8.12
其實我知我好矛盾，本身明明唔想立仁哥哥繼續咁落去，但我就為左滿足自己嘅私慾偏偏要佢繼續去做衣件事…
不過跟住我又諗，自己會唔會可以透過衣個機會，同時間令佢捨棄衣個工作呢?
只係一直我都未諗到方法，所以都係決定見步行步…
我都有諗過當立仁哥哥發現個女仔係我果陣，佢會唔會因為驚而選擇唔做衣單生意。不過好快我又諗，因為家姐嘅關係，佢應該唔會肯take任何嘅 risk比我有危險，所以就算幾驚幾唔想，佢最後都一定會出手。
只係我無諗過一開始佢會搵人去代自己執行衣個任務…
同預計情況唔同，Tony即刻打比我問我點算。不過冷靜過後我就諗通其實都無咩好驚，因為只要果個人唔成功，遲早立仁哥哥都係要親自出手，反而如果Tony堅持唔接受就顯得有d古怪同難解釋。
所以Tony接受左立仁哥哥嘅提議，而好快我亦收到了立仁哥哥久違了嘅訊息。
佢竟然親自出馬約我食飯，然後喺餐飯嘅時間就話介紹佢個朋友比我識。
平心而論，立仁哥哥介紹果個軒爺質素都真係幾高，高大靚仔文武全才又健談細心，如果我係一個普通女仔我估我都真係可能會心動。
可惜我嘅目標從來只有一個，所以好快我就向立仁哥哥表明立場-我係一個好專一嘅女仔。
其實從軒公為我預備嘅活動同行為，我就知立仁哥哥衣位軍師背後一定同佢做過唔少功課，將我以前好多個人喜好都話晒佢聽。
知道立仁哥哥仲記得我以前嘅野同喜好，我係開心嘅。可惜千算萬算佢都係忽略左一個因素 - 就係以前嘅我並唔係真正嘅我，而衣家嘅我卻已經變返以前嘅我，所以佢做嘅咁多野通通都亳無用處相反仲造成左反效果。
不過其實就算真係符合到我喜好，我都係會扮唔鍾意同唔接受，所以就結果黎講都係無咩分別，我都係唔會接受佢。
<我嘅職業係專溝人地個女朋友>
承影
565 回覆
154 Like
53 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁
8.13
軒爺嘅失敗令我終於成功逼到立仁哥哥親自出手。而為左追我，佢都真係出盡渾身解數。
霎時間，我地好似返返去以前咁，成日都可以傾偈同見面。感受住立仁哥哥嘅溫柔同照顧，令我過左好開心同滿足嘅一段時間。
而隨住接觸越黎越多，有時竟然仲會超出我預期有意外嘅驚喜。
有次我地去西貢海灘果陣我自己出左去游水竟然不幸遇溺，然後立仁哥哥再一次及時出現救左我。而當我清醒返嘅時候，我發覺我地竟然係度接緊吻!
雖然好快我就發現佢只係幫緊我做緊人工呼吸，但感受到佢雙唇嘅觸感，我依然係心動不已，仲決定扮多陣昏迷等佢可以錫多我幾下…
估唔到我嘅初吻會以咁嘅方式比左立仁哥哥…
其實一向游水唔差嘅我竟然會浸親，或者都算係天意嘅一種? 我感受到我扮昏迷果陣，個嘴其實係不受控咁微微向上…
之後每次諗起當時嘅畫面我都會面紅耳赤，果晚仲成晚都訓唔著添…
衣次之後我對立仁哥哥一直隱藏嘅感覺再一次全面爆發，不過我知如果我接受左立仁哥哥，咁衣一切就會完結。所以雖然心入面早已經心動不已，但我都仍然堅持不為所動，並無因為咁而同Tony分手，有時仲要裝作冷淡或者拒絕立仁哥哥以表示自己仍然喺好鍾意Tony等佢對我再加多幾分肉緊。
我知只要我越唔著緊立仁哥哥，立仁哥哥就會越著緊我。
反正，我都未諗到令立仁哥哥放棄再做衣份工作嘅方法，咁不如索性再拖多陣?
我咁說服自己。
為左衣段時間可以有咁長維持咁長，我同Tony講盡量唔好比任何壓力立仁哥哥，咁喺無壓力之下我地應該就可以繼續維持喺衣個微妙嘅狀態下。
點知人算不算天算，Tony其實一直自己都有女朋友，但佢地拍拖果陣竟然比立仁哥哥撞到，結果亦令立仁哥哥因為擔心我發現Tony有第二個而令佢再一次加快步伐，最後仲送左一個我一世難忘嘅表白比我…
果刻我真係醉了，立仁哥哥竟然花左咁多心機去同我表白…
幸福感瞬間將我淹沒，一切都好似發緊夢咁好唔真實…
係喎，其實真係唔係真實架，所以話衣個係夢都確實無錯…
最後我花左好大力氣咁去拒絕立仁哥哥，但同時間又忍唔住留返扇門希望佢之後會做更多。
我好似越黎越貪心…
可惜紙始終包唔住火，我同Tony係假扮情侶嘅衣個秘密最後都係比立仁哥哥發現左，而我知衣個夢都係時候要醒喇… 所以今日我決定主動黎同佢負荊請罪。
軒爺嘅失敗令我終於成功逼到立仁哥哥親自出手。而為左追我，佢都真係出盡渾身解數。
霎時間，我地好似返返去以前咁，成日都可以傾偈同見面。感受住立仁哥哥嘅溫柔同照顧，令我過左好開心同滿足嘅一段時間。
而隨住接觸越黎越多，有時竟然仲會超出我預期有意外嘅驚喜。
有次我地去西貢海灘果陣我自己出左去游水竟然不幸遇溺，然後立仁哥哥再一次及時出現救左我。而當我清醒返嘅時候，我發覺我地竟然係度接緊吻!
雖然好快我就發現佢只係幫緊我做緊人工呼吸，但感受到佢雙唇嘅觸感，我依然係心動不已，仲決定扮多陣昏迷等佢可以錫多我幾下…
估唔到我嘅初吻會以咁嘅方式比左立仁哥哥…
其實一向游水唔差嘅我竟然會浸親，或者都算係天意嘅一種? 我感受到我扮昏迷果陣，個嘴其實係不受控咁微微向上…
之後每次諗起當時嘅畫面我都會面紅耳赤，果晚仲成晚都訓唔著添…
衣次之後我對立仁哥哥一直隱藏嘅感覺再一次全面爆發，不過我知如果我接受左立仁哥哥，咁衣一切就會完結。所以雖然心入面早已經心動不已，但我都仍然堅持不為所動，並無因為咁而同Tony分手，有時仲要裝作冷淡或者拒絕立仁哥哥以表示自己仍然喺好鍾意Tony等佢對我再加多幾分肉緊。
我知只要我越唔著緊立仁哥哥，立仁哥哥就會越著緊我。
反正，我都未諗到令立仁哥哥放棄再做衣份工作嘅方法，咁不如索性再拖多陣?
