凶靈祭 薩滿 討論區

小小愚見

暫時就咁睇成套戲我覺得佢係探討緊靈同埋因果呢樣嘢

例如後尾大家都被狗靈上身 係因為女主老母殺太多狗 靈體既複仇 女主被上身時殺狗 亦都係因為佢哋屋企人對隻狗同對佢哋唔同 佢哋覺得唔公平想佢都有同樣既對待

首先探討下女主角，女主角一直都係對靈呢樣野係抱住唔信同埋唔尊重既諗法 例如佢去教會完全唔專心etc.

老實講女主角扑野嗰到我覺得係佢係正常思維下都有做既嘢 佢就係因為平時有咁做 所以一開始有幻聽比阿叔鬧既時候咁大反應 係因為佢個內心有愧 而佢阿哥既死 亦都可能係因為佢同一齊緊既時候發現咗女主角有咁既行為 覺得好難接受 所以自殺 呢度亦都講緊一個因果關係 尿

點解我會估佢本身天性係咁 主因係因為佢就算撞咗邪好難受既時候夜晚竟然都係去職業中心 間接證明咗女主角有依個習慣（？）

所以後尾女主角係間屋同撞邪要搞阿叔既時候 佢問佢老母你覺得我係邊個 個陣應該係冇比狗靈上身 而係比邪靈勾起咗佢原本內心最黑暗既天性

而去到老母 老母一直都冇一個所謂既信仰 信仰對佢黎講一直都只係一件工具 令佢可以逃離自己要做薩滿呢個責任既工具 佢即使一開始好似對耶穌好虔誠咁係因為耶穌一開始有幫到佢 後尾佢都有講到話只要幫到佢 佢違背宗教都冇問題 對神既信仰本身就唔係一件可以變黎變去既事 而佢去到最後已經唔只係求巴揚 幫到佢既佢一律都會拜 呢個算係對靈既唔尊重（？）

所以佢最後突然顛咗 一心信巴揚既時候 算係某程度上符合咗信仰既要求 有巴揚既力量 不過好可惜比個女搞到心軟收咗皮

至於念 佢最後既訪問其實亦係帶出咗套戲裡面
既一個主題 究竟係咪真係萬物有靈 到底巴揚神有冇上到佢身 女主角一開始既相同遭遇 令佢誤以為佢都係要做薩滿 但念後尾發現唔係 原來有其他嘢都可以做到個遭遇係咁似 既時候

（以下純粹推測
又咁啱女主角撞邪既時候講起佢老母又換咗個細妹啲衫 又擺符咒去佢對鞋度 同埋佢對於佢諾去換條友做靈降既時候咁大反應 我聯想係 念懷疑細個既時候佢家姐都有搵呢條友對佢落咒 令到佢遭遇好似但其實冇上身 之後等佢細妹好似信咗就冇嘢 令到佢做一個虔誠嘅薩滿代替自己
）

而當念開始懷疑既時候 代表咗佢對信仰既質疑 信仰係唔能夠被質疑既 因為當對像係一個神既時候 你唔應該會對佢有任何既懷疑 而呢一份懷疑 亦都令後尾巴揚神頭像掉落（呢度我唔太肯定係巴揚比其他邪靈殺咗定單純因為念對神明既懷疑而令巴揚捨棄佢） 但最後當念信仰崩潰之後 唔知係巴揚神既懲罰定係佢因為信仰崩潰無法接受而死

最後 個大師答點解要係念死咗最危險既時候繼續儀式 而大師既答案係好似阿叔後面輛車啲字咁（上網睇好似有小小關泰國傳統事，話咩嗰到寫紅色車可以令啲鬼唔搞佢？，詳細可以上網再睇）

