完全唔係fans歌都冇聽過咁濟,亦唔鍾意佢把聲
老實講我十幾廿年冇入過戲院睇港產片
但套戲確實係港產片裡面拍得最感人嗰套
雖然唔知個故事改左幾多,但個氣氛做得好好,真假畫面交錯得好順,唔突兀
細數感動位
1.同eddie關係似父女,了解唔同年齡嘅anita嘅渴求,為anita準備最靚最合適嘅舞台衫,與其話係服裝,不如話係將anita唔同時期嘅個性呈現俾世界睇。同近藤分手後嘅烈焰紅唇套衫,一個轉捩點俾anita重新振作;last concert套婚紗,代表anita嫁俾舞台,另一方面又好似個老豆送個女去結婚咁
2.同家姐關係又係姐妹又係母女咁,雖然中間anita對家姐結婚感到唔開心,我估係覺得會少左個親人成日陪自己,所以好唔想家姐嫁。但就算鬧翻後,家姐都仲係好關心anita,從來都唔埋怨,對anita不離不棄。所以家姐走嘅時候比哥哥走個悲傷感更大
3.anita喺泰國思考人生嗰半年到之後點樣搵返自己。你諗唔到一個紅透亞洲嘅明星都會有咁嘅煩惱,原來有歌唱唔係必然,而唱歌或愛情都唔係人生嘅唯一,唔需要睇到咁重要,佢開始有好多野想要開始做,呢一點同pixar套soul想帶出嘅意思好似