越界的姐弟戀（甜）— 3

點解要寫衰家姐

估家姐唔係主動獻身 一係阿爸 一係阿媽生意伙伴

第八部 - 第八章：話題人物（一）

由於我同家姐果日同Michael嘈交嘅事情被人影咗相，而且放咗上Facebook學校群組，所以都被大家關注討論：

學生A:「佢哋真係兩姐弟？」

學生B：「咁講真，細佬緊張家姐好正常姐」

學生C:「但兩姐弟做咩咁深情，有必要做到咁咩？兩個人含情脈脈咁嘅款…」

學生D：「的確望落去真係唔簡單wo，唔講以為係男女朋友」

學生E：「可能…真係「男女朋友」呢，哈哈」

學生F：「咁咪即係亂倫！？」

學生G：「唔會咁痴線吧？」

我同家姐嘅事，好快傳遍成間學校。但呢刻嘅我仲係唔知咩情況，亦無心機去留意。

第二日返學：

而學校方面，因為發生咗咁嘅事。所以譚校長同訓導主任陳Sir 都搵咗我、家姐同Michael。

陳Sir:「陳家明、陳芷澄同Michael，你三個人好好同我解釋下究竟發生咩事」

我搶先發話：「係呢個Michael成日騷擾我家姐，所以先會發生咁樣嘅情況」

陳Sir 望住Michael：「有無咁嘅事？」

Michael：「有…但我…以前都好哋哋，點知道今次阿明咁大反應…」

家姐：「陳Sir，譚校長…細佬佢都係為咗我先咁樣…」

譚校長：「我明白細佬保護家姐好正常，但大街大巷，應該都要注重下，你哋著住校服，代表住學校」

陳Sir：「Michael，記你一個大過，同埋以後唔好再咁樣騷擾人，唔係學校呢邊就會通知家長。」

Michael：「我知道啦」

陳Sir：「另外仲要對家明、芷澄講啲咩」

Michael：「陳家明、陳芷澄，對唔住」

譚校長：「Michael你同我出返去先，我仲有少少野同家明芷澄講」

Michael 出去後。

譚校長：「雖然你哋係兩姐弟，但唔好做啲會令人產生誤會嘅事」

我：「譚校長…我同..家姐…我只係覺得做細佬嘅要好好保護家姐…」

譚Sir：「我都明白，所以今次都無罸埋你哋，而且我同校長都相信你哋兩個唔會做出啲越界嘅野。不過以後都要好好注意下！」

我同家姐出返去後，我：「最衰都係果個Michael！何況啲人都幾無聊，咁鍾意影人相放上網」

家姐安慰說：「我哋放學再講啦，返去上堂先」

我同家姐拖手被偷拍示意圖：

是日目標都係180正皮，會追貼多篇

扮訓教嗰一part好熟，原來是水蛇上水

上水找數，做個真漢子

推

家姐婉婷細佬3P happy ending

輕輕一推

再輕輕一推

第八部 - 第九章：話題人物（二）

返到課室後：

三個老死正想搵我，但被婉婷捷足先登。

婉婷：「阿明，無咩嘢呀嘛？」

我：「應該無事啦，校長同訓導主任話會處理」

婉婷：「我之前見Michael都有同你哋一齊返學架，但果時你哋都好似關係都算好，做咩今次無啦啦咁嘅？」

我：「我都唔知點解會睇Michael 愈睇愈唔順眼，唔想佢再騷擾我家姐」

婉婷：「其實Michael高大靚仔，同你家姐都幾襯呀」

我語氣有少少重：「襯咩呀，一啲都唔襯！」

婉婷好似比我嚇親：「你做咩咁大反應姐…」

我意識到我有啲唔妥語氣重咗，即刻緩和返啲語氣：「咁…我作為細化，都要幫家姐把把關架嘛…Michael份人口花花，無嚟正經咁，一睇就知係playboy」

