[足球/穿越]重來一次的足球人生（5）第三章

主角有冇練射波

個主角光環去左邊

個主角光環去咗左邊，所以要打左閘

三十五、


「想踢攻擊中場？嗯……我知你扭波唔錯，但呢個位好似唔係太啱你踢喎。」

「係囉你踢翼啦一係，我哋中路有阿祥同良少啦。」

「中路唔係你應該入嘅地方，你都係踢返邊算啦。」

「你真係以為自己奧燒咩。」

「又唔使灰心嘅，呢個世界好公平㗎喎，總要有好似你咁嘅人做綠葉去襯托㗎嘛。」

「呢個世界唔係個個一出世就識踢波嘅。」

「你適合踢兩邊或者中間、你適合做核心定係綠葉，呢啲都係天生。」

嘖。

失戀也好，又或是被上司罵個狗血淋頭之類的什麼也好，過去每當遇到什麼糟心事的時候，蕭智堯便會到街上去跑步，對他來說，這是讓自己放空心境冷靜下來的最佳方法。

可此刻他已在青訓基地的草地上氣喘吁吁地快跑了十數個圈，腦海裡依然不斷冒出過去那些不想再想起的畫面和說話，甚至連自己的呼吸跟節奏都紊亂了起來。

雖然大學時有遇過一些不錯的師兄和隊友，有些後來畢業了也會經常相約一起去踢友誼賽或是普通的街場，但當然也有些性格惡劣刻薄的人，因此才會有上面的這些記憶。

鈴木卓該說的大抵上都說了，沒說出口的也都掛在了臉上，那些十來歲的小孩固然看不出來，但蕭智堯怎麼會不知道－他正懷疑著自己、吉岡與岡田這個中場三人組合的可行性。

自從穿越以後，自己無論是在學校、港青還是來到這裡以後，一直都不需要為出場機會和時間煩惱，即使是像石原北中戰那樣下半場以奇兵身份上陣，那也代表著球隊是需要他的，況且那是一種奇襲性質的戰術考量，某程度而言對方也確實是被這一著弄得方寸大亂了一陣子。

可是如今，他心裡卻莫名地冒出一種難以形容的危機感，就像是拿著一個裝滿了玻璃樽裝啤酒的膠袋趕路一樣。

曾經，進攻中場是一支球隊裡最特別的位置。

在那個年代，一個合理的十一人陣容裡，可以有兩個前鋒，可以有兩個防守中場，可以有兩個翼鋒或是拉邊的中場，也可以有兩名閘位和中堅。

但唯獨只有進攻中場這個位置，無法容納兩人。

4-4-2曾經席捲過歐洲大陸的足球戰術板，這種雙前鋒的配置意味著中場必須作出取捨：要不就是雙防中，要不就是菱形中場，並沒有雙攻中這種選擇。

即使是後來的4-2-3-1，將前鋒人數減少以增加中場控制力，但這個名額卻依然是加到了防守中場的位置上，而鮮有讓一名防中支撐兩名進攻中場這種做法。

但後來Half-Space這一理念被徹底開發之後，出現了諸如大衛施華、馬達這種具有拉邊成份的攻擊中場，比如前者便在哥迪奧拿的戰術體系下，頻繁地出現在對方其中一側的Half-Space處，其職責是駐守這一區域策動進攻，並通過走動和傳遞皮球去撕破對方防線。

「五路進攻唔係一種容易掌握嘅踢法嚟，而且你兩個長期喺Half-Space由於個位比前鋒稍為後少少，一定會四面受敵，所以呢種踢法對你哋嘅技術同埋視野要求會好高，仲有一樣就係位置感：隊友幾時要幫，你哋幾時返後現位，幾時留守前面，呢啲你哋要自己去閱讀個比賽。」

這是鈴木卓當初想踢雙攻中時，跟他和吉岡南太郎所說的話。

對，閱讀比賽……為什麼自己之前這麼多年來一直覺得自己無法勝任中路跟獨力改變球賽，恐怕就是因為自己的閱讀比賽能力太差。

翌日的隊內練習他仍收到了來自鈴木卓的抱怨和責備，位置感、現位時機、用球選擇……這些都是他犯錯的地方。

同時或許是因為他的不足，擔任防中的岡田健也亦同樣表現得相當吃力，不斷選錯站位而頻繁導致防線暴露。這三人中場似乎只有吉岡南太郎踢得較為得心應手，之前跟前橋那家初中的練習賽時，他還有好幾次全速回防為蕭智堯補救的舉動。

「監督你諗住幾時做最後決定？」旁邊的助教問道。「得返兩個禮拜唔夠，之後嘅賽程亦陸續有嚟，如果真係要放棄呢個戰術嘅話可能真係要儘早。」

「……」鈴木卓想了兩秒，臉上露出猶豫的神色。「係嘅，如果對佢兩個嚟講真係言之尚早嘅話，亦真係唔適合拎呢個系列賽嚟做試驗……」

「吉岡話晒都係早佢哋好多入嚟呢度受訓，好多戰術概念同技術一早就已經係反射動作一樣，都唔需要去做太多額外嘅思考，咁比較之下另外兩個係辛苦啲嘅，十三四歲嘅細路……」助教也嘆了口氣。

