[足球/穿越]重來一次的足球人生（5）第三章

派路攻中變防中，主角攻中變左閘

乜料﹐個教練本身諗住下半場都唔出佢住!?

青之蘆葦咁左閘做司令塔

似辛真高多啲出道打攻中 就算喺國家隊都仲會打攻中

其實依啲屎窟鬼教練真係好黑人憎
睇兩眼就睇死人踢咩位 個感覺好差
就算屎窟鬼係講得啱 都係一個屎窟鬼

穿越完都係要打閘

今晚有文?

晏啲

二十、


在滿場的叫喊與奏樂聲中，兩隊重新步出通道邁向球場，蕭智堯跟今村一彥的出現並不讓高崎石原北中的人感到意外－要說的話，尾崎舟留意到秋元萬世仍然留在場上。

站位是3-1-4-2，相當相當冒險的一個陣型，你都幾乎不會在職業足球中看到這樣的佈陣。

「真係雙攻擊中場單防中，件老嘢又估得幾準。」兒玉春斗小聲說道。

「經驗會帶嚟心得。」宮脇藏冷冷地應了一聲，並順便活動著身軀跟四肢，其柔軟度看起來就像能把整個人都摺成一個平面般。

「喂喂喂，你唔好再做埋啲咁鬼得人驚嘅動作啦。」

「等陣我哋要面對嘅對手，」宮脇突然張開雙腿，像是耍雜技般在草地上做出了一字馬的姿勢。「可能仲得人驚。」

球證伸手示意伊香保溫泉先開球，秋元本來上前，卻沒想到今村一彥先行一步走了上去，渾身上下散發著一股生人勿近的騰騰殺氣。

「我哋可愛嘅小師弟，咁就入咗魔。」田島進一臉無奈地搖了搖頭。

「等陣你唔好手下留情啊。」松本翔太笑道。

「手下留情？點敢啊，老嘢一眼就睇得出啦。」

「我想問下，」一旁的伊列斯奧忽然開口問道，表情看起來有點嚴肅。「對面個咩攻擊中場唔係好出名嘅咩，你哋好似唔太緊張咁……你哋咁有信心自己一定搞得掂佢？」

「伊列斯奧你一定係以職業球員為目標㗎啦，但對於我哋呢班踢中學足球嘅學生嚟講，職業係好多人諗都無諗過嘅事嚟，」田島進笑著聳了聳肩。「既然係咁，享受足球就係我哋每一場比賽應該要做嘅事。」

「享受足球……」伊列斯奧的腦海裡浮現了昔日在貧民窟的回憶，雖然那時候與足球為伴十分快樂，但當中又有多少人在參與這項運動時，心中是沒有滲進一丁點雜質的呢？

俾人屠返次就享受唔到

開球的哨子聲轉瞬盤旋伊勢崎陸上競技場的上空，伊香保溫泉的一眾球員來勢洶洶地排成無數個三角形的站位，顯然是要通過層層的短傳來進佔領土。

“球員無變，但踢4-4-1-1……”鈴木卓捏著下巴，高崎石原北中看起來似乎沒作多少變動，但他猜想對方應會有特別的安排以限制蕭智堯的發揮。“如果尾崎先生中計，咁成件事就易搞……”

皮球被送到三閘線一帶，岡田健也盤球推前兩步找尋著傳球對象，蕭智堯跟吉岡南太郎都在他的斜前方現位要球，但兩人的位置既像空了出來，又像被對方暗中限制一樣，好像只要傳得稍微不那麼妥當便會被截走。

極為緊密且具紀律性的區域防守。

鈴木卓嘖了一聲，眉頭輕皺，他本以為對方會重點盯防蕭智堯，只要有兩名球員被引走，那吉岡的活動空間便會變大，以他優良的視野和組織能力，伊香保的六人進攻陣容便能輕易拉散對方的防線，但這如意算盤又再一次被尾崎舟識破了。

岡田健也忍住沒有把球傳出去，而是選擇分邊，轉眼間皮球便被傳到了角球旗附近，在沒有什麼選擇的情況下只能草草傳中。

伊列斯奧拉邊了。

出於對球隊中堅的信任，即使皮球仍未落地，他卻沒有在這仍然未知的情況下退守，而是向著外側散出去，等待著隊友傳來皮球發動反擊。

這記傳中果然被石原北中的中堅頂出，可是第二點卻被吉岡南太郎拿了下來，並再次組織攻勢。

但是這名巴西人注意到了另一點。

在數秒前，蕭智堯有意地跟了過來。

……

大概在蕭智堯回去香港之前，各青年梯隊都做了個半年一次的例行評估，大概就是由各領域的教練來測試他們的專項能力，然後遞交數據至青年軍主管手中，再由他整合撰寫出一分詳細直觀的報告交予球會領隊－也就是和賀壽一－讓他可以最直觀的方式
，快速了解青年軍的現況。

蕭智堯無疑是這位領隊最關心的球員之一，但是他的這份報告，不管是中西智和還是鈴木卓，都感到頭痛不已。

在各專項測試中，蕭智堯最高分的種類是傳球，雖然大家都知道他比賽跟練習時的落差頗大，但即便如此，這依然是他個人最高分的項目，在U-13傲視同儕，甚至跟U-15的吉岡南太郎差不多。

和賀壽一打開文件，眼睛往下一掃，很快便注意到了那鮮紅色的數字。

他最高分的細節項目，竟然是一對一防守。

「佢高空防守比較差，可以話係比較……業餘嘅水平，另外佢嘅背身防守同埋搶波表現都好差，所以呢個亦係佢踢緊逼戰術會比較遜色嘅原因，但係……」當時青年軍裡的防守教練是這麼說的。「佢1 on 1防守嘅表現，可以話係非常頂尖。」

