[足球/穿越]重來一次的足球人生（5）第三章

主角8強止步，之後轉打閘

9估之後劇情

突然發現有幾個讀者id都係巴塞球員

傳控 10號仔 呢啲elements
吸引倒都好正常合理

講太多其他日本仔好悶

我覺得幾好wo，尤其對手塑造立體啲嘅話，可以更加好承托起主角

而且岡部彰幾型 好似係

唔好啦

又未到話悶嘅 但係比我嘅感覺主角唔太主角

加油晤好停更

四十四、


幻燈片結束，房間內的燈光被重新打開，但大阪浪花U-15的監督三木航仍坐在椅子上，顯然已陷入沉思當中。

早在對陣圖出來之時，他們便留意到了伊香保溫泉這名潛在對手，加上岡部彰的那篇報導，說因為這支群馬球會是J2份子便毫不在意那自是騙人的。

“作為最激烈嘅賽區，銚子FC能夠拎到今年關東球隊嗰八個名額嘅其中一個，實力其實都不容輕視，但伊香保溫泉照樣用呢種咁複雜嘅戰術將戰局穩穩咁控制住……”

蕭智堯……

磐田山葉那次試訓後，不論是J1、J2還是J3都在遍傳著這個名字，但幾乎所有人都不知道他為什麼最後沒能在靜岡留下，大家都以為他是試腳失敗被拒絕了，只有少數人脈較廣的J1球會知道，是蕭智堯自己選擇回到伊香保溫泉去的，但具體是什麼原因也沒有多少人清楚。

三木航也不例外，他知道事實是「蕭智堯最後決定留在伊香保溫泉」，也有種說法是磐田山葉是有興趣的，但伊香保開出的轉會費太高令他們卻步，又或是磐田山葉不想花一分錢簽下他，所以伊香保溫泉不肯放人，各種傳聞眾說紛紜。

可是反過來看有一點便很清晰了：蕭智堯並不是沒有征戰J1青年聯賽的實力，那為什麼他在關島被伊香保看中的時候，其他J1的球探都對他畫上了一個大交叉呢？

「開多次金子先生份J1球探報告畀我睇下。」

金子先生是大阪浪花青年軍的首席球探，但因為關島一戰包括太田茂在內的其他隊員並沒有出席，所以當時他也不在場，只在三木航的要求下，靠關係從其他球會的球探口中套來了當時的情報。

該份報告是集合了幾名J1球探的簡短意見，大體意思是這名香港人的基本功比較粗糙，體能也在J1的標準之下，雖然在場上表現出妙想天開的創意與韌性，也有過人的技術與觸覺，但考慮到穩定性、位置潛力與國籍等問題，他們都幾乎一致地給予了這名叫蕭智堯的孩子「C」到「B-」的評價。

但金子先生在提交這份報告的時候有特別補充到：「既然係嗰位新妻先生睇中佢嘅，咁證明佢唔會係一個實力不濟嘅球員－但同時佢亦肯定有至少一個非常致命嘅缺點。」

「三木監督你諗住，將針對重點擺喺呢個蕭智堯身上？」助教問道。

「三場比賽四個助攻，三木先生仲話佢上場有唔少無精確計算到嘅威脅傳送，」雖然金子先生有去觀戰伊香保的上一戰，但他帶回來的評價比較複雜，一時之間三木也很難完全消化。「如果完全唔提防佢又……」

「搵太田重點Mark佢？會唔會有啲太小題大做……」

「佢哋踢三中堅加雙攻中嘅體系，我認為某程度上就係用嚟防止對手重點Man-Mark蕭智堯。」

「咁即係證明呢個香港人其實非常怕人盯人？」

「但金子先生話，上場銚子FC就係咁做，結果負責Mark佢嘅嗰個防中俾佢係咁過，過到最後監督頂唔順轉返踢區域防守。」

會議室頓時陷入了短暫的沉默。

「或者我覺得可以多信任太田少少，用返佢擅長嘅防守方式，去令呢支J2球會嘅雙攻中體系啞火。」助教先開口道。

「都係，但可以嘅話，我想準備多一兩個後備方案。」三木點了點頭。「因為我有從三木先生口中聽到一個幾有趣嘅消息。」

「有趣嘅消息？」

「佢話經佢嘅觀察，同時亦有聽到小道消息……」三木抱著胸坐直身子，忽然長呼了一口氣。「蕭智堯嘅最佳位置應該係左閘。」

……

三木喺三木口中收風

發現基本上九成角色都睇唔起佢地係J2球隊

如果說大阪浪花只是在擔心下一戰會出現什麼差錯的話，伊香保溫泉則是在苦惱到底要怎麼樣才能跟這支強敵匹敵。

因為雙方根本就不是同一個級數的球隊。

一想起助教整理出來的名單和注意事項，鈴木卓就感覺頭痛，好像不論對方哪個位置都需要提防、對方哪個位置都無法突破一樣。

大阪浪花是進攻型球隊，但這並不代表他們的防守薄弱，反過來說他們的進攻正是建基於中場強橫的攔截力上，在對手沒多少有效組織的情況下，他們的失球數字其實比東京青空還要少一截。

