今集又係咁好睇
入OP之前嗰段突然扮手提鏡頭咁搖,張力好勁,幾有feel
呢套啲鏡頭真係落咗唔少心機
OP隨住劇情推進,花海企滿晒人
OP後就係屌醒蕾娜嘅劇情
共和國嘅現實係遠比佢想像中黑暗,始終都係施暴者一側嘅蕾娜幾乎崩潰
乜都做唔到嘅佢到底會點做呢?敬請期待下集
同呀叔傾計嗰段鏡頭都係有設計過,一邊係高高在上嘅女神像,中間隔咗條柱,另一邊就係暗淡嘅禮堂
Btw 中間阿涅塔嗰段有啲鋼鍊大哥哥嘅feel
臨尾播首歌同畫面都係好清新,唔係臨死嘅悲壯
就連首ED都唔係播戰場feel嘅Avid,而係播hands up to the sky
好反映到86嘅心境,佢哋係揾到自己嘅目標前進,並非冇意義嘅送死
最後望住整整齊齊嘅基地,五部機並排前進,真係差啲喊