強迫症又發作.....

同意 由其line最近既更新
個主頁下面多左一堆設定 睇見就煩.....
不過我check既幾個app都係常駐app黎....
我已經有將某個app既check簡化左
不過有時check得唔完美 之後又會唔舒服
例如:check緊被打斷 惦到個mon無反應
手指停留係個mon超過1秒 搞到惦到其他位
琴晚就係被屋企人打開門行出房打斷左
搞到最後果part 要急住check
本來感覺好完美既檢查又變得有瑕疵

巴打睇私家定公立?
想知一個月要幾多洗費....

有冇蔓延去其他地方?

賣左部iphone去啦

公立基本上唔駛擔心錢既問題
覆診連藥$130到 你當平均3個月睇一次

以前2017年去排期 果期嚴重到有諗過自殺
但要一年後先見醫生
一年後見情況有好轉 就冇去睇.....

老實講你買部機都係買方便姐，依家你用到咁唔方便不如賣左佢買部傻瓜機

同樓主差唔多...
電器、家居、工作.....每日都會不停check, 同事唔知仲以為我做0野好小心....
已經10幾年....或多或少當0左生活習慣, 但都覺得好困擾
會諗第時同人一齊住對方會點諗 / 接唔接受到

咁以前有冇啲強迫症項目係成功解決左
可以分享下?

我淨係對鎖門依樣嘢有小小強迫症
我住村屋 出門口嗰陣只要閂埋道門就行得
但係中學嗰陣有一朝早我就嚟遲到 著完鞋即刻狗衝咗出去唔記得閂門
放學翻到嚟俾老母屌到仆街 好彩佢嗰朝喺屋企見到我冇閂門 即刻落去閂翻
如果唔係屋企就開住門成日 勁唔安全

自此我出門就成日好擔心自己有冇閂門
有時同屋企人一齊出街 我多數最遲出門 我老母就會驚我唔知有冇閂門 成日問我出嚟之前有冇閂門 搞到我自己都開始緊張
試過出咗門口十幾分鐘後就嚟上車 都要即刻行翻去屋企門口睇下自己有冇閂門 結果由準時變遲到
就算人大咗會揸車 我都成日擔心自己泊低架車之後冇鎖到車
試過泊低喺停車場之後入埋去間餐廳坐低 點知越諗越驚自己唔記得鎖門 要即刻同朋友講行開一陣睇下部車先
不過後來每次出門之後都會喺電話記得我自己已經閂咗門 先慢慢改善咗
依家已經冇咁擔心

果陣排期診斷
有同佢講有諗過自殺....
之後佢問我訓得好唔好
咁我果期都仲算訓到
佢就答我 如果睡眠有問題 咁排期先會快啲....

私家你可以睇家庭醫生 幾百至千零一個月 你食三個月試下效果先囉 其實ocd都係開ssri snri多

同路人都feel到Ching幾辛苦下，不如你試下求其下載個唔關事既app黎嘗試習慣忍住不停check個衝動，我知道係好痛苦但呢樣野但每畀自己check一次只會愈踩愈深，死循環黎，唯有試下特登制造啲方法去訓練自己做ERP, 你搵個無關痛癢既app練就算整彎咗都對你無影響咁你應該會handle到。

Btw撇除check嘢呢個典型症狀你地仲有冇其他，因為其實check嘢只係我其中一part症狀對我影響唔係最大，反而係思想上既pure ocd對我影響大啲，例如唔受控制係心入面無啦啦屌鳩人。或者一啲性同暴力既諗法等，我幾年前最差個陣都差啲想去死，上兩年社會運動加疫情搞到我情緒超差，食開舍曲林副作用又多又無咩用，上個月覆診consult 完醫生轉咗食倍思樂，呢段時間感覺情緒有改善副作用都無咁多，不過都唔敢太放鬆強迫症係時好時壞既長期病，都唯有見步行步

以往我係當一個項目檢查得完美既時侯
先會正式解決一個強迫思維
但今次呢個卡左關好耐.....
成日都係check野被打斷
開頭check真係唔會咁難受 但當頭幾次都接連被打斷
之後檢查既項目仲開始增多 編埋入同一程序
而家開始陷入左個死循環...
琴晚check完手機覺得完美
之後到check電腦既最後果part被屋企人打斷左....
因為怕佢走入我房
搞到check電腦最後果part 要急住做檢查
而家經常諗想重新再check
而家都盡量說服自己 雖然兩者係同一程序
但就係兩樣唔同既野....可以只重新check電腦果part
同埋會回想起琴日急住做最後檢查果part既記憶影像....

叫外賣扔飯盒我check飯盒係無野，拿錢入錢都要check無漏野

你係咪睇漫畫相比起其他書更符合自己既興趣?
我睇動畫都成日係咁
有時d對白漏左幾隻字睇唔切
但成句既意思都明白
都忍唔住後退返一段時間睇返
又或者直接睇完呢集動畫
等到播ed再開個新視窗回帶返睇漏左果一段

推

個whatsapp好煩......
呢幾日又要求用戶拎權限同fb共享資訊
正當想關app果陣又突然彈出黎
強迫症又想出黎

呢個應該唔算OCD, 好多人包括我都會。Ching你情況應該都幾影響日常生活，係咪已經睇緊醫生有食藥，定上面有講如果我睇漏唔好介意

屌我成日都係咁
1.要跟次序做某樣野，比野打斷左要重新做過
2.做完都會諗下可以再做好d之後再翻做，loop住咁
有時訓教前要諗某樣野，之後一有野騷擾會打斷再重新諗好攰