強迫症又發作.....

就黎一個月啦
好辛苦.....

我想問成日迫自己去摸一啲牆角 摸唔到好唔舒服 算唔算係強迫症

係強迫症.....

我都有 強迫屌閪症 每日都要屌閪 最少5次

搞笑定真心......

同我一樣
我以前都會
而家轉咗去check數字

唔係強迫呢樣 就係強迫果樣

推

試過同你一樣，又係check呢啲嘢
跟住自己醫好咗自己

點樣解決

copy返之前我答另一個爸打過嘅嘢嚟答你：



之前焦慮+強迫好辛苦
去咗睇醫生開咗啲藥
我望住啲藥心諗咁食法隨時食一世
到時食到成身副作用又肥又痴呆咁咪仲on9
所以我決定自己用念力醫自己
而家生活正常，一粒藥都冇食過，但個病好少搞到我

方法如下:

你要成日對自己對話

1.經常洗自己個腦，話比自己聽心中危險感來自焦慮症，焦慮症會令自己出現虛假/過撚哂火嘅危險感，所以擔心緊嗰件事會真係發生嘅機率極低，因為一切焦慮感都係虛假，係來自心理系統運轉得唔順，。

2.話比自己聽，擔心緊嘅事未必會發生，未必會傷害到自己，但係因為擔心呢件事嘅焦慮症就100%已經傷害緊自己，咁不如算撚數啦

3.話比自己聽，我爛命一條，有什麼災難降臨就嚟啦屌你老母，最多咪死 (呢點好重要，要重覆洗腦)。之後每次驚嘅時候就冷靜深呼吸，嚐試冷靜並抽離地評估眼前擔心嘅嘢會唔會令你死，例如你係條街到，好驚屋企個爐冇熄火，但係你要諗最多咪燒撚左間屋，你唔係屋企，所以唔會死，之後你嘅焦慮感會弱化，焦慮感脫離死亡呢個層次，之後你就算驚燒撚爛啲錢，但真係燒爛啲錢都係破財，破財層次比死亡層次易搞，可以用上面第1，2點去解決。

4.日常培育理性思考

例子a
有啲人焦慮症/強迫症出街前要check門窗關好未，驚有賊入嚟偷嘢。所以就要理性思考:當全香港每日有1000個全職賊仔出動，但係全香港住宅單位2530000個，你每日比人入屋爆格嘅機率係1/2530 ，你個單位其實係仲要根本肯定每日唔會有1000個賊咁多 

例子b
可能有啲焦慮症嘅人驚入左出唔返嚟，驚永遠被困，所以要諗吓: 升降機係空間 係錢 係好多人要用嘅工具 ，除非架你比錢買起咗啦，如果根本冇可能永遠係入面，消防員五花大綁都要抬你出嚟啦。

5. 驚嗰陣深呼吸，用上面提過1-4點去緩和情緒，仲驚嘅話就搵啲嘢做(正經嘢又得，開youtube片嚟睇又得)，並盡量專注做緊嘅嘢，唔需要逼自己唔驚，因為越逼會越驚，只需將嗰份焦慮感同做緊嘅嘢並存，由得自己做嘢時心理不適，接受呢份感覺，做做吓嘢慢慢你會發現自己會比之前冷靜咗少少，趁有呢少少空隙，再進行1-4點的自我對話，之後再繼續做嘢，慢慢就可以甩左個焦慮感。總之唔好咩都停哂唔做係到得個驚，得個諗。

6. 話比自己聽，地球60億人，每個人可能承受災難/不幸/意外嘅機率都一樣，你只需對事情有同其他人一皮正常程度嘅提防就可以，根本唔洗做多，你只係一個人，好多嘢無法強行控制，順其自然，隨遇而安。


樓主可以跟以上方法洗多啲自己個腦，我相信會好好多，加油 

我中學個時有過

不過同我既情況有啲唔同
我既強迫症成日嚴重卡係啲電子產品度
由其新買既,更加嚴重
而家都唔知點樣甩身.....

我咪一樣卡apps卡電子嘢，另外仲卡好多嘢
瘋狂check

其實強迫症咪即係焦慮症，兩樣嘢扣得好埋，
當啲人逼自己洗手(強迫症)，其實佢係驚細菌病毒，驚身體唔健康會受苦(焦慮症)，不過有時喺潛意識收得好埋，佢未必知自己強迫症源自驚某樣嘢

咁我問你，你最你自我最深嘅感受答我，如果你冇得check電子嘢嘅設定，你覺得會有咩負面後果?

覺得唔check既話
啲設定會唔岩....同埋怕啲設定會自動變
唔check就好不安.....
check果陣又唔可以被人打斷....
要岩次序咁去check.....
check得唔完美又想再黎過

咁你覺得設定唔岩同自己變左嘅話會點㗎?

我自己之前係驚私隱問題，例如驚啲apps無啦啦偷哂我啲相公開，咁你呢?

我覺得目前既情況有少少混左我既完美主義入去....
覺得新機設定要set到岩曬先得
同埋樣樣都要check過曬覺得ok先
其實我自己都唔知設定唔岩同變左會點
但就係唔check既話就非常唔舒服....

我都幾肯定有完美傾向or強迫症嘅人背後潛意識一定有恐懼嘅嘢，要解決一定要搵到嘅呢個罩門先可以ko個病

我掉返轉問，你覺得電子嘢嘅完美設定可以為你帶嚟啲咩好處?

或者咁問，你覺得 完美 於你嘅人生代表著啲咩?點解要完美，一件你重視嘅事情唔夠完美你會有咩感覺?

以前check得完美之後果種安心感....

我諗我係怕唔去check既話
日後用部機都會永遠唔會開心....
因為感覺部機唔夠完美...

潔癖算唔算係強迫症嘅其中一種？

如果呢份安心其實對應唔到任何你諗得出嘅實質恐懼，咁我覺得你真係成個人格都係吹毛求疵型嘅人，對任何嘢都要過份掌控，九型人格嚟講即係病態嘅第一型。

所以好老土都要同你呢一類人講，你要重新明白世間係冇絕對嘅完美㗎，你係人類唔係神，當你對事情追求100%完美，咁你嘅人格就會唔完美㗎啦(例如你而家強迫症，係病態心理失衡)。完美只係人類自己幻想出嚟嘅概念，水至清則無魚，世間上最純淨嘅水都有細菌，完美係唔架在㗎，過份執著就係反自然而行。

比你嘅建議就係:
強制戒甩check完嘢嘅快感
check嘢次數唔可以異常，一想逼自己check嘢就深呼吸，絕對唔比自己真係去做，好似啲人戒煙咁戒，慢慢就會漸入佳境，逐步脫離強迫症控制。

要達到戒甩:
可以學靜觀/了解森田療法

精簡建議:
灌輸 凡事是撚旦嘅人生更快樂 比自己
咁樣唔會令你變成一個真係咩都求撚奇嘅垃圾，只係中和返你呢啲病態追求完美嘅極端人格，拎返心理個平衡，心理平衡先係最接近所謂嘅完美