[足球/穿越]重來一次的足球人生（5）第三章

睇佢就係為左睇其他主角s.
快d 死去踢閘，唔好阻住地球轉...
如果作者夠膽死真係寫主角做阿歷山大阿奴+攞金球。
咁真係神作lu.hahaha

大板浪花=董之英

主角咁努力掙扎都幾好嘅
幾鍾意哩種唔係得主角一個屈曬全宇宙機嘅故仔

不過如果球叫主角去踢閘感覺有啲sad

無文

四十一、


高圓宮盃第一輪悉數結束，第二輪的比賽僅在兩天之後，鈴木卓安排各人翌日休息半天，下午才到附近的空地去慢跑保持狀態。

「下一場應該唔會太難應付？老對手銚子FC。」

各球員看起來心理跟身體狀態都還不錯，沒出什麼異樣，正在沉思的鈴木卓沒有馬上回答，而是沉思幾秒後才點頭應了一聲。

「理論上嚟講係嘅，但我驚佢哋見係踢慣踢熟嘅對手就鬆懈。」

首兩輪戰罷後，第三輪也就是八強的賽事會安排到一個星期之後。其實早在賽程表出來的時候，所有教練團一看便知道，這一路上的八強和四強戰，十有八九都會碰到大阪浪花跟東京青空這兩隊本屆賽事的最大熱門。

而鈴木卓雖然嘴上沒明說，但從他的指示跟口吻來看，似乎是暫時不把這兩支球隊放在心上，先專心應付眼前的球隊。

助教原本想說該盡快著手準備對陣大阪浪花的事情，因為他留意到上一場比賽似乎有球探或是體育記者之類的人在觀眾席上，要是己方的戰術被對方查探到了可能會有麻煩，不過想了想還是沒有說出口。

某程度鈴木卓也是在逃避吧。

銚子FC是他們在關東經常會碰到的老對手，實力不算突出，在第一輪擊敗的也是某家來自愛媛的初中，按理來說剛擊敗的日向FC要強不少。

「所以我哋都唔知係抽到好籤定係壞籤，頭兩輪嘅對手都比較容易應付，但之後連續兩場都係最難踢嘅對手。」正在跑圈的隊長秋元萬世苦笑道。

「不過踢到入全國八強，對我哋球會嚟講已經係一個非常出色嘅成績，夠我哋威好幾年。」旁邊的田中隆笑道。

「佢哋講緊咩？」蕭智堯一直在後方靜靜地聽著，似乎是連球員們都隱約感受到了教練的心思般，可他這名外國人卻不太了解發生了什麼。

「贏咗呢場之後，我哋就會入八強，而八強戰嘅對手，幾乎可以肯定係大阪浪花－J1聯賽嘅班霸之一。」橘大輔回答道。「我知賽程表出咗嚟之後，你應該淨係掛住留意東京青空，但某程度嚟講，教練同球員可能更加唔想對大阪浪花。」

「大阪浪花……」蕭智堯輕輕唸了一遍，他當然知道這支J1強隊的名字，也確實如橘所言，他並沒有留意到在賽程表上有可能會遇到他們的事情。

「不過點講都好，都係要踢贏聽日對銚子FC呢場先，」舞木嘉正笑道。「雖然我覺得應該問題唔大。」

如他們所言，這不是教練組或是球員自身自視過高，而是無論場上交手經驗還是探查的結局所得，都告訴他們這支對手所表現出來的水準都跟預想的差不多，只要不出什麼意外，伊香保溫泉明天一戰能有六七成左右的勝算。

蕭智堯自問不是一個會輕敵的人，特別自己已是個接近三十歲的成年人，所以現在放在他眼前的問題，是擋在他與岡部彰的約定前的，那支來自大阪的J1強豪。

……

以韋卓奇的收入和財產來說，他的辦公室確實是有點寒酸簡陋，但畢竟足總嚴格來說不是什麼商業公司，而且這裡也不是那位足總主席常駐的地方。他本人是家財萬貫的生意人，貴人事忙，會出現在這裡的時間本來就少之又少。

