Leveraged ETF 討論區 (13)

撞進了冰山 捲上了急彎

Wake me up when the drawdown ends

ETH 跌穿3300，執咗少少貨
PS已經跌到無咩感覺，總之fear index進入extreme fear我就入貨，升得高公海又一班人講crypto 就出貨

47000
crypto當冇咗，點都唔會郁等十年再算，除非升到夠財自，應該冇咩可能
跌就入啲，入到果筆錢用晒就算

跌兩成喺crypto世界入面好濕碎姐
總之操作上同大部分散戶保持一定距離，輕倉，就無大礙。一日麵神未祝福crypto我都長遠睇好。

有少少意外，明明靈源巴平時比較harsh咁

佢係對股票嚴厲，對crypto 寬鬆

講真如果呢度一味唱好反而冇咁大信心
靈源巴嘅高質質疑真係幫咗好多

驚就deleverage
保本保平安

唔係話佢質疑唔好，只係覺得佢對crypto 嘅態度同佢對股票嘅態度係兩個人嚟

「總之操作上同大部分散戶保持一定距離」已經係一個比較harsh既要求，呢個亦係我既核心投資哲學之一

「長遠睇好」
我全球股市係長遠睇好，但美股目前高估值係不爭事實，加上目前不明朗因素，我唔會重倉美股，更加無打算加槓桿。
不明朗因素永遠都有，唔代表要對投資卻步。但不明朗因素加上極高估值就帶黎極大風險。如果美股回落至合理/便宜水平，我會加倉美股。巴菲特幾十年極強表現來源於佢唔打無把握既仗，估值就係最佳指引之一。
股市生存至上就係靠估值同分散投資。如果唔太識估值判斷，最起碼要跟上一條講，唔好散戶跟風。

美國taper加息縮表問題就唔多討論，大家可以思考下過往十年大牛市有幾多係QE、減息引起，有幾多係真正科技發展帶黎既盈利增長。呢個問題每個人有自己睇法。認真思考好呢個問題，對taper加息縮表帶來幾大股市衝擊會有比較清晰既認知。我推介大家了解下money supply既multiplying effect、息率變化點影響discounted cash flow model估值。後者條formula可以自己plug in唔同數字(growth rate、discount rate)玩下SP500 或NDX估值(discount rate受加息影響而提高)。相信大家會有更直接、數理化既理解，唔再係估估下。
例如：Perpetual growth model (dividend可用cash flow代替。至於公式點apply落指數大家可以動動腦筋，原理一樣)

咦，我無持有LETF。
至於對股票、crypto態度問題。一個主倉、一個玩玩下，態度自然有好大分別。對於crypto，最大風險係0參與。對於股票，最大風險係重傷、再起不能。同埋LETF、0 leverage指數ETF我覺得完全係兩回事。我單純覺得LETF追捧現象係瘋狂泡沫催生出黎。我支持0 leverage指數ETF + rebalance。

如果夠細注玩下就可以進取嘅話，咁LETF最大風險都係0參與

靈源巴比我嘅感覺就係crypto 就係你嘅答案，可以進取咁玩crypto

我地都係開司，只係我地當中大部分人會喺強制勞動中度過一生。只有少數人可以脫離呢個命運。
可能我地每個人都相信自己係天命之子。但成功唔會有僥倖，或者咁講，成功唔可以依賴僥倖。以自己目前既知識水平、能力，真係足夠脫穎而出，擺脫命運？我不停思考呢個問題，我喺判斷上究竟比其他人有咩優勝之處，憑咩我會成為幸運兒？

我個人認為LETF唔係一個足夠可靠既策略，所以我會做既係拼盡能力搵一個有合理成功率、回報率既策略取代，而唔係強逼自己玩LETF。投資既路永遠係要自己開拓出黎，所以我強調投資唔能夠跟風。