無反鏡頭
首先要講嘅就係S Line. S Line係Nikon無反高階鏡頭嘅Symbol, 相當於單反嘅金圈, Sony嘅G/GM同Canon嘅RF紅圈L鏡. S Line鏡落足料, 除左捨得用ED同非球黎矯正象差色散, 仲用左Nano Crystal Coating(納米結晶鍍膜) 確保減少炫光同鬼影. 逆光影相, 都可以保持高反差
高階S Line(大三元+F1.2)仲會用埋ARNEO鍍膜, 同LCD mon顯示光圈快門ISO數值以及對焦尺. 每一支Z鏡相對同規格單反鏡都有明顯進步, 只要焦距光圈啱用, 入手係唔需要猶疑.
Zoom Lens
Z14-24mm F2.8S
Nikon Wide Zoom大三元最後一支, 眾望所歸, 延續Nikon嘅招牌鏡頭之一: 14-24 F2.8G. 唯二平面前玉嘅14mm wide zoom, 另一支係Z 14-30. 14mm嘅MTF挨住天花板,定焦級水準. 平面前玉方便使用Filter (CPL/ND/GND), 需要用原廠lens hood先可以用到112mm 圓形filter, 價錢唔平. 可以用到100mm嘅方形filter, 平好多同埋輕便, 長途跋涉減輕好多負重. 唔洗好似舊嘅14-24燈膽要用150mm嘅方形filter, 十分「貴重」. 好鏡要輕便先想帶出去, 呢支鏡只重650g. Z14-24絕對係Hard Core風景攝影嘅不二之選. 順帶一提,呢支鏡coma control非常好,連邊緣位嘅星都係一粒粒, 影星表現一流.
Z24-70mm F2.8S
可能係市面上最好嘅Standard Zoom. Made in Japan. 光學質素優秀, 定焦級水準. 有電影鏡先有嘅Parfocal特性, 姐係變焦唔會轉移焦點. 對焦快, 呼吸效應好低, 拍片同影相都啱用.
Z70-200mm F2.8S
地上最強70-200, Nikon落足料嘅怪物(6片ED、1片螢石、2 片非球及1片SR藍光高折射率鏡片), 所以抗色散同眩光水平係頂級, 不過相對的支鏡好重. MTF挨住天花板, 定焦級水準. 配合x1.4/x2增距鏡畫質都唔會有明顯衰減. VR效果極其優秀, body開埋IBIS, 手持200mm可以用1/8s唔手震. 內變焦相對可靠性高啲. 雙線性摩打, 對焦快准狠, 期待Z9可以發揮支鏡對焦速度.
Z14-30mm F4S
唯二平面前玉嘅14mmwide zoom, 另一支係Z 14-24. 確定唔需要影星嘅情況下, 性價比好高嘅Wide zoom選擇. 14mm非常wide, 適合影遼闊嘅自然風光, 歐洲大型教堂, 狹窄室內環境. 平面前玉方便使用Filter, 可以直接安裝圓形filter (ND/CPL), 都方便使用100mm方形filter(ND/GND). 有電影鏡先有嘅Parfocal特性. 細支輕便, 加上獨特收納結構, 帶出去好慳位. 呢支鏡可以滿足你影星之外嘅全部風景需求. 性價比好高. (星都可以影嘅, 不過要推高ISO, 或者用追星儀. )
Z24-70mm F4S
唔好見到24-70 F4呢個規格就以為係「狗頭」, 呢支係S Line. 3000-4000蚊Kit鏡價錢,光學質素唔輸單反成皮嘢嘅F2.8大三元, 見證Z無反鏡入左新世代. 獨特嘅收納設計, 帶佢出街都幾慳位. 呢支十分抵買, 新手建議跟機購買.
Z24-50mm F4-6.3
我講下用料: 2片ED + 3非球, 喺呢支咁平嘅鏡頭上出現, 仲有咩好講. Budget不足嘅變焦鏡選擇.
Z24-200mm F4-6.3
一支唔係S line嘅鏡頭, 但有ARNEO塗層+納米結晶塗層, Nikon堅係捨得用料比平價鏡頭. Zoom Range夠闊旅行一鏡走天涯. 光圈唔夠大, 靠IBIS室內勉強用到. 如果夜晚需要影相, 可以帶多支35/50 F1.8喺夜晚用.
