<我嘅職業係專溝人地個女朋友>

12.62

「其實我諗返，由我決定推思柔比啟光嗰刻開始，如果思柔同啟光唔係咁早過咗身，依家哩個都算係最好嘅結局... 佢地得到幸福，而我亦可以開開心心又有人生目標咁過咗20年，但有得揀我都唔想哩世就咁永遠忘記咗柔柔，所以係年老嗰陣先記得返佢其實都幾好，起碼受苦嘅時間唔駛太長... 只但係依家咁我受嘅痛就更加大...」

「我地其實都唔應該太執著喺生命嘅長短而係生命嘅質素...Uncle已經8字頭，見証過太多離離合合生老病死... 說穿了，人生其實本身就係一個不斷得到再不斷失去嘅過程。由我地出世開始，我地會不斷得到好多嘢，例如親情，友情，成長，知識等等，依段時間我地得到嘅嘢會遠遠比失去多，但當到到過咗某個年紀，我地就會調返轉到咗開始不斷失去而鮮有得到嘅階段，例如身邊越嚟越多嘅人會開始離開，身體機能同精神會不停衰退，人亦變得越嚟越健忘開始失去記憶...

所以我有時諗，或者早啲離開依個世界其實都未嘗唔係一件好事... 你睇下我，依家思柔唔係度，思柔媽咪又唔係度，連你爸爸同Uncle Cheung佢地都已經唔喺度，得返我自己一個仲要靠輪椅先行動到，咁你話我一個廢人留喺哩個世界仲有咩意義? 或者隨住你今日嚟搵我，可能我連淨低最後一件使命都已經完埋了.. 」

「Uncle Lee你唔好咁講啦...」聽到李立仁嘅說話感受到佢嘅傷感郭子安唔知點回應好。

「咁你又放心，我唔會自尋短見，只係想話比你聽人長唔長命唔係最重要，有咩人喺身邊，活得開唔開心精唔精彩先係最重要。思柔雖然算係離開得早，但至少佢同啟光走之前真係過得好開心同幸福，咁其實已經好好㗎喇... 某程度上換過角度諗，佢地可以一齊離開，可能都係一種福氣... 唔係好似我咁一個老頭子自己活喺世上就算長命百歲咁又有咩意思? 咪只係得返寂寞?

不過既然上天比咁長命我，我都要努力搵返自己嘅人生意義先得，所以自從你Auntie走咗後我就出返山間中幫啲情侶解決下疑難，咁先對得住個天同一直陪住我嘅人，因為佢地一定都會希望我可以代替佢地好好咁繼續生活落去...

所以子安你都係呀，你仲只係50歲，行得走得，雖然我明思柔嘅死對你嘅打擊好大，但你都要好好諗下嚟緊自己嘅人生仲有咩目標，為咩而繼續活下去... 我相信思柔都好希望你可以繼續幸福快樂咁生活落去，只要你做得到，你會發現其實思柔就好似仍然存在一樣...」

「我明白喇Uncle Lee.... 多謝你提醒咗我，我應承過柔柔就算有日我地無咗大家，我地都會幸福快樂咁生活落去... 而且喺記得返佢後我好肯定，記得李思柔同李思柔相遇過嘅郭子安，一定比無同李思柔相遇過嘅郭子安幸福!」

12.62

然後呢
他們說你的心 似乎痊癒了
也開始有個人 為你守護著
我該心安或是 心痛呢

然後呢
其實我的日子 也還可以呢
除了回憶肆虐 的某些時刻
慶幸還有眼淚 沖淡苦澀

而那些昨日 依然繽紛著 它們都有我 細心收藏著
也許你還記得 也許你都忘了
也不是那麼 重要了

只期待 後來的你 能快樂
那就是 後來的我 最想的
後來的我們 依然走著
只是不再並肩了
朝各自的人生 追尋了

無論是 後來故事 怎麼了
也要讓 後來人生 精彩著
後來的我們 我期待著
淚水中能看到 你真的 自由了

親愛的
回憶我們共同 走過的曲折
是那些帶我們 來到了這一刻
讓珍貴的人生 有失有得

用新的幸福 把遺憾包著 就這麽朝著 未來前進了
有再多的不捨 也要狠心割捨
別回頭看我 親愛的

只期待 後來的你 能快樂
那就是 後來的我 最想的
後來的我們 依然走著
只是不再並肩了
朝各自的人生 追尋了

無論是 後來故事 怎麼了
也要讓 後來人生 精彩著
後來的我們 我期待著
淚水中能看到 你真的 幸福快樂

在某處 另一個你 留下了
在那裏 另一個我 微笑著
另一個我們 還深愛著
代替我們永恒著
如果能這麼想 就夠了

無論是 後來故事 怎麼了
也要讓 後來人生 值得
後來的我們 我期待著
淚水中能看到 你真的 自由了

「子安呀，你記唔記得曾經有日，你問過我如果我地今世無相遇過咁會點，如果有日我地唔再喺大家身邊咁又會點? 你問嘅時候其實我好驚，諗緊你係咪已經決定會因為另一個人而唔再理我所以咁問。 但之後你又講咗啲好深情同時又肉麻嘅說話令我好感動覺得你唔係咁嘅意思...

