1204 Like
5 Dislike
中二m
2021-04-21 18:39:44
Push
毒撚頭很臭
2021-04-21 18:43:22
想問下,葉青茶係咪無再講過??定我唔記得左
夜行傘
2021-04-21 18:49:06
喺湯婆嘅口中
共黨死清光
2021-04-21 18:53:32
毒撚頭很臭
2021-04-21 18:57:38
講佢去左邊??完全無印象
夜行傘
2021-04-21 19:09:52
佢話佢識去病獵公會係因為葉青茶同佢講過
齊齊針
2021-04-21 20:23:35
推
菲爾科頓47
2021-04-21 20:28:35
m有愛g,注定冇性行為
沙治·羅拔圖
2021-04-21 20:43:57
仲有幾多年命?
黑椒牛丸河
2021-04-21 20:51:36
冇左啦
第48篇文嘅尾
牧羊記
2021-04-21 21:41:27
推
墨說
2021-04-21 21:43:40
「艾寶琳監獄……」金有裘遠遠看著目的地,不禁感慨系之:「入面有好多我哋反皇派嘅兄弟……」
「佢哋要坐幾耐?」
「有個十六歲細路只係叫咗句反皇派口號,王政府就判佢坐二十年冤獄。」
「我諗坐兩、三年都營養不足咁死。」
所以仲豪到底犯了什麼事,才被人監禁進去。
來到欣菊閣大堂,金有裘先往前一步,示意讓他來溝通。
「各位兵大哥早!」
四名看守門口的士兵,沒有任何理會的意思,但只要金有裘再往前一步,意圖踏入大堂內部時,四名手持砍刀斧的的士兵,會立即動用兵器擋掉去路。
「平民不得進入。」士兵聲線冰冷,像個機器人。
「如果我係貴族呢?」金有裘又問。
士兵快速打量一眼:「你唔似。」
金有裘的確沒什麼貴氣,純粹一個江湖打混多年的大叔。
「我的確唔係,但身後嘅馬克公子係。」金有裘太過突然了……
一時間,四名士兵八隻眼睛,都往我望過去。
在末世仍會穿西裝的人,普遍被認為有一定地位。
「咳,四位早。」我行前一步,盡快代入這角色:「我係嚟自貴族區嘅馬克,今日想嚟探某個人監。」
士兵又打量我:「有文件?」
「因為有少少突然,無準備到。」我說。
「但馬克先生,帶嚟咗啤酒。」金有裘這才拿出賄賂品。
賄賂他人其實也有學問,因為賄選屬犯罪行為,人會有一定的戒心,但如果地位職級比對方高,他們心理上通常會認為會得對方包庇,而不會被人調查。
因此,表明地位再賄賂,才是正道。
墨說
2021-04-21 21:43:52
見士兵不敢主動拿取,我唯有做主動那個,把四瓶啤酒放到他們旁邊:「你哋休息個陣再飲。」
派發完畢後,我再踏入欣菊閣大堂,但這次士兵沒有阻攔我們,順利入到監獄內部的大堂。
原本的看更櫃檯,變成獄卒看管鑰匙的地方。
大廈不同單位的鑰匙就被掛在牆上的鉤子,但我此行不是劫獄,並不需要大殺四方。
「你好,想探監,對方叫歐仲豪。」金有裘向櫃檯前的獄卒查詢。
「無文件、無收到通知,都唔會開放,出返去。」獄卒回覆。
金有裘直接把一箱啤酒放到檯面上:「見五分鐘就夠。」
獄卒往箱子一瞧,頓時流露出饑渴的神色,喉嚨更是不斷地吞口水,舌頭似乎許久沒沾過酒水了。
「如果順利嘅,往後我哋會定期嚟探監。」金有裘言下之意,會定期來送酒。
這不過是欺騙他們,我們才沒那個錢和時間。
「我幫你睇睇……」獄卒快速翻查簿記,查看歐仲豪所在的監房:「十四二六室……跟我嚟。」
鎖匙拿上該單位的鑰匙,然後帶我們從後樓梯上去。
來到十四樓二十六號室前,獄卒敲一敲鐵閘。
「咣噹──」
單位內五名進行製鞋工作的囚犯,被突如其來的敲門聲嚇得身軀一震,因為他們正極之專心地做鞋。
「啊……咁快食飯啦?」一名囚犯抬頭。
「食你個頭啊!邊個係歐仲豪。」獄卒問。
「豪,有人搵你……」囚犯們望入房間。
頹靡的歐仲豪從房間行出,看來監獄的日子不好過。
「探五分鐘就好。」獄卒走到一邊去。
「你、係馬克老師……」歐仲豪兩眼一瞪。
「你仲記得我。」我見他兩臂肌肉,似乎流失不少。
歐仲豪忽然踏前,兩手緊緊抓著鐵閘欄杆:「要、要救小六老師……」
