定以國家利益行先。

但有人又覺得國家係由人民組成，人民意願先係最重要，政府應該係服務市民而唔係控制市民。

有人覺得眾生平等，有人覺得人就係有分階級貴賤，因為自己係屬於貴果群。

誰對誰錯其實根本無得拗，因為價值觀就係每個人用黎判別對與錯嘅果把尺。用唔同嘅尺去度同一樣野，得出嘅結果亦自然唔會一樣，偏偏你就係好難接受衣種嘅唔一樣。

好多話題，識左咁耐以黎Eva同佢男朋友都從未傾過觸碰過，但今次嘅事卻令佢地彷佛好似重新認識過大家咁，然後佢先發覺原來對方嘅思維同自己係咁唔同。

突然間佢覺得男朋友好陌生，原來一齊左咁耐自己都唔係真係咁了解佢。

到底係佢嘅職業改變左佢，定抑或由第一日識佢果陣其實佢已經係咁?

Eva唔知道。

但衣次社會事件無疑令大家嘅關係陷入左冰點，瀕臨分手邊緣。

而對次佢發覺自己根本完全無能為力，陷入深深嘅矛盾之中。

8.29

喺社會事件初期，郭非凡一向係偏向政治冷感果堆，而軒爺就偏屬於係和理非嘅黃絲。

其實好多所謂嘅中立，本身係源於佢地對衣件事嘅漠不關心。當你真係嘗試了解過到底發生緊咩事，理解所有前因後果，其實就好難會做到所謂嘅”中立”。

郭非凡亦一樣，之前嘅佢淨係掛住返工同溝女，對社會嘅事情都唔太關心，為此軒爺對非凡曾經都頗為不滿，覺得佢係港豬。

不過慶幸佢只係唔關心而唔係去到藍嘅階段，唔係我地衣個三劍俠嘅組合可能都要面臨拆夥嘅危機。

有sales朋友同我講過，衣個世界有兩個話題係唔可以同客人討論，一係宗教二係政治。因為衣兩個話題一旦被觸碰，只要大家話不投機，最後就好可能會演變成為駡戰，嚴重破壞大家嘅關係。

其實自2019年後，大家身邊有幾多親戚朋友從此鬧翻，甚至變成老死不相往來? 無論幾多年感情，因為社會撕裂，政局改變，好多野都變得唔一樣，再無可能可以返返去以前咁…

事件初期為左令郭非凡唔做港豬，我同軒爺商量完後最後用左一晚嘅酒水成功氹到郭非凡同我地參與左一場遊行。我地好希望透過咁令佢可以親身經歷同了解一下成件事。

始終作為一個香港人，發生咁大件事我覺得真係唔可以咩都唔知唔理咁就算。

遊行途中發生咩事我就唔詳細講，不過非凡親眼見識過一d情況同畫面後，佢就開始唔同左，會真係留意多左新聞同網上唔同嘅片段。

之後唔駛再用酒水錢，佢都有同我地參與左第二第三次嘅遊行，漸漸同軒爺都越黎越同聲同氣。無耐唔駛我地再講佢自己都會主動share d 新聞，見到好多畫面都會同我地一齊鬧埋一份。

事實上衣次事件唔只改變左非凡，仲令好多人都改變左諗法，你睇區議會選舉結果就知道啦。

不斷見証完一幕又一幕畫面，郭非凡亦變得更堅定希望追到Eva，唔希望佢再同佢男朋友一齊。而不自覺間佢同Eva亦多左好多溝通，甚至往後時間都一齊參與過幾場遊行。

見証住Eva戴住黑口罩甚至參與醫護罷工，非凡話覺得自己除左越黎越鍾意Eva外，心入面亦對對方多左種欣賞同佩服。

兩個人一齊，其實有近似嘅價值觀真係好重要。唔係嘅話，去到某d位其實真係好難相處落去。

同一時間，社會事件對老師嘅影響其實都好大，因為太多學生參與其中，所以老師壓力好大。而因為咁Nicole都多左好多心煩嘅事加劇左佢同男朋友之間本身已經緊張嘅關係…


就係咁，再過多幾個月，Nicole同Eva都各自同男朋友分左手，而我衣兩位兄弟自然亦好快憑住各人自己嘅魅力同溝女技巧贏得左美人歸。


不過好多野，原來真係就算你plan得幾好，都唔一定會跟你預期嘅方向行走。

8.30

一開始我以為Nicole同軒爺會成為令人羨慕嘅一對，相反Eva同非凡就應該唔會長久，因為非凡嘅往跡無一段關係係可以維持超過三個月。

不過令人意外嘅係，Nicole同軒爺一齊無耐後就提出左分手，原因係軒爺實在太完美Nicole同佢一齊後覺得好大壓力好無安全感，佢覺得好辛苦成日好唔開心。

諗返先發覺，唔怪得Nicole之前個男朋友係咁其貌不揚啦。

相反，Eva同非凡雖然不時有拗撓又好似離離合合咁，但一件意外卻竟然令非凡突然定左性落黎。

因為Eva唔小心大左肚有左佢嘅bb，有左責任加上Eva嘅魅力，令郭非凡衣隻無腳嘅雀仔終於下定決心飛夠要定落黎。

睇住佢由失戀傷心欲絕然後成為玩家再到衣家終於修心養性決定成家立室，我都真係百感交集。不過見住佢雖然成日呻話自己一失足成千古恨，千年道行一朝喪，但每次嘴角間不經意都會流露出果種幸福嘅笑容係我衣十幾年都無再見過，我就知佢今次真係終於搵到自己嘅幸福，Eva就係令佢可以改變嘅果個人。

