Tier 3
周星馳 (周星馳系列)
千呼萬喚始出來,星爺係喜劇方面既貢獻係前無古人,後亦都唔會見有來者,亦終於憑少林足球躋身影帝寶座,除左喜劇,佢內心戲其實都有不俗發揮,例如係西遊記既至尊寶,食神既史提芬周。但喜劇演員係影史地位係無咁高係硬傷,攞獎亦非常難,所以我只放佢係tier3
黎明 (甜蜜蜜,玻璃之城,十月圍城,三更之回家)
絕世靚仔,演技其實被低估,獨特戲質令佢做某一種角色(玻璃之城,半生緣)特別得心應手,全香港唔會有人做到,但佢比張學友好運係2002年佢憑三更之回家躋身金馬影帝寶座,曾經想非常努力轉戲路(十月圍城),但其後唔算太成功,隨住年紀漸增,容顏身型改變,但演技無與日俱增,佢往後既突破應該好有限
劉德華 (暗戰, 無間道, 門徒,桃姐,大隻佬,投名狀)
非常具爭議性既人物,極多產同超級勤力既演員,但出黎質素未必有保證。演技絕對有(門徒,投名狀,大隻佬),但是否值得登上3次金像獎,2次金馬獎寶座令人質疑。 個人認為如何能擺脫劉華影子係佢本人窮一生都仲未搵到答案既課題,同郭富城有好強烈既對比。
但唔好意思,依樣唔係努力就搞得掂,好睇天份,對劇本既閱讀能力同最重要既際遇
無一個伯樂幫你轉型,就永遠係咁上下