我咁說服自己。
為左衣段時間可以有咁長維持咁長，我同Tony講盡量唔好比任何壓力立仁哥哥，咁喺無壓力之下我地應該就可以繼續維持喺衣個微妙嘅狀態下。
點知人算不算天算，Tony其實一直自己都有女朋友，但佢地拍拖果陣竟然比立仁哥哥撞到，結果亦令立仁哥哥因為擔心我發現Tony有第二個而令佢再一次加快步伐，最後仲送左一個我一世難忘嘅表白比我…
果刻我真係醉了，立仁哥哥竟然花左咁多心機去同我表白…
幸福感瞬間將我淹沒，一切都好似發緊夢咁好唔真實…
係喎，其實真係唔係真實架，所以話衣個係夢都確實無錯…
最後我花左好大力氣咁去拒絕立仁哥哥，但同時間又忍唔住留返扇門希望佢之後會做更多。
我好似越黎越貪心…
可惜紙始終包唔住火，我同Tony係假扮情侶嘅衣個秘密最後都係比立仁哥哥發現左，而我知衣個夢都係時候要醒喇… 所以今日我決定主動黎同佢負荊請罪。
8.14
聽完善潼嘅故事，我久久未能作出反應。
如果喺幾個月前我未同善潼有返聯絡果陣聽到衣堆說話，我反而可能唔會咁混亂。
但喺衣幾個月發生左咁多事同咁多經歷之後，我衣家都唔係好清楚自己嘅感覺到底係點。
你問我有無嬲善潼呃我，我知一定無。
但面對佢嘅表白，我真係唔知應該點回應…
衣家嘅我對善潼有無感覺?
有。
咁係咪即係自己都鍾意佢?
我唔知…
如果真係鍾意，咁到底係因為佢係善潼所以鍾意，定抑或只係因為佢衣家好似善柔所以鍾意?
我唔知…
如果係前者，問題倒容易解決，直接接受對方愛意就得。
但如果一切感覺都只係基於我仲未放低善柔呢? 咁對善潼公唔公平? 會唔會因為咁將來我會傷害到佢?
「一時間接收左太多資訊，我諗我需要d時間消化沉澱下…」喺未攪清自己感覺前，我似乎唔應該比任何回應佢。
「其實一開始我就無諗過你會真係接受我同我一齊，只但係衣幾個月過得實在太幸福喇，當衣家到左夢醒真係要失去嘅時候，原來真係會好唔捨得…
不過希望你就算接受唔到我都好，都唔好嬲我可以比我繼續做你半個阿妹…」善潼流住眼淚咁講。
「傻妹… 我地咁多年感情，無論發生咩事我都唔會唔理你架，只係我唔希望咁反而變成害左你…」見到善潼嘅眼淚，我個心都痛左一下，但我好驚自己比左假希望佢。
假若我真係接受唔到善潼，繼續存在喺佢身邊就只會令佢唔開心亦妨礙佢放低自己追尋新嘅幸福。
「我明你意思，不過我唔介意架…」善潼想說服我。
「但我會內疚…我諗我要d時間攪清楚自己嘅感覺先…」但我無比佢說服。
「你無一下拒絕我已經好開心架喇，至少我仲有個希望可以等… 不過立仁哥哥，你可唔可以唔好再做衣家嘅職業?」善潼稍為鬆左口氣收起左淚水後又問。
「你唔認同我做嘅野?」我反問。
「我好明白你嘅原意同初心，但家姐嘅事係一件單一事件，唔代表個個都會咁…」
「但衣d事一單都嫌多…如果可以避免，咁點解唔咁做?」我反問。
「失戀，其實差唔多係每一個人都會必經嘅成長階段。而你衣家嘅做法，會令d人少左個成長嘅機會，唔識從錯誤中學習。而且因為無失去過果種錐心之痛，佢地亦唔會學識珍惜，咁到最後其實未必係一件好事…」善潼講道。
「但我寧願佢地無成長，學唔識珍惜，都好過無左條命…」我堅持。
「你…其實有無了解過比你”救”左果班女仔之後發生嘅事?」善潼問。
「無呀… 不過如果出左事，我估新聞應該會睇到? 所以至少佢地應該仲健在係衣個世界先。」我一直都有刻意留意d自殺新聞，慶幸無自己溝過嘅女仔出事。
「咁不如等我話下你聽? 因為查你果陣我都有接觸下佢地，所以大概都知道佢地之後發生過咩事。」
「好，你講…」關於佢地往後嘅故事我都有d好奇。
聽完善潼嘅故事，我久久未能作出反應。
如果喺幾個月前我未同善潼有返聯絡果陣聽到衣堆說話，我反而可能唔會咁混亂。
但喺衣幾個月發生左咁多事同咁多經歷之後，我衣家都唔係好清楚自己嘅感覺到底係點。
你問我有無嬲善潼呃我，我知一定無。
但面對佢嘅表白，我真係唔知應該點回應…
衣家嘅我對善潼有無感覺?
有。
咁係咪即係自己都鍾意佢?
我唔知…
如果真係鍾意，咁到底係因為佢係善潼所以鍾意，定抑或只係因為佢衣家好似善柔所以鍾意?
我唔知…
如果係前者，問題倒容易解決，直接接受對方愛意就得。
但如果一切感覺都只係基於我仲未放低善柔呢? 咁對善潼公唔公平? 會唔會因為咁將來我會傷害到佢?
「一時間接收左太多資訊，我諗我需要d時間消化沉澱下…」喺未攪清自己感覺前，我似乎唔應該比任何回應佢。
「其實一開始我就無諗過你會真係接受我同我一齊，只但係衣幾個月過得實在太幸福喇，當衣家到左夢醒真係要失去嘅時候，原來真係會好唔捨得…
不過希望你就算接受唔到我都好，都唔好嬲我可以比我繼續做你半個阿妹…」善潼流住眼淚咁講。
「傻妹… 我地咁多年感情，無論發生咩事我都唔會唔理你架，只係我唔希望咁反而變成害左你…」見到善潼嘅眼淚，我個心都痛左一下，但我好驚自己比左假希望佢。
假若我真係接受唔到善潼，繼續存在喺佢身邊就只會令佢唔開心亦妨礙佢放低自己追尋新嘅幸福。
「我明你意思，不過我唔介意架…」善潼想說服我。
「但我會內疚…我諗我要d時間攪清楚自己嘅感覺先…」但我無比佢說服。
「你無一下拒絕我已經好開心架喇，至少我仲有個希望可以等… 不過立仁哥哥，你可唔可以唔好再做衣家嘅職業?」善潼稍為鬆左口氣收起左淚水後又問。
「你唔認同我做嘅野?」我反問。
「我好明白你嘅原意同初心，但家姐嘅事係一件單一事件，唔代表個個都會咁…」
「但衣d事一單都嫌多…如果可以避免，咁點解唔咁做?」我反問。
「失戀，其實差唔多係每一個人都會必經嘅成長階段。而你衣家嘅做法，會令d人少左個成長嘅機會，唔識從錯誤中學習。而且因為無失去過果種錐心之痛，佢地亦唔會學識珍惜，咁到最後其實未必係一件好事…」善潼講道。
「但我寧願佢地無成長，學唔識珍惜，都好過無左條命…」我堅持。
「你…其實有無了解過比你”救”左果班女仔之後發生嘅事?」善潼問。
「無呀… 不過如果出左事，我估新聞應該會睇到? 所以至少佢地應該仲健在係衣個世界先。」我一直都有刻意留意d自殺新聞，慶幸無自己溝過嘅女仔出事。
「咁不如等我話下你聽? 因為查你果陣我都有接觸下佢地，所以大概都知道佢地之後發生過咩事。」
「好，你講…」關於佢地往後嘅故事我都有d好奇。
8.15
「你記唔記得邊個Winnie?」善潼問。
「記得， 同佢相處果陣我成日都會諗起細個果陣嘅你呢~」
細個嘅善潼雖然無Winnie咁誇張但都絕對係一個肥妹仔。
「果d黑歷史就唔駛再記住喇…」善潼面有少少難色苦笑住咁講。
「唔會忘記到啦，不論係以前嘅你定衣家嘅你，我都入晒腦架喇…」而我就好溫柔咁講。
善潼聽完有d開心又好似有d唔開心，然後就決定唔再糾纏係衣個問題開始講:
「Winnie喺你突然消失後唔開心左一段唔短嘅時間，然後佢都終於放低你再聽你話一直希望遇到一個好似你咁識欣賞自己嘅男仔，但就一直都遇唔到…
其實都唔係完全遇唔到，曾經都有一個男仔對Winnie有興趣，只係當佢一拍埋去你度就立刻相形見拙，又無你咁欣賞自己，外型又無你咁好...
