到大少少上左中學，佢開始借d意唔俾零用錢我，人地同學有得出去食飯，我只能夠去小食部買個漢堡包頂下肚就算，過多幾年要考會考，最後會考成績返唔到原校，佢就話我讀書唔得唔好再讀落去，甚至唔准我申請中六學費減免，當面撕左張申請學費減免既表格，讀大學更加唔駛講，仲要我嘔返做兼職d錢俾佢
到出黎社會做野，佢要我夜晚8點前要返到屋企，就算返工返到夜左，佢就會不停狂鬧，拎返以前會考成績黎鬧，話我會考唔夠分讀唔到書要返工返到咁夜，做左兩三年諗住想讀返個master，佢知道我想報master後就發爛渣，又話如果accept個offer會斬死我，最後雖然有u收我但都無accept到，到最後呢幾年想報master都報唔到，身邊好多同學都讀左master升左職，而我仲係打緊份牛工，到俾家用時佢又發爛渣話我會考成績唔好結果要搵份人工低既牛工，又話人地俾家用閒閒地幾皮野，我就得果幾千蚊咁細奀
最攞命係佢對我既控制仲多過以前，以前出街11點返黎都仲可以，呢幾年同人食飯睇戲，一遲過8點返佢就發神經，莫講讀master，就算去讀d短期興趣班都唔得，跟住又成日搵d細唉野鬧，d野唔係擺係佢指定既位置又或者出街唔記得閂窗，佢就會鬧一餐，鬧我冇用甚至鬧埋老豆、阿爺阿嫲甚至拎把生果刀指嚇我，試過報警但佢識得一聽到警車聲就放低把刀扮斯文，結果成日就俾差佬話我濫用報警熱線
跟住半夜三更訓訓下覺佢會突然開門(佢唔准我閂門，話過一鎖門就會搵鎖匠開門然後鍊死我)，然後指住我黎鬧，又係鬧我無用會考成績唔得出黎打份牛工老豆阿爺全部係劣質基因之類
到我朝早返到寫字樓，佢一係屋企就會打電話俾我老細問我係寫字樓做成點，然後一返到屋企就借意教訓我話我應該要係公司點點點，連我老細都覺得佢煩，私底問我有冇辦法帶佢睇精神科
我試過搵社工，希望社工幫忙，但佢一見到社工就話唔需要麻煩社工，叫社工唔好同佢傾計，社工就話我媽唔肯見社工，加上社工覺得我媽精神健全，最後無再跟進
真係唔知仲有乜辦法
你忍到仲撚癲