不過之後你就開始不斷換女朋友，但好彩嘅係你一直都仲喺度無因為佢地而唔理我離開我，亦令我漸漸忘記咗當日你問嘅哩兩條問題，直至幾日前Uncle Kwok搵我傾偈，將你心入面一直瞞住我嘅嘢話晒比我聽，我先終於明白你當日係諗緊啲咩，大概喺嗰陣，你就已經決定咗我地哩一世都只會係青梅竹馬吧...

坦白講，初初聽完後我其實好嬲，嬲你點解唔可以再愛我多啲可以為我專一，更加嬲你一直暪住我唔比我知你嘅心意唔比選擇嘅權利我... 你有咩權利去幫我做決定? 話唔定我寧願有機會受傷都想同你一齊呢?

不過冷靜過後諗深一層，我知你都係想保護我，就好似你依家或者救我而攪到自己受重傷咁... 或者你係太過珍惜我地哩段關係，所以好驚佢受到傷害吧~

唔經唔覺你已經進入休眠咗幾個月喇，而醫生話你醒返後失憶嘅機會好高，即係當你醒返時，你應該連我係邊個都唔會再記得...定抑或我對你太重要，真係有奇蹟出現你會仍然記得我? 不如咁呀，如果你醒返後就算失憶都記得我，咁我就放棄啟光同你一齊當獎勵你好唔好? 你可唔可以唔好唔記得我唔好忘記我地嘅一切?

不過我知哩啲都只係我自己痴心妄想... 如果你真係咩都唔記得晒，或者反而對大家都好嘅，不論你同啟光，我都唔想你地是旦一個受傷害，我寧願受傷嗰個係我...

只但係無論你唔記得咩都好，一定要記得嗰日我地曾經應承過大家，如果有一日我地真係唔再喺大家身邊，我地都要繼續幸福快樂咁生活落去，雖然當時我真係無諗過依日會以咁嘅形式發生...

我同啟光結婚後，我知我一定會得到幸福，因為佢一直都好錫我對我好好... 但你呢? 我擔心嘅係無咗我之後到底你可唔可以得到幸福? 係咪真係咩都唔記得晒嘅你會更容易得到幸福? 如果真係咁嘅話，咁你就安心咁忘記我啦...


用新的幸福 把遺憾包著 就這麽朝著 未來前進了
有再多的不捨 也要狠心割捨
別回頭看我 親愛的

只期待 後來的你 能快樂
那就是 後來的我 最想的
後來的我們 依然走著
只是不再並肩了
朝各自的人生 追尋了

無論是 後來故事 怎麼了
也要讓 後來人生 精彩著
後來的我們 我期待著
淚水中能看到 你真的 幸福快樂

在某處 另一個你 留下了
在那裏 另一個我 微笑著
另一個我們 還深愛著
代替我們永恒著
如果能這麼想 就夠了


哩首歌，係我地以前嘅favourite song，我相信喺另一個世界存在著另外兩個嘅我地，喺嗰度，佢地除咗係青梅竹馬外，仲可以永遠幸福咁喺埋一齊...

至於哩個世界，就算我地有日要分開唔可以喺埋一齊，我都希望你可以順利康復醒返，然後記得我地應承過大家，要幸福快樂咁生活落去，只要你幸福，我願意用任何嘅嘢去交換... 」



外傳(二) 完

13. 關於這篇外傳(二)

闗於這篇外傳(二)，其實只係我寫寫下外傳(一)嗰陣心血來潮嘅一個idea，同正傳唔算有甚麼特別關係，大家甚至可以將佢睇成為一個獨立嘅短故事。

寫哩篇外傳更多原因其實都係我比自己嘅一個嘗試，至於嘗試咗啲乜，就容我賣個關子睇下有無讀者留意到同以往我寫嘅故有無咩唔同喇。

講返故事內容，一開始我個諗法其實只係簡單想寫下李思柔，郭子安同張啟光哩個三角關係嘅故事，類似李思柔明明同郭子安互相都鍾意大家，但就因為某啲原因郭子安唔敢同李思柔一齊，然後極為高質嘅張啟光出現令三個人嘅關係出現一糸列變化，不過寫寫下就開始有少少偏離咗哩個原意。

至於李立仁同黎浩明嘅新能力，其實純粹係想用另一個演繹方法去解釋下比讀者知三個人本身自己嘅真實諗法，對劇情推進基本上無咩影響，所以先講哩篇外傳同正傳其實無咩特別直接關係。

哩個故事內容，其實絕對可以寫得深入啲將佢變成為一個長故，但因為始終係外傳加上係自己一啲新嘗試，所以我又唔想將佢寫得太長，結果... 最後就係咁完成咗喇...

