[足球/穿越]重來一次的足球人生（5）第三章

文呀

今日無 要聽日

等三、四日先有一更

個故由po1開始計差唔多有兩年,而老簫由穿越第一場到而家仲係踢緊u13

呢排身體問題完全集中唔到 而家有好多私事要處理
進度方面之前都有提過 之後會飛咁啲日子 所以唔使太擔心

讀者們嘅容忍係有限度㗎

加緊趕緊

理解嘅健康最重要
係等文嘅日子過得好漫長唔好爛尾就得

好好睇

但係一次過追曬進度要等更新

放心呢個我可以保證 要寫幾耐我唔敢講
但一定唔會爛尾

身體問題冇得勉強 強行chur可能更加差

點都好支持

加油
Btw
樓主係唔係有睇「86」小說

無

因為仲有好多私人事急需處理
更新應該要凌晨左右
唔會拖到聽日 請耐心等候

等緊

唔緊要 慢慢嚟

四十、


群馬伊香保溫泉最後以2-0輕取日向FC，見證戰局如何從平分秋色轉成一面倒的小野滿足地蓋上自己的筆記本，與行家駕車前往附近一家頗有名的拉麵店。

「但如果佢哋下場就輸，或者衰啲講，真係俾佢哋殺到入八強對大阪浪花但踢得唔好嘅話，咁你跟呢隊伊香保跟咁耐咪嘥晒。」路上他問道。

「我哋做新聞呢行嘅，有時候同球探一樣，都係要浪費時間去一啲人哋留意唔到、又或者係唔想留意嘅嘢身上，特別係我哋呢啲專做初中高中足球聯賽嘅，咁呢啲時間係浪費定係點，好難講嘅。」行家握著軚盤，嘴巴現出豁達的笑容。「當然，呢種做法只係佔工作中好細嘅一部分，但當有咩青年球員突然爆起，全世界都搵佢嚟做專題嘅時候，邊個有準備邊個無準備，到時就自然會見到真章。」

「不過奪冠熱門，點講都係東京青空同大阪浪花……」小野側了側頭。「你竟然為咗睇呢場唔去睇另外嗰兩隊。」

「佢兩隊太無懸念啦，對呢啲對手，可能平時隊內練波踢得仲辛苦，」行家笑道。「細心啲觀察下呢隊，到時萬一佢哋真係爆冷踢贏晒大阪同埋東京，咁我哋咪有嘢寫囉，嗰兩隊對其他魚毛仔嘅比賽，知道數據就得啦。」

「吓？你覺得伊香保溫泉過到大阪同東京兩關？」

「機會係細啲，講白少少可以話係無乜可能，但對比起其他隊，佢哋似乎係散發住一種……」行家頓了頓，似乎是在思索該用什麼詞語來形象。「能夠創造奇蹟、以下克上嘅氣味。」

「不過係嘅，足球呢項運動……」小野看向窗外，被陽光眷顧著的足球場此刻已空無一人，卻彷彿仍散發著一股難以言喻的光芒般。「正係因為有好多嘅奇蹟，所以先會令佢咁吸引。」

……

……

大阪浪花，隊名取自這個國際知名城市的古稱，是現今在J1與東京青空分庭抗禮的強隊，兩者壟斷了近五季的聯賽冠軍，且每一季的分數都非常相近。

不同於相對重視青訓的後者，他們正式隊的大名單裡幾乎沒有來自於己隊的青訓產物，更多的是從其他的球會挖角，包括具有潛力的青年球員。

大阪浪花這次在高圓宮盃全國賽首輪的對手是岩手縣近年縣內首屈一指的初中，憑著剛強的防守和意志，在剛結束的全國大賽中踢進了八強戰。

在看台上揮舞的巨大旗幟上飄舞著以大阪灣波浪為靈感的隊徽，大阪浪花的正式隊也如它們的隊名以及隊徽那邊，以層層不斷的洶湧攻勢著稱，絲毫不給予守方一刻喘息的機會，即使對手是一支防守為人稱道的球隊也不例外。

雖然青年軍的戰術風格並不一定要跟隨正式隊，可無獨有偶，這支大阪球隊的青訓基地在最近兩年卻出了一名怪物級的中場球員，在中圈附近儼如一部造浪機般，不斷為隊友作出保護與支援。

「永野！」

一名皮膚曬成了古銅色的中場球員邊喊著邊張手拉弓，非常精準地將皮球長傳至在斜邊表應的隊友腳下，不論是準繩度、速度還是弧度，都能稱得上是完美。

太田茂，大阪浪花U-15的隊長，這支所向披靡的青年軍裡最不可或缺的靈魂人物。

作為球隊的中場核心，他主導了球隊的大部分進攻，同時亦指揮著隊友搶下了中前場所有的第一及第二點，幾乎攔截及阻擋了對方全數發動反擊的苗頭。

球證鳴哨示意入球有效，隨後再表示上半場比賽結束，單從二比零的比數看起來，雙方的表現並不算太懸殊－但不論是教練還是球員，又或是在看台席上稍微有用心觀看這場比賽的觀眾，其心裡也都清楚得很：現在二比零這個比數只是因為大阪的門前把握力太差而已。