所以初初佢想等到個拍得住你嘅先接受，點知等極都再無人出現結果就反而阻礙左自己，到到後悔想接搵返佢人地已經同左另一個一齊…
然後越黎越唔開心嘅佢有日竟然喺街撞到Jason，而當時嘅Jason正拖住另一個女仔，一個又瘦又靚嘅女仔。
Winnie突然間覺得好自卑，原來無左自己，Jason就可以搵到個咁靚嘅女朋友，同一時間佢又自怨自憐點解自己遇極都遇唔到另一個，而之前明明有個好岩好好嘅又偏偏已經有女朋友…
一個奇怪嘅念頭油然而生，佢覺得係因為自己變心飛左Jason唔岩所以上天要懲罰自己。
而見到Jason同佢新女朋友好似好好咁後，佢又開始會諗返起自己同Jason初初一齊果陣嘅時光，曾經佢地都係咁好咁幸福… 然後越諗越後悔，越諗越憎自己。到到諗起你睇返你地以前d message佢又好憎個天。
結果有晚佢襯住自己飲醉果陣打左比Jason…」
「之前Jason明明對佢咁差，點知過左排佢又乜都唔記得晒咁…」聽到衣度我忍唔住講。
「人就係咁架喇，一來佢一直覺得自己變心有愧於Jason，二來人後悔果陣，就一定淨係記得以前好嘅野，美化過去等自己更加後悔… 三來佢回復單身後一段時間，以前果種寂寞嘅感覺又全部返返晒黎。我諗佢最後寧願有個對自己麻麻嘅Jason，都好過乜都無自己一個…」善潼嘗試解釋。
「咁之後呢?」我追問。
「Winnie以為Jason唔知，所以坦誠講返比佢聽當日遇到你後同你發生嘅事，哭訴自己好後悔當日變心同埋同Jason分手嘅決定，但另一方面亦好替Jason開心之後搵到個靚自己咁多倍嘅女朋友，似乎自己都算做左件好事。
所以希望個天唔好再懲罰佢，比佢搵到一個好似你咁識欣賞佢而又無女朋友嘅男仔。」
「雖然聽落係有d怪怪地，但咁似乎對佢地黎講都無咩問題呀。」暫時聽到衣度我覺得問題好似都唔算太大。
「你記唔記得邊個Winnie?」善潼問。
「記得， 同佢相處果陣我成日都會諗起細個果陣嘅你呢~」
細個嘅善潼雖然無Winnie咁誇張但都絕對係一個肥妹仔。
「果d黑歷史就唔駛再記住喇…」善潼面有少少難色苦笑住咁講。
「唔會忘記到啦，不論係以前嘅你定衣家嘅你，我都入晒腦架喇…」而我就好溫柔咁講。
善潼聽完有d開心又好似有d唔開心，然後就決定唔再糾纏係衣個問題開始講:
「Winnie喺你突然消失後唔開心左一段唔短嘅時間，然後佢都終於放低你再聽你話一直希望遇到一個好似你咁識欣賞自己嘅男仔，但就一直都遇唔到…
其實都唔係完全遇唔到，曾經都有一個男仔對Winnie有興趣，只係當佢一拍埋去你度就立刻相形見拙，又無你咁欣賞自己，外型又無你咁好...
所以初初佢想等到個拍得住你嘅先接受，點知等極都再無人出現結果就反而阻礙左自己，到到後悔想接搵返佢人地已經同左另一個一齊…
然後越黎越唔開心嘅佢有日竟然喺街撞到Jason，而當時嘅Jason正拖住另一個女仔，一個又瘦又靚嘅女仔。
Winnie突然間覺得好自卑，原來無左自己，Jason就可以搵到個咁靚嘅女朋友，同一時間佢又自怨自憐點解自己遇極都遇唔到另一個，而之前明明有個好岩好好嘅又偏偏已經有女朋友…
一個奇怪嘅念頭油然而生，佢覺得係因為自己變心飛左Jason唔岩所以上天要懲罰自己。
而見到Jason同佢新女朋友好似好好咁後，佢又開始會諗返起自己同Jason初初一齊果陣嘅時光，曾經佢地都係咁好咁幸福… 然後越諗越後悔，越諗越憎自己。到到諗起你睇返你地以前d message佢又好憎個天。
結果有晚佢襯住自己飲醉果陣打左比Jason…」
「之前Jason明明對佢咁差，點知過左排佢又乜都唔記得晒咁…」聽到衣度我忍唔住講。
「人就係咁架喇，一來佢一直覺得自己變心有愧於Jason，二來人後悔果陣，就一定淨係記得以前好嘅野，美化過去等自己更加後悔… 三來佢回復單身後一段時間，以前果種寂寞嘅感覺又全部返返晒黎。我諗佢最後寧願有個對自己麻麻嘅Jason，都好過乜都無自己一個…」善潼嘗試解釋。
「咁之後呢?」我追問。
「Winnie以為Jason唔知，所以坦誠講返比佢聽當日遇到你後同你發生嘅事，哭訴自己好後悔當日變心同埋同Jason分手嘅決定，但另一方面亦好替Jason開心之後搵到個靚自己咁多倍嘅女朋友，似乎自己都算做左件好事。
所以希望個天唔好再懲罰佢，比佢搵到一個好似你咁識欣賞佢而又無女朋友嘅男仔。」
「雖然聽落係有d怪怪地，但咁似乎對佢地黎講都無咩問題呀。」暫時聽到衣度我覺得問題好似都唔算太大。
lm
push
又係我凌晨睇文
夠鐘更新喇
哈哈，係留意到我d暗示
辛苦你喇
衣家出
8.16
「本身係嘅，但最弊因為有返聯絡突然間好似可以有返寄託，Winnie開始搵Jason搵得越黎越密。而Jason又可能因為一直覺得愧疚所以亦唔忍心拒絕Winnie，不時會嘗開解安慰下佢，希望佢可以早日搵到另一半等自己唔駛再咁內疚，結果反而令Winnie越黎越沉同依賴Jason，甚至get左d 錯嘅signal，最後仲問Jason可唔可以暗地裏同返佢一齊，就算佢只係做小三都唔介意。
去到衣度Jason知唔可以再咁落去，佢醒悟到Winnie如果繼續一直等緊一個好似你咁嘅人出現又或者自己繼續同佢咁做朋友咁其實反而會耽誤左佢自己嘅幸福同選擇。
所以有晚佢終於將真相講左比Winnie聽，就係你其實都係一個假人，一個佢用錢請返黎嘅假人。而佢對Winnie一開始亦已經係不安好心只係當佢係幫自己升level嘅NPC。
佢希望咁可以令Winnie對佢同幻想中嘅你都徹底死心，同時佢亦應該要借鏡自己升lv溝仔衣個道理，唔好咁有要求。
或者Jason嘅出發點係為Winnie好，但佢就低估左衣個真相對Winnie嘅殘忍程度有幾高...
