貓糧資料庫（14）

幼貓罐我而家食緊Instinct 貓仔都好鍾意食呀
營養又好唔錯
淨係個價錢有啲貴囉

屋企隻布偶仔接咗返屋企幾日都屙軟便 (成形但望落濕軟，會痴腳仔同hi出黎)
由前主人嗰到接返黎之後有轉糧，之前主人喂country naturals green + pink，黎到之後我喂country naturals green + wellness core，想逐漸轉去wellness
濕糧就直接轉咗thrive，原主人嗰款我冇用到
食得玩得，但係啲便便都偏軟，尋日第一次喂Dr. Moncola隻益生菌，暫時尋晚凌晨嗰兩篤都係唔硬
係咪應該停一停濕糧先，將原主人乾糧比例都加重啲，繼續日日食益生菌睇下有冇改善

點解見樓上既巴絲餵雞肉係餵雞胸唔係餵雞柳

Orijen好似太油?

1歲貓貓幫佢由wellness core kitten轉orjien slim, 便便都係keep 住靚，利伸英短

我朋友5隻英短都係食ORIJEN都靚便
可能英短本身腸胃比較好?

唔一定，有朋友英短食orijen會血便，話protein太高

食過呢隻嘅兔肉同雞肉

由細食到大
啱啱驗血，見個報告嘅分數都好靚

我有$21罐/5.5oz https://t.me/slowball

我隻英短仔仔11個月大重8kg，想轉糧
之前Royal Canin好似好油
有冇咩糧推介可以唔好咁肥？

口炎貓真係可以試下食鵪鶉蛋同薏仁粉
上網睇多數係整雞胸鵪鶉蛋薏仁羹
但我自己就開個雞肉罐頭加啲薏仁粉同鵪鶉蛋黃

試吓森下仁丹，食過咁多隻我覺得佢最好

見身邊好多朋友都比隻貓食orijen, 但其實真係唔太適合香港嘅貓貓食。protein太高但又冇太大地方比佢地活動。消耗番蛋白質。好易肥同有腎病

啊貓轉左orijen嘔得密左
唔知係咪真係關事 想問有冇貓都係咁

隻貓嘔密左幫佢轉返舊糧睇下情況先？
情況好返啲再轉返其他牌子試下


其實我覺得每隻貓既體質都好唔同
肥美絲做既呢個整合excel 主要都係想list 返晒市面上有既糧成份 再由主人去參考同試邊一款先岩自己隻貓食
好多時見到有唔同貓貓食完某牌某款糧有唔舒服既情況
排除左真係個隻糧既品質同批次問題之後
要考慮既其實就係隻糧同自己隻貓「夾唔夾」
係搵糧既時候唔好因為有其他巴絲自己個隻食得好就揀呢隻
而當食到呢隻糧有問題既時候要耐心去試到底係隻貓當刻有唔舒服/身體搞唔掂太高蛋白/係咪有敏感

睇個excel表有啲難分邊啲適合家貓
都係見A grade就買俾佢地
如果係老家貓邊款好啲

貓貓係男朋友屋企由細養大 都17歲啊婆啊伯了
之前佢地食日本老貓糧 但我覺得成分真係好麻麻地 所以就轉左orijen俾佢地 發現一隻食肥左 一隻就嘔多左
岩先見到有巴打留言話orijen太高蛋白可能真係唔岩老貓/家貓 都諗住轉第二隻 但好迷茫因為orijen成份唔差但竟然佢地唔岩食 唔知揀邊個牌子好

其實老貓都成17歲 如果無事無幹基本上唔會建議點樣郁佢地啲飲食
講真17歲已經係伯伯婆婆黎架
老年開心健康係最重要
只要佢肯食 本身又無太大健康問題
你呢個情況 當郁左佢長久以來既飲野而佢有唔舒服
我會寧願繼續比佢食返舊糧
最怕就係病開有條路

講多句之前都聽過唔少分享係講老貓只肯食偉嘉
係人都知偉嘉係垃圾糧
但隻貓又真係check 過健康無問題
咪繼續比佢食偉嘉
就好似有人一人食一包煙都無肺癌
有人唔食都中招一樣

我自己會揀有分life stage既糧。我自己覺得全貓糧其實真係對貓貓唔好。好似人咁樣 每個生命階段所需要嘅營養都會唔一樣

利申 : 自己隻貓食梗hill’s science diet. 因為屋企其他狗狗都食梗 健健康康咁。其實hill’s已經係天然糧同埋冇雞肉粉/副產品。個表要update一下

唔啱食就係唔啱食，有時唔一定係因為protein，個成份表咁長每樣嘢都可以係原因，加上有時係體質問題，唔啱就無謂勉強

但老貓都係食肉動物，係需要唔少嘅蛋白質，只係需要優質唔好食埋啲垃圾蛋白，簡單嚟講就係要真係肉嚟。

我自己兩隻貓就嚟16歲，其中一隻三年前大病，自此一粒乾糧都唔可以食，另一隻都順便一齊轉埋全濕糧。食過好多隻牌子，隻隻都係幾乎全肉，蛋白質幾乎隻隻過50%。而家兩隻都比以前生猛咗勁多明明係老嘢但跑跑跳跳仲多過後生果時，身形都靚晒，瘦果隻終於有肉，肥果隻唔可以話瘦，但由以前成舊都係肥膏變結實咗，驗身報告靚仔。

唔係話隻隻貓都應該咁樣做，唔係話轉糧能醫百病，但想講蛋白質稍高唔係一定唔好。

當然如果腎已經唔好，就算俾濕糧都最好避開啲蛋白質高到60%以上嘅同埋揀返低磷，如果去到嚴重先再壓低啲蛋白，同埋年紀大，轉糧如果難適應都真係應該諗過先。

早一個月同啊貓做左blood test所有指數都冇問題 除左腎嗰個指數有少少超標 醫生話其實好健康 話如果真係有concert就叫我轉hills處方糧

我兩隻貓都好活躍 朋友話睇個樣都唔似17歲咁老不過好揀飲擇食 濕糧都唔鐘意食 所以轉orijen佢地會食都好欣慰 但其中一個唔夾真係好迷茫又要試糧了

巴打幫佢地轉糧個陣有冇分7日慢慢轉？突然一次過轉哂都有機會導致柯嘔

各位巴絲好
睇完個Excel表但有少少唔明白
如果隻糧其他成分都OK
但碳水化合物高過25%係咪都唔應該揀？