「你想去韓國同日本一轉？」韋卓奇有點意外地瞄了陳召禧一眼，心裡面最先冒出來的念頭自然是跟錢銀有關。「有呢個必要咩？」

「兩個月後有一個卡塔爾做東道主、邀請我哋、中國同埋泰國嘅四角賽，呢一樣我諗主席你應該已經知道。」陳召禧稍微整理了一下帽子，但猶豫兩秒過後還是摘了下來。「雖然唔係咩大型賽事，但畀班細嘅儲下作戰經驗都係一件好事。」

「知道，你係想參加嘅，足總會出錢，我已經簽咗名同意。」韋卓奇點了點頭，朝他攤開頂在桌上的左手。「……所以同……余仁海蕭智堯有咩關係？」

「我想去實地睇下佢兩個踢成點，同佢哋傾幾句，然後再決定要唔要召佢哋返嚟參加呢次比賽。」

「想睇佢哋踢成點，可以網上睇直播，甚至我諗你問球會拎錄影都得；想傾偈嘅，電話撥個Video Call你傾足三日三夜都得啦？」韋卓奇失笑道。「你咁嘅理由說服唔到我喎。」

「……」陳召禧嘆了口氣，似乎是思考著要不要把這話說出口般又猶豫了數秒。「前幾日我收到當日嚟香港簽走余仁海個韓國球探嘅Email。」

「……講咗啲咩？」

「佢話余仁海喺佢哋個青訓教頭嘅帶領下，性情變得乖戾，同隊友關係極差，可以話係受到孤立同排擠嘅程度。」陳召禧續說道。「我有分別同嗰位球探以及余仁海聯絡過，特別係余仁海本人，隔住個Mon佢乜都唔肯講，只係話無事無事，我乜都做唔到。」

「……但我聽講佢喺K2嘅U唔知幾多聯賽度，好似係排緊神射手第二名喎，好似前排報紙先報完。」韋卓奇不以為然地說道。

「主席，一個因為性格暴躁而受到隊友排擠嘅前鋒，入再多波又有咩用？佢成年之後要點樣融入職業球會？點樣融入港隊為港爭光？」陳召禧答道。「十三歲嘅細路仔如果心理唔健康，係會影響佢之後成世，當初我哋送走咗佢，如果過幾年佢個仔返到嚟變成係咁，我哋邊有面去見佢父母……」

「哎，一單還一單，佢個仔去外國踢波呢單嘢唔係我哋逼佢去，後果係點完全唔關我哋事，呢一點你要搞清楚先。」韋卓奇撥了撥手。「但你話會影響到佢以後能唔能夠為港隊效力呢一樣嘢我覺得都仲可以考慮下。」

「主席你記唔記得你之前講過，想佢兩個踢完U-16之後可以直接入一隊？而家就係一個關鍵嘅時間點。」

「……」韋卓奇點著頭，同時用食指敲著老舊的木桌面。「好，呢個我批准，但蕭智堯呢，你有必要要去埋日本？」

「蕭智堯而家喺日本踢緊一個好高水準嘅重要比賽，而且如無意外，佢將會面對日本最頂級嘅對手，所以如果可以嘅話，我想去親眼視察幾日。」陳召禧答道。「而且，既然去到韓國，日本都係喺隔離啫，你唔順路畀我去睇埋我哋未來嘅王牌攻中？」

「……都係，」韋卓奇想了兩秒，態度軟化地點點頭。「咁嘅話，你要我提出過嘅要求。」

商人特有的笑容從這名五十多歲的中年男人臉上自然而然地冒出，陳召禧嘴上說著知道，但卻偷偷地在低頭重新戴上鴨舌帽的那一剎那，露出了其稍微動搖的表情。
___________________________________

文呀！

你話我左膠又好點都好，好憎阿余個教練個幾巴掌，尤其故仔入面佢哋得個13歲

最後「咁嘅話，你要我提出過嘅要求」<- 陳教練要應承啲嘢？

哦sorry呢度打錯 我更正返先

牙朗都係咁姐 有料到怕咩

佢提出過咩要求？
唔記得咗

上面咪有
U16後直上一隊

Sor 以為係好耐之前食雪茄果時有其他要求提過

俾人撞撚死

我覺得已經係踩界虐待兒童 就算純睇表現，實力增長但係心態似係有伏筆會發展個弱點出黎

身體條件越級挑戰

終於有啦

其實都真係雪茄嗰集

兩個月後終於有港隊比賽

前提係樓主要準時更