「我問過佢點解會咁，因為佢嘅防守姿勢同動作等等都好明顯係有經驗，仲要唔知點解係左閘嘅防守習慣，佢開頭話自己以前踢過左閘，但我記得新妻先生話佢以前只係踢過左翼，再問佢都答唔到啲咩出嚟……」另一名防守教練一臉不知道該高興還是無奈地笑了笑。

和賀壽一聽著中西智和的覆述，若有所思地點了點頭。

「後嚟佢哋專登搵咗幾個U-18入面比較好扭嘅球員同蕭智堯做1 on 1嘅測試，雖然有明顯嘅體格差距，但十次入面，佢哋只係過咗蕭智堯兩次。」中西智和補充道，臉色看起來有點沉重。「防守球練話，佢嘅防守睇落與其話係技術好，用經驗豐富嚟形容會更為貼切，但佢哋都唔知點解會咁。」

一個攻擊中場居然最出色的細項能力是地面一對一，作為球隊教練會感到不知所措也是正常的，更何況那不是逼搶的防守能力，而是被動地阻止對手的能力，對於一名攻擊球員來說這也實在太矛盾了。

「所以……依你嘅睇法，蕭智堯嘅最佳位置係邊度？」和賀壽一再揭了兩下，又點點頭，雙眼朝中西智和看去。「進攻中場？左翼？抑或係……左閘？」

報告上「推薦位置」一欄是依然是寫著「進攻中場」，但和賀更想聽眼前這名青訓主管親口述說自己的看法。

「和賀先生仲記唔記得當日新妻先生講嘅嗰番說話？佢話佢對於蕭智堯呢個球員嘅擔憂。」

「嗯……大概記得，佢話佢覺得隨住年月過去，蕭智堯可能會慢慢成為一個『齒輪型球員』，無辦法再喺進攻中場呢個位置擔當大任。」

「……雖然唔想咁講，但我認為如果喺一支合適嘅球隊入面擔任左閘或者左翼衛，佢係可以成為一個非常出色嘅……齒輪型球員。」中西智和皺著眉頭，吞了口口水。「呢個景象喺我腦海之中，比佢擔任攻擊中場更容易具像化。」

和賀壽一喝了口手邊的罐裝果酒，朝牆壁上釘著的3-5-2陣式圖看去，那是群馬伊香保溫泉正式隊今季的常規陣容名單，他憑著這套戰術再次闖進了聯賽前三，順利的話便可以再次挑戰附加賽升上J1。

「喺而家球隊嘅體系入面，兩隻翼衛擔當住非常重要嘅……『齒輪』角色，呢一點係無錯，但而家無論係左路定右路，正選同後備都已經有非常合適嘅人選，順利嘅話蕭智堯可能三年之後就能夠為一隊出戰……」

他半帶笑意地嘆了口氣，搖晃著手中的果酒，感受鋁罐內還有多少剩餘。

「我更願意空出嗰個位置，等佢充分成長然後著上伊香保溫泉一隊嘅波衫，」

其雙眼緊緊地盯著那攻擊中場的位置，冷不防打了一個酒嗝。

「喺進攻中場呢個位置綻放只屬於佢嘅光茫。」

……

鈴木卓當然清楚記得中西智和跟他覆述的這段對話，畢竟蕭智堯是他目前負責的球員，保證他順利地往目標方向成展是其最重要的工作之一。

伊香保溫泉的攻勢被中斷，皮球迅速被轉移到他們的左路，再次由伊列斯奧腳下準備發動攻勢。

如他先前所料一般，蕭智堯很快便迎了上來，在中場線稍後的地方擋住他的去路。

高崎石原北中的後備席傳出了一陣驚呼，只有尾崎舟不動聲色地看著。

「攻……攻擊中場嘅蕭智堯走去Mark伊列斯奧？」

可是鈴木卓卻又很想驗證，他的防守能力是不是真的如測試結果那般出類拔萃。

伊列斯奧放慢了步伐，開始觀察並試探對手的節奏。

斜沉身驅，下盤穩健，上身保持挺立沒有彎曲，雙眼緊緊地盯著皮球，同時腳下保持輕快密集的碎步。

非常完美的防守姿勢，渾身上下都找不到一絲破綻。

唯一要說的，就是不知為何，他在右路卻擺出了在左路防守的姿勢，別扭地向他露出了前往中路的空間。

“有趣。”

伊列斯奧突然加速，雙腳像是上了膠水一樣黏著皮球，上半身猶如鐘擺般搖動著，蕭智堯碎步後退但沒有拉開距離，不過重心似乎有所動搖。

這是作為盤球者在一瞬間所判斷到的事情。

左腳曲膝，上身往左方半欺，同時左腳再發力一蹬，這名巴西人便如同脫兔一般，敏捷地朝對手那一百八十度的防守領域踏去。
___________________________________

防守球練話

唔太鐘意依篇
打開左閘都唔係係右邊防守比人特別容易走中間啦
簡些路打開右閘去打左閘都係正正常常
球員會因為位置調整自己架嘛

依啲係戲劇效果啩

例如如果有套戲講車神 舒密加 渣住救護車送人去醫院
都可能會加個橋段話佢因為渣開單座位F1
所以比正當渣車靠向了右邊咁

呢兩日一口氣追曬
好高質嘅足球故
樓主加油

多謝支持

lee 個故一口氣睇係無得輸，但可惜你live 左。