然後我再望向另一邊軒爺落寞嘅樣子，我突然有d明白善潼嘅意思。

每個人都有自己要行嘅路，好多野其實真係唔到我地所能控制。計劃永遠趕唔上變化，衣個世界亦自有佢一套無人可以理解嘅運行方式。我可以係好心做好事，亦可以係好心做壞事，所以… 有d野原來真係唔駛咁執著同計較。

我感受到心入面果陣濃厚嘅迷霧，開始被撥開同消散，一種豁然開朗嘅感覺湧上心頭。


講返我同善潼。

經過衣段時間，我都仲係未攪得清楚自己想點。

我會掛住善潼，同樣地我亦會掛住善柔。

我會想見善潼，想同佢傾偈，但喺未清楚自己想點之前，我又驚比左錯誤訊息同希望佢然後傷害到佢。

而善潼唔知係咪驚搔擾到我，果晚後竟然都無主動再搵過我。

所以自從果晚後，我地好似都再次消失於彼此嘅生命入面。

熱心幫助兩位老死追尋幸福，某程度上其實我都係有d想暫時放低衣件事逃離現實嘅考量。

不過隨住佢地嘅事暫時告一段落，我都醒悟自己唔可以再逃避，係時候要下定決心解決衣個問題。

「Hi」

經過半年時間嘅逃避，我終於發左一個久違了嘅message比善潼。

8.31

潼:「Hi」

我:「近排幾好嗎?」

潼:「唔太好唔太差，你呢?」

我:「比較混亂，不過幫兩個friend各自追左兩個女朋友。」

潼:「咁犀利? 你果然係情聖黎架喎~」

我:「可惜能醫不自醫呢…」

潼:「所以…你係未有答案，而唔係唔敢講個答案我聽?」

我:「嗯…」

潼:「可唔可以坦誠話我聽你嘅真實感受同諗緊咩?」

我:「其實喺追你果幾個月，我覺得自己唔係對你無感覺，但因為你太似你家姐，每次同你一齊我都不其然會諗起佢，所以我其實都分唔清自己係真係對你有感覺，定係對似佢嘅你有感覺…」

潼:「你驚如果係後者，有日會傷害到我?」

我:「係呀，我驚唔work果陣會傷害到你，傷害左大家嘅關係，而且自己個心好似始終有另一個人咁...」

潼:「even唔值得一次嘗試嘅機會?」

我:「有d野唔可以亂咁試架，試左未必可以返到轉頭。唔通你接受到最後自己原來只係一個替代品?」

潼:「我唔知… 但我知我好想要有一次機會，如果最後真係唔work我都心甘命抵…」

我:「但我真係做唔出傷害你嘅行為…」

潼:「所以衣家最糾結你嘅係你唔知對我定係對我家姐有感覺? 如果攪得清楚你就會知自己想點?」

我:「應該係…」

潼:「咁我幫你一把呀」

我:「點幫?」

潼:「好快你就會知…」

我:「有咩方法?」


善潼無再應我，令我忐忑不安不停咁望住個電話望左成個晏晝。到到夜晚，我突然收到佢嘅message。

「其實你今日唔搵我我都會搵你，因為我地一家已經決定左移民，今晚就會飛去澳洲…

本身一直我都十五十六唔想走，因為走左就代表以後都見唔到你。不過衣半年等極都等唔到你嘅答覆，我都明白有d野係無得勉強，或者我都應該要逼自己move on去過新嘅生活。至少，之前果幾個月我都算賺左同你一齊果段開心嘅日子呀，唔算係一無所有亦唔應該再咁貪心…

唔知係咪天意呢，臨走果日竟然見到你終於搵我，可惜答案都唔係我期待想聽到嘅答案。不過至少我知你心入面唔係無我，只係你自己都唔肯定心入面著緊果個係我定係家家啫…

有人話，死人係天下無敵，所以我永遠都無可能嬴佢取代佢係你心目中嘅地方。不過為左幫你認清你心入面嘅所思所想，我決定為你留低左一個方法…

記唔記得我同你講過家姐留低左本日記? 睇完本日記，你就會明白家姐嘅心路歷程，點解佢會覺得你無安全感而選擇左另一個，點解最後佢會結束自己嘅生命…

衣家我將佢本日記放左係我地層樓個垃圾房側邊，如果你衣家趕去，就可以喺清潔姐姐倒垃圾前拎返佢，然後可以知道你一直都想知道嘅答案。

不過我地仲有一個鐘就會入閘，而當我一上機你可能有排都唔會再見到我… 所以如果你仲想見我一面，你衣家趕黎機場應該都仲可以趕得切。

雖然我唔鍾意咁比，但係我估衣個方法應該可以令你認清自己心入面，到底係我定家家重要d…

跟隨自己個心走啦，就算最後你揀左家姐，我都唔會怪你怨你，仍然係你半個阿妹唔會改變。

保重喇立仁哥哥。」


睇完個message，我內心好惶恐不安，努力消化緊善潼一家突然移民衣個消息。雖然我知係善潼專登唔想比我知住驚因為咁而影響到我，但如果我衣半年稍為有關心下佢地同佢地傾下偈見下面，或多或少點都會有跡可尋。

衣段時間香港發生左太多事，好多人想移民離開都係正常嘅…

不過衣家嘅時間已經唔容許我再諗衣d無謂野，我衣家要決定嘅係衝返屋企解開善柔一直嘅秘密，定抑或選擇衝去見善潼最後一面再盡力留住佢?

我以為我會為衣個難題苦惱猶豫不決好耐，但原來當真係要逼住你去做決擇嘅時候，心入面真係會豁然開朗得到答案。

我諗都唔駛諗就拎起屋企鎖匙然後就衝左出門口。