天水圍黃小店被追擊

我係櫻花樹下老闆,
鑑於最近報道,為釋除公眾疑慮
將發表以下聲明及澄清🙇🏻‍♂️

超長文,但希望同路人嘅你可以睇到最尾🙏🏻
了解我係呢個圈嘅心路歷程……

兩年前嘅7月某一日,
我終於忍唔住,縱然幾怕白色恐怖,
我都決定要表態,因為當晚嘅一切,
我相信到我死嗰日都唔會忘記！
亦相信好多人同我一樣,每晚都訓唔著😣

嘗試為呢個圈付出,
記日程表多過記朋友生日,
蝕住賣半價鰻魚飯都希望大家撐🍎
派飯卷,請學生睇戲,派物資俾醫護等等……
我自問做到身邊人都勁擔心自己安全！
就算愈黎愈小人撐,我都堅持去聲援手足！

但是否最近我低調了？大家開始去抹煞我過往的貢獻了嗎？

更有人揚言要推Po推到我執笠為止😞
點解心腸可以咁狠毒😔？

難道真係要我攞自己條命出黎？大聲嗌光時五缺,入去痞,你哋先覺得我係黃金戰士嗎？

以下將解答大家最關注的問題：
1）本店經常告急？

本店其實從來冇「告急」過,
1年前已經出帖澄清過,
唯獨一次比較近似嘅係冇堂食嗰排,
因為唔想放班伙記無薪假,
當中有欠債嘅同事,亦都有要養家嘅,
所以做左6折優惠,其實都只係薄利多銷。

2）賺盡同路人錢開大鋪？

舊鋪也經營了3年有多,
店鋪環境及冷氣就每況越下😣
有客人曾經提及,我哋食物品質唔錯,不過係度堂食會好似沖完涼咁😅（大家都明新北江嘅冷氣係點）
更重要嘅係,試過有個員工做做下差啲暈,
嗰刻我決定一定要搬！

當睇吓無妨嘅心態,約睇譚仔個鋪位,
點知入到去,除左枱凳搬走左之外,基本上廚房,天花,地板同冷氣都留低咗,
亦幸運地遇到同路人嘅裝修團隊,
呢度嘅起動成本真心比舊鋪仲要平,
咁多有利因素推動,我決定投放呢三年嘅血汗錢試一試……

手足,真心請你哋FC後先下定論🙏🏻

有啲咩唔明或者誤會嘅地方,你可以黎餐廳搵我問個明白,就算你真係相信左呢套說法,你打我一身都唔緊要,但求吓你哋,唔好騷擾我屋企人,都夜喇,求下你俾佢地訓一教🙏🏻🙏🏻🙏🏻🙏🏻🙏🏻🙏🏻

如果你哋覺得我唔配擁有X店呢個名號
我甘願退出,因為做💛真係好辛苦,又要屌得,又要服務好,又要平,又要高質,當初原意唔係自己人幫襯返自己人咩？但而加鬼打鬼,心真的很很很累😞😞😞

對唔住🧎‍♂️🙇🏻‍♂️🙏🏻https://www.facebook.com/114001413655604/posts/397043415351401/

好慘啊 快d去食爆佢

呢排PR打手網上勁搞黃店，食環黑警搞緊市區黄店。希望各位唔好咁易俾人分化，保持頭腦清醒

仲有其好多黃店要大大力懲罰
龍門初見

好食, 唔明點解啲人踩到一文不值

等陣先 你要明你地D野食真係好難食

好多人要求黃店做到身陷囹圄或者踩界有好大被捕風險先叫真黃

我食炒意粉 & 串燒，幾好味

話好食個d真係short撚左 靠日式個名已經賣得唔平 依家仲痴埋黃店個名 係咪盲撚左

push, 點都會食最多買外賣

保持頭腦清醒呢樣野講左兩年

解釋合理

黃店越做越大應該值得開心，等d黃店執粒嗰日先去排隊支持有撚用咩

因為每人口味都唔同
同埋難食係萬能KEY
你講一間米芝連級數既舖頭一樣會有人講難食
所以呢個字眼既評論一向唔理

on9 咁我夠話好食係萬能key啦
你唔比人話難食自己又可以話好食? 痴撚線

幾時見過我話好食?
我評論黃店從來唔會講味道
SORRY

態度正確 難食自然會收檔 唔使再踩多腳

樓主回應十分得體
面對連登仔仇恨言論都完全唔會失半點理智
不過食物質素真係有待改進
之前叫雞扒飯
係啲串燒雞嗰啲雞塊嚟

你覆緊個個咪話緊好食囉 唔見你屌埋佢做咩講好食 萬能Key喎

呢間野超級多外賣外賣仔見
到耍手拎頭 等好耐