知道真相後Winnie大受打擊，佢發現原來自己一直信任同期待嘅全部野都係假，Jason對自己係假，你對佢都係假，衣個世界由頭到尾根本就無人會真係鍾意自己欣賞自己。而可笑嘅係佢竟然一直好傻好天真咁相信衣d假嘅野仲繼續一直咁等待，希望衣d以為唔係奇蹟嘅奇蹟有日會再次出現。結果一直支撐住佢嘅信念同希望一瞬間全部倒塌… 」善潼繼續講。
「佢...無事嘛?」
知道Winnie一直以黎成長嘅心路歷程，我知衣個真相對佢打擊有幾大，因為佢好不容易得到左一直渴望左20年嘅野，以為終於有人會唔介意自己外表識欣賞自己，點知原來全部通通都係假，全部都係呃佢，衣個世界一直以黎原來都無人會真心鍾意佢...
「之後佢患上左抑鬱症衣家睇緊精神科要靠藥物控制病情... 佢衣家重新封閉自己，斷絕同所有男性嘅往來，成為左一個憤世嫉俗極度憎恨男性嘅宅女。」善潼帶點憂鬱咁講。
聽到衣度我真係無諗過最後結果會係咁出唔到聲。
「如果當日無你嘅出現，雖然Jason同佢分手佢都會傷心，但唔知真相下我估佢嘅打擊應該會無咁大，信念唔會完全崩潰，亦唔會盲目咁追求要好似你果陣咁欣賞佢嘅人出現，咁之後佢可能都仲會遇到第二個男朋友。
但衣家… 我估佢唔想全天下男人死晒都偷笑喇，仲要佢可以再相信男人應該好難… 」見我無出聲，無耐善潼又講。
「至於Tracy，當日你突然消失後佢亦係好唔開心，然後過左排佢就開始後悔想搵返阿輝。初初阿輝都信守佢應承過你嘅野，無同返Tracy一齊。但大半年後當佢同佢新女朋友分左手後，因為無聊，佢就接受返Tracy同佢復合左。
事實上因為當年分手得太容易，阿輝既無傷心又無後悔，對Tracy其實都係”有個人陪下都好”嘅心態咁同返Tracy一齊，甚至只係當佢係一個床伴同玩物，對佢根本唔疼錫亦唔認真。
但調返轉因為Tracy一直覺得自己之前對唔住阿輝，所以佢特別珍惜衣次復合嘅機會，對阿輝千依百順，甚至之後佢發現阿輝偷偷地出面有第二個，佢都覺得自己無資格嬲係自己應得嘅報應然後繼續啞忍，希望有日可以感動到個阿輝回頭專一對自己，但結果就只係更加縱容阿輝嘅行為。
聽聞阿輝對衣個比自己出軌嘅女朋友十分滿意，仲好似計劃緊同Tracy結婚咁佢就可以玩足一世。但你諗下如果Tracy真係答應，等緊佢嘅其實就只係悲慘嘅下半生…」
「本身係嘅，但最弊因為有返聯絡突然間好似可以有返寄託，Winnie開始搵Jason搵得越黎越密。而Jason又可能因為一直覺得愧疚所以亦唔忍心拒絕Winnie，不時會嘗開解安慰下佢，希望佢可以早日搵到另一半等自己唔駛再咁內疚，結果反而令Winnie越黎越沉同依賴Jason，甚至get左d 錯嘅signal，最後仲問Jason可唔可以暗地裏同返佢一齊，就算佢只係做小三都唔介意。
去到衣度Jason知唔可以再咁落去，佢醒悟到Winnie如果繼續一直等緊一個好似你咁嘅人出現又或者自己繼續同佢咁做朋友咁其實反而會耽誤左佢自己嘅幸福同選擇。
所以有晚佢終於將真相講左比Winnie聽，就係你其實都係一個假人，一個佢用錢請返黎嘅假人。而佢對Winnie一開始亦已經係不安好心只係當佢係幫自己升level嘅NPC。
佢希望咁可以令Winnie對佢同幻想中嘅你都徹底死心，同時佢亦應該要借鏡自己升lv溝仔衣個道理，唔好咁有要求。
或者Jason嘅出發點係為Winnie好，但佢就低估左衣個真相對Winnie嘅殘忍程度有幾高...
知道真相後Winnie大受打擊，佢發現原來自己一直信任同期待嘅全部野都係假，Jason對自己係假，你對佢都係假，衣個世界由頭到尾根本就無人會真係鍾意自己欣賞自己。而可笑嘅係佢竟然一直好傻好天真咁相信衣d假嘅野仲繼續一直咁等待，希望衣d以為唔係奇蹟嘅奇蹟有日會再次出現。結果一直支撐住佢嘅信念同希望一瞬間全部倒塌… 」善潼繼續講。
「佢...無事嘛?」
知道Winnie一直以黎成長嘅心路歷程，我知衣個真相對佢打擊有幾大，因為佢好不容易得到左一直渴望左20年嘅野，以為終於有人會唔介意自己外表識欣賞自己，點知原來全部通通都係假，全部都係呃佢，衣個世界一直以黎原來都無人會真心鍾意佢...
