我把座位扶手拿起,換了個較舒服的姿勢,順勢地摟住了Sabina的肩。我用眼角的餘光瞥向她,像沒有感受到我的目光一般,只是聚精會神地望向大螢幕。
「唔好再叫我喂喇,我叫欣欣。」
「你信唔信緣分?」
「我以前好信,每次都以為搵到㗎喇。愛情要經營㗎,但我做唔到。」
Sabina的髮垂落在我的肩,傳來了絲絲幽香。我低頭,將臉磨蹭她的髮,吻了一下。
「我有病,從來都唔敢幻想愛情。」
「我梗係知,其實我無你講到咁好。」
「我唔介意,你呢?」
「我真係好辛苦,無論你地係邊個,最後都係會拋棄我。」
「我唔係真㗎,所以你先可以永遠擁有我。」
「但我係真。」我在Sabina耳旁低語。
她把整個人更靠向我,看起來就像是一對彼此依偎的戀人。
電影在我胡思亂想中完結,有Sabina在身旁,我的思緒已不知飄向哪裡去。影院中燈一亮,Sabina隨即把身子坐正,就像一切沒有發生過。
「行喇。」她回頭。
「我唔明點解李志樂可以接受葉嵐嘅過去,但葉嵐喺佢最需要人支持嗰陣就走咗去。」她不忿地道。
「起碼佢地都有好結果吖,傷口復原係需要時間。」
「但係有啲野,破裂咗就永遠返唔到轉頭。」她彷彿意有所指。
「有時候唔係你搵唔到適合嘅人,係你令到自己唔再適合任何人。」
我深深地看進Sabina烏黑的眼眸,我想嘗試化解她眼中濃得像化不開的憂鬱。
她嫣然。
如果說她有著破碎的靈魂,我想成為拼湊她另一半的拼圖。在看到她的一瞬間,心中的天秤已為她傾斜。我沒法解釋一切,也許是因為她很美,也沒法堂皇地說出自己不是因為美麗而喜歡她。好比夢境,我們永遠沒法知道故事的開端,到身陷其中,才意識到早知淪陷。
「想唔想嚟個電影馬拉松?」她的跳脫又來了。
「My pleasure。」
我再也不猶疑地牽起Sabina柔軟的手。
===================
出多少少先
故事(1) 開始進入大直路
鍾意嘅可以俾個正皮支持下
唔鍾意都可以講下點解