【南征聯合】《病港ＩＩ》（２ ７）

Push

舊年嘅今日我第一次畫滿天
所以我畫咗個滿天嚟慶祝畫滿天一周年紀念日

順便數下呢365日內我畫咗幾多個滿天
係49個

此外，還有一部類似寬頻調解器的儀器，應該是截取儀器。

「設備都幾齊全……」我把東西逐一拿出來觀看。

「幫佢哋做嘢一啲著數都無。」王達尼蓋上手提箱。

「如果你真係覺得唔掂，我可以……」

我未說完，王達尼已經暫停我：「唔洗諗，一陣我連累你，我只會更加迷失，如果依件係可以劃上句號嘅，咁我會做埋最後依一次……」

「你確定？」不是人人那麼幸運，可以讓我為他出手。

「嗯，你呢份自由得來不易。」王達尼拍我膊頭。

「咣」寶拉碰巧回來。

「……有冇阻住你哋。」寶拉一副怔然。

「咦，你唔係幫我計緊數嫁咩，去咗邊？」王達尼這才意識到，寶拉剛才離開了。

「一早計哂，幫你洗埋多出嚟嘅黑籽。」寶拉說。

「買咗咩？」

「一樣嘢。」寶拉拿出一卷泛黃的五線譜，說：「係佬大你朋友推薦我買，雖然唔知佢價值喺邊，但一樣咁輕嘅嘢就洗哂啲黑籽，真係幾方便。」

「吓！？咩嚟嫁……」王達尼上前一手搶過琴譜，把它翻來翻去：「有咩鬼嘢特別啊……《憂月》？」

「好似話係珍貴嘅琴譜嚟，不過寶拉你係點買到？呢樣好似係今日音樂會嘅獎品嚟……」我很好奇。

「我向冠軍提出咗拒絕唔到嘅價錢。」寶拉暗暗一笑。

「如果第時升值想賣返出去，先搵啲對古典音樂樂認識嘅收藏家喎……」王達尼為琴譜想著出路。

「或者，你可以送俾我。」我給他提出第二個選擇。

「送俾你？M你、你彈琴嫁咩……」王達尼有些愕然。

「我識一個人，佢會彈琴。」

「即係話……」王達尼又想了一想，說：「你係拎嚟送俾人？」

「……你可以咁理解。」我點頭。

「你……送嘢俾人？」王達尼再說一次。

「嗯。」

「你送嘢俾人喎！」

「係，有咩問題。」

「你居然會送嘢俾人……」王達尼一張不可思議的樣子，然後把琴譜送贈給我：「呢個咁歷史性嘅時刻，我當然唔會拒絕。」

「多謝。」

「我返嚟嗰陣，見到關口外面有批人陸陸續續入緊嚟，你哋識得？」寶拉問。

「M，係你班病獵？」王達尼說。

「我諗就係。」

「話說搞咩，仲咩帶佢哋入嚟？」王達尼剛才醉了，只是模糊地首行。

「大本營出咗事，外面有唔少病者，我諗住帶病獵過去清理一下。」

「哇，咁型。」王達尼一想到這幕，腦內諸多幻想。

「型？」我不明白。

「英雄咁喎！帶住自己成班馬仔返去救家鄉，仲唔係光宗耀祖。」王達尼想著想著，又說：「唔係啦，搞大啲，我拎埋鯨寨嘅酒啊、煙啊呢啲特產送過去大本營，順便今晚招呼埋你班病獵先，個天都開始夜，你哋就留一昨晚聽朝先出發。」

「主意都唔錯。」那些病獵應該疲於訓練沒有休息過，我想要給予他們休息三天才能下場作戰。

於是乎，王達尼便下去關口親自迎接南征部隊。

有文

又有文！

今日咁早

今日咩日子

「你送嘢俾人喎！」

「呢個咁歷史性嘅時刻……」

收工諗住推吓post
點知勁早有文！！！

好早有文

其實m同王達尼既兄弟情幾好睇

咁早有文

達尼呷醋

七點有文

文呀！正

M有送過嘢俾艾匡格 有咩問題

每日一推

7點