在2021年9月28日終於出啦!
終於有得玩
《New World》官網：https://www.newworld.com/en-us/
Trailer：
https://youtu.be/1C8y7X5aXOc
公會Discord：https://discord.com/invite/uwpmYyFfbN
注: 隻遊戲無中文，減少好多強國人入侵
但目前要連去澳洲SER，比較高Ping，約130-170 ms
遊戲背景: 在虛構的17 世紀殖民時期美洲大陸，玩家一開始搭沉船，擱淺在一座叫Aeternum的島嶼，展開冒險生活。
《New World》係一隻無鎖定戰鬥模式的沙盒MMORPG遊戲，除咗有一般PvE打地下城、狩獵與生產等等玩法，PvP方面都有得打城戰、野外開紅與不同派系玩家互打。
開放式世界設計:
地圖任你跑，有本事3LV去60LV地區睇風景都得
跑地圖都有exp。
由於無鎖定戰鬥模式，需要玩家有一定的操作技巧，所以打怪方面個人認為有難度，絕對唔係無腦撳撳撳咁簡單，唔覺意被圍毆真係好易死，仲要追你九條街
。 武器專精技能系統:
《New World》入面無分職業，武器技能採取熟練專精制度，用得越多熟練度高就可以加越多技能。
每個角色可裝備2種武器，遊戲目前有11種武器，分別為:劍盾、長矛、西洋劍、單手斧、雙手斧、雙手鎚、弓箭、火槍、火杖、冰拳、補杖。有時間有精力嘅玩晒11種都得
。聽聞官方會陸續推出唔同嘅新武器。防具飾品系統:
裝備有分盔甲、皮甲同布甲，無穿著限制，可混穿，但有分人物裝備負重而有唔同嘅閃躲動作。重量為輕就可以滾地，中就可以小跳一步，重就基本上郁唔到。唔同裝備有唔同加乘，仲有鑲嵌寶石系統，想點配就點配。就算想全身重甲玩冰火法都完全無問題。
生活技能系統:
基本上一行出城，成地都係素材。伐木、掘礦、剝皮、釣魚、收割，拎到原料就可以加工做武器、裝備、飾品、食物等等。不過啲製作設施多到我成日搞亂
木匠台、冶煉爐、紡織機、製皮廠、切割台、鍛造台、煉金坊、工作臺、製衣台、灶爐...任務聲望系統:
任務分4大種類，主線、支線、城鎮任務、派系任務。這些任務內容主要都是圍繞四個重心：狩獵、搜索、採集、與NPC對話。每個領地的聲望是分開的，每次升級領地聲望時都會比你選擇獲得只屬該領地的能力：降低交易稅、採集速度增加、擴充倉庫容量等等。可以因應唔同城鎮而選唔同配搭。
房屋系統:
聲望達到一定程度就可以買屋
而且升到特定等級就可以解鎖買樓數量，上限三間屋。買樓好貴而且要定期比房稅，但係，買咗樓可以多一個快速傳送點，整放BUFF傢俬，最重點係可以多個倉庫
派系:
遊戲到LV8左右主線就會叫你加入三個派系(綠、紫、黃)其中一個。加入派系後才能加入相同顏色的公會，唔同顏色無得一齊打PvP
，派系任務都會唔同。選錯可以改一次，但再改就要120日CD，而且無法加入目前擁有最多領土的派系，所以要慎選。Marauders 叛軍、掠奪者
Marauders 是一支無情的軍隊，致力於建立一個自由的國家，任何有實力的人都可以成功。
Syndicate 聯合勢力
Syndicate是一個神秘的組織，有著數不清的詭計和智謀，他們一直在尋找神秘的禁忌知識、魔法，來開創一個新啟蒙時代。
Covenant 誓約者、盟約騎士
Covenant是一群狂熱份子所組成的團體，他們致力於清掃美洲大陸上的異端和褻瀆者，讓神恩遍佈大地，把正義和神聖重現世間。
團隊活動:
《New World》有好多團體活動玩法，PvE有副本、清除腐化入侵，PvP有野外開紅打其他派系嘅人或者入公會參加攻城掠地。
每個公會上限100人，最大型的攻城戰係50 vs 50的戰爭，爭搶各大城鎮的管理權。仲有個PvPvE的玩法叫outpost rush，20打20之餘，再加怪物，仲要收集木材、礦石等資源來升級哨站，忙到飛起
。副本EXPEDITIONS:
目前副本有6個，LV25、LV35、LV45、LV55同埋有兩個LV65副本。當升到LV20左右就可以組隊打第一個副本Amrine Excavation啦 ! 組個3-5人小隊，記得背包要留位，會跌好多裝(但有冇用就睇你好唔好彩)
同埋要通關，建議真係坦補DPS缺一不可。特別係坦記得武器要有吸仇石，唔係啲怪就會追住其他人圍毆
.腐化入侵:
因為Aeternum呢片土地受污染，時不時會在地圖見到啲紅色骷髏頭圖示。呢啲地方就係被腐化入侵的地點，組隊冒住生命危險去打敗一波波的腐化怪物，成功清除淨化腐化傳送門之後，除咗有經驗仲會有裝備箱掉落
仲有好多遊戲元素玩法介紹唔晒，不如直接入GAME親身體驗一下。
有興趣嘅話可以在Amazon或者Steam平台上購買遊戲
如果想搵香港人一齊玩嘅可以入我地Discord
無論想肝定係想Hea玩都一樣有人陪住你
【Liberty Lion】New World
https://discord.com/invite/uwpmYyFfbN