岩手方的球員離開球場時都一副身心俱疲的樣子，相反大阪那邊則是所有人都有說有笑，作為隊長的太田茂更是談笑風生，看起來就知道毫無壓力。

「你班友仔，呢個勢踢到咁先係二比零，唔太合格啊下。」

剛進到更衣室，球員們都還全坐下，大阪浪花U-15的監督三木航便皺著眉頭敲了數下白板，用濃厚的關西口音抱怨道。

「監督，我認為罪人係松本。」其中一名叫大西，看起來十分活潑的短髮球員舉手道。

「啱啊，我認同，門前咁多餐士都淨係射入一球！」

「同意同意！」

「快啲做啦！」

聽到其他人突然起鬨，三木不禁笑了一聲，用食指朝坐在最前方地上、一臉委屈與不情願的松本然後向上甩動，示意他站起來。

「嗱眾怒難違，小懲大誡，十下掌上壓走唔甩啦，做。」

「係……」松本一副早就料到的樣子般，有氣無力地答道。

一！二！三！四！……

響亮的歡呼聲從大阪浪花的更衣室內傳出，需要回頭去拿遺漏東西而經過的岩手球員還以為對方是在提早慶祝著這場比賽的勝利。

「……梗係唔係，」聽到他們這麼說，岩手的監督苦笑著搖了搖頭。「大概五六年前我都對過佢哋一次，因為個教練比較輕鬆恢諧，而且佢哋又係大阪人，所以佢哋不嬲都係咁。」

（註：大阪人相對較為愛搞笑及熱情外向，甚至不少人會有「既然我作為大阪人，那有人在我面前裝傻的時候我不吐槽那就說不過去了」這種奇妙的想法）

「但佢哋有咁嘅心態，就算唔係輕視我哋，都證明佢哋無感受到咩壓力。」岩手隊長說道。

「講得無錯，所以下半場我哋要諗辦法加強返反擊嘅質素，唔可以畀對手覺得就算全部人攻晒上嚟壓住我哋咁踢都無乜危險性。」

「係！！！」

做完十下掌上壓的松本拍拍手掌，乖乖地坐回原來的位置上，彷彿是彼此早有默契般，三木咳著把噪子清乾淨，用箱頭筆又敲了敲白板。

「好，搞完屎棍，大家認真返。」他在球場形狀的陣型圖上畫了幾個圓圈與箭咀。「對面下半場應該會有少少調整想加強返個攻勢，所以我哋進攻嗰陣大西同永野唔使拉唔邊，聽太田指揮你哋各自要封邊一點；松本壓前少少，唔好畀對面最中間個中堅咁輕易將個波向前傳，你兩個翼鋒唔使理另外兩個中堅，專心守住兩隻翼衛就得，要盡量逼佢哋後場大腳上嚟；太田任務照舊，兩邊閘一樣都係聽指揮該上定退。」

「知道！」

如果單論球員的質素，那大阪浪花肯定是比不上重視青訓的東京青空，但這支關西球隊最大的武器，正是隊內步調一致的凝聚力，以及比起學生足球還更頑強的精神韌性。

而隊長太田茂，正是這一切的支柱以及推動點。

「永野跟實你左邊個八號！遮中間！」

「大西呢隻！擋住傳球路線就得！」

持球的岩手球員一抬頭已發現周邊所有傳球路線都被封死，情急之下打算長傳至前方，卻被伸腳攔截的永野擋到改變方向，皮球剛好飛到中圈稍前處－也就是太田茂的腳下。

「噢，空晒。」

看準了落點的太田移好腳步，與前方已然尋找好前插路線的松本對上眼神，忍不住偷笑了一聲。


「松本！！！同我隊穿佢屎眼！！！」

伴隨著這響徹球場的熱情吼叫，只見皮球從他腳下像是劃破畫布般穿過對方的中後兩條防線，精準地到達松本的腳下。

看著球隊戰術成功，力壓對手再下一城，站在教練席的三木忍不住拍著手稱讚球員，但當然……

「太田！」他搖著頭，一臉無奈地嘆了口氣。「電視全國直播緊㗎……」

太田卻似乎沒聽清楚，只是微笑著朝他舉出了右手的姆指。

但三木當然知道，這只是他在假裝沒聽到罷了。
___________________________________

又多一個比主角更似主角嘅勁人