婉婷試探咁問：「你唔會係因為你家姐，所以同我分手嗎？」

被婉婷突然咁問一問，我嚇當堂咗一跳，然後緊張咁講：「點…點會..你咪諗太多…」

為咗防上婉婷繼續追問：「口水佬佢地搵我，我過去先，之後再傾」。

家姐課室：

孫文耀, Simon，全年級第一，係家姐另一個追求者。

Simon:「Michelle，我覺得你細佬好Man wo，對付Michael呢種MK仔真係要靠惡」

家姐 ：「唔想提佢啦」

Simon：「岩呀，呢種人不值一提。係呢，仲有幾個月就DSE，衝刺階段，要唔要一齊溫書？我同你一齊溫，一齊互相討論，我哋兩個應該會溫得更好」

家姐：「我唔多慣同人一齊溫書，唔好意思呀」

Simon算係一個聰明人，懂分寸知進退：「唔緊要呀，不過你bio比我勁，如果有咩問題，你都唔介意我問你可？」

家姐：「無問題呀」

Lunch時間，學校天台：

婉婷：「咁樣做，阿明真係會返嚟我身邊？」

一名高大嘅男生，擰轉頭望住婉婷，而呢個男生正正就係Simon。

Simon：「當然，只要你幫我將Michelle 追到手，咁家明到時候自自然然都會返到你身邊」

婉婷：「真係咁易咩？」

Simon：「總之你照我方法做就得」

Simon繼續講：「無人知道啲相係你Post上FB吧？」

婉婷：「無。連Facebook我都係用假帳號post啲相，無人會知」

經過今次，Simon更加印證自己所諗嘅事，Michelle同佢細佬…真係有非比尋常嘅關係。

而呢件事最終係學校出手干預下，再加上香港人嘅特性-善忘，成件事總算叫做告一段落。

又有個新角色 會唔會搞到NTR

其實第二部第五章有出現過

「講嘢呢條友叫孫文耀，Simon，身高185，係一個斯斯文文，帶有書卷味既帥氣男仔。佢同Michael 完全就係兩類人，Simon一身書卷味味，一睇就知係讀書之人，而佢成績當然係全級第一（我家姐第二）。」

屌，個Simon出黎阻撚住晒，快撚啲收佢皮啦

兩個一齊咪算囉，咪撚搞人地啦cheap精

兩個都係，最憎啲人搞小動作

第八部 - 第十章：合作

至於Simon同婉婷點解會組隊，事情就要回溯到「分手」果一章。Simon唔似Michael咁成日主動出擊，但成日都會默默注視家姐。而係我同婉婷分手果一日…

Simon同家姐：「最近Michael仲有無騷擾你？」

家姐：「我同佢講清楚啦，佢唔會再纏住我」

Simon：「佢又突然會咁死心，你同佢講咗啲咩？」

家姐：「我有鍾意嘅人」

Simon面色一沉：「係…係..？邊個嚟？我識唔識」

家姐：「唔講啦，上堂啦」

聽完家姐咁講後，Simon更想知道係家姐鍾意嘅人。而到放學果時，Simon見家姐仲係座位到，而且臉上更係心事重重咁。

Simon：「Michelle，未走嘅？等細佬？」

家姐：「係呀，佢有少少野做，我等埋佢」。家姐拎起書包，準備出課室

Simon：「唔係等你細佬咩」

家姐：「我去佢果層等佢」

Simon見家姐一副好擔心好憂慮嘅樣，引起佢好奇心，於是靜靜跟係後面，最後只見Michelle就企係樓梯口果到等。於是Simon兜過靚彎，去咗另一邊樓梯去到我果層，跟住匿係其中一間課室。