Prime Lens
雖然以下呢幾支得1.8S光圈 但用料同設計係高階S Line
Z20mm F1.8S
廣角大光圈, 光學質素優秀, 新一代星空神鏡. F1.8影銀河保證足夠入光量, 唔洗將ISO推倒好高. 實測連corner都極少coma! 20mm夠wide, 可以勝任風景攝影. 20mm最近對焦距離, close up畫質唔錯. 星芒表現略遜色於F mount支20mm f1.8G,但都唔差. btw, 呢支價錢唔平, 除非你係影星發燒友, 追求高質星空影像.
Z24mm F1.8S
經典廣角焦距, 24mm相當於人雙眼視角, 屬於透視效果唔係好誇張嘅wide鏡, 如果你唔鐘意14-20mm咁wide, 可以考慮下呢支作為wide鏡起點. 用途廣泛, 可以影風景、街拍、室內人像、影星、VLOG. 25mm最近對焦距離, close up畫質優秀. 星芒十分鋒利好睇. 錄影對焦好快, 呼吸效應低. 推薦鐘意24mm嘅人選擇.
Z35mm F1.8S
由Nikon 58.4G + 1424G 設計師同 「百變妖」28.4D設計師聯手設計嘅鏡頭, 兩位高手聯手設計F1.8規格嘅鏡頭十分罕見, 可見Nikon對無反系統之用心良苦. 以35 1.8規格黎講, 價錢唔平, 但質素絕對對得起價錢. 係Nikon史上最sharp嘅35mm, 且散景十分柔美. 如果買兩支人像鏡, 35mm + 85mm係經典搭配. 35mm可以影人帶景, 85mm夠tele可以影特寫.
Z50mm F1.8S
Sharp到你唔信, 可以話corner to corner都sharp. Flare同紫邊控制極優秀, 係典型無反Z鏡嘅光學質素. 啲人用佢同Zeiss 55mm F1.4 Otus比, 都只係輸小小. 如果你係攝影新手, 想入第一支定焦, 強烈推薦呢支, 3000幾蚊嘅價錢係Z系最抵玩, 質素唔會令你失望. 講多啲, 50mm之所以叫做「標準鏡」,係因為50mm視角接近人單眼嘅視角(46°), 所以取景構圖十分自然, 好適合初學者練習學習攝影.
Z85mm F1.8S
巴打大推. 喺50mm f1.2 同 85mm f1.2出嚟之前嘅Z系最靚人像鏡, 焦內利到𠝹眼, 焦內外過度柔順自然, 散景柔和好睇. 係一支不可多得嘅高質人像鏡, 價錢合理, 影人買呢支唔洗猶疑.
Z50mm F1.2S
Nikon AF「標準鏡」攻頂之選.
Nikon S line嘅定焦鏡一向喺光學質素同體積重量之間搵到平衡, 呢個係製作現代鏡頭嘅妥協, 參考G master系列. 但係, 唯獨呢支Nikon唔肯喺用料到妥協. 將一支「標準鏡」做到Bigma咁重(1090g), 一支70-200 咁長(150mm), 簡直喪心病狂. 支鏡落左咁多猛料, 除左頂級光學質素, 仲用左同58.4G一樣嘅3D HIFI技術. 所以散景十分之靚, 唔識形容點靚法, 你睇過就會明. 如果你鐘意影人, 又唔介意「貴重」, 呢支係攻頂之選.
Z58mm F0.95 Noct
現代光學奇跡, Nikon巔峰之作, 科技之結晶, 堆料嘅怪獸. 有錢我一定買一支黎收藏, 應該唔捨得用...
Micro Lens
Z MC 50mm f/2.8 用了7 組 10 片 (包括 1 塊 ED 鏡片、1 塊非球面鏡片及 1 塊氟塗層前端鏡片),細細支,唔想帶50 .8咁大碌嘅用家絕對可以考慮
Z MC 105mm f/2.8 VR S 採用全新對焦 AF 系統,用了11 組 16 片 (包含 3 塊 ED 鏡片、1 塊非球面鏡片、附有納米結晶塗層及 ARNEO 塗層的鏡片,以及附有氟塗層的前端鏡片),比50mm嗰支高質一個層次,抗眩光,消除紫邊基本冇難度
兩支鏡一貫S Line 嘅高質 ,而全新的設計望落更加順眼