「蕭智堯係一個傾向用直覺去踢波嘅人，雖然嚟到之後佢開始學識點去通過思考嚟調整自己喺場上面嘅行動，但時間尚短，好多嘢霎時間都係改變唔到；」鈴木卓點點頭，視線不停地在中場那三人組之間來回移動。「相比之下，吉岡就踢得理性好多，佢嘅每一步動作都係經過思考，雖然少好多嗰種致命嘅傳波，但佢擅長用走位同傳波去引導隊友，有佢在場成隊波都會踢得比較暢順。」

「定係試下將吉岡擺後一格，等佢做類似全能中場咁嘅角色去平衡一下？」

「吉岡同長瀨有約，佢點會肯轉踢其他位。」鈴木卓輕輕一笑。

有文

他記得當初在評估長瀨克繁的時候，自己跟中西智和都頭痛了很久。

關於長瀨的體能條件和技術特點只能勝任進攻中場這一點，其實中西也很認同，但同時他卻認為除此以外，亦可以考慮以其特性為中心，嘗試去開發他的其他位置，例如翼鋒和偽九號等。

「青年軍嘅職責係將佢哋培育成『可以為職業球隊所用』嘅球員，不限於自己球隊，如果有其他球隊睇中而出高價嚟買，呢個都係我哋作為職業青訓基地嘅成功例子。」當時中西智和說道。「所以有時候，我哋都要考慮佢所做緊嘅嘢，係咪真係可以喺職業世界度生存到。」

可以看到球場上的蕭智堯正在竭力地想要理解和融入這套戰術，他扭頭觀察周邊的次數比平常更為頻繁，傳球的選擇也更為理智，甚至還不時地找時機往對方後衛之間的空隙前插。

如今的他，跟幾個月前的那個蕭智堯已經截然兩人了。

“係好事定係壞事，可能真係要經過時間同實戰先知分曉，但起碼作為一個球員，佢展現咗自己想要喺呢個世界生存下去嘅決心同毅力……”

即便是這樣，他也要在進攻中場這個位置上拼盡全力。

球隊的進攻像平常那樣形成五點的「W」形，在右側Half Space持球的吉岡與最前方的背壓著後衛的秋元交換眼神，後者隨之突然起動進佔吉岡所在的區域，這時候處於中央的中堅便被拉走，理論上只要有人斜插進來，便會是一次非常完美的教科書級五路進攻。

但這時候本應擔任這一角色的蕭智堯，在過去的這段日子裡卻經常無法與隊友們的想法連成一線，要不就是有種亂跑一通的感覺，要不就是路線選對了但時機太晚。

成功找到空位出球的吉岡雖然很短暫地瞄了一眼中路，但他認為蕭智堯應該不會出現在那裡，但他卻在準備拉弓為秋元送出直線之際，在餘光處發現一名隊友的身影正急速前插。


「或者……」

鈴木卓嘆了口氣，回到座位上坐下。

在傳統進攻中場式微的今天，隊內竟然有兩名非這個位置不踢的傻子。

不過當然，伊香保溫泉的正式隊教頭，某程度來說也是個無可救藥的傻子。

他彎下腰用手肘抵住大腿，托著腮的手掌半覆臉部，但助教仍能看到他那滿溢而出的苦笑。

或者該說是……遲來的欣慰笑容？

「我都應該當係賭一鋪咁去試下。」
___________________________________

人生就係咁，永遠用理智去做決定，除非你本身底子厚到傻，否則一定唔會有咩非凡突破。
搏一搏，單車變摩托。

同意樓上，但唔好quote 文

https://youtu.be/iPAQtwqNpCQ
對於一啲冇咁熟足球嘅reader未必好清楚咩係half space。理性分析呢條片可以話係非常好嘅reference

正
好好睇
繼續寫主角點「學」識閱讀比賽，最好寫埋佢心態轉變仲正
寫主角要學識好容易，寫得出走啱位、傳波合理化、神來之筆>影響比賽進程就得。但學習過程就好難，同埋心態部份，嘗試由「控制人」的角色轉變到「被控制」的角色(好似我們的足球場，主角A米青年軍教頭留低建議俾隊中中場指揮官咁發展)
加油

其實有時我都驚講得太深入會趕走好多讀者
好似開頭仲講緊學界嗰陣 周不時仲會見有人留言話完全唔識足球但都睇得好開心
而家好似都唔見晒呢種comment

梗係啦停更咗幾次,仲要好耐嗰隻一定會少咗人追。睇返po1就知,當時反應熱烈好多

快啲寫多2篇啦

同埋你下次復更，開新post吖嘛

其實個故真係幾好睇，不過係咁停真係好趕客，多啲更新啦，好快就會多返人㗎啦

咁舊po未爆就開新po唔係咁好嘅

留個言 支個少持 好好睇

近呢幾廿年最出色嘅防中梗係巴斯基斯啦