簡單講下背景 佢係IBK銀行所屬助教之類 隊內有金熙珍 金秀智 表勝珠 同一個叫趙松花嘅setter兼隊長(係入咗韓藉港仔條女$
今季IBK成績好差 主要原因主攻同外援拎唔到分 防守又差 成隊波其實個士氣都勁差 話說有場波叫暫停個陣 教練話松花 問佢點解下手set波 松花唔應佢 之後出番去都好似用咗下手 結果場波輸咗 松花完場後無跟隊巴走 後尾報導話佢擅自離隊 之後個場有叫番佢番黎 但個場佢係後備無出佢 然後都係無跟隊巴走
之後開始出新聞話金莎妮都走埋 後來松花有解釋話係因為傷 所以好苦惱 甚至想退役之類
件事搞大咗之後IBK突然炒教練 又傳IBK d球員態度有問題 唔練波等等 後尾球會叫金莎妮番翻黎 仲係訪問話教練用粗言穢語言語暴力佢 仲當住球員面前鬧佢之類
結果評論都話佢同球員應該有操守 唔可以咁樣擅自走咗去 話球員唔可以唔服從教練 之後開始d老屎忽就話 教練100%是對的 (其實都係韓國個d懦教思想影響)金莎妮頂咗2-3場做教練 但其他球隊教練開始出聲 話唔會同佢握手打招呼 杯葛佢
另外仲有訪問IBK3個主將 佢地話係曾經有見過爭執場面 但無人敢講講過d咩 不過金熙珍有好委屈咁講打波絕對無揸流攤 如果唔係點會傷哂都仲上場打
結果最後金莎妮都係因為輿論辭職完全退出 而松花就因為同球隊有爭執 結果以違反合約精神為由解咗佢約 依家自由身 當然無隊想/敢要佢
到依家IBK都係除咗贏新創球隊之外未贏過波