迪路獸/聖龍獸本命﹐數碼暴龍VB Vital Bracelet活力手環資訊平台

今日先收到隻錶, 摸索中

試咗check唔check到心跳先啦

唔好意思啱啱開始玩，但好似中bug
而家手錶1隻，app 2隻新電系怪幼年期 (未計開app送果隻成長期），想問下

1. 咁樣複製無影響？
2.仲未敢入V仔亞古加布，但因為copy左唔夠雪櫃，點del怪？

點試? 入數據->心跳個頁mon住識唔識郁? 有無咩制要撳

係果頁同時㩒上下掣
之後等
如果detect到會出complete，detect唔到會出failed 000

試咗無問題, Thanks

對戰係咪有得走場

Good

出咗大圖之後，出細圖之前㩒實下掣

請問邊個位睇時數

唔係應該個app睇咩？

係咁死
古代種

thx ching
btw係咪連輸三次就會死，係咁出勁怪

係app先岩 成日講錯

睇到啦多謝師兄

點樣行6000步啊痴線。。。

受傷後輸3次會死

想問個心跳係咪黃色數字細過白色數字就ok?

連輸3次，係咁miss

多謝大家一直支持！由於之前嘅post有好多人反映過追故時見到我答其他人問題比較難集中爬文，而我亦覺得保持呢邊嘅一致(資訊準確)係我想做嘅嘢，所以大家如果有問題想問嘅可以去返討論區度問，嗰度有多啲有經驗嘅巴打絲打可以解答到；如果想指明我答嘅問題可以喺討論區直接回覆我嘅留言，咁我就可以收到通知，我都會同之前一樣以最快速度答到大家。我都歡迎大家喺呢度自由討論！如果只係想睇資訊嘅巴打絲打可以用「追故模式」～希望大家鍾意呢個新嘅合作模式～

3月12日數碼導遊DigiNavi節目內容

說明書有嘅內容會大量刪減，主要係新嘅消息。

(1)Dim咭相關
Dim全寫係Digimon Identified Memories

(2)任務相關
獎盃一日最多可以攞到嘅數量：21隻
普通任務：最多1隻
越級任務：最多8隻(2隻，總共有4個任務)
特別任務：最多12隻(3隻，總共可以連綫4個任務)

(3)越級任務相關
主持Cocolo荒木先生成績係6隻獎盃，跑步同拳擊較容易攞到2隻獎盃，而且深蹲同仰臥起坐Cocolo荒木先生刻意前後揈隻手環，都只係得1隻獎盃。證明揈隻手環可能要揈得好似跑步同拳擊咁激烈先會攞到2隻獎盃：比起心跳，里數更加重要。要聽到「咇咇」聲先代表隻手環計緊你嘅運動。

(4)冒險任務相關
Dim咭入面嘅冒險任務總共有15關，完成15關可以解開隱藏嘅究極體進化，即係進化圖入面問號嘅究極體，同進化其他究極體無關。

(5)戰鬥相關
喺脈搏獸同跑手獸戰鬥中，主持人Cocolo山出谷先生問有關出必殺技嘅時機嘅問題。出必殺技嘅視乎數碼精靈嘅類別，而類別係活力手環獨有嘅數據，總共有以下3種：活潑類、自律類、懶惰類。主持人關戶先生暗示屬於活潑類嘅脈搏獸會較早出必殺技，可以理解懶惰類會比自律類遲出必殺技。

(6)對戰相關
Cocolo兩人對戰，西拉獸(數據屬性)打贏跑手獸(病毒屬性)，完全顛覆屬性相剋。不過脈搏獸進化成跑手獸嘅活力值要求(800+)比亞古獸進化成西拉獸嘅要求(0-499)高，理應跑手獸比較活潑(相對地)，所以出必殺技嘅時機依然含糊。

主持人關戶先生表示對戰贏得嘅活力值比冒險任務戰鬥嘅幾乎多一倍。

Cocolo山出谷先生同岩田先生對戰，西拉獸再次打贏。主持人關戶先生表示屬性相剋之外，活力值同數碼精靈嘅精神狀況都係打贏嘅關鍵。(不過冇顯示呢三隻精靈嘅精神狀況)

(7)Q&A環節

問：有關防水防塵程度？
答：基本冇防水防塵防滴嘅設計，不過運動時流汗係唔會有問題。洗手時因爲怕會溼水，所以一定要除低手環。

問：有關進化條件？
答：進化需要嘅時間可以參考#6嘅時間表，成熟期之後嘅進化條件有活力值、戰鬥總次數(贏+輸)、贏率、獎盃數目。

問：有關瞓覺同熄機？
答：數碼精靈同人類一樣會夜晚瞓覺朝早起身(各12個鐘)，唔同嘅數碼精靈會有唔同嘅瞓覺時間。起身嘅時間有3款：8:00~20:00、9:00~21:00、10:00~22:00。數碼精靈瞓覺期間係冇得戰鬥同玩任務，而瞓覺時除低手環唔會扣活力值，所以唔會影響飼養進度，可以利用呢個時間充電手環。手環熄機，雖然會重置里數，不過唔會重置飼養進度，如果已經知道自己有一段長時間要除低手環，建議熄機。因爲24個鐘唔戴手環會令數碼精靈死。

問：有關升活力值？
答：心跳同里數都可以升到活力值，行多啲或者郁多啲就自然會升到兩者。

問：有關死亡條件？
答：如果受傷嘅時候，即係見到拍檔精靈頭頂有骷髏圖案或十字圖案，就唔好再畀拍檔精靈去戰鬥，要畀佢靜心療養。其餘可以參考#6「死亡通知」部分。

問：有關backup同app？
答：手環可以飼養2隻數碼精靈，如果想飼養多過2隻就必須用app嚟backup。

問：有關聯展進化？
答：2隻相同進化階段，而且係成熟期或完全體先可以聯展進化(不過肯定係廢話，因爲已經知今次奧米加獸系列係要2隻究極體聯展進化)，節目入面嗰3點除咗2隻數碼精靈同時要喺同一隻手環入面之外都唔成立，不過節目講咗個說明書冇講甚至係同說明書有衝突嘅點：聯展進化係唔需要睇活力值、戰鬥總次數、贏率等條件都進化到，只要有2隻可以聯展進化嘅精靈喺手環，拍檔精靈就唔可以正常進化。其餘可以參考#6「聯展進化」部分。

問：有關試玩版Dim咭？(黑機械暴龍獸、黑獸人加魯魯)
答：試玩版Dim咭由Dim咭通常收錄17隻數碼精靈減至6-8隻(單一進化綫)，而家已經有計劃推出正規版，方向係將兩張試玩版Dim咭合爲一張。

問：有關一app多環？
答：可以參考#18紅色字「每隻……」部分。

即係進化圖入面問號嘅究極體，同進化其他究極體無關。

邊度睇到呢張進化圖

官網

成長都有？
係咪唔駛15關都進到
我重諗住進鯊魚仔

推

養左成日黑亞古仲未進到黑暴龍