正如之前所講，哩個應該係我短期內最後一個愛情故事，如果之後我再寫故，我會嘗試寫一啲唔同範疇同類型嘅故希望可以作出一啲新嘗試。不過哩一刻好老實同大家講我係完全未有idea，所以... 希望將來有機會再寫到故仔比大家睇啦~

至於哩篇外傳我知雖然有好多改善空間，但都希望有啲位或多或少可以觸動到大家嘅心靈。特別一提個結局我一下子咁出，係希望大家可以一氣呵成咁睇晒落去，因為當中其實係有好多首尾呼應收埋咗喺入面，希望大家會鍾意~

期待下個新故

好感慨

好文。
應該要當獨立故事，某程度外傳其實唔及正傳，有啲地方煽情得太刻意。
不過整體唔錯，下個故事再見。

多謝承影巴 又一個好故
好多謝巴打你一次又一次為我地提供故事
喺連登全自動出文 實在難得
至於呢我相信呢個故呢觸及率應該都好多嘅 不過好多人都係懶啦覺得好睇 都未必會留言，亦都未必會留低一個正皮
每次睇唔同嘅愛情故呢，我都會睇到個心呢拿住拿住嘅，咁相信應該好多人都有呢個同感，因為睇故事嘅同時亦都會諗起自己嘅故事
至於錯別字方面 我覺得唔同人唔同觀感 反正我覺得冇乜所謂
其實睇到一半，去到睇晒正傳同外傳之後呢，我都不斷喺度諗，其實人係咪真係可以順其自然呢？因為我哋喺想順其自然嘅時候，但都怕錯失機會，因為有一句說話係 機會需要自己去把握嘅。所以諗到去留言嘅呢一刻，我都仲係未有結果（即使承影巴你下一個故 唔係愛情故都好，我都覺得可能會帶到啲啟發俾我，又或者係你下次出故嘅時候我已經諗通咗啦）
最後都係多謝你又帶咗一個好好好好嘅故事俾我哋
加油呀～

多謝你留言同欣賞呀

關於順其自然個問題，我覺得順其自然並唔係咩都唔做唔努力，躺平由得佢自由發展嘅意思，而係一種看待結果嘅心態。

機會當然係要自己努力爭取，但當結果並唔係自己所預期，咁我地應該點調節自己心態？ 人一走入困局，好容易由固執硬頸變成極端諗埋一邊，甚至會諗歪咗做咗一啲唔應該嘅行為，就好似主角初時去呃其他人感情一樣。

老土啲講，其實就似係we do the best, and god do the rest，盡力過後有時仍然會失敗，但太過因為哩樣嘢影響自己嘅心情或者判斷然後開始鑽牛角尖，咁就絕對唔係好事，相反一旦走火入魔，我地嘅行為可能仲會同原本目標越嚟越背道而馳，越走越遠。

特別係感情，真係唔係話努力就得，付出同收穫亦往往不成正比，好多時都好易弄巧反拙。

當然講係容易，人始終係有感情動物，好多時都好難咁有理智，而條線亦好難去judge點為只最啱最合適，所以我覺得順其自然更多其實係一種提醒，去到某啲位避免我地太into件事變得偏激咗，而放鬆嘅心態通常會令我地較易落到一個最合適嘅決定。

希望以上分享可以幫到你

認同呀，因為外傳篇幅唔多，無將三個主角感情寫得好仔細，令讀者相對上無咁投入。如果好似長故咁一開始寫多啲佢地三個人以前嘅經歷，最後讀者嘅代入感應該可以強好多，哩個係我覺得哩篇外傳最不足嘅地方

過咗一年了，你還好嗎

終於睇完。

同第一個故一樣，依然係橫跨時間同幾代。
最吸引我嘅係個故同人生一樣，仲有未來好多嘢要講，唯有真係行到將近人生嘅盡頭，先會有結果。

大家都為咗保護對方而做一啲以為保護對方嘅決定，殊不知忽略了對方真正的意願。人嘅意願下奇怪，即使明知會錯，但依然會試。

若三個人可以跟從自己內心真正想要嘅嘢，少啲為對方着想而為對方落決定，可能就會少啲遺憾吧。

多謝樓主

開始左新嘅生活，轉左工作，都有新嘅伴侶，有時會諗起前度，但都知道過左去了當時對方根本唔想一齊，自己執着嚟都無意思

樓主仲會唔會寫新故？好掛住樓主

你好呀 多謝你仲記得我
其實我都想寫 亦有開始過動筆
不過哩年半工作上發生咗好多事好忙壓力又大 所以成日寫咗啲又要停一排
然後隔得太耐又無動力繼續寫
更加唔敢出故驚寫寫下真係無時間變咗要停更或者好耐先出到篇反而唔理想...

希望嚟緊可以出到啦

辛苦晒樓主我會一直記得同等你