迪路獸/聖龍獸本命﹐數碼暴龍VB Vital Bracelet活力手環資訊平台

我隻二代新錶係咪奶左野 琴晚第一次玩 進到黑亞古獸 去到成11點都未肯訓 之後我除錶放到今朝 佢都係無訓過 錶又無入個所謂休眠梗式 成條energy無左

搵唔到

二代錶唔識自動訓
A+B制撳實就係主動訓覺

Mind blowed

想問下合體進化可唔可以無視埋15關個條件直接合隻隱藏路線究極體出黎？ 定都要要打埋15先合到

要打埋

買

【官方更新】有關「Dim咭套裝EX第2期 數碼暴龍03馴獸師之王」產品資訊同發售日期等

2021 年 10 月 18 日
萬代株式會社

感謝大家一直以嚟對我哋產品嘅支持！

早前我哋決定重新審視開始咗預訂嘅「Dim咭套裝EX第2期 數碼暴龍03馴獸師之王」嘅商品內容，推遲發布並暫停接受預訂，對已經預訂嘅客戶造成麻煩，我哋爲帶嚟嘅不便深表歉意。

雖然上次係喺Premium Bandai宣布會以限量嘅形式發售，但係今次我哋會同時喺一般店舖大量發售。另外，產品嘅收錄內容亦會有大變動，由3件裝改爲獨立發售。（防菌迪路獸補充資訊：同時亦取消咗原有嘅命題）

【產品詳情】
・ 4549660-71519-1 Dim咭套裝EX第2期 數碼暴龍03馴獸師之王 基爾獸
・ 4549660-71521-4 Dim咭套裝EX第2期 數碼暴龍03馴獸師之王 大耳獸
・ 4549660-71517-7 Dim咭套裝EX第2期 數碼暴龍03馴獸師之王 妖狐獸

【發售日期】
2022年2月19日（星期六）

【廠商建議零售價】
各1,100日元（含稅）

【Premium Bandai及其他合作網店預訂詳情】
預訂網址： 未公開
開始訂購日期：2021年11月1日朝早10點(香港時間，星期一)
截止訂購日期：2021年11月10日夜晚時間未定(香港時間，星期三)
送貨日期：2022年2月

以下係更新咗嘅進化路綫，官方有以下備註：
1. 畫像尚喺開發階段。
2. 已經收錄過嘅數碼精靈唔排除會再喺其他產品再收錄。
3. 打★星號嘅數碼精靈係已經收錄過喺扭蛋Dim咭系列嘅產品，爲同一隻數碼精靈。


基爾獸究極體
紅蓮騎士獸
紅蓮斧神獸→紅蓮騎士獸X抗體
破滅魔龍獸
紅蓮騎士獸真紅蓮形態


大耳獸究極體
撒多格杜獸
基路比獸(善)
基路比獸(惡)
拉比獸(武鬥體)


妖狐獸究極體
沙古牙獸
古祖哈獸→沙古牙獸X抗體
古祖哈獸巫女形態
新增：寄生蟲獸

仲有冇人玩
想問吓機械奧米加點解聯展進化唔到

https://youtu.be/ERoQs6gcQB0
歡送會

仲有冇人玩一年都冇就棄坑

黑奧米加?

應該講緊徽章戰士

重未開嚟玩
玩緊伽瑪獸咋

想問問有無人知黑鋼鐵加魯魯(正式版dim)同黑戰暴(trial dim)係咪合唔到黑奧米加？ 過咗成日都無反應

請問師兄們我係買左手環V 加傌獸個隻

知道除手環唔會扣活力值
咁請問仲有冇24小時唔帶會死呢樣野
定取消埋

唔可以
一定要trial配trial/正式版配正式版

想除錶果時可以同時㩒上下掣
隻數碼精靈會入sleep mode
咁就唔會跌
同時新錶入sleep mode都計進化時數

安哥拉+啫喱 pack 有8個storage送 幾抵玩

【速報】預訂「Dim咭套裝EX第3期：數碼暴龍04無限地帶」



為紀念 2002年播出嘅動畫「數碼暴龍04無限地帶」20 周年，以下兩款Dim咭套裝將會以「Dim咭套裝EX第3期：數碼暴龍04無限地帶」推出並發售。「Dim咭套裝EX第3期：數碼暴龍04無限地帶 火之戰魂」收錄咗火神獸、仙女獸同冰熊獸嘅進化路綫嘅Dim咭各一張；「Dim咭套裝EX第3期數碼暴龍04無限地帶 光之戰魂」就收錄咗野狼獸、電光獸同暗黑獸進化路綫嘅Dim咭各一張。 

預訂網址：
火之戰魂：https://t.co/bar3wjlhoz
光之戰魂：https://t.co/CV3hqmJnK6
開始訂購日期：2022年4月1日朝早10點（香港時間，星期二）
截止訂購日期：2022年內未定
  
Dim咭係透過插入「數碼暴龍活力手環」擴充角色同任務嘅數據記憶體。 
插入活力手環本機側面後，數碼蛋就會出現喺手環入面。將活力手環佩戴手腕上，就可以隨住平日完成各種圍繞運動嘅任務嚟訓練由數碼蛋中孵化出嚟嘅數碼精靈。 
兩款Dim咭套裝嘅數碼精靈，根據活力值、贏率、獎盃數目，可分別進化為古代暴龍獸、古代虹彩獸、古代羚羊獸、古代加魯魯、古代甲蟲獸、古代黑獅獸等究極體數碼精靈。 
  
另外，「Dim咭套裝EX第3期：數碼暴龍04無限地帶 火之戰魂」由火神獸Dim咭訓練出嚟嘅凱撒暴龍獸同「Dim咭套裝EX第3期：數碼暴龍04無限地帶 光之戰魂」由野狼獸Dim咭訓練出嚟嘅鎧甲加魯魯，可以聯展進化成為究極體金剛武神獸。 
  
佢仲可以聯動專用App「活力手環研究所」，將數碼精靈傳送去專用App即可以攞到道具贈品「儲存室」同「進化加速器」。 
  
*每張 Dim 咭將會喺專用App攞到4個「儲存室」同4個「進化加速器」。 
*每個account只可以攞一次道具贈品。即使重複購買同一張 Dim 咭，都冇得重複獲得道具贈品。 

進化路綫後補

多謝大家一直以嚟嘅支持！

最近更新資料都唔係好夠其他post快（打句「速報」都心虛，歡迎負評我），主要因爲我考慮緊點樣可以將呢一part做得更加好，所以我都少有喺度打一句同情報無關嘅留言。另外有件小事，由於日本Premium Bandai近呢幾個月完全封鎖香港IP，如果大家有咩方法可以好方便睇到PB嘅歡迎話我知！

希望大家可以繼續支持！希望研究到新嘅更新模式，可以令大家唔止睇到最新情報，亦可以令我嘅繙譯工作可以更流暢進行。（有時見到官方資訊，發現官方都唔係好清楚隻手環點玩，04 dim咭嘅資訊竟然寫錯獎盃數目成任務達成數目，個心都離一離）

最後提醒大家用追故模式睇呢個post​呀～有咩討論區嗰邊搵我，我會儘快回答你架喇

迪路巴 想問下通常啲貨會返幾多轉 飛蟲獸出咗幾日就冇貨 今日行咗成20間都係冇
會唔會再派貨 可能要食炒

多謝你一直更新