神回。例牌打返幾句感想
呢套嘅音效真係好正
炮彈打落地下同唔同厚度嘅盔甲嘅聲效各有不同
轟炸聲嘅遠近、炸爆咗嘅碎片聲、機體嘅行走聲、啞彈撞擊聲
重有好多其他細節嘅聲音,全部都好足
辛呀哥把聲又係好有亡靈嘅feel,不斷縈繞住
呢套真係一定要戴耳機聽
另外蕾娜都作出咗改變,要對抗殘酷嘅現實,自己都要化身做惡魔
循規蹈矩就只係順從唔講理嘅社會
不過中間都傲嬌咗一下,話自己唔想死先幫你哋
跟住就係就係啞彈嗰段,一段神級嘅轉場
雖然小說都有呀哥呢一段意識流,諗返起小蕾娜,講返呀哥嘅爭扎同錯亂
但呀哥錯手揸到爆血,同埋小蕾娜刮咗呀哥一巴都係動畫新加嘅處理
刮完一巴然後即刻接落啞彈,真係超勁,完全出乎意料
俾蕾娜刮好似都唔錯
之後辛醒返就係澤野出場嘅時候,真係瞬間高潮,正到喊
辛開炮嗰下啲火光同煙畫得好靚,唔知係做咗咩後製
之後呀哥放手,爆炸一下分開兩個人,辛反而係愕然
終於意識到失去呀哥嘅辛開始爆喊,神曲Avid再次登場,根本係逼人喊
呢到重有個小細節,爆炸完辛部機表面有啲流體金屬,應該呀哥係保護咗辛
後半等陣再打埋
PS 個花田唔夠位企喇