凶靈祭 薩滿 討論區

第一個暗喻靚女鬼上身。盲婆比曬提示肥婆,但肥婆真是無悟性唔明,不過就算有老母都阻住曬

中呀
盲婆同靚女產生相互關係 ，因為親戚身份 靚女同肥婆產生被動式相互關係。
肥婆當時有懷疑，但正如你所講悟性唔夠高。
因為佢係第二傳人，所以能力較弱。
而佢家姐甚至係同巴楊神發生對立關係。
所以肥婆之後有意識有問題，都因為家姐而受到牽制。

佢家姐就係種下前因後果既人
巴楊神就係最後既果

戲入邊佢老母最後放棄信仰
本身巴楊神仍然接受老母
但既然佢敬酒唔飲飲罰酒 就殺哂佢地既連繫性人士

所以話邊個唔聽巴楊神話就會死。

有個點好有趣
就係肥婆因為個佛像爛咗，
導致信仰減退。
繼而發生神隱事件。
而老母就係天生
所以佢就算心理背叛左巴楊神。
但佢身體都係巴楊神展現力量最佳既載具。

人物關係圖 老母俾個女控制 個女俾鬼控制 鬼俾巴楊神控制 法師牽制鬼（有機會效果反彈）而佢阿叔個老婆俾仔控制 靚女靚制佢個仔
繼而發生所有故事

屌你屎窟啊，你個腦放撚咗喺屎窟

Ching 有無睇哭聲？
如果無睇建議睇返先

睇下哭聲
個套睇到喊

無睇過/點解咁講

哭聲故事結局係緊構住薩滿既開始？

屌睇一套戲我睇好撚耐係咁回帶

人物關係圖嗰到真係唔知比咩反應佢好

你依套戲睇左幾多次？

兩次

你有咩問題問我

因為成套野係好有哭聲既影子
但係呢套拍得心有餘而力不足

哭聲拍得太勁，呢套唔知係咪因為唔係韓國人導演所以拍得有d無咁好

建議你睇多幾次

哭聲好值得睇

我邊個位理解開始同你唔同？

好 睇完開post討論劇情

去工廠係因為係敏俾人搵返既地方。如果參考天主教驅鬼既concept, 就算有一大堆邪靈附身，都應該有一隻係大佬，而廢廠應該係同邪靈有最大關係地方，所以要喺嗰度針對性做。

以下係我估計
法師一方面想喺廢廠度引廠內既邪靈，念咒灑牛血等等。另一方面，叫人喺地面燒晒可能有邪靈依附既物品。如是者所有邪靈都失去可依附既源頭（物品or地點），繼而想搵女主附身作惡。

然後法師第二步係引邪靈上老母身。老母未至於係冇key既車，所以可以短時間收入邪靈。法師感到大風後，認為邪靈已經上當，就將邪靈由老母身迫出去個urn度，再封印個urn。

我估計法師原計畫係想之後再處理個urn，例如念咒再燒咗佢。另一方面可能有邪靈殘留在敏身上，但殺傷力應該大減，可以之後再驅邪。

假如我諗既方向係正確，咁驅邪時可能有漏網之魚，例如有d 仲喺敏身上，造成邪靈反殺法師既可能性

我同意你

法師 敏媽 符咒布袋 鬼（複數）敏 佈滿符咒敏的房間 敏個阿姨
法師角度：
1. 符咒布袋既作用：係防止邪靈上敏媽身 》保護敏媽〉成功讓巴楊神上身
跟據1. 實際情況下 符咒布袋失效（或者由頭到尾都係冇用）（或者保護敏媽唔俾廢墟入邊嘅邪靈入侵） 》敏媽身體被清空+敏媽嘔血（付出成本）〉巴楊神繼而可以上身敏媽身

佈滿符咒敏的房間的作用： 防止具有攻擊性既邪靈阻止儀式

敏姨因為個女叫佢重新有左個體意識導致佢既行為破壞平衡，解開左所有平均點

最後巴楊神vs邪靈
但係維持附身係需要捨棄自我意識
但敏媽聽到敏叫時
動搖左信仰
巴楊神消失
法師一眾 敏一眾全滅

其中有一個bug位就係盒點解會震動
導致法師成個儀式失敗
解釋1. 震動=儀式失敗
反證： 結果係儀式成功，但付出所有人嘅生命作為代價

解釋2.震動=儀式成功
反證：布袋既最初作用係保護/集中敏媽於一點。
後因為布袋既作用已經無左，但巴楊神因為布袋嘅原因無法上身，所以允許/默許邪靈出現，從新改變空間既維度，產生（共性質物體）影響，繼而可以上身。
*以廟宇神鬼會喺同一個空間作為論證

假設1 及2既解釋係互通成立
咁就可以推測到成個結果就係所有人都要死
除左巴楊神 同邪靈
而死後既人 好有趣 係呈現住野獸嘅習慣 （狗）
根據 因果論 敏媽繼承家業 賣狗肉 》社會反對〉佢無理社會反對繼續賣 》為左錢
因為佢地家族係靈媒既關係》套用去敏媽殺狗〉死左既狗因為能量相互關係而變成靈》成為怨靈係因係敏媽殺死佢地

推理到好撚攰有冇巴絲接到落去
將佢變成循環關係圖

嚇撚到訓唔到教 原來呢個Level 我已經夠

個女主真係做得太好幾乎一套戲犯哂所有戒，由其最深刻女主帶唔同男人返公司搞野而自己唔知 信種心理創傷點會受得住，到佢比鬼上身至完全體演到淋漓盡致做得超好，佢咁樣好大犧牲擔心佢有心理病，因為將人類最難比人睇嘅醜態拍哂出嚟，真係好撚驚呢套野 一個人比一堆靈入侵當大家都想體驗吓做人感受吓就會搞到個人會變到咁。

應該咁講 依套戲嘅位大多數都係歸為兩派
一邊係當巴揚神係正神 另一邊係當巴揚神係邪神
你篇野係歸邊後者嘅 但如果係咁 咁邏輯上就有啲講唔通嘅位

第一： 點解巴揚神由正轉邪之後嘅實力可以跳得咁勁？勁到可以滅團？
喺套戲早期佢做緊嘅都係好事 幫村民 幫念搵邪靈
就拎佢庇護緊條村嘅村民黎講 ：

村裡面有啲人唔信仰佢>佢照幫
呀媽呃左佢咁多年>咁多年佢都無報復過呀媽
呀敏唔信佢>希望透過夢境 去幫助同樣唔信仰佢嘅敏
如果巴揚神係邪神 咁佢無需要做左咁多代庇护村民嘅正神
再者連喺敏嘅夢裡面 佢都無能力喺邪靈面前同敏溝通（即係巴揚神一直鬥法都輸緊）
再到石像個頭都跌埋落黎 只可以講巴揚神真係唔勁


第二： 呀媽被上身後 第一件事做嘅 就係害死曬在場嘅人
如果巴揚神係要報復呀媽 咁佢點解唔係直接了結左呀媽先呢？
（如果你相信巴揚神係邪神 咁照計佢應該同樣好似殺念咁 直接帶走唔信仰佢緊呀媽）
而係要召喚出邪靈 再到最後扔底呀媽比其他邪靈殺 ？依個位睇唔出有想要報復嘅諗法

ig睇佢麻麻地
都係不了
係套戲造型好