「之後佢患上左抑鬱症衣家睇緊精神科要靠藥物控制病情... 佢衣家重新封閉自己，斷絕同所有男性嘅往來，成為左一個憤世嫉俗極度憎恨男性嘅宅女。」善潼帶點憂鬱咁講。
聽到衣度我真係無諗過最後結果會係咁出唔到聲。
「如果當日無你嘅出現，雖然Jason同佢分手佢都會傷心，但唔知真相下我估佢嘅打擊應該會無咁大，信念唔會完全崩潰，亦唔會盲目咁追求要好似你果陣咁欣賞佢嘅人出現，咁之後佢可能都仲會遇到第二個男朋友。
但衣家… 我估佢唔想全天下男人死晒都偷笑喇，仲要佢可以再相信男人應該好難… 」見我無出聲，無耐善潼又講。
「至於Tracy，當日你突然消失後佢亦係好唔開心，然後過左排佢就開始後悔想搵返阿輝。初初阿輝都信守佢應承過你嘅野，無同返Tracy一齊。但大半年後當佢同佢新女朋友分左手後，因為無聊，佢就接受返Tracy同佢復合左。
事實上因為當年分手得太容易，阿輝既無傷心又無後悔，對Tracy其實都係”有個人陪下都好”嘅心態咁同返Tracy一齊，甚至只係當佢係一個床伴同玩物，對佢根本唔疼錫亦唔認真。
但調返轉因為Tracy一直覺得自己之前對唔住阿輝，所以佢特別珍惜衣次復合嘅機會，對阿輝千依百順，甚至之後佢發現阿輝偷偷地出面有第二個，佢都覺得自己無資格嬲係自己應得嘅報應然後繼續啞忍，希望有日可以感動到個阿輝回頭專一對自己，但結果就只係更加縱容阿輝嘅行為。
聽聞阿輝對衣個比自己出軌嘅女朋友十分滿意，仲好似計劃緊同Tracy結婚咁佢就可以玩足一世。但你諗下如果Tracy真係答應，等緊佢嘅其實就只係悲慘嘅下半生…」
8.17
「點解你咁好心機調查得咁深入嘅…」聽完善潼講嘅野，我陷入深深嘅打擊之中，開始真係質疑自己做嘅野係咪真係錯。
「雖然直覺覺得你嘅方法係有問題，但我都想知事實到底係點，所以特別調查佢地之後嘅故事。」善潼解釋。
「但咁都總好過佢地尋死呀，死左就咩都無，而佢身邊嘅人亦都會好傷心… 而且我所知都唔係個個case係咁，好似Maggie同Queenie咁，我唔覺我係害左佢地…」我努力想說服善潼，但更多其實係想說服自己。
「你講得無錯，並唔係個個case都因為你而變差。但你有無留意Maggie同Queenie個case，佢地最後都係知道左你個故事同埋你最後並無選擇左無聲消失?咁已經同一般你做嘅case好唔同啦…
不過衣個都唔係我想講嘅重點，事實上好似Connie咁，佢都真係因為你嘅介入，同Jacky分手後一段時間就搵到一個同自己夾得黎又真係鍾意嘅男仔，前排仲訂埋婚添。
所以我想表達嘅意思唔係話你做緊嘅野一定帶悲劇比對方，而係每個人其實都有佢自己條路要行，有d挫折我地必需要經歷過先會成長。如果一味想逃避衣d衝擊同難關，咁對我地黎講未必係好事。
你嘅介入可以係幫助佢地，但同時亦可以係害左佢地…所以如其係咁，點解唔比佢順其自然咁發生留返比佢地自己同個天去決定?
我明家姐嘅死令你受到好大打擊，好擔心案發重演好多人會因為失戀而尋死… 不過家家當日嘅決定，其實並唔係單純因為條賤男有左第二個，真係要講其實可能我地唔少人都有部份責任， 所以我先話家家件事係一件單一意外…」
「點解你咁講?」我驚訝咁問。
「幫家姐執拾遺物果陣，我發現左家姐本日記，亦因而終於稍為了解到家姐一直以黎真正嘅諗法同價值觀… 」善潼帶點哀傷咁講。
「咁即係…? 」我想善潼講解多d。
「家家嘅諗法我邊可能三言兩語講得清楚，不過要簡單歸納嘅話，我只可以話越完美嘅人，就越難接受到自己嘅唔完美…」善潼神色一黯。
「點解你咁好心機調查得咁深入嘅…」聽完善潼講嘅野，我陷入深深嘅打擊之中，開始真係質疑自己做嘅野係咪真係錯。
「雖然直覺覺得你嘅方法係有問題，但我都想知事實到底係點，所以特別調查佢地之後嘅故事。」善潼解釋。
「但咁都總好過佢地尋死呀，死左就咩都無，而佢身邊嘅人亦都會好傷心… 而且我所知都唔係個個case係咁，好似Maggie同Queenie咁，我唔覺我係害左佢地…」我努力想說服善潼，但更多其實係想說服自己。
「你講得無錯，並唔係個個case都因為你而變差。但你有無留意Maggie同Queenie個case，佢地最後都係知道左你個故事同埋你最後並無選擇左無聲消失?咁已經同一般你做嘅case好唔同啦…
不過衣個都唔係我想講嘅重點，事實上好似Connie咁，佢都真係因為你嘅介入，同Jacky分手後一段時間就搵到一個同自己夾得黎又真係鍾意嘅男仔，前排仲訂埋婚添。
所以我想表達嘅意思唔係話你做緊嘅野一定帶悲劇比對方，而係每個人其實都有佢自己條路要行，有d挫折我地必需要經歷過先會成長。如果一味想逃避衣d衝擊同難關，咁對我地黎講未必係好事。
你嘅介入可以係幫助佢地，但同時亦可以係害左佢地…所以如其係咁，點解唔比佢順其自然咁發生留返比佢地自己同個天去決定?
我明家姐嘅死令你受到好大打擊，好擔心案發重演好多人會因為失戀而尋死… 不過家家當日嘅決定，其實並唔係單純因為條賤男有左第二個，真係要講其實可能我地唔少人都有部份責任， 所以我先話家家件事係一件單一意外…」
「點解你咁講?」我驚訝咁問。
「幫家姐執拾遺物果陣，我發現左家姐本日記，亦因而終於稍為了解到家姐一直以黎真正嘅諗法同價值觀… 」善潼帶點哀傷咁講。
「咁即係…? 」我想善潼講解多d。
「家家嘅諗法我邊可能三言兩語講得清楚，不過要簡單歸納嘅話，我只可以話越完美嘅人，就越難接受到自己嘅唔完美…」善潼神色一黯。
8.18
善潼嘅說話令我突然開竅好似依稀補捉到善柔點解會突然睇唔開嘅原因。
「我可唔可以…」我問。
「其實我唔係無諗過比你睇，但入面有太多關於你嘅野，所以我一直都好猶豫，我驚家姐介意… 只係我唔想你再諗埋一邊，所以今日先決定同你透露當中嘅一二…」善潼為難咁講。
「明白…」我露出一副失望嘅表情。
「唉… 明明講緊我地嘅野，不自覺間都會轉左去講家家嘅野…」善潼同樣感到有d失望。
「始終一有關我同你嘅野，就好難無佢份…」
或者講者無心，但聽者有意。善潼聽到我依番說話後好似受左下重擊咁，神色變得更加黯然。
「係嘅… 我同你之間，點都總會有佢嘅存在…」佢喃喃自語。
「潼潼我唔係咁嘅意思…」知佢誤會我即刻解釋。
「咩意思都好啦，希望你好好考慮我講嘅野，唔好再咁做喇… 我知家家都唔會想你咁做…」但無用善潼仍然面帶哀愁咁講。
「我會認真考慮下…」
