Wonder Woman漫畫反派介紹

睇完Wonder Woman電影之後心血來潮想介紹下佢漫畫入面既反派，所以就開左呢個po
我介紹既反派都係一我覺得比較有機會出現係dceu既角色
頭盔 冇追開WW既漫畫，靠搵資料黎寫呢篇野，有錯請輕屌

有冇人可以教我電腦點up圖

反派1號：Giganta

常見中譯：巨化女、姬剛塔、女巨人

本名：Doris Zuel

簡述：可以幾秒內由普通人變成幾百米高既巨人，同時力量及耐力都會增加，WW既宿敵之一。

起源：
關於呢位反派既起源曾經改過幾次




最原始既版本係被一個叫Professor Zool既博士由一隻大猩猩改造成一個成年女性。呢個版本既Giganta雖然比普通人高大少少，亦都有足以同WW抗衡既力量，但係並冇變成巨人既能力。由於佢既智力仍然維持係猩猩既水平，會展現出野性，佢好快就同WW出現衝突，WW制伏佢之後就將佢監禁係一個叫Transformation Island既地方。之後被救出，加入左一個叫Villainy Inc.既反派組織，呢個組織由一班WW既反派組成，比較為人熟悉既成員包括Cheetah、Giganta、Dr.Poison等。（不過戲份好少 ）

第2個版本既Giganta係一個叫做Doris Zuel既製藥工廠女博士，佢患上左一種末期絕症。為左生存，佢企圖將自己既心靈轉移到WW既身體入面。佢既計劃好快被Wonder Girl（WW既助手及繼任者）搗破，事件過後佢同WW都被對外宣告死亡（但兩個都冇死）。
Dr.Zuel既助手由於同情佢而將佢既腦髓轉移到一隻叫做Giganta既實驗品猩猩上。Doris好不滿自己變左猩猩，之後又將自己既腦髓再轉移到一個叫做Olga既昏迷紅髮女人身上，而Olga既靈魂就去左隻猩猩身上（冇交代隻猩猩既去向）。當Doris成為Olga之後，佢發現自己獲得變成巨人既能力，決定用「Giganta」作為代號成為反派，後來加入左Secret Society of Super Villains，一個反派聯合組織（戲份都幾多，Justice League既主要敵人之一），著名成員包括Joker、Lex、Captain Cold等。

一個正常男人可以打十個

留名

第3個、同時最新既版本係New 52時代既Giganta，呢個版本入面佢自細患有血液相關疾病，由於佢唔可以參與劇烈運動，佢細個既時候經常被取笑及欺凌。

不過呢啲童年經歷反而令Doris下定決心成為醫生幫助有需要既人，並係醫生事業上取得相當既成就。佢研製出一款有可能可以醫好佢既藥物，但係由於病情惡化，時日無多既佢係未經測試既情況下就將呢款藥注射入自己體內。呢款藥雖然醫好左佢既病同埋令佢獲得變成巨人既能力，但同時亦令佢既智力下降同埋變得易怒。同第2版本一樣，佢都加入左Secret Societ of Super Villains。

up圖真係好撚煩

Good post Lau Ming

主要經歷介紹

一段令人嘆息之戀情,The smallest man and the largest woman

Giganta曾經被一個叫M'Nagalah（Cancer God）既古代生物控制，佢係Cancer God既影響之下成為常春藤大學(Ivy University)既女教授，色誘並企圖殺死同樣係大學教授既第4代原子俠(The Atom)Ryan Choi。



比較著名既Giganta Swallows Atom場景

呢段戰鬥相當嘔心，加埋啲畫風可以稱得上係獵奇 呢度唔詳述
總之就係Giganta吞左Ryan之後Ryan係佢個肚入面令佢作嘔，嘔返佢出黎 有興趣自己搵圖

呢件事平息之後，Doris脫離Cancer God控制，繼續留任Ivy University既教授一職，同Ryan有繼續見面，對Ryan展開猛烈追求。



係佢地第1次正式約會時，Doris決定改過自新，唔再做反派；而Ryan亦都相信佢。但WW趁Doris行開左既時候出現係Ryan面前，警告Ryan唔應該咁易相信Doris，並要求呀Ryan戴上WW準備既偷聽器（呢次係WW同Ryan第1次見面）。

雖然Ryan拒絕左WW，並表示相信Doris，但呢個時候Doris見到Ryan同自己既宿敵WW傾計，以為Ryan背叛佢，憤怒既佢變成巨人同WW打交。









係WW準備對Giganta施以最後一撃既時候Ryan阻止左佢，但呢個時候Giganta已經傷心地離開左，而佢地兩個亦冇再見面......

唔好剩係擺低正皮啦 留個言比動力我

up圖太撚煩
瞓醒再更新

支持

估下第二集會咩反派

正
好鍾意睇呢類英雄反派介紹

全部都女巨人

正呀喂！ 正評留名！

全部都女巨人

樓主試下用呢個up:
https://holland.pk/uptow/

講真 漫畫既ww 真係成日搞事