但嗰度我覺得亦表達咗第二個意思就係信念（？）

以下又係推測XD
我覺得佢知道念既死係信仰不足而崩潰 佢亦都知好危險 但係嗰個時候佢唔可以退縮 因為佢一旦退縮代表佢質疑佢信仰既靈能力唔夠 而對信仰既質疑係唔允許
所以佢要好似架車後面所講 「明明㗎車係黑色 後面寫住呢㗎係紅色車」對信仰堅定不移 要相信佢自己可以解決要呢件事 好可惜比大嫂收咗皮

小小推測 好奇大家點睇

大師講個句「這車子是紅色的」點解？

車尾果單係呃鬼避禍
最後佢地 狸貓換太子都係同一邏輯

明啦唔該ching

我睇個時見好似冇揭裙

我真係好想講，唔好L再搖喇仆街，我睇L到無哂mood，因為好頭暈CLS。

係中間有段個cam man係咁跑，果到我直頭要合埋眼，差d睇到嘔。
我認我渣

好似話泰國人重視幸運色,買車買不到幸運色就用這貼紙代替, 也借喻用老母代女兒/肥婆出征

掩眼法，話架車紅色其實係黑色，呼應返以為蒙頭入閘嘅係阿女，其實係阿媽

今日睇左，本身覺得好悶，但係睇完之後覺得有好多野都值得去思考

念最後一次上山求巴揚神，見到神像被破壞，其實係睇得出佢好信任巴揚神，但係去到最後連佢自己都動搖自己既信念，夢逝對佢黎講或者係一種解脫/最好既結果

諾倒轉插香果下，本來我係以為佢都被上身，倒轉插香褻瀆神明，但係諗返，其實諾太愛佢個女，想盡地一博，救返佢個女，結果個罪孽始終都係要報，命運避唔開，一開頭個道士都問佢信唔信命運

其實套戲講緊大家對自己既宗教信仰係咪咁堅定

岩岩睇完
裝CCTV個段真係痴撚線
特別係佢老母岩岩行左上去
佢就開門伸個頭出黎偷望上面
睇到個心勁撚寒

唔係
只不過平時睇d鬼片都係突然消失
又突然出現
今次呢條女演技又好
又睇到佢點嚇完人喱埋偷望

係 幾得人驚
每一日都睇住阿敏越黎越恐怖
舅母去完廁所上去 佢係樓下縮個頭出黎幾嚇人 似係細路鬼所為
殺狗=好不安 報復敏老母賣狗肉 但自己養狗 仲要鍚佢
同老母面貼面=痴L線 勁有畫面
留意到CCTV 就突然大頭嚇9你

唔係，阿敏前一晚爬上床喺舅母個肚畫咗幾畫，應該施咗咒之類，所以後尾佢係鬼掩眼見唔到自己個b先衝去開門，最弱智其實係班crew

呀敏真係好靚
https://www.instagram.com/yadarilya/

呢度又係好on9
咁緊急情況仲比佢舅母開門
唔打暈佢 鎖住佢

果個自殺既呀墨係咪呀敏既哥哥?

是

肥婆念根本一早就應該找找佢師兄幫拖,他一摸就知咩事,好過她勞而少功,這是條戲其中一個大bug

我個人認為想講可能連巴揚神都未必存在 唔一定係好似外國咁有惡魔一定有上帝 導演直接串柒啲宗教同信仰
家姐根本沒比巴揚神上身 佢臨死前仲爆咗句想基督徒教嘅神救救佢 根本佢嘅信仰就唔堅定 最後呀妹個訪問都好清楚表達套戲重心就係由頭到尾都係死局做咩搞咩都沒意義 所以個惡靈點解咁惡咁串 佢地做咩都好又浸手指又盛啲惡靈根本沒影響 當住呀妹（薩滿）面笑巴揚神

佢咁多年黎可能都係靠信仰得到力量
怨靈上身嘅敏仲寸鳩佢知唔知佢係邊個
但個巫師一摸就知佢身上面有無數嘅野
呢個位可以對應返nim質疑自己有冇比巴揚神降臨過喺身上

想問多唔多jump scare
想捉個frd去睇但佢頂唔順jump scare