「咁我都唔阻你喇，我知我今晚講左咁多野你應該都好需要自己一個冷靜下…只係希望你唔會嬲我啦...」沉寂左陣後善潼就提出離開。
「我真係無嬲呀...而且...頭先套戲你係專登預左穿煲果日同我一齊睇?」我問。
「係呀…你get到?」好似奸計被識破咁善潼有d唔好意思咁講。
「部份啦，其實就算無睇套戲，我都真係唔會嬲你架…不過你想同我講嘅野我都收到了…」
「我真係好驚你知道真相後，我地又會變返之前幾年咁，甚至更長時間…」善潼有少少眼濕濕咁講。
「傻妹， 無論點我永遠都唔會嬲你…我送你返去?」我一邊抹走佢嘅眼淚一邊講。
「唔駛啦，我樓下搭的士就得，你早d休息下啦~」善潼微笑住咁謝絕左我嘅好意，但睇得出個笑容係有d牽強。
我無堅持，因為我個心都確實真係好混亂下…
而喺善潼走左後，我忍唔住拎左包煙出黎。
今晚太多心煩嘅野，我需要尼古丁好好冷靜一下。
破天荒地，我連續食左三支煙破左自己紀錄，但我發現我個心都依然係靜唔到落黎…
之後我終於忍唔住拎起個電話打左兩個電話。
善潼嘅說話令我突然開竅好似依稀補捉到善柔點解會突然睇唔開嘅原因。
「我可唔可以…」我問。
「其實我唔係無諗過比你睇，但入面有太多關於你嘅野，所以我一直都好猶豫，我驚家姐介意… 只係我唔想你再諗埋一邊，所以今日先決定同你透露當中嘅一二…」善潼為難咁講。
「明白…」我露出一副失望嘅表情。
「唉… 明明講緊我地嘅野，不自覺間都會轉左去講家家嘅野…」善潼同樣感到有d失望。
「始終一有關我同你嘅野，就好難無佢份…」
或者講者無心，但聽者有意。善潼聽到我依番說話後好似受左下重擊咁，神色變得更加黯然。
「係嘅… 我同你之間，點都總會有佢嘅存在…」佢喃喃自語。
「潼潼我唔係咁嘅意思…」知佢誤會我即刻解釋。
「咩意思都好啦，希望你好好考慮我講嘅野，唔好再咁做喇… 我知家家都唔會想你咁做…」但無用善潼仍然面帶哀愁咁講。
「我會認真考慮下…」
「咁我都唔阻你喇，我知我今晚講左咁多野你應該都好需要自己一個冷靜下…只係希望你唔會嬲我啦...」沉寂左陣後善潼就提出離開。
「我真係無嬲呀...而且...頭先套戲你係專登預左穿煲果日同我一齊睇?」我問。
「係呀…你get到?」好似奸計被識破咁善潼有d唔好意思咁講。
「部份啦，其實就算無睇套戲，我都真係唔會嬲你架…不過你想同我講嘅野我都收到了…」
「我真係好驚你知道真相後，我地又會變返之前幾年咁，甚至更長時間…」善潼有少少眼濕濕咁講。
「傻妹， 無論點我永遠都唔會嬲你…我送你返去?」我一邊抹走佢嘅眼淚一邊講。
「唔駛啦，我樓下搭的士就得，你早d休息下啦~」善潼微笑住咁謝絕左我嘅好意，但睇得出個笑容係有d牽強。
我無堅持，因為我個心都確實真係好混亂下…
而喺善潼走左後，我忍唔住拎左包煙出黎。
今晚太多心煩嘅野，我需要尼古丁好好冷靜一下。
破天荒地，我連續食左三支煙破左自己紀錄，但我發現我個心都依然係靜唔到落黎…
之後我終於忍唔住拎起個電話打左兩個電話。
8.19
因為同善潼嘅事太煩心，所以我決定搵兩個知我底世嘅老死出黎飲酒。
一個係當年因為失戀而曾經被我訓斥過嘅郭非凡。事實上經過果次傷心嘅經歷佢好返後就變左做個player，咁多年都唔知玩弄過幾多女人嘅感情同過幾多女人發生關係。
另一個就係被譽為完美男人嘅軒爺。佢同郭非凡可以話係完全相反，雖然軒爺有著完美嘅外表同內籠，但佢對感情卻係絕對認真唔會玩玩下。咁耐以黎佢都只係拍過一次拖，散左後就一直單身到衣家。
或者因為佢要求太高，所以都無咩女仔睇得上眼。而無對象嘅佢寧願唔要都唔會選擇濫情。
當年善柔出事後，我都過過一段意志消沉嘅日子。有次軒爺陪我同我飲緊酒果陣咁岩郭非凡又搵我擔心我，所以我就索性叫埋佢黎一齊飲，亦因而令兩人認識。
本身一個中學同學同一個大學同學二人應該大纜都扯唔埋，不過因為果段時間我地經常一齊飲酒就令佢地兩個都熟左然後成為左好朋友。有一次我地更加飲到三個人都醉左訓左係條街嘅後巷，到朝早有途人見到仲差d報警添。
不過衣次後，我地三個就好似真係成為左老死咁。雖然佢地兩個性格同價值觀差異都幾大，互相不滿又成日嘈交，但大家心底入面都係friend底。
軒爺覺得非凡做player對感情唔認情玩弄其他人好唔岩，但非凡又覺得軒爺好煩而且太理想化，浪費晒自己嘅天賦同本錢。佢曾經講過如果自己有軒爺嘅外表，一定會食盡天下嘅女人先對得住自己。當然衣家嘅佢外表其實都完全唔差，唔係都唔會做到player成日食女。
而衣兩個老死聽完我講我同善潼嘅事後，一個就用超理性角度，一個就用超感性嘅角度去同我分析。
因為同善潼嘅事太煩心，所以我決定搵兩個知我底世嘅老死出黎飲酒。
一個係當年因為失戀而曾經被我訓斥過嘅郭非凡。事實上經過果次傷心嘅經歷佢好返後就變左做個player，咁多年都唔知玩弄過幾多女人嘅感情同過幾多女人發生關係。
另一個就係被譽為完美男人嘅軒爺。佢同郭非凡可以話係完全相反，雖然軒爺有著完美嘅外表同內籠，但佢對感情卻係絕對認真唔會玩玩下。咁耐以黎佢都只係拍過一次拖，散左後就一直單身到衣家。
或者因為佢要求太高，所以都無咩女仔睇得上眼。而無對象嘅佢寧願唔要都唔會選擇濫情。
當年善柔出事後，我都過過一段意志消沉嘅日子。有次軒爺陪我同我飲緊酒果陣咁岩郭非凡又搵我擔心我，所以我就索性叫埋佢黎一齊飲，亦因而令兩人認識。
本身一個中學同學同一個大學同學二人應該大纜都扯唔埋，不過因為果段時間我地經常一齊飲酒就令佢地兩個都熟左然後成為左好朋友。有一次我地更加飲到三個人都醉左訓左係條街嘅後巷，到朝早有途人見到仲差d報警添。
不過衣次後，我地三個就好似真係成為左老死咁。雖然佢地兩個性格同價值觀差異都幾大，互相不滿又成日嘈交，但大家心底入面都係friend底。
軒爺覺得非凡做player對感情唔認情玩弄其他人好唔岩，但非凡又覺得軒爺好煩而且太理想化，浪費晒自己嘅天賦同本錢。佢曾經講過如果自己有軒爺嘅外表，一定會食盡天下嘅女人先對得住自己。當然衣家嘅佢外表其實都完全唔差，唔係都唔會做到player成日食女。
而衣兩個老死聽完我講我同善潼嘅事後，一個就用超理性角度，一個就用超感性嘅角度去同我分析。
「之後佢患上左抑鬱症衣家睇緊精神科要靠藥物控制病情... 佢衣家重新封閉自己，斷絕同所有男性嘅往來，成為左一個憤世嫉俗極度憎恨男性嘅宅女。」
Karen（首席女權）
Karen（首席女權）
又停喺呢啲位...