「我搵你就係為咗搵佢,瑜小六佢到底喺邊?」
「佢、佢、佢……」歐仲豪望一望身後,確保沒人在偷聽:「佢俾犬學派……應該話係王政府嘅人捉走咗……」
「點解?」
「唔會係要娶佢為妻啊,係咁就麻煩。」金有裘淺淺一笑。
「有日,就喺王政府隔離大本營同康城人嗰陣,瑜小六老師話收到王政府信件通知,要徵召佢入到犬學派做嘢,大概係研究病者嗰啲……」
「之後?」
「瑜小六老師知道犬學派係對大本營有敵意嘅組織,加上倖存區戒嚴同封關口,好似即將有啲大事發生咁,小六老師就懷疑王政府想利用病者……做啲不人道嘅事情,於是佢無再返工,不過佢都離開唔到艾寶琳住,所以暫住咗喺我屋企,打算逃避王政府嘅徵召。」
「但最後都俾犬學派發現?」金有裘說。
「佢哋啲狗……個鼻真係好靈敏……」眼神不安的歐仲豪,回想著當日事情:「佢哋只係拎咗小六老師喺學校用過嘅一啲物品,就已經追蹤到我屋企,最後我反抗俾時間小六老師逃走,可惜佢都係俾犬學派嘅人捉咗。」
我無奈輕按太陽穴:「又係犬學派……」都不記得跟他們幹上多少遍了。
牧羊記
2021-04-21 21:44:03
幸運時間
墨說
2021-04-21 21:44:06
「要救救瑜小六老師!」歐仲豪看我,像看見希望。
「盡能力。」
「犬學派嘅總部喺叠翠軒。」金有裘抱著手,眉目深鎖:「有啲難度,嗰到係犬學派大本營。」
犬學派懂得吸引病者過去倖存區,證明他們經已向想借病者之力,想實現王政府的命令。
瑜小六在病者科學方面,是沒有那麼厲害,但她研究病者習性和特性方面頗有心得,算得上將軍澳區少數的學者。
「五分鐘過咗,要探監下次再嚟。」剛才的士兵走來。
「已經夠情報。」我向金有裘點頭。
「返去再從長計議。」
回到酒吧,經老闆貼心的照顧,許博文發燒的情況好轉一點。
但是,韓湘她人仍未回來。
「許博文先生。」我走到廂座,俯視正平躺沙發的他。
「你係……」
「帶你出嚟嗰位醫官,有冇返過嚟。」
「無……」
「換毛巾啦。」老闆又替許博文的額頭,換上新的毛巾。
「睇嚟小姐遇到啲麻煩。」金有裘輕笑。
「我出去搵下佢。」正當我想推門離開時,遇到一位同樣身穿西裝的客人。
他不是誰,正是方邵生。
「外交官?」我開腔。
「睇嚟……」方邵生由腳至肩,打量我全身:「你就係M先生。」
「你嚟依到,應該有啲嘢想同我講。」
「Trista小姐有啲嘢想我同你傳達。」
「係?」
「佢話自己俾犬學派嚴密跟蹤緊,已經俾人點咗相,應該唔會再返到嚟酒吧到,會搵機會返大本營先,叫你自己努力。」方邵生轉述。
「祝佢好運。」我點頭,回到酒吧中。
「等陣……」
「仲有?」
「呢樣係佢特別叫我提醒你。」
我轉身,等他繼續說完。
「提防許博文。」
我回望酒吧內,發燒得臉紅紅的許博文:「原因?」
「Trista小姐喺佢俾囚禁嘅房間,發現到一啲唔尋常。」
「例如?」
「就例如,裝修比一般大本營居民要舒適,艾寶琳派嘅伙食亦有罐頭、水果呢類珍貴品,係其他大本營人無,最重要係……佢喺垃圾桶發現一啲草圖,係關於大本營入口結構,同埋各種攻城兵器嘅設計。」
我兩眼一銳,盯向了許博文。
「麻煩你。」
「祝你哋成功。」方邵生轉身而去。
孤單人
2021-04-21 21:50:02
啱啱睇完糖果少女,好鍾意糖糖
靈異生物
2021-04-21 21:57:27
入嚟有文,正
碧水劍
2021-04-21 22:05:35
許博文做25 睇下斷幾多手指先
張晉銘
2021-04-21 22:25:53
嘩屌你老母259必須死
Btw都估到魚小六一定係畀狗/艾康捉咗
留名睇起咗個狗竇佢
知道自己不知道
2021-04-21 22:51:34
反皇派口號
光復寶琳
諸葛蘋果
2021-04-21 23:02:00
25仔發現
傻豬黎既
2021-04-21 23:30:17
Push
姜仲熙
2021-04-21 23:30:58
千一正皮 唔好俾佢停
椒鹽蝦米
2021-04-21 23:39:44
有文