之後望住我同家姐走後，Simon 由A課室出嚟，但隱隱約約聽到一把哭聲。Simon沿住哭聲方向行過去，發現婉婷獨自係B課室喊。

Simon心諗：「呢個唔係Michelle細佬女朋友？細佬由課室行出去…之後婉婷係到喊…」

Simon彷彿好似諗通啲咩咁，走入課室扮關心婉婷。

Simon：「你咪係家明女朋友？做咩係到喊？發生咗咩事」

婉婷見到突然有人，都嚇咗嚇，為咗唔比人見到佢喊緊，佢立即擰轉身背向Simon，強收淚水：「無…無事呀…心情唔好之嘛…」

Simon：「唔係被分手呀嗎？」

婉婷沉默無出聲。

Simon沉思咗一陣：「不如我哋合作？你幫到我追Michelle，咁到時家明自然返返嚟你身邊」

婉婷帶住少少啲哭腔：「點解…要同你合作？」

Simon：「你唔想知家明點解同你分手咩？」

婉婷：「佢…佢話佢鍾意咗第二個…」

Simon：「咁你唔想知嗰個人係邊個？」

婉婷：「想知…但佢都無講…點知係邊個…」

Simon：「係佢家姐」

婉婷一副驚訝嘅表情，完全唔敢相信：「無可能嘅…佢地兩姐弟嚟」

Simon：「咁我又唔敢咁肯定，不過如果有你幫手，就會更加容易搞清楚」

時間線返返現時：

返屋企後，家姐用溫柔撒嬌嘅語氣：「細佬，我知你緊張我，但…但下次就唔好咁衝動，好無～」

經過今次事，我都知自己太衝動，差啲出大事：「家姐…對唔住呀..」

家姐：「唔洗對唔住呀…我明你心情架…只不過我哋嘅關係…」

我：「我知道架啦家姐，下次唔會咁衝動架啦」

家姐踮起腳尖咀咗我一啖：「咁先抵錫架嘛」

第八部 - 第十一章：惡耗

星期四晚，家姐正係廚房煮飯，而我就係廳睇電視，而此時我電話響起…

我：「喂，阿媽，咩事呀？」

阿媽用略帶傷心嘅語氣講：「你阿爸出事，而家係醫院…」

我情緒激動起嚟：「媽…阿爸佢而家點…究竟發生咩事呀…」

家姐見我咁嘅反應都行咗過嚟…

家姐用細聲問道：「咩事…」

我將手機轉為擴音，阿媽繼續講：「你阿爸係新加坡發生車禍，我叫咗劉秘書幫你哋book咗聽朝飛機過嚟，等你哋過咗嚟再講」。

電話掛斷後，換著其他任何人一個，聽到父母出事，心情都會沈重落嚟。我低頭哭泣，眼中默默流淚，因為唔知阿爸而家係咩情況…

而此刻家姐嘅心情，卻略略不同，有一絲絲嘅傷感之外，仲有一種解脫嘅感覺，更低聲細語講：「唔通…」

但家姐見我咁傷心，並無繼續去細想，安慰我：「細佬…可能無事呢…等我哋聽日過去睇下咩情況先」

我攬住家姐痛哭，而家姐就好似摸小朋友咁不斷摸我頭，安撫我。

而第二朝，我同家姐趕到新加坡醫院，老豆已經奄奄一息。

一入病房，望到老豆訓係床上，我衝咗過去：「阿爸…阿爸…你唔好有事…」

老豆用微弱嘅聲音安慰我：「明仔，大啦，男子漢要..學識照顧你阿媽同你家姐…阿爸…阿爸…」

我喊住：「嗯嗯...我大個仔架啦…一定會好好照顧阿媽同家姐…」

然後痛哭流淚望住阿媽：「媽…點解會咁…」

阿媽輕抹眼角淚水：「琴日你阿爸趕去客戶公司嘅途中，被一架衝燈嘅貨車迎面撞過嚟…然後..然後…」

老豆示意家姐靠近佢，老豆係家姐耳邊：「對唔住…」

老豆講完就斷咗氣，而家姐亦大聲哭泣起來。而呢一句「對唔住」係咩意思呢…可能只有家姐一個人知道。

因為老一輩都有落葉歸根嘅思想，所以我哋都將老豆遺體運返香港落葬。而呢段日子，阿媽暫時放低工作，好好處理阿爸嘅葬禮同陪我哋兩姐弟。

葬禮完咗嘅一個星期後，我、家姐阿媽都整理完心情，而阿媽亦要開始恢復工作。

將阿媽送到機場後，臨出境時，阿媽：「明仔，你係到等等，我仲有少少野同你家姐再講講」

阿媽拉住家姐行到一二邊。

阿媽緊緊抱住家姐：「媽咪一樣係對你唔住…令你…令你…」

家姐淚珠盈眶：「媽…我無野呀…但千奇唔好同明仔講」…」

阿媽抹一抹家姐眼角嘅淚珠：「咁多年嚟，委屈晒你…」

家姐：「但呢件事千萬唔可以比細佬知」

阿媽摸摸家姐頭，好似安撫緊家姐咁，然後：「嗯，唔會有其他人知」

至於呢件係咩事，同埋當中究竟有咩隱情，我呢一刻係完全唔知。

仲以為有禁斷介護睇

個故嘅進度大概去到邊

應該2/3左右，唔諗住寫太長，早啲比個結局大家