仆街 今日先開始追都要live
我都係呀屌
8.20
「其實有咩好猶豫呀? 佢鍾意你，你對佢又唔係無感覺，有d野唔試過點知啫? 你之前成日覺得同善柔有遺憾，衣家上天比個咁好嘅機會你修補衣個遺憾，根本就天意黎架啦。」郭非凡首先講。
「好心你唔好亂咁比主意啦! 先唔講”試下喺埋一齊”衣個諗法已經有問題，以Ryan同善潼嘅關係，如果試完唔work咁點? 分分鐘兄妹都無得再做呀! Ryan衣家連自己係鍾意善柔定善潼都唔知，我覺得你未攪清楚前最好唔好有任何行動，唔係對善潼好唔公平最後只會傷害左佢。」軒爺即刻反駁。
「人地衣家都表白左啦，你覺得就算唔一齊佢地又真係可以完全無事好似以前咁咩? 善柔果次仲受唔夠教… 訓? 阿仁你唔好介意我揭你瘡疤，當年就算你地無一齊，善柔有左第二個後你地感情咪一樣變差左，衰左次仲唔夠咩?
而且對方都做到咁，擺明真係好鍾意你好想同你一齊，你咁都唔比個機會佢咁對佢先真係最大傷害呀… 再講呀，其實佢一日無試過同過你一齊一日佢都好難真係可以放低你再接受同另一個一齊，你睇佢單身左咁多年就知啦…」郭非凡又講。
「咁Ryan同善柔嘅關係本身同善潼都唔同啦… Ryan同善潼一直都真係似兄妹多，但同善柔本身感覺就唔似真係兄妹，邊有得拎埋一齊黎講架! 雖然善潼係好鍾意你，但得到過後再受傷同本身都無希望下受傷係好唔同。如果你未認清自己係點，就唔好比假希望人，真係好hurt架…」軒爺再講。
「你根本唔了解女仔諗咩，咁善潼衣世都唔會甘心架!」郭非凡繼續辯論。
「你最了解女仔啦，了解到hurt完一個又一個! 我都唔明，明明你自己都受過傷應該好明果種感受…」講講下軒爺突然張火頭燒左去郭非凡度。
「你要做和尚你嘅事唔好將你果套格硬apply落其他人度喎…」郭非凡自然為自己辯解。
之後二人又開始喺我耳邊好似天使同魔鬼咁爭拗不斷。
「其實有咩好猶豫呀? 佢鍾意你，你對佢又唔係無感覺，有d野唔試過點知啫? 你之前成日覺得同善柔有遺憾，衣家上天比個咁好嘅機會你修補衣個遺憾，根本就天意黎架啦。」郭非凡首先講。
「好心你唔好亂咁比主意啦! 先唔講”試下喺埋一齊”衣個諗法已經有問題，以Ryan同善潼嘅關係，如果試完唔work咁點? 分分鐘兄妹都無得再做呀! Ryan衣家連自己係鍾意善柔定善潼都唔知，我覺得你未攪清楚前最好唔好有任何行動，唔係對善潼好唔公平最後只會傷害左佢。」軒爺即刻反駁。
「人地衣家都表白左啦，你覺得就算唔一齊佢地又真係可以完全無事好似以前咁咩? 善柔果次仲受唔夠教… 訓? 阿仁你唔好介意我揭你瘡疤，當年就算你地無一齊，善柔有左第二個後你地感情咪一樣變差左，衰左次仲唔夠咩?
而且對方都做到咁，擺明真係好鍾意你好想同你一齊，你咁都唔比個機會佢咁對佢先真係最大傷害呀… 再講呀，其實佢一日無試過同過你一齊一日佢都好難真係可以放低你再接受同另一個一齊，你睇佢單身左咁多年就知啦…」郭非凡又講。
「咁Ryan同善柔嘅關係本身同善潼都唔同啦… Ryan同善潼一直都真係似兄妹多，但同善柔本身感覺就唔似真係兄妹，邊有得拎埋一齊黎講架! 雖然善潼係好鍾意你，但得到過後再受傷同本身都無希望下受傷係好唔同。如果你未認清自己係點，就唔好比假希望人，真係好hurt架…」軒爺再講。
「你根本唔了解女仔諗咩，咁善潼衣世都唔會甘心架!」郭非凡繼續辯論。
「你最了解女仔啦，了解到hurt完一個又一個! 我都唔明，明明你自己都受過傷應該好明果種感受…」講講下軒爺突然張火頭燒左去郭非凡度。
「你要做和尚你嘅事唔好將你果套格硬apply落其他人度喎…」郭非凡自然為自己辯解。
之後二人又開始喺我耳邊好似天使同魔鬼咁爭拗不斷。
8.21
「夠喇! 你地講嘅都有道理，唔好再拗喇…仲有另一樣野問你地意見，佢話我衣家做緊嘅工作係唔岩，你地點睇?」聽住佢地係咁嘈攪到自己更加心煩所以忍唔住stop左佢地轉移話題。
「其實關於你衣家做緊嘅野我不嬲都有保留… 痛係一種自我保護機制黎，未痛過就唔識驚唔知咩叫危險。好似我地細個果陣如果我未試過比打火機燒過覺得熱同痛，未比刀界過流血知道痛，我地可能永遠唔知火同刀係咁危險識避開，最後受嘅傷可能仲大。
就好似無當年嘅傷，又邊有衣家嘅我? 諗返都應該要多謝之前hurt我果條女…
當然，我明你嘅出發點係好，只但係衣個做法係咪真係好，我唔敢講…
始終受傷係令人成長最快嘅途徑，唔撞板就永遠都唔會長大。」郭非凡諗左陣後答。
「難得我認同你講嘅說話… 其實我比較buy善潼所講，每個人都有自己要成長嘅路。你嘅介入可能令件事變好亦可能令件事變差，但無人一開始會知道，咁點解唔順其自然比佢按上天既定嘅劇情發生?
天嘅決定無人控制到亦無人需要負責任，但如果係你令情況更差，咁你就係施害者要負上絕大部份責任。」難得軒爺同郭非凡竟然都意見一致。
「突然間你地又咁齊心… 咁又唔見你地一早同我講叫我唔好?」見兩個老死原來都反對我就抱怨。
「講你都唔會聽啦，正如頭先所講唔撞過板就唔會識大。而且我地都知你咁做背後原因都係因為未放得低你個青梅竹馬…
最重要係我地無例子去証明，你自然亦唔會聽。所以善潼真係唔簡單，幫你調查好晒等你無得唔接受。」郭非凡解釋。
「咁我都真係無諗過原來佢為我做過咁多野…」我帶點唏噓咁講。
「所以佢對你咁好，你都係接受佢比次機會大家啦~」非凡即刻食住個勢講。
「就係因為佢對你咁好，你先更加唔應該傷害人呀…」軒爺又不甘示弱。
「得，唔好又鬧交，我再諗多陣啦…」喺大戰再爆發前我先一步stop左佢地。
「夠喇! 你地講嘅都有道理，唔好再拗喇…仲有另一樣野問你地意見，佢話我衣家做緊嘅工作係唔岩，你地點睇?」聽住佢地係咁嘈攪到自己更加心煩所以忍唔住stop左佢地轉移話題。
「其實關於你衣家做緊嘅野我不嬲都有保留… 痛係一種自我保護機制黎，未痛過就唔識驚唔知咩叫危險。好似我地細個果陣如果我未試過比打火機燒過覺得熱同痛，未比刀界過流血知道痛，我地可能永遠唔知火同刀係咁危險識避開，最後受嘅傷可能仲大。
就好似無當年嘅傷，又邊有衣家嘅我? 諗返都應該要多謝之前hurt我果條女…
當然，我明你嘅出發點係好，只但係衣個做法係咪真係好，我唔敢講…
始終受傷係令人成長最快嘅途徑，唔撞板就永遠都唔會長大。」郭非凡諗左陣後答。
「難得我認同你講嘅說話… 其實我比較buy善潼所講，每個人都有自己要成長嘅路。你嘅介入可能令件事變好亦可能令件事變差，但無人一開始會知道，咁點解唔順其自然比佢按上天既定嘅劇情發生?