目前先不說什麼士氣或者心態的問題，光是要用什麼樣的方式來備戰這場比賽，他便一直拿不著主意。

以理想來說當然是堅持以往的風格最好，但眼下球隊跟對手的實力差距如此之大，場上的形勢一亂便會兵敗如山倒，這樣對球隊往後的士氣也會有很大影響。

「防守反擊……」助教有點洩了氣地說道。「但以我哋嘅人腳同往常風格，要踢反擊可能會適得其反，同埋班細路聽到要踢防守可能都會……」

「但係喺足球嘅世界就係咁，弱隊如果執意要踢進攻要踢控球，一旦俾對手打亂個節奏就會方寸大亂。」

在跑圈的小孩子們仍一臉輕鬆地有說有笑，看起來似乎對接下來要面對強敵這件事不感什麼壓力，又或是他們心裡面更多的是期待或是享受吧，鈴木卓又嘆了口氣，走前幾步，拍手示意大家列好隊並開始下一環節的熱身。

作為隊長的秋元萬世總是跑在最前頭，熱身時也會站在最前方帶領大家，鈴木卓留意到他的表情相比其他人看起來沒有那麼寬容，像是摻入了幾種不同的感情般顯得特別複雜。

啊屌係喎 sorry

即係好似足總盃你Big6遇到英冠隊都會諗住派副選＋幼幼搞掂就算咁

「……秋元，過一過嚟。」

他朝秋元招了招手，同時示意其他球員繼續熱身不要停下來。

「監督，咩事？」秋元萬世慢跑到他的身邊，不得不說雖然只是十五歲，但看起來已沉穩得有如成年人。

「球隊最近嘅士氣點樣？知道要對大阪浪花之後。」鈴木卓與他走到稍遠處，壓低著聲音問道。

「嗯……開頭大家都覺得比較擔心，但而家嘅話，其實你都見到，」秋元萬世朝隊友們看過去。「我哋基本上都算係以平常心去面對。」

「……咁你自己呢？我覺得你睇落心情似乎無咁輕鬆。」

「因為我同佢哋唔同，我有現場睇過呢支大阪浪花青年軍嘅比賽，我知道喺太田茂嘅帶領之下佢哋係踢緊點樣嘅足球……」秋元萬世苦笑著搔了搔頭。「但雖然係咁，我心入面反而係覺得，好慶幸可以同一支咁強嘅對手堂堂正正咁對決。」

半蹲在他身邊的鈴木卓並沒有馬上回答，而是發出了像是在想著什麼的敷衍回應聲音。秋元萬世看著眼前這位恩師惆悵的臉龐，似乎也看出了什麼來。

「監督如果你係考慮緊我哋嘅感受同埋要點樣迎戰呢樣比賽嘅話，我諗佢哋唔會抗拒任何鈴木監督你所制定出嚟嘅戰術同指令：你要我哋主動進攻或者堅守反擊都無問題。」

鈴木卓有點意想不到地回過頭來看著他，片刻後不禁笑了一聲。

「我成日都喺賽前同你哋講，我帶你哋出嚟比賽並唔係太在意你哋贏定係輸……但如今強敵當前，我突然發現自己都只係諗住想贏。」鈴木卓擠著笑臉，像是羞愧難當般低下頭看著腳下的草地。「但而家我擔心嘅係，好似無論用咩方式嚟踢呢場比賽都好，一旦被對手技術性擊倒，就會對你哋嘅信心造成強烈打擊。」

「雖然我哋係J2嘅青年軍，早就知道自己實力同天賦係次一等，無可能好似岡部彰或者係小栗修平咁成為全國嘅焦點……但我哋遠無監督你諗得咁脆弱，」秋元萬世笑道。「正因為我哋知道自己嘅斤兩，所以我哋更加唔會咁容易就被擊倒。」

鈴木卓忍不住笑著摸了摸他的頭頂，並拍拍他的背部示意回到隊伍中繼續熱身練習。


「我覺得，教練嘅工作並唔包括迎合球員嘅諗法，但係蕭智堯嘅話……我個人情感上係偏向想睇佢成為一個十號位嘅Playmaker。」

之前自己跟中西智和說的這段話言猶在耳，但強敵當前，自己卻不只一次地考慮著將他再次放到左閘的位置上。

是呢，我總是在比賽前跟他們說，青年軍的比賽不要太看重輸贏，但自己卻在節骨眼上，不知不覺地成為了一個骯髒功利的大人。

「大家要有心理準備，今場面對大阪浪花我哋唔會坐以待斃，如果體能跟唔上嘅話我隨時都會換你哋走或者係排除喺上陣名單之內，聽唔聽到！？」

還在拉筋熱身的眾人，看著走近的鈴木卓，不由得怔住了數秒。

「知道！」

齊心的叫聲響徹練習場的上空，鈴木卓滿意地雙手負後，心裡想即便是輸，自己也能昂首挺胸地面對自己的家人、同事，以及眼前這群熱愛著足球、絲毫不害怕失敗的小孩子們。
___________________________________

快，唔好等下個禮拜

繼續

劉關張結拜時會拜關二哥

有文

睇黎下一章就差唔多開波啦喎