[足球/穿越]重來一次的足球人生（5）第三章

無啦其實30號都截稿
不過應該點都要幾日回回氣

Deadline fighter

距離7月1日 仲有1日

準備好了

樓豬我們來了

上水報告下先

23:59:59分截稿喺最後30秒壓線交稿
但因為字數問題系統無通過到 而家同大會方email deal緊
（雖然我自己覺得贏嘅機會係零）

講返正題先，真係連續爆咗十日seed，而家個人有啲乾塘
畀我抖返幾日就會執返呢度嚟寫，盡快更新
感謝大家嘅等待

推

樓主加油！

俾你抖幾日啦

30秒
呢啲都有得死線戰士

因為真係寫唔切

樓主幾時先復更

加油

應該後日

晏少少

二十九、


「無咩事嘅，休息返兩三個禮拜，唔好做太大幅度嘅運動，同埋唔好受力嗰啲就得。」

聽到自己的肩膀問題不大後，今村不由得鬆了口氣，他本還很擔心這傷勢會害他無法參與之後的高圓宮盃賽事，不過當然，現在看來也應該會缺席一至兩場比賽。

陪伴在旁的鈴木卓看來也像放下了心頭大石一般，向醫生點頭道謝。

「兩三個禮拜，咁計落……我應該最快都要踢到四強或者決賽先有得踢？」

兩人步出走廊前往升降機的途中，今村突然開口問道。

「……」鈴木卓看了他一眼，但他應該是早就猜到會被問到這個問題，所以也沒太大反應。「你而家最重要嘅係要休息，復出比賽嘅事我會再睇情況。」

或許是身處醫院的關係，在到達升降機大堂前的沉默共處使人感覺特別喘不過氣來，今村心裡面當然知道自己在隊內的地位仍比不上前輩兼隊友身份的秋元萬世，但他自覺自己這場比賽的表現應算得上是不辱使命了，只是能否讓領隊改變意見，往後都派他以正選身份出任雙箭頭這一點似乎還有待確認，加上如今自己又有傷在身，使得他更難以開口。

關東地區、不，光是群馬縣的內戰已這麼激烈，在全國性的大賽上，肯定還會遇到更多難以想像的對手。雖然知道自己的實力或許仍有不足，但想到能與更高水平的人同場較量，他便感覺到彷彿身體上上下下的每一塊肌肉都在蠢蠢欲動。

但是自己在剛剛這場比賽的表現，足夠打動鈴木卓嗎？

兩人走進空無一人的升降機內，冰冷的鋼鐵內壁使今村忽覺壓力倍增。

「呢場比賽你踢得好好，如果你係擔心呢樣嘅話，我可以打消你嘅疑慮，」鈴木卓抬頭看著一閃一亮的舊式升降機樓層顯示，開口說道。「我知你而家心入邊諗緊咩，但係作為領隊，我除咗要保證球隊嘅運行同勝利之外，更重要嘅係你哋嘅健康。」

叮，升降機到達地面，兩道橫向敞開的閘門之間迸發出外面的雪白光茫。

「總之，我派你上場係睇好你能夠為球隊帶嚟入球，你呢次上陣完美咁完成咗你嘅任務，亦用自己嘅方式為球隊帶嚟勝利－我要講嘅就係咁多。」

在地下大堂等候區靜靜地等待著的除了一眾隊友外，還有高橋和輝以及兒玉春斗。看到今村似乎並無大礙地出現後，大家都放下心來迎了上去，七嘴八舌地聊了起來。

「醫生點講？」高橋和輝走到鈴木卓身邊，小聲問道。

「無咩大問題，抖返一排就得，有心。」鈴木卓微笑著答道。

「無事就好。」

兩名大人突然陷入數秒間的沉默，與旁邊那一眾小孩的熱心慰問形成強烈對比。兒玉春斗作為對手，也毫不忌諱地走上前來拍了拍今村以示鼓勵。

鈴木卓打了個眼色，似乎是在問高橋要不要跟今村單獨聊一下。

「高橋教練，我仲要睇住班細路，麻煩你幫我陪今村去嗰邊拎一拎藥？」

他邊說邊遞出了藥單，高橋和輝先是怔了一下，不過很快也便反應過來，接過藥單舉高手表示感謝。

「你過嚟睇我，尾崎教練唔會唔開心咩？」

取藥的櫃檯就在不遠處，不過也能為兩人提供一個不錯的聊天場合。

「本身今日我唔應該出現喺比賽場地添，」高橋笑道。「佢都知我係專登嚟睇你。」

「咁輸畀自己當年親手趕走嘅球員，佢有無講啲咩？」今村看著掛在場上的電子滾動號碼牌，又現出那冷若冰霜的臉容。

「……」高橋和輝沉默了數秒，嘴邊卻仍掛著輕輕的微笑。「你想聽到咩答案？佢好悔恨咁坐喺更衣室度不斷自責？定係佢同其他球員講話當日放走咗你真係好可惜咁？」

「……我知你想同我講咩，」聽到一向和善的高橋教練回答得如此尖銳，今村不由得看了他一眼。「但我都講過，想報一箭之仇係我呢段時間一路堅持落嚟嘅動力。」

「咁我同你講咗佢嘅反應之後，你嘅呢段復仇之旅係咪就會完結？」高橋和輝說道。「咁之後呢？」