天嘅決定無人控制到亦無人需要負責任，但如果係你令情況更差，咁你就係施害者要負上絕大部份責任。」難得軒爺同郭非凡竟然都意見一致。
「突然間你地又咁齊心… 咁又唔見你地一早同我講叫我唔好?」見兩個老死原來都反對我就抱怨。
「講你都唔會聽啦，正如頭先所講唔撞過板就唔會識大。而且我地都知你咁做背後原因都係因為未放得低你個青梅竹馬…
最重要係我地無例子去証明，你自然亦唔會聽。所以善潼真係唔簡單，幫你調查好晒等你無得唔接受。」郭非凡解釋。
「咁我都真係無諗過原來佢為我做過咁多野…」我帶點唏噓咁講。
「所以佢對你咁好，你都係接受佢比次機會大家啦~」非凡即刻食住個勢講。
「就係因為佢對你咁好，你先更加唔應該傷害人呀…」軒爺又不甘示弱。
「得，唔好又鬧交，我再諗多陣啦…」喺大戰再爆發前我先一步stop左佢地。
8.22
「不過講開你嘅工作，我近排有件事其實想搵你幫手…」過左陣郭非凡突然講。
「咩事?」
「我近排鍾意左個女仔，但佢有男朋友，而我努力左段時間都無辦法…」郭非凡言簡意賅咁講。
「咁証明你唔岩佢，唔好害人啦…」我即刻拒絕左佢嘅請求。
非凡知自己紀錄唔好無再出聲。
「其實… 我都有樣野想問下你可唔可以幫手架…」隔左陣又輪到軒爺吞吞吐吐咁講。
「咩?」我問。
「我近排其實都鍾意左個女仔…」軒爺有d唔好意思咁講。
「真係? 你終於有對象?難得喎!恭喜恭喜~咦，不過你話有野想我幫手，唔通…」聽到軒爺難得有對象我真心替佢高興，但諗諗下又好似有d唔對路。
「係呀，佢有男朋友…」軒爺有d尷尬咁講。
「車，平時成日話我，你咪又係想搶人女朋友!」難得有機會郭非凡即刻忍唔住挖苦軒爺。
「唔係咁架! 其實我都鍾意左佢一段時間，本身知佢有男朋友我都唔諗住做d咩，但近排我留意到佢好似成日唔開心，應該係佢同佢男朋友相處並唔好，所以想知佢地到底有咩問題再睇下幫唔幫到佢地咋…」驚我地誤會軒爺立刻解釋。
「救命! 又係聖人mode…」郭非凡成個陶大宇心花放上身咁用手遮住自己雙眼講。
「難得你有對象，我點都幫你，不過你真係唔為自己打算下?」信得過軒爺人品我真心想幫佢搵到好歸宿。
「唔喇，我只係想佢開心返…」軒爺堅定咁講。
「咁等我睇下佢地咩問題先再決定啦…」我當然亦尊重佢嘅決定。
「李立仁，你唔可以偏心幫佢唔幫我!」但郭非凡聽到我肯幫軒爺後又抗議。
「人地係為左想個女仔開心先咁做，你呢? 肯定你只係為左滿足自己嘅獸慾…」我無好氣咁望一望佢再反個白眼講。
「唔係架，今次佢係唔同架，我feel到我今次可能會…認真…」郭非凡講到最後自己都有d底氣不足講得好細聲。
「頂你，咁都講得出?你真係為求目的講乜都得架喎…」我忍唔住鬧佢。
「總知你幫佢就一定要幫埋我!」郭非凡繼續纏繞住我。
「唉… 等我睇下咩情況先啦…」唔想比佢日哦夜哦我諗我都係走唔甩…
結果係未有答案前，我暫時無再將我個能力用喺我嘅工作度，而係為兩兄弟嘅幸福謀求福祉，亦即係可能大家一開始最易諗到衣個能力嘅用途-撓人長腳。
「不過講開你嘅工作，我近排有件事其實想搵你幫手…」過左陣郭非凡突然講。
「咩事?」
「我近排鍾意左個女仔，但佢有男朋友，而我努力左段時間都無辦法…」郭非凡言簡意賅咁講。
「咁証明你唔岩佢，唔好害人啦…」我即刻拒絕左佢嘅請求。
非凡知自己紀錄唔好無再出聲。
「其實… 我都有樣野想問下你可唔可以幫手架…」隔左陣又輪到軒爺吞吞吐吐咁講。
「咩?」我問。
「我近排其實都鍾意左個女仔…」軒爺有d唔好意思咁講。
「真係? 你終於有對象?難得喎!恭喜恭喜~咦，不過你話有野想我幫手，唔通…」聽到軒爺難得有對象我真心替佢高興，但諗諗下又好似有d唔對路。
「係呀，佢有男朋友…」軒爺有d尷尬咁講。
「車，平時成日話我，你咪又係想搶人女朋友!」難得有機會郭非凡即刻忍唔住挖苦軒爺。
「唔係咁架! 其實我都鍾意左佢一段時間，本身知佢有男朋友我都唔諗住做d咩，但近排我留意到佢好似成日唔開心，應該係佢同佢男朋友相處並唔好，所以想知佢地到底有咩問題再睇下幫唔幫到佢地咋…」驚我地誤會軒爺立刻解釋。
「救命! 又係聖人mode…」郭非凡成個陶大宇心花放上身咁用手遮住自己雙眼講。
「難得你有對象，我點都幫你，不過你真係唔為自己打算下?」信得過軒爺人品我真心想幫佢搵到好歸宿。
「唔喇，我只係想佢開心返…」軒爺堅定咁講。
「咁等我睇下佢地咩問題先再決定啦…」我當然亦尊重佢嘅決定。
「李立仁，你唔可以偏心幫佢唔幫我!」但郭非凡聽到我肯幫軒爺後又抗議。
「人地係為左想個女仔開心先咁做，你呢? 肯定你只係為左滿足自己嘅獸慾…」我無好氣咁望一望佢再反個白眼講。
「唔係架，今次佢係唔同架，我feel到我今次可能會…認真…」郭非凡講到最後自己都有d底氣不足講得好細聲。
「頂你，咁都講得出?你真係為求目的講乜都得架喎…」我忍唔住鬧佢。
「總知你幫佢就一定要幫埋我!」郭非凡繼續纏繞住我。
「唉… 等我睇下咩情況先啦…」唔想比佢日哦夜哦我諗我都係走唔甩…
結果係未有答案前，我暫時無再將我個能力用喺我嘅工作度，而係為兩兄弟嘅幸福謀求福祉，亦即係可能大家一開始最易諗到衣個能力嘅用途-撓人長腳。
歡迎兩位加入追故行列